Jaceuq 119:45 - Akha

⁴⁵ Nawˇ mehˬ nehˬ tsoˆ nehˬ-euˬ dawˬ-ahˇ ngaˇ leh jeh-awˇ caw teh-eu miˇ neh, kʼahˬ lahˇ kʼaˇ maˬ za ni ngaˇ dehꞈ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁵ Ngar, nawq-euq maeqdawq-anr povtser-eu mirnae, Buq-ir-euq tsawrhaq lof-aer yadaef ma.

Jaceuq 119:45 Referans Kwoze

Jaceuq 119:133

Nawˬ neh saˇ jaˇ dzaˬ taˬ-eu loꞈ-ehˇ ngaˬ-ahˇ taˬ bi coˬ-iˇ laꞈ. Yaw haiˬ jeˬ ngaˬ-ahˇ taˬ bi gʼaˬ leˇ laꞈ.

Yaˬkoˆ 1:25

Ehˇ kʼawꞈ, tsawˇ haˬ zaˬ-ahˇ bi buˬ bi law-iˇ-eu byah dui dui-eu zahˇ dawˬ kʼoꞈ dawˬ-ahˇ haw duˬ-awˇ, kʼaˇ ya gaˬ-euˬ jeˬ maˬ ngehˇ byoˆ ni yaw muiˬ paˬ-ehˇ caw teh-awˇ mˇ gʼeh shaˇ gʼeh-eu tsawˇ haˬ-aˬ, aˬ yawꞈ kʼaˇ mˇ kʼaˇ shaˇ-eu jeˬ laꞈ koeˇ Miˬyehˇ guiˬ lahˬ biꞈ nehˬ tehꞈ-a.

Dawqdaq 4:12

Nawˇ gaˇ ma cah ngeh pehˆ toˆ kʼaˇ maˬ za-ehˇ, nawˇ cehˆ coeˬ coeˬ ngeh sahˬ tiꞈ maˬ tiꞈ-aˇ.

Jaceuq 119:94

Ngaˇ nawˬ-euˬ ma. Ngaˬ-ahˇ ka kʼoꞈ nehˬ laꞈ-awˬ. Nawˬ-euˬ zahˇ dawˬ kʼoꞈ dawˬ-ahˇ ngaˇ leh jeh-awˇ caw teh luꞈ ma.

Yoˇhaˬ 5:39

Jaˇ liꞈ laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ-ahˇ poˆ mawˇ nya tehꞈ-a lehˇ naw maꞈ noeˬ-awˇ, Jaˇ liꞈ gui-eu meh. Naw maꞈ gui-eu Jaˇ liꞈ kʼoeˇ-euˬ laꞈ kʼoeˇ, ngaˬ-euˬ gaˇ kawˆ ehˇ taˬ-euˬ meh.

2 Beˬtuˆluˆ 2:19

Yawˬ ha luˬ-iˇ seˇ-iˇ-eu jeˬ-euˬ zaˬ kʼaˆ geuꞈ geuꞈ-ehˇ shaˬ luꞈ ngeh, aˬ cawˬ-ahˇ bi buˬ-iˇ nya ma lehˇ aˬ yawꞈ maꞈ saˇ jaˇ dzaˬ-eu meh. Aˬ jeˬ miˇ neh ehˇ naˇ, tsawˇ haˬ tiˬ gʼaˬ-aˬ, yawˬ ha-ahˇ kʼaˇ uˆ gʼaˬ taˬ-euˬ jeˬ-euˬ zaˬ kʼaˆ pyeuꞈ-eu meh.

Yaˬkoˆ 2:12

Aˬ dui-ahˇ bi buˬ-iˇ laꞈ-euˬ zahˇ dawˬ kʼoꞈ dawˬ kʼoeˇ neh yaˇ kʼaˬ ya bi daˇ meh lehˇ siˬ nya-eu tsawˇ haˬ loꞈ-ehˇ ngehˬ-awˬ tmˇ-awˬ, mˇ-awˬ shaˇ-awˬ.

