Jaceuq 119:10 - Akha

¹⁰ Ngaˬ-euˬ nui ma gʼawˇ mawˇ dawˬ tawˆ luꞈ nawˬ-ahˇ saˇ jaˇ ziꞈ ma. Nawˬ-euˬ zahˇ dawˬ kʼoꞈ dawˬ-ahˇ ngaˇ maˬ ya byehˇ dzeh ni caw ba nehˬ laꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Ngaq-euq nuima dawqtawvluf nawq-anr pov ma. Ngar, nawq-euq zanrdawq khofdawq-anr nae garbanq taqbi banq-ir naeqlaf.

Jaceuq 119:10 Referans Kwoze

Jaceuq 119:34

Nawˬ-euˬ zahˇ dawˬ kʼoꞈ dawˬ-ahˇ ngaˇ caw teh-awˇ, nui ma gʼawˇ mawˇ laꞈ kʼoeˇ juiˇ taˬ nya-eu gʼaˇ duˬ, ngaˇ gʼoˆ shaw nya ni mehˬ nehˬ laꞈ.

Jaceuq 119:2

Nui ma gʼawˇ mawˇ dawˬ tawˆ luꞈ aˬ yawꞈ-ahˇ poˆ-awˇ, aˬ yawꞈ-euˬ dawˬ naˇ haˬ geuꞈ-eu tsawˇ haˬ deuˬ guiˬ lahˬ huiˬ luꞈ-uˇ.

Jaceuq 23:3

Ngaˬ-ahˇgʼaˬyaw shuiꞈbiꞈ-eu meh. Aˬyawꞈ-euˬtsawˇmyahˇbaˬda neh, yaw tsaˬyaw dawˇgaˇma kahˇli, aˬyawꞈngaˬ-ahˇsheuˬgʼeh-eu meh.

2 Laˬsaˬbaˬ 15:15

Yuˇdaˆ miˇ kʼahˬ zaˬ dawˬ tawˆ luꞈ laˬ kʼaˬ cehˇ-eu meh. Aˬ jeˬ miˇ neh ehˇ naˇ, aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ dawˬ ma saˇ jaˇ dzaˬ-euˬ meh. Sahˬpaˬ Miˬyehˇ-ahˇ uˬ duˬ tahˬ-eu jeˬ laꞈ kʼoeˇ aˬ yawꞈ maꞈ nui kʼahˇ shiˇ-eu miˇ neh, aˬ yawꞈ maꞈ-ahˇ Sahˬpaˬ Miˬyehˇ ha geuꞈ-awˇ, aˬ yawꞈ maꞈ-euˬ miˇ kʼahˬ yawˬ pyawˬ na luꞈ-ahˇ coꞈ ngehˇ ni gʼeh-eu jeˬ bi keuˆ le-euˬ meh.

Iˇsaˬyaˇ 35:8

“Muiˬ-eu shawˇ-eu gaˇ jawˬ” lehˇ kuˇ-eu gaˇ jawˬ tiˬ kahˇ, kʼoeˇ gaˇ dahˇ laˇ tehꞈ-a. Iˬ baˇ zaˬ deuˬ gaˇ jawˬ kʼoeˇ kahˇ maˬ cah-ehˇ, dawˇ ga deuˬ kʼoeˇ gaˇ gaˇ bahˬ maˬ bahˬ-a.

Jaceuq 119:133

Nawˬ neh saˇ jaˇ dzaˬ taˬ-eu loꞈ-ehˇ ngaˬ-ahˇ taˬ bi coˬ-iˇ laꞈ. Yaw haiˬ jeˬ ngaˬ-ahˇ taˬ bi gʼaˬ leˇ laꞈ.

Dawqdaq 21:16

Nui ma-ahˇ maˬ noeˬ ni dehꞈ-eu deuˬ-euˬ mehˬ hu, shiˇ-eu jeˬ dawˬ luꞈ meh.

Jaceuq 119:118

Nawˬ-euˬ zahˇ dawˬ kʼoꞈ dawˬ-ahˇ maˬ caw teh-eu deuˬ-ahˇ nawˇ byehˇ dzeh-awˇ, aˬ yawꞈ maꞈ-euˬ nui gʼoꞈ gaˇ dahˇ maˬ tsoeˬ leˇ-a.

