Jaceuq 119:66 - Akha

⁶⁶ Nawˬ-euˬ dawˬ-ahˇ ngaˇ gʼoe-eu miˇ neh, zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ biꞈ laꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶⁶ Ngar, nawq-euq zanrdawq khofdawq-anr jan-eu mirnae, Ngaq-anr yarkhaq yawmuiq-aer dar-eu jeq hawr-eu siqnya-eu tsawrganr maeqnaeq laf-awq.

Jaceuq 119:66 Referans Kwoze

Piˇliˇpiˆ 1:9

Naw maꞈ-euˬ gʼoeˇ-eu gaˬ-eu jeˬ tiˬ jawˇ saˇ-iˬ tiˬ jawˇ huiˬ laˇ mahˇ laˇ-eu laꞈ kʼoeˇ, yaw tsaˬ yaw dawˇ jeˬ-ahˇ siˬ duˬ mawˇ duˬ nya laˇ-awˇ, yaw muiˬ yaw doeˇ tseˇ paˆ geuꞈ nya laˇ ni ngaˇ guiˬ lahˬ shaˇ-eu ma.

1 Sahˬpaˬ 3:9

Kʼoeˇ miˇ neh, nawˬ-euˬ tsawˇ jeuˬ kʼoeˇ taˆ yaw tsaˬ yaw dawˇ dawˇ-ehˇ uˆ lahˇ nya ni maˬ ehˇ, yaw muiˬ yaw doeˇ tseˇ paˆ geuꞈ nya ni maˬ ehˇ, loˬ-eu zaˬ siˬ tsawˇ gahˇ ngaˬ-ahˇ biꞈ nehˬ laꞈ-awˬ. Kʼoeˇ loꞈ-ehˇ maˬ ngeuˇ naˇ, myaˬ dui dui-eu nawˬ-euˬ tsawˇ jeuˬ heu jeuˬ-ahˇ aˬ suˇ gʼaˬ uˆ lahˇ nya nmˇ.”

Maꞈtehˬ 13:11

Yeˬsuˇ ehˇ-eu, “Mˬtaˆ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, aˬ yawꞈ maꞈ-ahˇ maˬ biꞈ taˬ-aˬ.

Jaceuq 119:128

Kʼoeˇ miˇ neh, nawˬ neh mehˬ nehˬ tsoˆ nehˬ laꞈ-euˬ loꞈ-ehˇ ngaˇ dehꞈ-awˇ, maˬ tsaˬ maˬ dawˇ-eu jeˬ-ahˇ ngaˇ bye-eu ma.

Jaceuq 119:34

Nawˬ-euˬ zahˇ dawˬ kʼoꞈ dawˬ-ahˇ ngaˇ caw teh-awˇ, nui ma gʼawˇ mawˇ laꞈ kʼoeˇ juiˇ taˬ nya-eu gʼaˇ duˬ, ngaˇ gʼoˆ shaw nya ni mehˬ nehˬ laꞈ.

Dawqdaq 8:20

Yaw tsaˬ yaw dawˇ gaˇ jawˬ-ahˇ ngaˇ cah-awˇ, yaw sui yaw dawˇ gaˇ ma-ahˇ ngaˇ iˇ-eu laꞈ kʼoeˇ,

Jaceuq 119:172

Nawˬ-euˬ zahˇ dawˬ kʼoꞈ dawˬ tsaˬ-eu dawˇ-eu miˇ neh, nawˬ-euˬ dawˬ-ahˇ caˇ-awˇ ja ceuˬ-eu ma.

Jaceuq 119:160

Nawˬ-euˬ zahˇ dawˬ kʼoꞈ dawˬ-euˬ puˇ nmꞈ-aˬ, yaw tsaˬ yaw dawˇ jeˬ meh. nawˬ neh yaˇ kʼaˬ daˇ-eu jeˬ-aˬ, mˬ maˬ maˬ byaˆ zaˇ ziˇ gmˬ meh.

1 Sahˬpaˬ 3:28

Sawˇlaˬmoˬ neh yaˇ kʼaˬ daˇ nehˬ-euˬ gaˇ kawˆ kʼoeˇ Iˇsaˬleˬlaˆ tsawˇ haˬ deuˬ ya gaˬ ngeh, aˬ yawꞈ-ahˇ yaw zeu baw dui dui-euˬ meh. Aˬ jeˬ miˇ neh ehˇ naˇ, yaw tsaˬ yaw dawˇ dawˇ-ehˇ yaˇ kʼaˬ daˇ nya-eu zaˬ siˬ tsawˇ gahˇ aˬ yawꞈ-ahˇ Miˬyehˇ biꞈ nehˬ-euˬ gaˇ kawˆ, kʼoeˇ ngeh jawˇ aˬ yawꞈ maꞈ siˬ duˬ-euˬ meh.

Yaˇ kʼaˬ daˇ 3:15

Kʼoeˇ naˇ, Iˇsaˬleˬlaˆ tsawˇ haˬ deuˬ ngoeˇ ngoeˇ-ehˇ guˇ-eu miˇ neh, aˬ yawꞈ maꞈ-ahˇ bi ka kʼoꞈ-eu gʼaˇ duˬ, Sahˬpaˬ Miˬyehˇ tsawˇ haˬ tiˬ gʼaˬ pyehˬ gʼeh-euˬ meh. Tsawˇ haˬ kʼoeˇ gʼaˬ-aˬ, Beˬyaˬmiˬ tsawˇ jeuˬ Geˬlaˬ-euˬ aˬ li Eˬhuˇdaˆ aˇ ca pyeuꞈ-eu meh. Iˇsaˬleˬlaˆ tsawˇ haˬ deuˬ-aˬ, Eˬhuˇdaˆ-ahˇ kʼehˇ-awˇ, Mawˇbaˆ sahˬ paˬ Eˇgaˬloˬ jawˇ gaˇ laꞈ sawˬ bi sha ha-iˇ-euˬ meh.