Eˇpeˇsu 5:17

Dawˇ ga maˬ paˇ ga ni, Sahˬpaˬ Yeˬsuˇ naw maꞈ-ahˇ bi mˇ mawꞈ-eu jeˬ-ahˇ siˬ nya-awˬ.

Luˇkaꞈ 4:18

“Sahˬpaˬ Miˬyehˇ-euˬ Yaw sahˇ-aˬ, ngaˬ-euˬ kʼoeˇ taˆ keuˆ le-euˬ meh. Aˬ jeˬ miˇ neh ehˇ naˇ, shaˬ-eu zahˬ-eu tsawˇ haˬ deuˬ-ahˇ, guiˬ lahˬ dawˬ bi mehˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-euˬ meh. paꞈ taˬ-euˬ deuˬ-ahˇ pyehˬ nehˬ-awˇ, myaˆ behꞈ deuˬ myaˆ nuiˆ mawˇ laˇ ni, bi kʼehˬ-euˬ deuˬ ya law-iˇ ni, dawˬ tsaꞈ dawˬ dzawˇ mˇ-eu gʼaˇ duˬ, aˬ yawꞈ ngaˬ-ahˇ kʼehˇ leꞈ-euˬ meh.

Dawˬ tsoˆ 1:13

Zaˬ siˬ tsawˇ gahˇ-ahˇ gʼoe-awˇ, mˬ heu siˬ-euˬ uˬ moˆ kʼaˇ pyeuꞈ luꞈ-eu jeˬ dawˬ tawˆ luꞈ-ahˇ pyehˆ tseˇ haw-eu gʼaˇ duˬ ngaˇ noeˬ tsehˆ-euˬ ma. Tsawˇ haˬ zaˬ-ahˇ Miˬyehˇ neh ciˬ baꞈ ciˬ pi nehˬ-euˬ kʼaˆ behˆ aˇ naˆ ni kah-eu nga.

Dawqdaq 18:1

Aˬ cawˬ-ahˇ maˬ dehꞈ tsaˬ nya-eu tsawˇ haˬ, yawˬ ha nui noeˬ tehꞈ-ehˇ geuꞈ-awˇ, aˬ cawˬ-euˬ dawˬ maˬ geuꞈ-a.

Jaceuq 119:162

Nawˬ-euˬ saˇ jaˇ baˬ da neh ngaˇ aˇ naˆ ni laˬ kʼaˬ ya cehˇ-eu nga. Pyuˇ pahˬ shuiˇ pahˬ mawˇ-euˬ deuˬ naˆ ni laˬ kʼaˬ cehˇ-eu ma.

Jaceuq 119:148

Uˬ ciꞈ miˇ lah-ehˇ ngaˇ yaw noeˬ-ehˇ yuꞈ-awˇ, nawˬ neh mehˬ nehˬ tsoˆ nehˬ laꞈ-euˬ dawˬ-ahˇ shaˇ noeˬ-euˬ ma.

Jaceuq 119:19

Ngaˇ miˇ tsaˬ kʼoeˇ taˆ tiˬ kʼehˇ laˇ kʼehˬ dehꞈ-eu tehꞈ ma. Nawˬ-euˬ zahˇ dawˬ kʼoꞈ dawˬ taˬ yuˇ zaꞈ nehˬ laꞈ.

Jaceuq 119:71

Ngaˬ-ahˇ kʼehˬ nehˬ kʼaˆ nehˬ laꞈ-euˬ jeˬ muiˬ-eu meh. Aˬ jeˬ miˇ neh ehˇ naˇ, nawˬ-euˬ dawˬ-ahˇ ngaˇ siˬ nya laˇ ni jahˇ nehˬ laꞈ-euˬ meh.

Jaceuq 119:32

Nawˬ-euˬ zahˇ dawˬ kʼoꞈ dawˬ-ahˇ ngaˇ nui ma keuˆ-awˇ naˇ haˬ geuꞈ-eu ma. Aˬ jeˬ miˇ neh ehˇ naˇ, nawˇ ngaˬ-ahˇ noeˬ siˬ noeˬ mawˇ nya-eu guiˬ lahˬ biꞈ laꞈ tehꞈ-a.