Jaceuq 119:21

Nui ma huiˬ-eu mahˇ-eu deuˬ-ahˇ nawˇ byehˇ dzeh-eu meh. Nawˬ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ-eu deuˬ yaˬ kʼehˇ yaˬ gaˇ ya daˬ luꞈ-uˇ.

Gawˇlawˇsehˇ 3:22

Zaˬ kʼaˆ deuˬ-oˇ, yawˬ jeˬ na luꞈ laꞈ kʼoeˇ yawˬ ha-euˬ baw leˬ ehˇ dawˬ naˇ haˬ-awˬ. Baw leˬ deuˬ neh bi ja ceuˬ-eu lehˇ baw leˬ mawˇ gaˇ tehꞈ-ehˇ dawˬ gʼoˆ gʼoˆ-eu jeˬ maˬ bi pyeuꞈ ni, Sahˬpaˬ Yeˬsuˇ-ahˇ yaw zeu baw-eu miˇ neh nui ma laꞈ kʼoeˇ keuˆ ni dawˬ gʼoˆ gʼoˆ-eu jeˬ bi pyeuꞈ-awˬ.

Yeˬlaˬmiˇ 3:10

Kʼoeˇ loꞈ-ehˇ dehꞈ cawˆ gʼaˬ miˇ tsa, Iˇsaˬleˬlaˆ-euˬ saˇ jaˇ maˬ ziꞈ-eu aˬ nyiˇ pyeuꞈ-eu Yuˇdaˆ-aˬ, ngaˇ jawˇ gaˇ gʼoꞈ kʼoꞈ laˇ-eu jahˇ geuꞈ-euˬ meh. Ehˇ kʼawꞈ nui ma laꞈ kʼoeˇ keuˆ ni gʼoꞈ laˇ-euˬ jeˬ maˬ ngeuˇ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Dawqdaq 2:13

Yaw tsaˬ yaw dawˇ gaˇ ma-ahˇ byehˇ dzeh-awˇ, yaw zahˇ laꞈ kʼoeˇ cah-eu tsawˇ haˬ kʼoeˇ deuˬ,

Jaceuq 125:5

Ehˇ kʼawꞈ haiˬ-eu tsawˇ haˬ deuˬ-ahˇ nawˇ kʼehˬ nehˬ ngeh, nawˬ-euˬ zahˇ sahˇ kʼoꞈ-ahˇ byehˇ-eu deuˬ-ahˇ kʼawꞈ kʼehˬ nehˬ-awˬ. Iˇsaˬleˬlaˆ miˇ kʼahˬ laꞈ kʼoeˇ nui saˇ oꞈ-eu jeˬ jaˆ luꞈ-uˇ.

Jaceuq 78:37

Aˬ yawꞈ-ahˇ nui ma maˬ taꞈ-ehˇ, aˬ yawꞈ-euˬ dawˬ ma saˇ jaˇ-ahˇ maˬ ziꞈ-a.

Jaceuq 119:176

Nawˬ-euˬ zahˇ dawˬ kʼoꞈ dawˬ-ahˇ ngaˇ maˬ byehˇ dzeh-euˬ miˇ neh, byoˆ-iˇ-euˬ yawˇ zaˬ loꞈ-ehˇ gaˇ ma cah bahˬ-euˬ nawˬ-euˬ zaˬ kʼaˆ-ahˇ gʼawˬ shaˬ gaˬ-awˇ poˆ kʼoꞈ le nehˬ laꞈ.

