Jaceuq 119:120 - Akha

¹²⁰ Nawˬ-ahˇ ngaˇ guˆ-awˇ yaw dzuˬ dzuˬ-eu ma. Nawˇ yaˇ kʼaˬ daˇ gaˇ ngaˇ guˆ dui dui-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹²⁰ Ngar, nawq-anr guv-eu mirnae, ngaq-euq shiqshaq yawdzuqdzuq mir-a. Nawr yarkhaq dar-eu gar ngar yawkhav-aer guv nya.

Jaceuq 119:120 Referans Kwoze

Haˬbaˬkuˆ 3:16

Gaˇ kawˆ kʼoeˇ ngaˇ ya gaˬ gʼaˬ ngeh, gʼawˇ mawˇ mawˇ lah yaw dzuˬ dzuˬ-awˇ, mehˬ luˬ mehˬ ma shaˬ dehꞈ dehꞈ nya. Shaˬ yoeˬ shaˬ laꞈ peuˬ-iˇ jiˇ-awˇ, kuiˇ toꞈ yaˇ laˇ jiˇ-euˬ miˇ-a. Ngaˬ-ahˇ guiˇ deuˆ le-eu deuˬ-ahˇ, Miˬyehˇ kʼehˬ nehˬ-eu aˇ nah-ahˇ, ciˬ cuˇ ni ngaˇ dawˬ luꞈ-eu ma.

HeˬByehˇ 12:21

Aˬ yawꞈ maꞈ myaˆ ya mawˇ-euˬ kʼoeˇ-aˬ, guˆ dui dui laˇ paˬ-ehˇ gʼeh-eu miˇ neh, “Ngaˇ guˆ dui dui-awˇ, yaw dzuˬ dzuˬ dui dui nya” lehˇ Moˇseˬ ehˇ-eu meh.

Piˇliˇpiˆ 2:12

Kʼoeˇ miˇ neh ngaˇ gaˬ-eu cawˬ deuˬ-oˇ, ngaˇ naw maꞈ nehˬ-ehˇ jawˇ ngeh ngaˬ-euˬ dawˬ-ahˇ naw maꞈ aˬ myah luꞈ naˇ haˬ geuꞈ-euˬ meh. Nymˬ-mˇ ngaˇ naw maꞈ nehˬ-ehˇ maˬ jawˇ ngeh kʼawꞈ, ngaˬ-euˬ dawˬ-ahˇ kʼoeˇ naˆ maˬ tseˇ naˇ haˬ geuꞈ-awˬ. Naw maꞈ ka kʼoꞈ-eu jeˬ-ahˇ za nya ni, Miˬyehˇ-ahˇ guˆ-awˇ yaw dzuˬ dzuˬ-eu laꞈ kʼoeˇ leh jeh dui dui-awˬ.

Iˇsaˬyaˇ 66:2

Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

2 Laˬsaˬbaˬ 34:21

“Sahˬpaˬ Miˬyehˇ jawˇ gaˇ le-awˇ, ngaˬ-euˬ gaˇ kawˆ maˬ ehˇ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ deuˬ-euˬ gaˇ kawˆ maˬ ehˇ, naˇ haˬ-iˇ-awˬ. Sahˬ boꞈ heu dmˬ laꞈ kʼoeˇ aˬ joˆ-ehˇ mehˬ taˬ tsoˆ taˬ-euˬ nga lehˇ pyehˆ tseˇ duˬ-awˬ. Aˬ dui-euˬ aˬ poeˬ aˬ bawˇ deuˬ Sahˬpaˬ Miˬyehˇ-euˬ dawˬ-ahˇ maˬ naˇ haˬ-ehˇ, sahˬ boꞈ heu dmˬ laꞈ kʼoeˇ ehˇ taˬ-euˬ loꞈ-ehˇ maˬ mˇ-euˬ miˇ neh, aˬ dui-ahˇ Sahˬpaˬ Miˬyehˇ nui ma pehˇ luꞈ meh.”

Jaceuq 119:53

Haiˬ-eu tsawˇ haˬ deuˬ nawˬ-euˬ zahˇ dawˬ kʼoꞈ dawˬ-ahˇ puiˬ ngeh, ngaˇ nui ma maˬ saˇ nya.

