Jaceuq 111:2 - Akha

² Sahˬpaˬ Miˬyehˇ neh mˇ-euˬ gaˇ deuˬ aˇ naˆ ni zahˬ leˇ paˬ-ehˇ gʼeh-eu nga. Nui ma keuˆ-eu tsawˇ haˬ dawˬ tawˆ luꞈ, gaˇ kawˆ kʼoeˇ siˬ mawꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ya’we Miqyaer nae mr-euq gardeuq-aq, huiq-awr manr-eu mae. Khoer-anr nuikhanr shir-eu tsawrhaq dawqtawvluf dzawsawx mr-eu mae.

Jaceuq 111:2 Referans Kwoze

Jaceuq 104:24

Sahˬpaˬ Miˬyehˇ-oˇ, nawˬ neh mˇ taˬ shaˇ taˬ-euˬ jeˬ myaˬ dui dui-eu meh. Tsawˇ gahˇ ahˇ dui dui-eu laꞈ kʼoeˇ, kʼoeˇ deuˬ dawˬ tawˆ luꞈ-ahˇ nawˇ mˇ taˬ shaˇ taˬ-awˇ, miˇ tsaˬ kʼoeˇ taˆ nawˬ neh beh taˬ-euˬ boeˬ boeˬ luˆ luˆ deuˬ byah luꞈ-eu meh.

Dawqdaq 24:14

Kʼoeˇ loꞈ-ehˇ duˇ ni, zaˬ siˬ tsawˇ gahˇ-aˬ, nawˬ-euˬ nui ma-ahˇ coeˇ dui dui-awˇ, zaˬ siˬ tsawˇ gahˇ za naˇ, nawˇ mehˬ hu paw yaw dehꞈ dehꞈ daˆ-eu guiˬ lahˬ baw tehꞈ-a. -27-

Jaceuq 143:5

Dzeuˇ yaꞈ-euˬ aˇ nah aˇ yamˬ deuˬ-ahˇ noeˬ mawˇ laˇ miˇ-a. Nawˬ neh mˇ dzeuˇ shaˇ dzeuˇ yaꞈ-euˬ deuˬ-ahˇ ngaˇ shaˇ noeˬ-awˇ, gaˇ kawˆ kʼoeˇ deuˬ-ahˇ ngaˬ-euˬ nui ma laꞈ kʼoeˇ shaˇ sawˇ luꞈ-eu ma.

Jaceuq 139:14

Nawˬ-ahˇ guˆ paˬ-ehˇ gʼeh-eu miˇ neh, nawˬ-ahˇ ngaˇ ja ceuˬ-eu ma. Nawˬ neh kʼaˇ mˇ-euˬ jeˬ zahˬ dui dui leˇ paˬ-ehˇ gʼeh-awˇ, nui ma laꞈ kʼoeˇ maˬ ngehˇ leˇ coeˇ nya.

Panmaeq 15:3

Miˬyehˇ-euˬ zaˬ kʼaˆ pyeuꞈ-eu Moˇseˬ-euˬ caˇ dawˬ hawˇ-eu Yawˇzaˬ-euˬ caˇ dawˬ aˬ yawꞈ maꞈ caˇ luꞈ-eu meh. “Baoˬ huiˬ-eu Sahˬpaˬ Miˬyehˇ-oˇ, nawˬ neh mˇ-euˬ shaˇ-euˬ gaˇ deuˬ, aˇ naˆ ni zahˬ leˇ duˬ jaˆ nga. Tsawˇ jeuˬ dawˬ tawˆ-euˬ Sahˬpaˬ-oˇ, nawˬ-euˬ gaˇ ma tsaˬ meh dawˇ meh.

Eˇpeˇsu 1:19

Jah-eu tsawˇ haˬ pyeuꞈ-eu aˬ dui-euˬ laꞈ kʼoeˇ gaˇ mˇ luꞈ-eu aˬ yawꞈ-euˬ baoˬ aˇ naˆ ni huiˬ-eu gaˇ kawˆ naw maꞈ siˬ nya laˇ ni shaˇ-eu ma. A dui laꞈ kʼoeˇ gaˇ mˇ luꞈ-eu baoˬ kʼoeˇ-aˬ, gʼaˬ kʼaˆ dui dui-eu baoˬ pyeuꞈ-eu meh.

Daˬyeˬlaˇ 4:3

Miˬyehˇ aˬ dui-ahˇ mehˬ laꞈ-euˬ, kʼaˆjeˬ-ehˇ gʼeh-eu gaˇkawˆdeuˬ, aˇ naˆ ni huiˬ-eu gaˇ kawˆ nga. Aˬ yawꞈ neh mˇ mehˬ shaˇ mehˬ-euˬ, zahˬ leˇ paˬ-ehˇ gʼeh-eu gaˇ deuˬ, aˇ naˆ ni baoˬ jaˆ-eu gaˇ nga. Aˬ yawꞈ miˇ kʼahˬ mˬ maˬ maˬ byaˆ, aˬ yawꞈ dzoeˬ dzaˬ zaˇ ziˇ ziꞈ meh.

Dawˬ tsoˆ 3:11

Yawˬ jeˬ na luꞈ gʼaˇ duˬ aˬ yawꞈ neh yamˬ law toꞈ tsaˬ taˬ-euˬ meh. Mehˬ hu paw pyeuꞈ laˇ-eu gaˇ kawˆ siˬ mawꞈ mawˇ mawꞈ-eu nui ma, tsawˇ haˬ zaˬ-ahˇ aˬ yawꞈ biꞈ taˬ-euˬ meh. Ehˇ kʼawꞈ, aˬ yawꞈ neh mˇ-euˬ gaˇ-ahˇ aˇ dahˬ beh gaˇ neh aˇ saˬ saˬ gaˇ keuˆ ni maˬ bi siˬ duˬ-a.

Dawqdaq 17:16

Nui ma-ahˇ maˬ noeˬ-eu aˬ dzawˬ aˇ gah deuˬ, zaˬ siˬ tsawˇ gahˇ poˆ-eu pyuˇ laˆ jiˇ kʼawꞈ, tiˬ jeˬ-iˬ gaˇ dahˇ maˬ tsoeˬ-a.

Lormav 8:6

Shiˬ shaˬ jiˇ-euˬ nui noeˬ neh bi uˆ lahˇ-euˬ jeˬ-aˬ, shiˇ-eu jeˬ-ahˇ aˇ saˬ saˬ leˇ-eu meh. Yaw sahˇ Miˬyehˇ neh bi uˆ lahˇ-euˬ tsawˇ haˬ deuˬ-aˬ, dehꞈ-eu jeˬ hawˇ-eu nui saˇ oꞈ-eu jeˬ-ahˇ aˇ saˬ saˬ leˇ-eu meh.

Lormav 1:28

Miˬyehˇ gaˇ kawˆ dawˇ coe ni siˬ nya taˬ paˬ-ehˇ gʼeh-eu jeˬ-ahˇ aˬ yawꞈ maꞈ maˬ shaˇ noeˬ-eu baˬ da neh, aˬ yawꞈ maꞈ maˬ mˇ kʼmˬ-eu jeˬ mˇ ni, bahˬ dui jawꞈ dui dui-eu jeˬ mˇ-eu nui ma jaˆ gaˇ, Miˬyehˇ neh aˬ yawꞈ maꞈ-ahˇ a dzeh nehˬ-euˬ meh.

Yawˇbaˆ 37:7

Tsawˇ haˬ zaˬ mˇ-eu gaˇ naˬ leˇ ni aˬ yawꞈ jahˇ-awˇ, aˬ yawꞈ gaˇ mˇ luꞈ-eu bi siˬ bi mawˇ-eu meh.

Yawˇbaˆ 9:10

Aˬ yawꞈ neh mˇ-euˬ huiˬ-eu gaˇ deuˬ-ahˇ aˬ dui maˬ siˬ duˬ nya-a. Aˬ yawꞈ neh mˇ-euˬ zahˬ leˇ paˬ-ehˇ gʼeh-eu jeˬ maˬ gui jiˇ coeˇ ni jaˆ-eu meh.

Yawˇbaˆ 5:9

Aˬ yawꞈ neh mˇ-euˬ huiˬ-eu gaˇ deuˬ-ahˇ aˬ dui maˬ siˬ duˬ nya-a. Aˬ yawꞈ neh mˇ-euˬ zahˬ leˇ paˬ-ehˇ gʼeh-eu jeˬ maˬ gui jiˇ coeˇ ni jaˆ-eu meh.

Iˇsaˬyaˇ 40:12

Iˬ ma laˆ shaˆ iˇ cuꞈ laꞈ kʼawˆ-ahˇ tawˆ ahˇ-awˇ, dza haw nya-eu gʼaˬ jawˇ meh loˇ. Miˇ tsaˬ tahˬ kʼawˇ hmˬ lah ni kʼmˬ maˬ-ahˇ dawˆ ahˇ-awˇ, gawˬ jawˬ gawˬ duˇ-ahˇ paˆ yawˬ neh saˆ nya-eu gʼaˬ jawˇ meh loˇ.

Jaceuq 107:43

Zaˬ siˬ tsawˇ gahˇ kʼaˇ ahˇ-eu tsawˇ haˬ deuˬ, gaˇ kawˆ kʼoeˇ shaˇ sawˇ haw luꞈ-uˇ. Sahˬpaˬ Miˬyehˇ-euˬ maˬ tsehˆ leˇ-eu gʼoeˇ-eu gaˬ-eu jeˬ-ahˇ aˬ yawꞈ maꞈ shaˇ noeˬ doˆ luꞈ-uˇ.

Jaceuq 104:34

Ngaˇ laˬ kʼaˬ cehˇ-eu jeˬ aˬ yawꞈ jawˇ gaˇ neh doˆ le-euˬ miˇ neh, ngaˬ-euˬ caˇ dawˬ-ahˇ aˬ yawꞈ nui ma tsaˬ luꞈ-uˇ.

Yawˇbaˆ 37:14

Yawˇbaˆ-oˇ, tiˬ kʼehˇ kʼehˬ naˬ-awˇ ngaˇ ehˇ gaˇ paˇ naˇ haˬ sheˇ. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ kawˆ deuˬ shaˇ noeˬ haw sheˇ.

Jaceuq 118:15

Sahˬpaˬ Miˬyehˇ-euˬ tsawˇ haˬ deuˬ-euˬ sehˬ gʼawˆ-ahˇ, guiˇ deuˆ gʼaˬ-awˇ guˇ luꞈ gaˇ naˇ haˬ sheˇ. Sahˬpaˬ Miˬyehˇ-euˬ baoˬ neh deuˆ gʼaˬ-euˬ meh.