Jaceuq 107:40 - Akha

⁴⁰ Aˬ yawꞈ maꞈ-ahˇ kʼehˬ-eu deuˬ-ahˇ aˬ yawꞈ bye-awˇ, kʼaˇ shuiꞈ deh ga ga ma laꞈ kʼoeˇ, iˇ tsaˬ laˇ tsaˬ maˬ siˬ ni bi shaˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁰ Aqyawf, dzoeqda deuq-euq khoertav daqga-eu jeq shaevdav lef-awr; Aqyawf maf-anr garma maqdanr-eu bawrtsanq bawrdanr-anr, Doedoe ghagha-aer cancan-aer bishaq-euq mae.

Jaceuq 107:40 Referans Kwoze

Yawˇbaˆ 12:24

Aˬ yawꞈ maꞈ-euˬ aˬ yuiꞈ aˬ tsu deuˬ tsawˇ uˬ uˬ-iˇ ni aˬ yawˬ jahˇ-awˇ, aˬ yawꞈ maꞈ-ahˇ bi maoˬ leˇ-awˇ, bi cehˆ byoˆ jiˇ-euˬ meh.

Yawˇbaˆ 12:21

Baoˬ jaˆ-eu tsawˇ haˬ deuˬ-ahˇ aˬ yawꞈ baoˬ bi byoˆ-iˇ-awˇ, uˆ lahˇ-eu tsawˇ haˬ deuˬ-ahˇ gʼaˬ bi juˬ-iˇ-eu meh.

Daˬyeˬlaˇ 4:33

Kʼaˇ ehˇ-euˬ yawˬ jeˬ na luꞈ ja pyuˬ ni keuˆ le-euˬ meh. Neˬbuˬkaˬneˬzaˬ-aˬ, tsawˇ haˬ tsahˬ-ahˇ neh bi teh dzeh-awˇ, mawˇ neˇ loꞈ-ehˇ yaˇ moꞈ tseuˆ dzaˬ-euˬ meh. Aˬ yawꞈ ceuˬ deh ya deh-awˇ, aˬ yawꞈ-euˬ gʼawˇ mawˇ caꞈ hm deuˬ kaˬ dzeˇ caꞈ hm loꞈ-ehˇ mahˇ le-awˇ, aˬ yawꞈ-euˬ kuiˇ sahˬ laꞈ sahˬ aˇ jiˇ kuiˇ sahˬ loꞈ-ehˇ mahˇ le-euˬ meh.

Panmaeq 19:18

Sahˬ paˬ deuˬ-euˬ shaˬ jiˇ, guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ-euˬ shaˬ jiˇ, zaˬ kʼaˆ hawˇ-eu zaˬ kʼaˆ maˬ ngeuˇ-eu deuˬ-euˬ shaˬ jiˇ, huiˬ zaˬ nyiˇ zaˬ dawˬ tawˆ luꞈ-euˬ shaˬ jiˇ, tsawˇ haˬ dawˬ tawˆ luꞈ-euˬ shaˬ jiˇ dzaˬ laˇ-awˬ.”

Gʼaˬkʼehˇ 12:23

Ja pyuˬ ni, Sahˬpaˬ Miˬyehˇ-euˬ gʼaˬ kʼehˇ neh Heˬloˆ-ahˇ kʼehˬ-euˬ meh. Aˬ jeˬ miˇ neh ehˇ naˇ, Miˬyehˇ-ahˇ aˬ yawꞈ maˬ taˬ huiˬ-a. Kʼoeˇ miˇ neh, aˇ boeˬ aˇ mawˇ neh bi dzaˬ sehꞈ-euˬ meh.

Jaceuq 107:4

Tiˬ paˆ na deuˬ miˇ kʼahˬ pyawˬ maˬ siˬ laˇ-eu kʼaˇ shuiꞈ deh-ahˇ jawˇ byoˆ taˬ-awˇ, jawˇ uˇ-iˇ-eu meuˬ maˬ poˆ mawˇ nya-a.

Jaceuq 78:66

Aˬ yawꞈ-ahˇ muiˇ-eu deuˬ-ahˇ aˬ yawꞈ deuˆ gʼaˬ-awˇ, mˬ maˬ maˬ byaˆ zaˇ ziˇ daˬ bi ga-euˬ meh.

