Jaceuq 106:45 - Akha

⁴⁵ Aˬ yawꞈ maꞈ-euˬ gʼaˇ duˬ dawˬ ma saˇ jaˇ-ahˇ noeˬ keuˆ nehˬ-awˇ, aˬ yawꞈ-euˬ huiˬ-eu gʼoeˇ-eu gaˬ-eu jeˬ baˬ da neh, aˬ yawꞈ nui ma juˆ-iˇ-eu laꞈ kʼoeˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁵ Aqyawf, aqyawf maf-euq gharduq, aqyawf-euq dawqma sarjax-anr noeqkeuv-awr; Aqyawf-euq ghawqshaq gaq-eu jeq myaq duidui-eu baqda’nae, nuima ga’nanq le-euq mae.

Jaceuq 106:45 Referans Kwoze

Jaceuq 105:8

Aˬ yawꞈ-euˬ dawˬ ma saˇ jaˇ-ahˇ mˬ maˬ maˬ byaˆ zaˇ ziˇ aˬ yawꞈ ziꞈ-awˇ, aˬ yawꞈ-euˬ saˇ jaˇ dawˬ-ahˇ aˇ heˇ ziˇ ziꞈ tehꞈ-a.

Yaˇ kʼaˬ daˇ 2:18

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ aˬ yuiꞈ aˬ tsu tiˬ gʼaˬ kʼaˇ biꞈ nehˬ ngeh, aˬ yuiꞈ aˬ tsu kʼoeˇ gʼaˬ kʼaˇ dehꞈ kʼoeˇ keuˆ ni aˬ yawꞈ-ahˇ Sahˬpaˬ Miˬyehˇ caw ba nehˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ, muiˇ-eu tsawˇ haˬ deuˬ-euˬ aˬ laꞈ laꞈ kʼoeˇ neh bi ka kʼoꞈ-euˬ meh. Aˬ jeˬ miˇ neh ehˇ naˇ, kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ-awˇ mahˇ luꞈ-eu teˇ saˇ-ahˇ Sahˬpaˬ Miˬyehˇ ya gaˬ ngeh, aˬ yawꞈ maꞈ-ahˇ gʼawˬ shaˬ gaˬ-euˬ meh.

Ngoeˇ dawˬ 3:32

Tsawˇ haˬ zaˬ-ahˇ bi noeˬ shaˬ kʼawꞈ, aˬ yawꞈ gaˬ-eu gʼaˬ kʼaˆ luꞈ meh.

Jaceuq 69:16

Sahˬpaˬ Miˬyehˇ-oˇ, maˬ tsehˆ leˇ nya-eu muiˬ dui dui-eu nawˬ-euˬ gʼoeˇ-eu gaˬ-eu jeˬ baˬ da neh, ngaˬ-euˬ shaˇ dawˬ-ahˇ naˇ haˬ nehˬ laꞈ. Huiˬ dui dui-eu nawˬ-euˬ gʼawˬ shaˬ gaˬ-eu jeˬ baˬ da neh, ngaˬ-ahˇ haw cawˬ nehˬ laꞈ.

Jaceuq 51:1

Miˬyehˇ-oˇ, aˬ myah luꞈ maˬ tsehˆ leˇ ni gaˬ-eu nawˬ-euˬ gʼoeˇ-eu gaˬ-eu jeˬ baˬ da neh, ngaˬ-ahˇ gʼawˬ shaˬ gaˬ nehˬ laꞈ-awˬ. Huiˬ dui dui-eu gʼawˬ shaˬ gaˬ nya-eu jeˬ baˬ da neh, ngaˬ-euˬ iˬ baˇ tsiˬ shawˇ nehˬ laꞈ-awˬ.

2 Sahˬpaˬ 13:23

Ehˇ kʼawꞈ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ gaˬ-eu laꞈ kʼoeˇ, Aˬbyaˬhaˬ, Iˇtsaˆ, Yaˬkoˆ aˬ ha maꞈ-ahˇ aˬ yawꞈ neh dzaˬ taˬ-euˬ dawˬ ma saˇ jaˇ baˬ da neh, aˬ yawꞈ-euˬ tsawˇ jeuˬ-ahˇ aˬ yawꞈ maˬ ngehˇ leˇ coeˇ-ehˇ, cawˆ-iˇ jiˇ gaˇ maˬ bi keuˆ ni caw ba nehˬ-euˬ meh.

Doˆ-iˇ 32:14

Kʼoeˇ ngeh, Sahˬpaˬ Miˬyehˇ nui ma noeˬ paˇ-awˇ, aˬ yawꞈ neh noeˬ tsehˆ taˬ-euˬ luˬ-iˇ seˇ-iˇ-eu jeˬ, aˬ yawꞈ-euˬ tsawˇ haˬ deuˬ kʼoeˇ taˆ maˬ bi keuˆ le ni, bi dzeuˇ-iˇ-euˬ meh.

Iˇsaˬyaˇ 63:7

Sahˬpaˬ Miˬyehˇ-euˬ gʼoeˇ-eu gaˬ-eu jeˬ, maˬ poˆ maˬ paˇ laˇ-eu gaˇ kawˆ ngaˇ ja gaˬ ma. Aˬ dui kʼoeˇ taˆ aˬ yawꞈ neh kʼaˇ mˇ taˬ-euˬ jeˬ gʼaˇ duˬ, aˬ yawꞈ-euˬ guiˬ lahˬ-ahˇ ngaˇ ja ceuˬ ma. Aˬ yawꞈ-euˬ gʼawˬ shaˬ gaˬ-eu jeˬ hawˇ-eu, maˬ tsehˆ leˇ nya-eu gʼoeˇ-eu gaˬ-eu jeˬ baˬ da, aˬ yawꞈ-euˬ Iˇsaˬleˬlaˆ tsawˇ jeuˬ-ahˇ, muiˬ-eu guiˬ lahˬ tiˬ byah biꞈ nehˬ-euˬ meh.

Jaceuq 90:13

Nawˬ-euˬ nui pehˇ aˇ myah ni bi gmˬ-eu gʼeh te. Sahˬpaˬ Miˬyehˇ-oˇ, nawˬ-euˬ zaˬ kʼaˆ deuˬ-ahˇ gʼawˬ shaˬ gaˬ nehˬ laꞈ-awˬ.

Aˬmoˆ 7:6

Kʼoeˇ ngeh, Sahˬpaˬ Miˬyehˇ nui ma tiˬ poˆ paˇ paˇ laˇ-awˇ, “Heu kʼawꞈ, maˬ pyeuꞈ laˇ-aˇ” lehˇ paˇ ehˇ-eu meh.

Aˬmoˆ 7:3

Kʼoeˇ ngeh, Sahˬpaˬ Miˬyehˇ nui ma paˇ laˇ-awˇ, “Nawˬ neh ya mawˇ-euˬ loꞈ-ehˇ maˬ pyeuꞈ laˇ-aˇ” lehˇ ehˇ-eu meh.

Hawˇseˬ 11:8

“Iˇsaˬleˬlaˆ-oˇ, nawˬ-ahˇ ngaˇ, aˬ joˆ-ehˇ gʼeh-awˇ byehˇ coeˇ nmˇ. Aˬdaˬmaˬ-ahˇ kʼehˬ-euˬ loꞈ-ehˇ, nawˬ-ahˇ ngaˇ aˬ joˆ-ehˇ kʼehˬ nmˇ. Zeˬbymˬ-ahˇ jahˇ nehˬ-euˬ loꞈ-ehˇ, nawˬ-ahˇ ngaˇ aˬ joˆ-ehˇ jahˇ nmˇ. Nawˬ-ahˇ gaˬ dui dui-eu miˇ neh, kʼoeˇ loꞈ-ehˇ jahˇ nehˬ-eu gʼaˇ duˬ, ngaˬ-euˬ nui ma maˬ gʼaˬ leˇ nya.

Jaceuq 135:14

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ haw piˇ-awˇ, aˬ yawꞈ-euˬ zaˬ kʼaˆ deuˬ-ahˇ aˬ yawꞈ gʼawˬ shaˬ gaˬ tehꞈ-a.

2 Saˬmeuˬlaˆ 24:16

Sahˬpaˬ Miˬyehˇ-euˬ mˬ taˆ gʼaˬ kʼehˇ Yeˬluˇsaˬlehˬ meuˬ-ahˇ laˆ cawˆ-eu lehˇ gʼeh ngeh, Sahˬpaˬ Miˬyehˇ nui ma paˇ laˇ-awˇ, Iˇsaˬleˬlaˆ tsawˇ haˬ deuˬ-ahˇ laˆ luˬ laˆ seˇ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ, “Teu naˆ ni naˇ gʼaˬ-aˇ. Taˬpaˇ jahˇ hawˇ-awˬ” lehˇ ehˇ nehˬ-euˬ meh. Kʼoeˇ loꞈ-ehˇ ehˇ nehˬ ngeh, mˬ taˆ gʼaˬ kʼehˇ kʼoeˇ gʼaˬ Yeˬbuˇ tsawˇ jeuˬ Aˬyawˇnahˬ-euˬ cehˇ bymˇ saˬ kʼawꞈ-ahˇ oe keuˆ taˬ-euˬ meh.

Dawˬmehