Jaceuq 119:103 - Akha

¹⁰³ Nawˬ neh mehˬ nehˬ tsoˆ nehˬ-euˬ jeˬ aˇ naˆ ni coeˇ-eu nga. Byaˬ byaˬ uiˇ naˆ maˬ tseˇ coeˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰³ Nawq-euq dawq-anr ngar myeufhaw ngae, arnavni coer-eu nya! Ngaq-euq khaqmae-euq gharduq, byaquir navmaqtser coer nya!

Jaceuq 119:103 Referans Kwoze

Dawqdaq 8:11

Ngaˇ-aˬ, zaˬ siˬ tsawˇ gahˇ ma. Pyuˇ shuiˇ myawˬ gahˬ naˆ maˬ tseˇ ngaˇ poeˬ dzehˬ ma. Naw maꞈ nui kʼahˇ kʼaˇ jaˆ-eu jeˬ dawˬ tawˆ luꞈ, ngaˇ loꞈ-ehˇ tiˬ jeˬ-iˬ maˬ poeˬ-a.

Jaceuq 19:10

Shuiˇnaˆmaˬtseˇ poeˬdui dui-awˇ, byaˬuiˇmaˬtseˇ coeˇdzehˬ-eu meh.

Jaceuq 63:5

Ngaˬ-euˬ saꞈ laˇ dzaˬ dehˆ dawˇ dehˆ-awˇ, nui kʼahˇ shiˇ tehꞈ-a. Kʼoeˇ naˇ, nawˬ-ahˇ ja ceuˬ-eu caˇ dawˬ laˬ kʼaˬ tiˬ cehˇ ngaˇ caˇ ma.

Yawˇbaˆ 23:12

Aˬ yawꞈ-euˬ ehˇ dawˬ-ahˇ ngaˇ aˬ myah luꞈ naˇ haˬ geuꞈ-awˇ, ngaˬ-euˬ nui kʼahˇ maˬ mˇ ni aˬ yawꞈ-euˬ nui noeˬ-ahˇ caw teh luꞈ-eu ma.

Dawqdaq 3:17

Zaˬ siˬ tsawˇ gahˇ kaˇ iˇ gaˇ laˬ kʼaˬ cehˇ-eu jeˬ byah-awˇ, aˬ yawꞈ-euˬ gaˇ ma-ahˇ nui saˇ oꞈ-eu jeˬ jaˆ-eu meh.

Dawˬ caˇ 5:1

Ngaˬ-euˬ yaˇ kmˇ-ahˇ ngaˇ oe-euˬ ma. Ngaˇ gaˬ-eu ngaˬ-euˬ zaˬ kʼaˬ jawˇ gaˇ ngaˇ oe-euˬ ma. Muˇ laˬ hawˇ-eu tsiˇ yaw saw jeˬ ngaˇ yuˇ uiˬ luꞈ-eu ma. Ngaˬ-euˬ byaˬ byaˬ uiˇ hawˇ-eu byaˬ yaˆ ngaˇ dzaˬ luꞈ-eu ma. Ngaˬ-euˬ aˬ gaꞈ dzaˇ uiˇ hawˇ-eu mawˇ neˇ aˬ coeˇ ngaˇ dawˇ luꞈ-eu ma. Gaˬ-eu cawˬ deuˬ-oˇ, dzaˬ-awˬ dawˇ-awˬ. Dzaˬ yehꞈ dawˇ yehꞈ ngeh keuˆ ni, dzaˬ boˆ dawˇ boˆ boˆ-awˬ.

Jaceuq 19:11

Dawˬkʼoeˇbaˬda nawˬ-euˬ zaˬkʼaˆ, siˬnya mawˇnya yahˇnya laˇ-awˇ, guiˬlahˬbaw dzehˬlaˇ-euˬmiˇ-a.

Dawqdaq 2:10

Nawˬ-euˬ nui ma laꞈ kʼoeˇ zaˬ siˬ tsawˇ gahˇ ahˇ le-awˇ, nawˬ-ahˇ laˬ kʼaˬ bi cehˇ laˇ tehꞈ-a.

Yeˬsaˬgeˬlaˇ 3:3

“Tsawˇ haˬ zaˬ-oˇ, ngaˬ neh nawˬ-ahˇ biꞈ-euˬ sahˬ boꞈ paˇ yoˆ heu yoˆ dzaˬ-awˬ. Nawˬ-euˬ uˬ maˆ dzaˬ byah gʼeh-awˬ” lehˇ ehˇ-eu meh. Ngaˇ dzaˬ haw ngeh, byaˬ byaˬ uiˇ loꞈ-ehˇ coeˇ-eu meh.

Panmaeq 10:10

Aˬ yawꞈ-euˬ aˬ laꞈ-ahˇ ahˇ-eu sahˬ boꞈ paˇ yoˆ yoˆ zaˬ kʼoeˇ yoˆ ngaˇ yuˇ-awˇ dzaˬ ngeh, ngaˬ-euˬ kʼaˬ meh-ahˇ byaˬ byaˬ uiˇ loꞈ-ehˇ coeˇ-eu meh. Ehˇ kʼawꞈ, ngaˇ myoꞈ ahˇ gʼaˬ ngeh, uˬ maˆ laꞈ kʼoeˇ cehˇ myawˆ ni pyeuꞈ-iˇ-euˬ meh.