Jaceuq 107:33 - Akha

³³ Lawˇ daˬ gui-iˇ-awˇ, lawˇ gawˆ tsiˇ-iˇ ni, Sahˬpaˬ Miˬyehˇ jahˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Aqyawf, lawrgawv-anr bawrtsanq bawrdanr bipyeuf-ir nya-awr; Ircuf irbyoe-anr guicorni ghae-eu mirtsaq bipyeuf-ir nya-eu mae.

Jaceuq 107:33 Referans Kwoze

Iˇsaˬyaˇ 50:2

“Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu lehˇ ngaˇ iˇ ngeh, aˬ jeˬ miˇ neh aˬ yawꞈ maꞈ maˬ haw cawˬ laˇ ta. Aˬ jeˬ miˇ neh ngaˇ kuˇ ngeh aˬ yawꞈ maꞈ oˬ maˬ toˬ ta. Ngaˬ-euˬ aˬ laꞈ yaw nymˇ miˇ neh maˬ ka kʼoꞈ nya ta loˇ. Naw maꞈ-ahˇ ka kʼoꞈ nehˬ nya ni ngaˇ gʼaˬ maˬ loꞈ ta loˇ. Ngaˇ dawˬ biꞈ-awˇ iˬ ma laˆ shaˆ-ahˇ bi gui-iˇ nya ma. Iˇ cuꞈ lawˇ baˬ kʼaˇ shuiꞈ deh ga bi pyeuꞈ-iˇ-awˇ, iˇ cuꞈ maˬ dahˬ-eu miˇ neh ngaˬ shaˬ shiˇ jiˇ ni ngaˇ jahˇ nya ma.

Iˇsaˬyaˇ 42:15

Gawˬ jawˬ gawˬ duˇ deuˬ-ahˇ ngaˇ laˆ cawˆ-awˇ, sahˬ lahˬ aˇ bawˇ deuˬ bi koˆ-iˇ jiˇ ma. Lawˇ baˬ deh ga deuˬ-ahˇ kʼaˇ shuiꞈ shuiꞈ yaˇ bi pyeuꞈ-iˇ-awˇ, iˇ cuꞈ lah deuˬ bi gui-iˇ ma.

Zeˬpaˬniˇ 2:13

Laꞈ taˆ paw aˬ laꞈ cawˬ ja-awˇ, Aˬsuˇliˆ meuˬ laˆ cawˆ tehꞈ-a. Niˇnaˬbeˬ meuˬ ciˬ cuˇ saˆ ni, kʼaˇ shuiꞈ deh ga pyeuꞈ-iˇ tehꞈ-a.

Zeˬpaˬniˇ 2:9

Ngaˇ Baoˬ huiˬ-eu Sahˬpaˬ Miˬyehˇ, Iˇsaˬleˬlaˆ tsawˇ jeuˬ kʼoeˇ taˆ, Miˬyehˇ kʼaˇ pyeuꞈ luꞈ kʼoeˇ keuˆ ni, Mawˇbaˆ hawˇ-eu Aˬmoˬ tsawˇ jeuˬ, Sawˇdoˬ Gawˇmawˇlaˆ meuˬ loꞈ-ehˇ, kʼehˬ nehˬ kʼaˆ nehˬ gaˇ bi daˬ ma. Saˬ deuꞈ duˬ kʼahˬ pyeuꞈ-iˇ jiˇ-awˇ, yaˇ moꞈ neh bi uˆ tehˬ byoˆ-awˇ, yaˇ ziˇ yaw cawˆ-ehˇ jaˆ tehꞈ-a. Buˬ-iˇ-euˬ ngaˬ-euˬ tsawˇ haˬ deuˬ, miˇ kʼahˬ kʼoeˇ deuˬ ya geuꞈ tehꞈ-a.”

Naˬhmˬ 1:4

Laˆ shaˆ-ahˇ aˬ yawꞈ dawˬ biꞈ-awˇ, laˆ shaˆ iˇ cuꞈ bi gui-iˇ-awˇ, lawˇ baˬ iˇ cuꞈ gui jiˇ-eu meh. Gaˬlaˬmeˬlaˇ gawˬ jawˬ koˆ-iˇ, Baˬshaˬ deh ga gui-iˇ jiˇ-awˇ, Leˬbaˬnoˬ gawˬ jawˬ-ahˇ poˬ-eu, aˇ yehˆ nyoeˬ jiˇ koˆ jiˇ-eu meh.

Yawˇlaˆ 1:20

Iˇ cuꞈ lawˇ gawˆ gui-iˇ jiˇ-awˇ, gaˆ kʼahˬ puiˆ dzaˬ jiˇ-euˬ miˇ neh, bawˇtsahˬ jeˬzaˬ nawˬ-ahˇ guˇmeh.

Yeˬsaˬgeˬlaˇ 30:12

Niˬlaˇ lawˇ baˬ ngaˇ laˆ tsiˇ-awˇ, haiˬ-eu tsawˇ haˬ deuˬ-euˬ laꞈ-ahˇ, miˇ kʼahˬ kʼoeˇ kʼahˬ ahˬ ahˇ nehˬ ma. Aˬ cawˬ tsawˇ jeuˬ aˬ laꞈ laꞈ kʼoeˇ, miˇ kʼahˬ kʼoeˇ bi laˆ byoˆ meh lehˇ, Ngaˇ Sahˬpaˬ Miˬyehˇ ehˇ-eu ma.”

Yeˬlaˬmiˇ 14:3

Smˇ muiˬ aˬ da deuˬ zaˬ kʼaˆ deuˬ-ahˇ kʼehˇ gʼeh-awˇ, iˇ cuꞈ bi kʼawꞈ laˬ-iˇ-euˬ kʼawꞈ, lah duˬ-ahˇ iˇ cuꞈ maˬ dahˬ-eu miˇ neh, iˇ puˬ yawꞈ ngehꞈ-ehˇ gʼoꞈ laˇ-euˬ meh. Aˬ yawꞈ maꞈ nui ma cawˆ-awˇ zahˬ leˇ-euˬ miˇ neh, myaˆ pyawˬ ciˬ zaꞈ-eu meh.

Iˇsaˬyaˇ 44:27

Ngaˇ dawˬ kʼaˆ tiˬ dawˬ biꞈ-awˇ, iˬ ma laˆ shaˆ-ahˇ bi gui-iˇ-euˬ ma.

Jaceuq 74:15

Lawˇ kʼmˬ lawˇ gawˆ-ahˇ nawˇ iˇ cuꞈ bi yoeˇ-awˇ, Lawˇ baˬ baˬ ma deuˬ-ahˇ iˇ cuꞈ bi guiˇ-iˇ-eu meh.

1 Sahˬpaˬ 18:5

Awˇbaˬdiˇ-ahˇ Aˬhaˆ ehˇ nehˬ-eu, “Miˇ kʼahˬ heu kʼahˬ laꞈ kʼoeˇ kʼaˇ jaˆ-eu lawˇ baˬ lawˇ gawˆ dawˬ tawˆ luꞈ-ahˇ aˬ dui iˇ doe-awˇ, mahˬ hawˇ-eu mahˬ shaˆ lawˬ deuˬ maˬ bi shiˇ ni bi dzaˬ-eu gʼaˇ duˬ, yaˇ moꞈ poˆ haw-iˇ kaˇ-euˇ. Aˬ dui-euˬ jeˬ zaˬ heu deuˬ shiˇ gaˇ maˬ keuˆ ni ya dehꞈ dzeuˇ-eu duˇ.”