Jaceuq 107:7 - Akha

⁷ Aˬ yawꞈ maꞈ-ahˇ dawˇ coe ni jaˆ-eu gaˇ ma caw caw-ehˇ sheuˬ gʼeh-awˇ, meuˬ-ahˇ sheuˬ uˇ-awˇ bi jawˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqyawfmaf meuq tiq meuq-anr jawrduq za’ni ir-eu gharduq; Aqyawf, aqyawf maf-anr tsaq-eu garma-anr nae sheuqghae naeq-euq mae.

Jaceuq 107:7 Referans Kwoze

Yeˬlaˬmiˇ 31:9

Myaˆ biˇ yoeˇ-awˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ haˬ ngaˬ-euˬ mehˬ nah caw teh kʼoꞈ laꞈ tehꞈ-a. Iˇ cuꞈ lawˇ gawˆ yoeˇ-eu paw sheuˬ gʼeh-awˇ, pehˆ toˆ kʼaˇ maˬ za-eu gaˇ ma yaw juiˇ paw neh, aˬ yawꞈ maꞈ-ahˇ ngaˇ sheuˬ doˆ kʼoꞈ laꞈ ma. Ngaˇ Iˇsaˬleˬlaˆ-euˬ aˬ da loꞈ-ehˇ gʼeh-awˇ, Eˇpaˬleˬ ngaˬ-euˬ aˬ li aˬ yuiꞈ yuiꞈ saˬ ma.”

HeˬByehˇ 12:22

Ehˇ kʼawꞈ, naw maꞈ-aˬ, Ziˇoˬ gawˬ jawˬ hawˇ-eu dehꞈ luꞈ-eu Miˬyehˇ-euˬ meuˬ-ahˇ laˇ-euˬ meh. Kʼoeˇ-aˬ, mˬ taˆ gʼaˬ kʼehˇ aˇ muiˇ aˇ seh jawˇ-eu mˬ taˆ-euˬ Yeˬluˇsaˬlehˬ meuˬ meh.

Jaceuq 77:20

Moˇseˬ hawˇ-eu Aˬloˬ-ahˇ nawˇ gʼoe-awˇ, yawˇ bo-eu yaw sahˇ loꞈ-ehˇ, nawˬ-euˬ tsawˇ haˬ deuˬ-ahˇ nawˇ sheuˬ gʼeh-euˬ meh.

2 Beˬtuˆluˆ 2:15

Gaˇ ma yaw dawˇ-ahˇ byehˇ dzeh-awˇ, gaˇ bahˬ bahˬ-iˇ-euˬ tsawˇ haˬ pyeuꞈ-eu meh. Maˬ tsaˬ-eu jeˬ mˇ-awˇ za-euˬ pyuˇ shuiˇ-ahˇ nui kʼahˇ jaˆ-eu gʼaˬ pyeuꞈ-eu Beˬyoˇ-euˬ aˬ li Baˬlamˬ-euˬ pehˬ zaˇ-ahˇ caw teh luꞈ-eu meh.

HeˬByehˇ 11:16

Kʼoeˇ naˆ maˬ tseˇ muiˬ dzehˬ-eu mˬ taˆ miˇ kʼahˬ-ahˇ aˬ yawꞈ maꞈ noeˬ tsoˆ taˬ-euˬ meh. Kʼoeˇ miˇ neh, tsawˇ haˬ kʼoeˇ deuˬ Miˬyehˇ-ahˇ aˬ yawꞈ maꞈ-euˬ Miˬyehˇ ma lehˇ kuˇ gaˇ Miˬyehˇ maˬ shaꞈ dawˇ-a. Aˬ jeˬ miˇ neh ehˇ naˇ, aˬ yawꞈ maꞈ gʼaˇ duˬ meuˬ tiˬ meuˬ aˬ yawꞈ lehˬ hmˬ taˬ-euˬ meh.

Iˇsaˬyaˇ 30:21

Naw maꞈ gaˇ oˆ gaˇ taˆ cah lehˬ iˇ lehˬ ngeh, “Gaˇ ma heu gaˇ dahˇ meh. Gaˇ ma-ahˇ cah-awˬ” lehˇ, naw maꞈ-euˬ naˇ kʼah aˬ yawꞈ jawˇ-awˇ ehˇ tehꞈ-a.

Jaceuq 107:36

Mehꞈ-eu shuꞈ-eu deuˬ-ahˇ kʼoeˇ gaˇ bi jawˇ-iˇ-awˇ, aˬ yawꞈ maꞈ meuˬ daˬ doˆ-awˇ jawˇ-euˬ meh.

Jaceuq 107:4

Tiˬ paˆ na deuˬ miˇ kʼahˬ pyawˬ maˬ siˬ laˇ-eu kʼaˇ shuiꞈ deh-ahˇ jawˇ byoˆ taˬ-awˇ, jawˇ uˇ-iˇ-eu meuˬ maˬ poˆ mawˇ nya-a.

Jaceuq 78:52

Kʼoeˇ naˇ, yawˇ bo-eu yaw sahˇ loꞈ-ehˇ, aˬ yawꞈ-euˬ tsawˇ haˬ-ahˇ aˬ yawꞈ sheuˬ doˆ gʼeh-awˇ, kʼaˇ shuiꞈ deh ga gʼahˇ ceh sheuˬ gʼeh-euˬ meh.

