Jaceuq 119:165 - Akha

¹⁶⁵ Nawˬ-euˬ zahˇ dawˬ kʼoꞈ dawˬ-ahˇ gaˬ-eu deuˬ guˆ kʼaˇ maˬ za-ehˇ, aˬ yawꞈ maꞈ coˬ-iˇ ni maˬ jahˇ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶⁵ Nawq-euq zanrdawq-anr gaq-eu deuq-aq, Nuisar of-eu jeq huiq duidui-awr, Tiqjeq-iq, aqyawf maf-anr sanqtif maqbi tifler nya-a.

Jaceuq 119:165 Referans Kwoze

Iˇsaˬyaˇ 32:17

Tsawˇ haˬ yawˬ gʼaˬ na luꞈ yaw tsaˬ yaw dawˇ jeˬ-ahˇ poˆ-eu miˇ neh, nui saˇ oꞈ-awˇ coꞈ ngehˇ ni gʼeh-eu jeˬ, mˬ maˬ maˬ byaˆ zaˇ ziˇ keuˆ le tehꞈ-a.

Iˇsaˬyaˇ 26:3

Nui ma ziꞈ dah ni gʼeh-awˇ, nawˬ-ahˇ jah-eu tsawˇ haˬ deuˬ-ahˇ, byah dui dui-eu nui saˇ oꞈ-eu jeˬ, Sahˬpaˬ Miˬyehˇ nawˇ biꞈ nehˬ-awˬ.

Yoˇhaˬ 14:27

“Ngaˬ neh naw maꞈ-ahˇ biꞈ taˬ yaꞈ-euˬ jeˬ-aˬ, nui saˇ oꞈ-eu jeˬ pyeuꞈ-eu ma. Ngaˇ nui saˇ oꞈ-eu jeˬ biꞈ-eu-aˬ, miˇ tsaˬ zaˬ deuˬ nui saˇ oꞈ-eu jeˬ biꞈ gaˇ maˬ duˇ. Naw maꞈ nui ma shaˬ zahˬ taˬ mˇ. Taˬ guˆ.

Piˇliˇpiˆ 4:7

Yeˬsuˇ Ka li laꞈ kʼoeˇ naw maꞈ nui saˇ oꞈ-eu jeˬ za nya ni, tsawˇ haˬ zaˬ maˬ noeˬ doˆ coeˇ-eu Miˬyehˇ-euˬ nui saˇ oꞈ-eu jeˬ naw maꞈ-ahˇ caw ba tehꞈ-a.

Dawqdaq 3:23

Nawˬ-euˬ gaˇ ma-ahˇ nawˇ nui saˇ oꞈ-eu laꞈ kʼoeˇ ya cah-awˇ, sahˬ tiꞈ tiꞈ kʼaˇ maˬ za-aˇ.

Dawqdaq 3:17

Zaˬ siˬ tsawˇ gahˇ kaˇ iˇ gaˇ laˬ kʼaˬ cehˇ-eu jeˬ byah-awˇ, aˬ yawꞈ-euˬ gaˇ ma-ahˇ nui saˇ oꞈ-eu jeˬ jaˆ-eu meh.

1 Yoˇhaˬ 2:10

Yawˬ ha-euˬ tsawˇ haˬ pyeuꞈ-eu Ka li zaˬ deuˬ-ahˇ gaˬ-eu gʼoeˇ-eu tsawˇ haˬ-aˬ, yaw shehꞈ laꞈ kʼoeˇ jawˇ luꞈ-awˇ, aˬ yawꞈ baˬ da neh aˬ cawˬ iˬ baˇ mˇ-eu jeˬ maˬ jaˆ-a.

Iˇsaˬyaˇ 57:21

Iˬ baˇ mˇ-eu tsawˇ haˬ nui saˇ maˬ oꞈ-a” lehˇ, Sahˬpaˬ Miˬyehˇ ehˇ taˬ-euˬ meh.

Iˇsaˬyaˇ 28:13

Kʼoeˇ miˇ neh naw maꞈ-ahˇ Sahˬpaˬ Miˬyehˇ, heu jeˬ mˇ, kʼoeˇ jeˬ mˇ lehˇ, zahˇ sahˇ kʼoꞈ heu, zahˇ sahˇ kʼoꞈ kʼoeˇ lehˇ, tiˬ tiˆ saˇ-i tiˬ tiˆ mehˬ-eu lehˇ gʼeh-eu meh. Naw maꞈ kuiˇ toꞈ aˬ yawꞈ toꞈ yawꞈ sahˬ tiꞈ tiꞈ-awˇ, laˆ tahˬ laˆ naˇ gʼaˬ-awˇ lahˇ ju-ahˇ paꞈ leˇ-eu uˬ taꞈ, aˬ cawˬ neh bi nyehꞈ gʼeh tehꞈ-a.

Maꞈtehˬ 13:21

Ehˇ kʼawꞈ, duˬ ciˇ maˬ toeˬ ziꞈ nya-eu miˇ neh, gʼawˬ myahˇ ni maˬ gmˬ-a. Dawˬ kʼoeˇ deuˬ-ahˇ ha geuꞈ-euˬ baˬ da neh shaˬ-eu zahˬ-eu jeˬ hawˇ-eu kʼehˬ-eu kʼaˆ-eu jeˬ-ahˇ ya daˬ ngeh, tiˬ poˆ tehꞈ-ehˇ coˬ-iˇ-eu meh.

Maꞈtehˬ 24:24

Aˬ jeˬ miˇ neh ehˇ naˇ, Ka li jaˬ myawꞈ deuˬ hawˇ-eu, Miˬyehˇ gʼaˇ duˬ ngehˬ dah-eu jaˬ myawꞈ deuˬ doˆ le tehꞈ-a. Aˬ yawꞈ maꞈ zahˬ dui dui leˇ paˬ-ehˇ gʼeh-eu jeˬ hawˇ-eu, kʼaˆ jeˬ-ehˇ gʼeh-eu jeˬ mˇ mehˬ-eu laꞈ kʼoeˇ, gʼeh nya naˇ, Miˬyehˇ neh tseˇ doˆ-euˬ tsawˇ haˬ deuˬ-ahˇ kʼawꞈ mehˇ shuiˇ shuiˇ tawˆ-awˇ, gaˇ ma sheuˬ bahˬ gʼeh tehꞈ-a.

Iˇsaˬyaˇ 57:14

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ jeuˬ-ahˇ ngaˇ jawˇ gaˇ gʼoꞈ laˇ-eu gʼaˇ duˬ, gaˇ jawˬ lehˬ hmˬ laˆ saˆ dahˇ-awˇ, gaˇ ma-ahˇ tsoeˬ-eu jeˬ yuˇ dzeh jiˇ-awˬ.

Jaceuq 119:56

Nawˬ-euˬ dawˬ-ahˇ naˇ haˬ geuꞈ-eu jeˬ laꞈ kʼoeˇ, ngaˇ laˬ kʼaˬ cehˇ nui saˇ za-eu ma.