Jaceuq 118:7 - Akha

⁷ Ngaˬ nehˬ-ehˇ jawˇ-eu gʼaˬ Sahˬpaˬ Miˬyehˇ meh. Ngaˬ-ahˇ muiˇ-eu deuˬ coˬ-iˇ gaˇ ngaˇ haw ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Ngaq-anr cawba-eu deuq-euq lafkhoer, ngaq-euq paw pyawq-eu ghaq-aq, Ya’we Miqyaer mae. Khoermirnae, ngar bi pyeuflar mawf-eu lof-aer, Ngaq-anr byae-eu deuq-euq khoertav keuvle-eu gar ya’mawr taef-a.

Jaceuq 118:7 Referans Kwoze

Jaceuq 59:10

Ngaˬ-euˬ Miˬyehˇ ngaˬ-ahˇ gaˬ-awˇ ngaˇ jawˇ gaˇ oe tehꞈ-a. Ngaˬ-ahˇ muiˇ-eu deuˬ luˬ-iˇ seˇ-iˇ gaˇ, aˬ yawꞈ ngaˬ-ahˇ bi haw laꞈ tehꞈ-a.

Jaceuq 54:4

Ehˇ kʼawꞈ, ngaˬ-ahˇ ngehˬ gʼeh-eu gʼaˬ Miˬyehˇ meh. Ngaˬ-ahˇ dah teˬ-eu gʼaˬ Sahˬpaˬ Miˬyehˇ meh.

Jaceuq 54:7

Shaˬ zahˬ dawˬ tawˆ luꞈ laꞈ kʼoeˇ nawˇ ngaˬ-ahˇ ka kʼoꞈ nehˬ laꞈ-awˇ, muiˇ-eu deuˬ luˬ-iˇ seˇ-iˇ gaˇ ngaˇ ya mawˇ-euˬ ma.

Jaceuq 55:18

Myaˬ dui dui-eu muiˇ-eu deuˬ-ahˇ ngaˇ guiˇ deuˆ gaˇ, luˬ-iˇ seˇ-iˇ-eu jeˬ maˬ bi keuˆ le ni, aˬ yawꞈ ngaˬ-ahˇ sheuˬ kʼoꞈ le tehꞈ-a.

Jaceuq 112:8

Aˬ yawꞈ guˆ-eu nui ma tiˬ pawꞈ-iˬ maˬ ahˇ-ehˇ, aˬ yawꞈ-ahˇ muiˇ-eu deuˬ smˬ-iˇ tehꞈ-a lehˇ siˬ duˬ-eu meh.

Jaceuq 92:11

Ngaˬ-ahˇ muiˇ-eu deuˬ smˬ-iˇ gaˇ ngaˇ ya mawˇ-awˇ, haiˬ-eu tsawˇ haˬ deuˬ ngoeˇ-eu teˇ saˇ ya gaˬ-euˬ ma.

1 Laˬsaˬbaˬ 12:18

Aˬ yawꞈ maꞈ laꞈ kʼoeˇ, aˇ nah tsawˇ myahˇ doˆ-eu yehˇ smˬ tseˇ gʼaˬ kʼoeˇ taˆ aˬ yuiꞈ geuꞈ-eu gʼaˬ pyeuꞈ laˇ-euˬ Aˬmaˬsehˇ kʼoeˇ taˆ, Miˬyehˇ-euˬ yaw sahˇ uˆ lahˇ le-awˇ, “Yeˬshehˇ-euˬ aˬ li Daˬbiˇ-oˇ, nga maꞈ nawˬ-euˬ tsawˇ haˬ pyeuꞈ-eu ma. Nawˇ hawˇ-eu nawˬ-ahˇ caw jaw-eu deuˬ gʼaˬ leˇ-eu guiˬ lahˬ za luꞈ-uˇ. Miˬyehˇ nawˬ nehˬ-ehˇ jawˇ meh” lehˇ ehˇ-eu meh. Kʼoeˇ naˇ, aˬ yawꞈ maꞈ-ahˇ Daˬbiˇ ha geuꞈ-awˇ, aˬ yawꞈ-euˬ guiˇ maꞈ kʼoeˇ taˆ uˆ lahˇ-eu aˬ yuiꞈ deuˬ bi geuꞈ-euˬ meh.

Jaceuq 54:6

Sahˬpaˬ Miˬyehˇ-oˇ, nawˬ-ahˇ ngaˇ laˬ kʼaˬ tiˬ cehˇ lawˇ nehˬ shehˇ nehˬ ma. Nawˇ muiˬ-eu gʼaˬ pyeuꞈ-eu miˇ neh, nawˬ-euˬ guiˬ lahˬ-ahˇ ngaˇ ja ceuˬ ma.

Jaceuq 59:11

Miˬyehˇ-oˇ, aˬ yawꞈ maꞈ-ahˇ ngaˬ-euˬ tsawˇ haˬ deuˬ maˬ bi ngehˇ-eu gʼaˇ duˬ aˬ yawꞈ maꞈ-ahˇ nawˇ taˬ sehꞈ dzeh. Nga maꞈ-ahˇ haw piˇ-eu Sahˬpaˬ Miˬyehˇ-oˇ, nawˬ-euˬ gʼaˬ neh aˬ yawꞈ maꞈ-ahˇ miˇ kʼahˬ doe ni teh byaˆ-awˇ, guiˇ deuˆ gʼaˬ nehˬ-awˬ.

Iˇsaˬyaˇ 41:13

Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Naw maꞈ-ahˇ ngaˇ gʼaˬ biꞈ-eu laꞈ kʼoeˇ, ‘Taˬ guˆ. Ngaˇ caw ba ma’ lehˇ ehˇ-eu ma.”