Neˬhaˬmiˇ 11:3

Iˇsaˬleˬlaˆ tsawˇ haˬ deuˬ, piˇ ma deuˬ, Leˬbiˇ tsawˇ haˬ deuˬ, Uˬ duˬ tahˬ nymˇ nymˇ ma-ahˇ gaˇ mˇ-eu deuˬ hawˇ-eu, Sawˇlaˬmoˬ-euˬ zaˬ kʼaˆ deuˬ-euˬ zaˬ deuˬ uˆ deuˬ-aˬ, yawˬ ha-euˬ meuˬ hawˇ-eu yawˬ ha-euˬ myawˬ dahˬ yaˇ dahˬ baw-eu meuˬ nui deuˬ-ahˇ jawˇ-euˬ meh. Heu-aˬ, Yeˬluˇsaˬlehˬ meuˬ-ahˇ jawˇ-euˬ Yuˇdaˆ miˇ kʼahˬ kʼoeˇ taˆ aˬ yuiꞈ aˬ tsu geuꞈ-eu deuˬ-euˬ jaˇ laˇ meh.

2 Beˬtuˆluˆ 2:21

Yaw tsaˬ yaw dawˇ gaˇ ma-ahˇ siˬ nya gʼaˬ miˇ tsa, aˬ yawꞈ maꞈ-ahˇ biꞈ taˬ-euˬ muiˬ-eu shawˇ-eu Miˬyehˇ-euˬ dawˬ-ahˇ byehˇ dzeh-euˬ kʼoeˇ-aˬ, yaw tsaˬ yaw dawˇ gaˇ ma-ahˇ tiˬ poˆ-iˬ maˬ siˬ nya-ehˇ dehꞈ ngeh naˆ maˬ tseˇ doeˇ dzehˬ-eu meh.

Yeˬlaˬmiˇ 31:24

Yuˇdaˆ miˇ kʼahˬ hawˇ-eu kʼoeˇ gaˇ kʼaˇ jaˆ-eu meuˬ deuˬ laꞈ kʼoeˇ, aˬ yawꞈ maꞈ jawˇ byah jiˇ-awˇ, deh yaˇ mˇ dzaˬ-eu deuˬ hawˇ-eu, yawˇ yawˇ maꞈ teh-awˇ bo-eu yawˇ cu-eu tsawˇ haˬ deuˬ tiˬ byah ni jawˇ laˇ tehꞈ-a.

Yeˬlaˬmiˇ 6:16

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ ehˇ nehˬ-eu, “Gaˇ ma gaˇ tsmˇ-ahˇ yawꞈ-awˇ haw duˬ-awˬ. Aˇ hu ba-euˬ gaˇ ma gaˇ oeˇ naˇ haˬ duˬ-awˬ. Gaˇ ma gaˇ muiˬ naˇ haˬ duˬ-awˇ cah naˇ, nui saˇ oꞈ-awˇ ya dehꞈ tehꞈ-a.” Ehˇ kʼawꞈ, “Gaˇ ma gaˇ muiˬ-ahˇ maˬ cah” lehˇ, Sahˬpaˬ Miˬyehˇ-ahˇ aˬ yawꞈ maꞈ ehˇ-eu meh.

Iˇsaˬyaˇ 48:17

Naw maꞈ-ahˇ ka kʼoꞈ-eu Sahˬpaˬ Miˬyehˇ pyeuꞈ-eu, Iˇsaˬleˬlaˆ-euˬ muiˬ-eu shawˇ-eu Miˬyehˇ ehˇ-eu, “Ngaˇ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Naw maꞈ gʼaˇ duˬ muiˬ ni mehˬ-awˇ tsoˆ-awˇ, naw maꞈ iˇ paˬ-ehˇ gʼeh-eu gaˇ ma mehˬ nehˬ-eu gʼaˬ ma.

Jaceuq 136:16

Aˬ yawꞈ-euˬ tsawˇ haˬ deuˬ-ahˇ kʼaˇ shuiꞈ deh ga miˇ kʼahˬ laꞈ kʼoeˇ aˬ yawꞈ sheuˬ gʼeh-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Bawˇtsahˬ 9:22

Nyiˬ nah myahˇ-eu maˬ ehˇ, ba la tiˬ siˬ myahˇ-eu maˬ ehˇ, tiˬ kʼoꞈ myahˇ-eu maˬ ehˇ, kʼoeˇ myah maˬ tseˇ myahˇ-eu maˬ ehˇ, mˬ dmˇ kʼoeˇ Sehˬ gʼawˆ kʼoeˇ taˆ kʼaˇ naˬ luꞈ kʼoeˇ keuˆ ni, aˬ yawꞈ maꞈ maˬ luˆ-iˇ ni jawˇ-euˬ meh. Ehˇ kʼawꞈ, mˬ dmˇ kʼoeˇ kʼaˇ daˆ leˇ ngeh aˬ yawꞈ maꞈ luˆ-iˇ-euˬ meh.

Iˇsaˬyaˇ 32:18

Miˬyehˇ-euˬ tsawˇ haˬ deuˬ kʼahˬ lahˇ kʼaˇ maˬ za-ehˇ, nui saˇ oꞈ-eu nymˇ jiˇ laꞈ kʼoeˇ ya jawˇ tehꞈ-a.