1 Saˬmeuˬlaˆ 7:3

Iˇsaˬleˬlaˆ tsawˇ haˬ deuˬ-ahˇ Saˬmeuˬlaˆ laˇ ehˇ nehˬ-eu, “Naw maꞈ-euˬ nui ma gʼawˇ mawˇ dawˬ tawˆ luꞈ Sahˬpaˬ Miˬyehˇ jawˇ gaˇ gʼoꞈ laˇ ma lehˇ ngeuˇ naˇ, aˬ cawˬ tsawˇ jeuˬ-euˬ miˬ yehˇ dawˬ tawˆ luꞈ hawˇ-eu Aˬshaˇtaˬyoˇ miˬ yehˇ ma-euˬ tahˬ pahˬ aˬ ma mawˇ kawˇ-ahˇ naw maꞈ ya byehˇ dzeh yaꞈ meh. Naw maꞈ-euˬ nui ma gʼawˇ mawˇ dawˬ tawˆ luꞈ Sahˬpaˬ Miˬyehˇ-ahˇ aˬ diˇ aˬ maˇ a nehˬ-awˇ, aˬ yawꞈ-ahˇ tehꞈ-ehˇ uˬ duˬ tahˬ-awˬ. Piˇliˇtiˆ tsawˇ haˬ-euˬ aˬ laꞈ laꞈ kʼoeˇ, naw maꞈ-ahˇ aˬ yawꞈ ka kʼoꞈ nehˬ laꞈ tehꞈ-a.”

1 Yoˇhaˬ 2:15

Miˇ tsaˬ heu hawˇ-eu miˇ tsaˬ kʼoeˇ taˆ jaˆ-eu jeˬ-ahˇ gaˬ-eu nui ma taˬ bi ahˇ. miˇ tsaˬ heu-ahˇ gaˬ-eu tsawˇ haˬ-aˬ, Aˬda Miˬyehˇ-ahˇ maˬ gaˬ nya-a.

Maꞈtehˬ 6:24

“Tsawˇ haˬ tiˬ gʼaˬ-iˬ sahˬ paˬ nyiˬ gʼaˬ-euˬ zaˬ kʼaˆ maˬ geuꞈ nya-a. Tiˬ gʼaˬ-ahˇ bye naˇ, tiˬ gʼaˬ-ahˇ gaˬ tehꞈ-a. Tiˬ gʼaˬ-ahˇ yaw zeu baw naˇ, tiˬ gʼaˬ-ahˇ yaw zeu maˬ baw-aˇ. Naw maꞈ-aˬ, Miˬyehˇ-euˬ zaˬ kʼaˆ hawˇ-eu pyuˇ shuiˇ myawˬ gahˬ-euˬ zaˬ kʼaˆ, nyiˬ jeˬ luꞈ tiˬ kawˆ loꞈ-ehˇ maˬ geuꞈ nya-a.

Hawˇseˬ 10:2

Nui ma yaw gʼoꞈ ahˇ-eu aˇ poeˬ, nymˬ-mˇ paˇ ya daˬ poˆ tehꞈ-a. Aˬ yawꞈ maꞈ-euˬ lawˇ duˬ kʼoeˇ deuˬ, Miˬyehˇ laˆ kʼehˬ laˆ kʼoeˆ nehˬ-awˇ, muiˬ-eu shawˇ-eu kʼawˇ zeuˇ kʼoeˇ deuˬ, laˆ piˬ laˆ byoˆ jiˇ nehˬ tehꞈ-a.

Jaceuq 119:69

Nui ma huiˬ-eu mahˇ-eu deuˬ ngaˬ-ahˇ ja bu ja doeˇ kʼawꞈ, nawˇ mehˬ nehˬ tsoˆ nehˬ laꞈ-euˬ dawˬ-ahˇ, nui ma laꞈ kʼoeˇ keuˆ ni ngaˇ naˇ haˬ geuꞈ-eu ma.

Jaceuq 119:58

Nawˬ neh saˇ jaˇ dzaˬ taˬ-euˬ loꞈ-ehˇ ngaˬ-ahˇ gʼawˬ shaˬ gaˬ nehˬ laꞈ-eu gʼaˇ duˬ, nui ma laꞈ kʼoeˇ keuˆ ni ngaˇ shaˇ-eu ma.

Yeˬsaˬgeˬlaˇ 34:6

Ngaˬ-euˬ yawˇ deuˬ gawˬ jawˬ yaw goˇ paw gaˆ byoˆ jiˇ-euˬ meh. Miˇ kʼahˬ doe ni iˇ byoˆ laˇ byoˆ jiˇ-euˬ kʼawꞈ, haw piˇ nehˬ-awˇ poˆ kʼoꞈ-eu gʼaˬ maˬ jawˇ-a.