1 Sahˬpaˬ 21:19

Sahˬpaˬ Miˬyehˇ pyeuꞈ-eu ngaˇ aˬ yawꞈ-ahˇ heu loꞈ-ehˇ ehˇ-eu meh lehˇ ehˇ nehˬ-awˬ. ‘Yaw sahˇ gʼaˬ-ahˇ sehꞈ-euˬ uˬ taꞈ, aˬ gaꞈ yaˇ kmˇ kʼawꞈ nawˇ paˇ tsaˬ geuꞈ-eu lehˇ gʼeh te loˇ’ lehˇ ngaˇ ehˇ-eu meh lehˇ ehˇ nehˬ-awˬ. ‘Naˬboˆ-euˬ shiˬ-ahˇ aˬ kuiˬ myeuꞈ-euˬ tsahˇ-ahˇ, nawˬ-euˬ shiˬ-ahˇ kʼawꞈ aˬ kuiˬ myeuꞈ tehꞈ-a’ lehˇ ngaˇ ehˇ-eu meh lehˇ ehˇ nehˬ-awˬ.”

1 Saˬmeuˬlaˆ 6:4

Piˇliˇtiˆ tsawˇ haˬ deuˬ ehˇ-eu, “Nga maꞈ-euˬ iˬ baˇ gʼaˇ duˬ damˬ-eu aˬ geu jeˬ Dawˬ ma saˇ jaˇ Bahˬ keuˆ nehˬ-ehˇ ya biꞈ caw gʼeh nmˇ.” Piˇ ma hawˇ-eu nyiˇ paˬ kʼoeˇ deuˬ ehˇ-eu, “Piˇliˇtiˆ sahˬ paˬ tiˬ gʼaˬ-euˬ tiˬ hmˬ doˇ ni, shuiˇ maˇ cuˬ maˇ lu mawˇ kawˇ ngaˬ hmˬ hawˇ-eu shuiˇ ho caꞈ aˇ baˇ ngaˬ hmˬ ya biꞈ caw meh. Aˬ jeˬ miˇ neh ehˇ naˇ, naw maꞈ dawˬ tawˆ luꞈ kʼoeˇ taˆ maˬ ehˇ, sahˬ paˬ ngaˬ gʼaˬ kʼoeˇ taˆ maˬ ehˇ, shaˬ zahˬ naˇ gawˇ tiˬ kawˆ loꞈ-ehˇ keuˆ le-euˬ meh. Naw maꞈ-euˬ miˇ kʼahˬ-ahˇ laˆ cawˆ luꞈ-eu maˇ cuˬ maˇ lu hawˇ-eu ho caꞈ aˇ baˇ naw maꞈ tehˆ-awˇ, Iˇsaˬleˬlaˆ tsawˇ jeuˬ-euˬ Miˬyehˇ-ahˇ naw maꞈ ya taˬ huiˬ yaˬ taˬ mahˇ nehˬ meh.

1 Saˬmeuˬlaˆ 5:9

Meuˬ kʼoeˇ meuˬ-ahˇ Dawˬ ma saˇ jaˇ Bahˬ keuˆ baꞈ keuˆ gʼeh ngeh jawˇ, kʼoeˇ gaˇ kʼawꞈ Sahˬpaˬ Miˬyehˇ paˇ kʼehˬ nehˬ-awˇ, yaw kʼaˆ-ehˇ bi shaˬ bi zahˬ-euˬ meh. Meuˬ kʼoeˇ meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, zaˬ guˬ tsawˇ kʼaˆ maˬ ehˇ, gʼawˇ mawˇ mawˇ lah-ehˇ maˇ cuˬ maˇ lu lu byah jiˇ-euˬ meh.