2 Laˬsaˬbaˬ 34:27

Yeˬluˇsaˬlehˬ meuˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ ma lehˇ ehˇ taˬ-euˬ gaˇ nawˇ ya gaˬ ngeh, nawˬ-euˬ nui ma noeˬ paˇ-awˇ, mehˬ tsoeˬ cehˬ pyaˬ-awˇ ngoeˇ-eu laꞈ kʼoeˇ, ngaˬ-euˬ mehˬ shi nawˇ nui ma nahˬ yu ni taˬ-euˬ meh. Nawˬ-euˬ shaˇ dawˬ-ahˇ ngaˇ ya gaˬ gʼaˬ-euˬ ma.

1 Saˬmeuˬlaˆ 6:20

Kʼoeˇ naˇ, Behˬsheˬmehˇ meuˬ-ahˇ jawˇ-eu tsawˇ haˬ deuˬ ehˇ-eu, “Muiˬ-eu shawˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi aˬ suˇ gʼaˬ jawˇ tehˬ peuˬ nmˇ. Aˬ yawꞈ-ahˇ aˬ dui-euˬ dawˬ peh maˬ bi jawˇ ni aˬ geu paw bi iˇ nmˇ.”

1 Laˬsaˬbaˬ 24:30

Muˇshiˬ-aˬ, Maˬhaˬliˬ, Eˬdeuˬ, Yeˬlaˬmoˇ lehˇ myahˇ-euˬ aˬ li smˬ li jawˇ-eu meh. Heu-aˬ, Leˬbiˇ tsawˇ jeuˬ laꞈ kʼoeˇ ahˇ-eu aˇ jeuˬ aˇ ca deuˬ pyeuꞈ-eu meh.

2 Sahˬpaˬ 22:11

Zahˇ dawˬ kʼoꞈ dawˬ sahˬ boꞈ gui mehˬ nehˬ gaˇ sahˬ paˬ ya gaˬ ngeh, nui ma-ahˇ zaw leˇ-awˇ, aˬ yawꞈ dm luꞈ-eu mehˬ tsoeˬ cehˬ pyaˬ-euˬ meh.

Yawˇbaˆ 23:15

Kʼoeˇ miˇ neh aˬ yawꞈ-euˬ mehˬ shi ngaˬ-ahˇ yaw dzuˬ dzuˬ nya. Gaˇ kawˆ heu deuˬ shaˇ noeˬ ngeh ngaˬ-ahˇ yaw zawˇ guˆ nya.

Yawˇbaˆ 31:23

Miˬyehˇ yaˇ kʼaˬ daˇ gaˇ ngaˇ guˆ-eu miˇ neh, kʼoeˇ loꞈ-ehˇ gʼeh-eu jeˬ tiˬ jawˇ-iˬ ngaˇ maˬ mˇ-aˬ.

Jaceuq 88:16

Nawˇ nui ma pehˇ-eu jeˬ ngaˬ-ahˇ ciˬ tahˬ ci tuˆ laˇ-awˇ, nawˇ laˆ coeˬ laˆ ciˆ-eu baˬ da neh ngaˇ ya cawˆ-iˇ miˇ-a.

Iˇsaˬyaˇ 66:5

Sahˬpaˬ Miˬyehˇ-ahˇ guˆ-awˇ ehˇ dawˬ naˇ haˬ-eu deuˬ-oˇ, aˬ yawꞈ-euˬ dawˬ-ahˇ naw maꞈ naˇ haˬ sheˇ. “Naw maꞈ ngaˬ-ahˇ saˇ jaˇ ziꞈ-eu miˇ neh, naw maꞈ tsawˇ jeuˬ tiˬ paˆ deuˬ naw maꞈ-ahˇ bye-awˇ, naw maꞈ-ahˇ myaˆ maˬ haw cawˬ-ehˇ, ‘Naw maꞈ laˬ kʼaˬ cehˇ luꞈ gaˇ nga maꞈ ya mawˇ ni, Sahˬpaˬ Miˬyehˇ-euˬ baoˬ bi mawˇ le-awˇ, naw maꞈ-ahˇ ka kʼoꞈ nehˬ luꞈ-uˇ’ lehˇ ehˇ tehꞈ-a. Ehˇ kawꞈ, kʼoeˇ loꞈ-ehˇ ehˇ-eu deuˬ kʼoeˇ taˆ, shaꞈ dawˇ-eu jeˬ keuˆ le tehꞈ-a.