Jaceuq 119:139 - Akha

¹³⁹ Ngaˬ-ahˇ muiˇ-eu deuˬ nawˬ-euˬ dawˬ-ahˇ yaw zeu maˬ baw-eu miˇ neh, ngaˇ nui ma pehˇ-eu jeˬ miˬ dzaˬ doꞈ luꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³⁹ Ngaq-anr muir-eu deuq, nawq-euq dawq-anr ngaer-eu mirnae, Ngar nuima keuv-eu jeq, miqdzaq dofluf-eu lof-aer javluf mir-a.

Jaceuq 119:139 Referans Kwoze

Yoˇhaˬ 2:17

Kʼoeˇ ngeh, “Miˬyehˇ-oˇ, nawˬ-euˬ nymˇ-ahˇ ngaˇ gaˬ-eu ngaˬ-euˬ nui ma laꞈ kʼoeˇ miˬ dzaˬ doꞈ gaˇ duˇ miˇ-a” lehˇ Jaˇ liꞈ laꞈ kʼoeˇ boꞈ taˬ-euˬ kʼoeˇ tsahˇ, aˬ yawꞈ-euˬ zaˬ lahˇ deuˬ-ahˇ noeˬ doˆ leˇ-euˬ meh.

Jaceuq 69:9

Nawˬ-euˬ Uˬ duˬ tahˬ nymˇ nymˇ ma-ahˇ nui ma keuˆ-awˇ uˬ duˬ tahˬ-eu jeˬ, ngaˬ-euˬ nui ma laꞈ kʼoeˇ miˬ dzaˬ doꞈ-eu loꞈ-ehˇ jaˆ-awˇ, nawˬ-euˬ dah zaˇ ngaˇ dawˬ doeˇ daˬ luꞈ-eu ma.

Gʼaˬkʼehˇ 13:27

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ hawˇ-eu aˬ yawꞈ maꞈ-euˬ aˬ yuiꞈ aˬ tsu deuˬ-aˬ, aˬ yawꞈ Ka kʼoꞈ-eu gʼaˬ pyeuꞈ-eu gaˇ kawˆ siˬ nya-eu maˬ ngeuˇ-a. Jawˇ nah aˬ yawꞈ nah yawꞈ gui luꞈ-eu Miˬyehˇ gʼaˇ duˬ ngehˬ dah-eu deuˬ-euˬ dawˬ-ahˇ kʼawꞈ, aˬ yawꞈ maꞈ maˬ siˬ nya-a. Ehˇ kʼawꞈ, aˬ yawꞈ maꞈ Yeˬsuˇ-ahˇ muiˇ-eu laꞈ kʼoeˇ, Miˬyehˇ gʼaˇ duˬ ngehˬ dah-eu deuˬ neh ehˇ taˬ-euˬ dawˬ byah laˇ ni jahˇ-euˬ meh.

1 Sahˬpaˬ 19:10

“Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ gaˇ tehꞈ-ehˇ ngaˇ aˬ myah luꞈ mˇ luꞈ-eu ma. Ehˇ kʼawꞈ, Iˇsaˬleˬlaˆ tsawˇ haˬ deuˬ nawˬ-ahˇ saˇ jaˇ puiˬ-awˇ, nawˬ-euˬ lawˇ duˬ deuˬ laˆ cawˆ jiˇ-awˇ, nawˬ-euˬ gʼaˇ duˬ ngehˬ dah-eu deuˬ dawˬ tawˆ luꞈ-ahˇ sehꞈ-euˬ meh. Ngaˇ tiˬ gʼaˬ tehꞈ-ehˇ dzeˇ-awˇ, ngaˬ-ahˇ kʼawꞈ aˬ yawꞈ maꞈ sehꞈ-eu lehˇ leh jeh luꞈ meh.”

Maꞈtehˬ 22:29

Aˬ yawꞈ maꞈ-ahˇ Yeˬsuˇ ehˇ nehˬ-eu, “Naw maꞈ lehˬ dui dui meh. Aˬ jeˬ miˇ neh ehˇ naˇ, naw maꞈ Jaˇliꞈ maˬ siˬ nya-a.

Maꞈtehˬ 21:42

Aˬ yawꞈ maꞈ-ahˇ Yeˬsuˇ ehˇ nehˬ-eu, “Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ naw maꞈ tiˬ jawˇ-iˬ maˬ gui haw-aˬ loˇ. ‘Nymˇ gawˬ-eu deuˬ maˬ geuꞈ nahˇ-ehˇ, baꞈ dzeh taˬ-euˬ kʼaˬ lo kʼoeˇ siˬ, kʼaˬ lo dawˬ tawˆ maˬ tseˇ poeˬ-eu, laꞈ coeˇ lo ziꞈ pyeuꞈ laˇ-euˬ meh. SahˬpaˬMiˬyehˇ neh jahˇ-euˬ kʼoeˇ, aˇ naˆ ni zahˬ leˇ duˬ jaˆ nga.’

Maꞈtehˬ 21:16

Kʼoeˇ miˇ neh, aˬ yawꞈ maꞈ Yeˬsuˇ-ahˇ ehˇ-eu, “Zaˬ teu deuˬ aˬ jeˬ guˇ luꞈ-eu nawˬ-ahˇ maˬ gaˬ laˇ nya loˇ.” Yeˬsuˇ ehˇ-eu, “Ngaˇ gaˬ luꞈ ma. ‘Zaˬ yaw nyiˇ deuˬ hawˇ-eu zaˬ nahˬ deuˬ tiˬ byah tiˬ loꞈ ja ceuˬ nya laˇ ni, nawˇ mehˬ nehˬ tsoˆ nehˬ-euˬ meh’ lehˇ ehˇ taˬ-euˬ jaˇ liꞈ dawˬ kawˬ-ahˇ naw maꞈ tiˬ poˆ-iˬ maˬ gui haw-aˬ loˇ.”

Maꞈtehˬ 21:13

Tsawˇ haˬ kʼoeˇ deuˬ-ahˇ aˬ yawꞈ ehˇ nehˬ-eu, “‘Ngaˬ-euˬ Uˬ duˬ tahˬ nymˇ nymˇ ma-ahˇ guiˬ lahˬ shaˇ-eu nymˇ lehˇ kuˇ tehꞈ-a’ lehˇ, Miˬyehˇ neh ehˇ taˬ-euˬ gaˇ kawˆ Jaˇliꞈ laꞈ kʼoeˇ boꞈ taˬ-euˬ meh. Ehˇ kʼawꞈ, Uˬ duˬ tahˬ nymˇ nymˇ ma heu smˇ kʼoeˬ tahˇ joe-euˬ baˇ shmˇ duˬ pyeuꞈ-iˇ ni naw maꞈ jahˇ luꞈ-eu ngaˇ.”

Maꞈtehˬ 9:13

‘Lawˇ-eu shehˇ-eu jeˬ-ahˇ ngaˇ geuꞈ mawꞈ-eu maˬ ngeuˇ. Gʼawˬ shaˬ gaˬ nya-eu jeˬ-ahˇ ngaˇ geuꞈ mawꞈ-eu ma’ lehˇ, Miˬyehˇ neh ehˇ-euˬ dawˬ kʼoeˇ dawˬ-euˬ dawˬ tsuiꞈ naw maꞈ dzaw duˬ-iˇ-awˬ. Aˬ jeˬ miˇ neh ehˇ naˇ, yaw tsaˬ yaw dawˇ tsawˇ haˬ deuˬ-ahˇ kuˇ-eu lehˇ ngaˇ oe-euˬ maˬ ngeuˇ. Iˬ baˇ zaˬ deuˬ-ahˇ kuˇ-eu lehˇ ngaˇ oe-euˬ ma.”

Jaceuq 53:4

Ngaˬ-euˬ tsawˇ haˬ deuˬ-ahˇ deh dzaˬ nawˬ dzaˬ-awˇ, ngaˬ-ahˇ guiˬ lahˬ maˬ shaˇ ni dehꞈ luꞈ-eu, haiˬ-eu tsawˇ haˬ teu deuˬ noeˬ siˬ noeˬ mawˇ nya-eu nui ma maˬ ahˇ ta loˇ lehˇ, Miˬyehˇ naˇ haˬ luꞈ meh.

1 Sahˬpaˬ 19:14

Eˇliˇyaˆ ehˇ-eu, “Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ gaˇ-ahˇ tehꞈ-ehˇ ngaˇ aˬ myah luꞈ mˇ-euˬ ma. Ehˇ kʼawꞈ, Iˇsaˬleˬlaˆ tsawˇ haˬ deuˬ nawˬ-ahˇ saˇ jaˇ puiˬ-awˇ, nawˬ-euˬ lawˇ duˬ deuˬ laˆ cawˆ jiˇ-awˇ, nawˬ-euˬ gʼaˇ duˬ ngehˬ dah-eu deuˬ dawˬ tawˆ luꞈ-ahˇ sehꞈ jiˇ-euˬ meh. Ngaˇ tiˬ gʼaˬ tehꞈ-ehˇ dzeˇ laˇ taˬ-awˇ, ngaˬ-ahˇ kʼawꞈ aˬ yawꞈ maꞈ sehꞈ-eu lehˇ leh jeh luꞈ meh.”

Jaceuq 69:10

Dzaˇ dzaˬ sheuˬ-awˇ nui ma nahˬ yu ni taˬ ngeh, aˬ cawˬ yaˬ kʼehˇ yaˬ gaˇ ya daˬ luꞈ-eu ma.