Yaˇ kʼaˬ daˇ 4:21

Siˇseˬlaˇ-aˬ, gʼaˬ doeˇ cehˆ doeˇ dui dui-eu miˇ neh, yuꞈ kʼaˆ-euˬ meh. Kʼoeˇ ngeh, Yeˬlaˇ-aˬ, diˬ puˬ tiˬ hmˬ hawˇ-eu, sehˬ gʼawˆ taꞈ cmˬ tiˬ hmˬ yuˇ-awˇ, aˬ yawꞈ jawˇ gaˇ aˬ za za-ehˇ iˇ-awˇ, uˬ duˬ-ahˇ taꞈ cmˬ diˬ-awˇ, miˇ tsa diˬ tsoˆ gʼeh-euˬ meh.

Dawˬmehˬ 32:10

“Jaˬ lehˇ neh bi hehˇ dzaˬ jiˇ-euˬ, kʼaˇ shuiꞈ deh yaˇ bawˇ tsahˬ laꞈ kʼoeˇ, yawꞈ maꞈ shaˬ luꞈ gaˇ ya mawˇ-awˇ, yawˬ ha gʼawˇ mawˇ loꞈ-ehˇ sawˇ-awˇ, yawꞈ maꞈ-ahˇ bo saˆ nehˬ-euˬ meh.

Doˆ-iˇ 8:24

Sahˬ paˬ kʼoeˇ gʼaˬ-euˬ nymˇ hawˇ-eu yaw huiˬ yaw mahˇ deuˬ-euˬ nymˇ deuˬ-ahˇ, myaˬ dui dui-eu puˬ saˆ baˬ maꞈ Sahˬpaˬ Miˬyehˇ pyehˬ gʼeh-euˬ meh.

Doˆ-iˇ 8:17

Aˬloˬ aˬ yawꞈ-euˬ gawˬ yoeˬ yuˇ doˆ-awˇ miˇ tsaˬ-ahˇ juiꞈ ngeh, Iˇjiˇtuˆ miˇ kʼahˬ laꞈ kʼoeˇ kʼaˇ jaˆ-eu kʼaˬ lehˇ dawˬ tawˆ luꞈ caˇ gawˬ pyeuꞈ jiˇ-awˇ, tsawˇ haˬ zaˬ hawˇ-eu jeˬ zaˬ deuˬ-ahˇ jawˇ gʼoeˬ jiˇ-euˬ meh.

Doˆ-iˇ 8:3

Niˬlaˇ lawˇ baˬ laꞈ kʼoeˇ kʼaˬ paˬ myaˬ dui dui laˇ-eu miˇ neh, kʼaˬ paˬ kʼoeˇ deuˬ nawˬ-euˬ nymˇ-ahˇ keuˆ niˆ laˇ keuˆ-awˇ, nawˇ yuꞈ-eu kuˆ lawˆ laꞈ kʼoeˇ maˬ ehˇ, nawˬ-euˬ yuꞈ zaˇ kʼoeˇ taˆ maˬ ehˇ, nawˬ-euˬ gaˇ mˇ-eu yaw huiˬ yaw mahˇ deuˬ-euˬ nymˇ laꞈ kʼoeˇ maˬ ehˇ, nawˬ-euˬ miˇ kʼahˬ zaˬ deuˬ-euˬ nymˇ laꞈ kʼoeˇ maˬ ehˇ, nawˬ-euˬ miˬ dzaˬ tsawˬ bu-ahˇ maˬ ehˇ, nawˬ-euˬ guiˬ ba oeˬ lahˬ deuˬ hawˇ-eu kʼmˬ maˬ oeˬ tsaꞈ deuˬ laꞈ kʼoeˇ maˬ ehˇ, jawˇ byah jiˇ tehꞈ-a.

Doˆ-iˇ 8:4

Nawˬ-euˬ gʼawˇ mawˇ kʼoeˇ taˆ maˬ ehˇ, nawˬ-euˬ gaˇ mˇ-eu yaw huiˬ yaw mahˇ deuˬ-euˬ kʼoeˇ taˆ maˬ ehˇ, nawˬ-euˬ miˇ kʼahˬ zaˬ deuˬ kʼoeˇ taˆ maˬ ehˇ, kʼaˬ paˬ kʼoeˇ deuˬ tsawˬ daˆ leˇ tehꞈ-a lehˇ Sahˬpaˬ Miˬyehˇ ehˇ-eu meh’ lehˇ ehˇ nehˬ-iˇ-awˬ.”