Jaceuq 106:6 - Akha

⁶ Nga maꞈ-euˬ aˬ poeˬ aˬ bawˇ deuˬ loꞈ-ehˇ nga maꞈ iˬ baˇ mˇ-awˇ, yaw haiˬ jeˬ laꞈ kʼoeˇ dehꞈ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nga’maf, nga’maf-euq aqpoeq aqbawr deuq lof-aer iqbax mr-awr, Nga’maf yawlaeq yawca jeq mr-euq uqtaf, nga’maf yawcawv jeq mr-euq mir-a.

Jaceuq 106:6 Referans Kwoze

Neˬhaˬmiˇ 9:16

Ehˇ kʼawꞈ nga maꞈ-euˬ poeˬ piˬ deuˬ nui ma gʼahˇ-awˇ, nawˬ-euˬ dawˬ-ahˇ maˬ naˇ haˬ-a.

Jaceuq 78:8

Miˬyehˇ-ahˇ jah-eu maˬ ziꞈ-ehˇ, Miˬyehˇ-ahˇ saˇ jaˇ maˬ ziꞈ-eu uˬ taꞈ, aˬ yawꞈ-eu ehˇ dawˬ maˬ naˇ haˬ ni aˬ yawꞈ-ahˇ puiˬ-eu, aˬ yawꞈ maꞈ-euˬ aˬ poeˬ aˬ bawˇ kʼoeˇ deuˬ-ahˇ ma duˇ ni, aˬ yawꞈ maꞈ dehꞈ tehꞈ-a.

1 Sahˬpaˬ 8:47

nawˬ-euˬ tsawˇ haˬ kʼoeˇ deuˬ-euˬ guiˬ lahˬ shaˇ dawˬ-ahˇ nawˇ naˇ haˬ nehˬ-awˬ. Miˇ kʼahˬ kʼoeˇ kʼahˬ laꞈ kʼoeˇ aˬ yawꞈ maꞈ iˬ baˇ noeˬ poˆ-awˇ, aˬ yawꞈ maꞈ maˬ tsaˬ maˬ dawˇ-eu laꞈ kʼoeˇ dehꞈ-euˬ miˇ neh, yawˬ ha iˬ baˇ huiˬ dui dui-eu gaˇ kawˆ ja doˆ-awˇ nawˬ-ahˇ guiˬ lahˬ shaˇ naˇ, Sahˬpaˬ Miˬyehˇ-oˇ, aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-awˬ.

Uˬ duˬ 26:40

“Ehˇ kʼawꞈ, naw maꞈ-euˬ zaˬ deuˬ uˆ deuˬ-aˬ, aˬ yawꞈ maꞈ-euˬ iˬ baˇ maˬ ehˇ, ngaˬ-euˬ ehˇ dawˬ maˬ naˇ haˬ ni ngaˬ-ahˇ puiˬ-euˬ aˬ yawꞈ maꞈ-euˬ aˬ poeˬ aˬ bawˇ deuˬ-euˬ iˬ baˇ maˬ ehˇ, maˬ zaꞈ ni ehˇ doˆ tehꞈ-a.

Maꞈtehˬ 23:32

Toˆ-ehˇ ngeuˇ naˇ, naw maꞈ-euˬ aˬ poeˬ aˬ bawˇ deuˬ neh mˇ bahˬ yaꞈ-euˬ jeˬ-ahˇ, naw maꞈ mˇ saˬ mˇ li li-awˬ.

Yeˬlaˬmiˇ 3:25

Shaꞈ dawˇ-eu laꞈ kʼoeˇ yuꞈ ja-awˇ, daˬ ga-eu jeˬ neh bi sheu kaˬ paˬ-ehˇ gʼeh miˇ-a. Nga maꞈ hawˇ-eu nga maꞈ-euˬ aˬ poeˬ aˬ bawˇ deuˬ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ myah luꞈ puiˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ tiˬ jawˇ-iˬ maˬ naˇ haˬ geuꞈ ni dehꞈ-euˬ ma.”

Neˬhaˬmiˇ 1:7

Nawˬ neh ehˇ taˬ-euˬ jeˬ-ahˇ nga maꞈ maˬ mˇ ni, nawˬ-euˬ mehˬ shi yaw haiˬ jeˬ-ahˇ nga maꞈ mˇ-euˬ ma. Nawˬ-euˬ zaˬ kʼaˆ Moˇseˬ-ahˇ gʼoe-awˇ nawˬ neh nga maꞈ-ahˇ biꞈ taˬ-euˬ zahˇ dawˬ kʼoꞈ dawˬ deuˬ-ahˇ nga maꞈ maˬ caw teh ni dehꞈ-euˬ ma.

Bawˇtsahˬ 32:14

Nymˬ-mˇ, iˬ baˇ paˇ mˇ mawꞈ-eu naw maꞈ shehˆ kʼawꞈ ni, naw maꞈ-euˬ aˬ da deuˬ-euˬ pehˬ zaˇ-ahˇ paˇ nawˬ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ Sahˬpaˬ Miˬyehˇ nui ma pehˇ-eu jeˬ tiˬ poˆ paˇ bi keuˆ le-eu gʼeh-eu ngaˇ.

Eˇzaˬlaˬ 9:10

“Ehˇ kʼawꞈ ni, Miˬyehˇ-oˇ, nymˬ-mˇ heu loꞈ-ehˇ pyeuꞈ laˇ gʼaˬ taˬ-euˬ miˇ neh, nga maꞈ aˬ joˆ-ehˇ paˇ ya ehˇ nmˇ. Nawˬ-euˬ gʼaˇ duˬ ngehˬ dah-eu nawˬ-euˬ zaˬ kʼaˆ deuˬ-ahˇ gʼoe-awˇ nawˇ nga maꞈ-ahˇ biꞈ taˬ-euˬ zahˇ dawˬ kʼoꞈ dawˬ deuˬ-ahˇ nga maꞈ byehˇ dzeh gʼaˬ-euˬ ma. Aˬ yawꞈ maꞈ-ahˇ gʼoe-awˇ nawˇ nga maꞈ-ahˇ ehˇ taˬ-eu dawˬ heu loꞈ-ehˇ jaˆ-eu meh. Naw maꞈ jawˇ uˇ leˇ-eu lehˇ gʼeh-eu miˇ kʼahˬ kʼoeˇ kʼahˬ-aˬ, maˬ muiˬ maˬ shawˇ-eu miˇ kʼahˬ pyeuꞈ-eu meh. Aˬ jeˬ miˇ neh ehˇ naˇ, kʼoeˇ gaˇ jawˇ luꞈ-eu tsawˇ haˬ deuˬ-aˬ, miˇ kʼahˬ kʼoeˇ kʼahˬ-euˬ kʼoeˇ dzeˇ heu dzeˇ doˆ ni jawꞈ dui dui-eu jeˬ tehꞈ-ehˇ mˇ byah jiˇ taˬ-euˬ meh.

Yeˬlaˬmiˇ 14:20

Sahˬpaˬ Miˬyehˇ nawˬ-ahˇ nga maꞈ mˇ bahˬ-euˬ ma. Nga maꞈ mˇ-euˬ iˬ baˇ hawˇ-eu aˬ poeˬ aˬ bawˇ deuˬ-euˬ iˬ baˇ, lehˬ-eu miˇ-a lehˇ nga maꞈ ehˇ-eu ma.