Jaceuq 107:25 - Akha

²⁵ Aˬ yawꞈ dawˬ biꞈ-awˇ jaˬ lehˇ lehˇ ma bi baw leꞈ ngeh, laˆ shaˆ iˇ luˆ dzeh laˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Aqjeq mirnae aernar-aq, aqyawf dawq bif-awr, Jaqlaer laerma bi bawlef ngae, iqmalavshav irluv dzaelar-euq mae.

Jaceuq 107:25 Referans Kwoze

Yawˇnaˆ 1:4

Ehˇ kʼawꞈ, Sahˬpaˬ Miˬyehˇ neh jaˬ lehˇ lehˇ ma bi baw laˇ-awˇ, jaˬ lehˇ baw gʼaˬ kʼaˆ dui dui-eu miˇ neh, saˇ baoˬ kʼoeˇ laˇ bi baw pyaˆ bi baw shaˆ jiˇ paˬ-ehˇ pyeuꞈ laˇ taˬ-euˬ meh.

Maꞈtehˬ 8:24

Kʼoeˇ ngeh, lah kʼoeˇ taˆ jaˬ lehˇ lehˇ ma baw laˇ-awˇ, iˇ luˆ dzeh dui dui-eu miˇ neh, lawˬ ga nuiꞈ-iˇ paˬ-ehˇ pyeuꞈ laˇ-euˬ meh. Ehˇ kʼawꞈ, Yeˬsuˇ yuꞈ kʼaˆ taˬ-euˬ meh.

Jaceuq 148:8

mˬ jeˬ tsawˬ tehˆ hawˇ-eu uˬ yehˇ aˇ siˬ maˬ ehˇ, ngehˇ hawˇ-eu mˬ dmˇ deuˬ maˬ ehˇ, aˬ yawꞈ-euˬ dawˬ naˇ haˬ-eu mˬ jeˬ jaˬ lehˇ maˬ ehˇ, aˬ yawꞈ-ahˇ ja ceuˬ-awˬ.

Jaceuq 105:34

Aˬ yawꞈ dawˬ biꞈ ngeh, maˬ ehˇ jiˇ coeˇ ni myaˬ dui dui-eu nyehˇ bahˇ baˬ maꞈ ga le-awˇ,

Jaceuq 93:3

Sahˬpaˬ Miˬyehˇ-oˇ, naꞈ dui dui-eu iˬ ma laˆ shaˆ teˇ saˇ mahˇ-eu meh. Laˆ shaˆ iˇ cuꞈ teˇ saˇ haˬ haˬ-ehˇ mahˇ-eu meh.

Yoˇhaˬ 6:18

Kʼoeˇ naˇ, jaˬ lehˇ lehˇ ma baw laˇ-awˇ, iˇ luˆ dzeh dui dui-eu meh.

Jaceuq 135:7

Mˬ dmˇ hawˇ-eu jaˬ lehˇ-ahˇ, Uˬ dzeˇ miˇ dzeˇ-ahˇ neh aˬ yawꞈ hehˇ ahˇ laꞈ-eu meh. Jaˬ lehˇ lehˇ ma-ahˇ mˬ jeˬ tsawˬ tehˆ bi tehˆ-awˇ, piˬ lahˇ taˬ-euˬ jaˬ lehˇ pyehˬ doˆ gʼeh leꞈ-eu meh.

Jaceuq 105:31

Miˬyehˇ dawˬ biꞈ-awˇ, miˇ kʼahˬ kʼahˬ lah ni, puˬ saˆ hawˇ-eu caˇ gawˬ baˬ maꞈ maꞈ leˇ-awˇ jawˇ-euˬ meh.

Yawˇnaˆ 1:5

Saˇ baoˬ kʼoeˇ taˆ gaˇ mˇ luꞈ-eu tsawˇ haˬ kʼoeˇ deuˬ guˆ dui dui laˇ-awˇ, yawˬ gʼaˬ na luꞈ yawˬ ha-euˬ miˬyehˇ-ahˇ guˇ guˇ-ehˇ, caw ba le-awˬ lehˇ shaˇ-eu meh. Kʼoeˇ uˬ taꞈ, aˬ yawꞈ maꞈ shiˇ gaˇ maˬ ya keuˆ ni, saˇ baoˬ kʼoeˇ taˆ tawˬ luꞈ-eu myawˬ deuˬ-ahˇ kʼawꞈ, iˬ ma laˆ shaˆ laꞈ kʼoeˇ baꞈ puꞈ-euˬ meh. Kʼoeˇ loꞈ-ehˇ tehˬ gʼa luꞈ ngeh, Yawˇnaˆ gʼaˬ saˇ baoˬ-euˬ dawˬ dah iˇ ka-awˇ, yuˬ kʼaˆ byoˆ taˬ-euˬ meh.