Jaceuq 119:49 - Akha

⁴⁹ Nawˬ-euˬ zaˬ kʼaˆ-ahˇ biꞈ taˬ-euˬ nawˬ-euˬ saˇ jaˇ-ahˇ taˬ ngehˇ nehˬ laꞈ. Ngaˬ-euˬ noeˬ tmˬ duˬ kʼoeˇ gaˇ jaˆ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁹ Nawq nae ngaq-anr noeqtmq-eu jeq bifnaeq laf-euq, Nawq-euq kuirlaf zaqkhav-anr bif-euq dawq-anr taqngaer naeqlaf.

Jaceuq 119:49 Referans Kwoze

2 Saˬmeuˬlaˆ 7:25

“Sahˬpaˬ Miˬyehˇ pyeuꞈ-eu Miˬyehˇ-oˇ, ngaˬ-ahˇ maˬ ehˇ, ngaˬ-euˬ zaˬ deuˬ uˆ deuˬ-ahˇ maˬ ehˇ, nawˬ neh saˇ jaˇ dzaˬ taˬ-euˬ jeˬ aˬ myah luꞈ bi keuˆ le-awˇ, nawˬ neh mˇ ma lehˇ ehˇ taˬ-euˬ loꞈ-ehˇ mˇ nehˬ laꞈ-awˬ.

Jaceuq 106:45

Aˬ yawꞈ maꞈ-euˬ gʼaˇ duˬ dawˬ ma saˇ jaˇ-ahˇ noeˬ keuˆ nehˬ-awˇ, aˬ yawꞈ-euˬ huiˬ-eu gʼoeˇ-eu gaˬ-eu jeˬ baˬ da neh, aˬ yawꞈ nui ma juˆ-iˇ-eu laꞈ kʼoeˇ,

Jaceuq 106:4

Sahˬpaˬ Miˬyehˇ-oˇ, nawˬ-euˬ tsawˇ haˬ deuˬ-ahˇ nawˇ ngehˬ gʼeh ngeh, ngaˬ-ahˇ taˬ ngehˇ nehˬ laꞈ. Aˬ yawꞈ maꞈ-ahˇ nawˇ ka kʼoꞈ ngeh, ngaˬ-ahˇ taˬ byehˇ dzeh nehˬ laꞈ.

Jaceuq 119:81

Sahˬpaˬ Miˬyehˇ-oˇ, nawˇ ka kʼoꞈ le gaˇ maˬ dawˬ coeˇ laˇ miˇ-a. Nawˬ-euˬ dawˬ-ahˇ ngaˇ jah-eu ma.

Jaceuq 105:42

Aˬ yawꞈ-euˬ zaˬ kʼaˆ Aˬbyaˬhaˬ nehˬ-ehˇ dzaˬ-euˬ, muiˬ-eu shawˇ-eu dawˬ ma saˇ jaˇ-ahˇ, aˬ yawꞈ noeˬ mawˇ-euˬ meh.

1 Beˬtuˆluˆ 1:13

Kʼoeˇ miˇ neh, naw maꞈ-euˬ nui ma lehˬ hmˬ dah taˬ-awˬ. Yaw beuˇ beuˇ-ehˇ dehꞈ-awˇ, Yeˬsuˇ Ka li-ahˇ bya cehˆ ni ya mawˇ ngeh nah naw maꞈ-ahˇ biꞈ-eu lehˇ lehˬ hmˬ taˬ-euˬ guiˬ lahˬ yaw dzahˇ-ahˇ tehꞈ-ehˇ noeˬ tsoˆ taˬ-awˬ.

Jaceuq 119:74

Nawˬ-euˬ saˇ jaˇ-ahˇ ngaˇ gʼoe-eu miˇ neh, nawˬ-ahˇ taˬ huiˬ-eu tsawˇ haˬ deuˬ ngaˬ-ahˇ mawˇ ngeh, laˬ kʼaˬ cehˇ nui kʼahˇ shiˇ tehꞈ-a.

Jaceuq 71:14

Nawˬ-ahˇ ngaˇ aˬ myah luꞈ noeˬ tmˬ ma. Tiˬ nah taꞈ-ehˇ tiˬ nah nawˬ-ahˇ ngaˇ ja ceuˬ ma.

Iˇsaˬyaˇ 62:6

Yeˬluˇsaˬlehˬ meuˬ-oˇ, nawˬ-euˬ meuˬ lahˇ kʼoeˇ taˆ, meuˬ-ahˇ loꞈ piˇ-eu tsawˇ haˬ ngaˇ pyehˬ taˬ-eu ma. Uˬ ciꞈ nah gʼahˇ maˬ ehˇ aˬ yawꞈ maꞈ ciˬ cuˇ ni maˬ ya jawˇ-ehˇ, Sahˬpaˬ Miˬyehˇ aˬ yawꞈ-euˬ saˇ jaˇ-ahˇ maˬ ya ngehˇ ni, maˬ naˬ leˇ ni ya ehˇ noeˬ nehˬ-eu meh.

Lormav 15:13

Muiˬ-eu Shawˇ-eu Yaw sahˇ Miˬyehˇ-euˬ baoˬ baˬ da neh naw maꞈ-euˬ noeˬ tmˬ-eu jeˬ huiˬ laˇ mahˇ laˇ nya ni, naw maꞈ Miˬyehˇ-ahˇ jah-eu jeˬ-ahˇ gʼoe-awˇ, noeˬ tmˬ-eu jeˬ-euˬ dawˬ pehˬ duˬ puˇ pyeuꞈ-eu Miˬyehˇ naw maꞈ-ahˇ laˬ kʼaˬ cehˇ nui saˇ za-eu jeˬ bi byah laˇ luꞈ-uˇ.

Jaceuq 119:147

Nahˇ ma maˬ doˆ laˇ mi naˆ-ehˇ nawˬ-ahˇ ngaˇ shaˇ-eu ma. Nawˬ-euˬ saˇ jaˇ-ahˇ ngaˇ noeˬ tmˬ-eu ma.

Jaceuq 119:43

Nawˇ yaˇ kʼaˬ daˇ-eu jeˬ-ahˇ ngaˇ noeˬ tmˬ luꞈ-eu miˇ neh, aˬ myah luꞈ tsaˬ-eu dawˇ-eu dawˬ ngehˬ nya ni caw ba nehˬ laꞈ.

Jaceuq 105:2

Sahˬpaˬ Miˬyehˇ-ahˇ caˇ-awˇ ja ceuˬ-awˬ. Aˬ yawꞈ neh mˇ-euˬ kʼaˆ jeˬ-ehˇ gʼeh-eu gaˇ deuˬ, aˬ cawˬ-ahˇ dzawˇ nehˬ-awˬ.

Yawˇbaˆ 7:7

“Miˬyehˇ-oˇ, ngaˇ yaw dehꞈ dehꞈ-eu jeˬ-aˬ, saꞈ gʼawˇ luꞈ-eu jaˬ lehˇ-ahˇ duˇ gaˇ noeˬ keuˆ nehˬ laꞈ yawˬ. Ngaˇ laˬ kʼaˬ cehˇ-eu jeˬ dzeuˇ jiˇ-euˬ meh.

2 Saˬmeuˬlaˆ 5:2

Dzeuˇ laˇ ngeh, Sawˇluˆ nga maꞈ-euˬ sahˬ paˬ geuꞈ luꞈ ngeh kʼawꞈ, guiˇ deuˆ-eu paw Iˇsaˬleˬlaˆ tsawˇ jeuˬ-ahˇ nawˇ sheuˬ gʼeh-awˇ, Sahˬpaˬ Miˬyehˇ-euˬ tsawˇ jeuˬ-ahˇ nawˬ neh bi sheuˬ gʼeh-awˇ, aˬ yawꞈ maꞈ kʼoeˇ taˆ bi uˆ lahˇ ma lehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh.”

Aˇ dahˬ 32:9

Kʼoeˇ naˇ, Yaˬkoˆ heu loꞈ-ehˇ guiˬ lahˬ shaˇ-euˬ meh. “Ngaˬ bawˇ Aˬbyaˬhaˬ hawˇ-eu ngaˬ da Iˇtsaˆ-euˬ Miˬyehˇ-oˇ, ngaˬ-euˬ guiˬ lahˬ shaˇ dawˬ-ahˇ naˇ haˬ nehˬ laꞈ-awˬ. Sahˬpaˬ Miˬyehˇ-oˇ, ngaˬ-euˬ aˬ yuiꞈ aˬ nyiˇ deuˬ jawˇ-eu ngaˬ-euˬ miˇ kʼahˬ-ahˇ gʼoꞈ-iˇ-awˬ lehˇ, nawˇ ngaˬ-ahˇ kʼehˇ-awˇ, yawˬ jeˬ na luꞈ laꞈ kʼoeˇ nawˇ ngaˬ-ahˇ haw piˇ nehˬ ma lehˇ ehˇ taˬ-euˬ meh.

Aˇ dahˬ 8:1

Noˇaˬ hawˇ-eu aˬ yawꞈ nehˬ-ehˇ saˇ baoˬ laꞈ kʼoeˇ kʼaˇ uˇ-eu jeˬ zaˬ deuˬ-ahˇ Miˬyehˇ maˬ ngehˇ-a. Aˬ yawꞈ jaˬ lehˇ bi baw laˇ-awˇ, iˇ cuꞈ bi aw-iˇ-euˬ meh.

1 Beˬtuˆluˆ 1:21

Aˬ yawꞈ-ahˇ shiˇ-euˬ gaˇ bi gʼoꞈ dehꞈ laˇ-awˇ yaw shehꞈ kʼahˬ sehˇ biꞈ nehˬ-euˬ gʼaˬ pyeuꞈ-eu Miˬyehˇ-ahˇ, aˬ yawꞈ baˬ da neh naw maꞈ jah laˇ-euˬ meh. Kʼoeˇ miˇ neh, naw maꞈ jah-awˇ noeˬ tmˬ-eu jeˬ-aˬ, Miˬyehˇ tiˬ gʼaˬ tehꞈ meh.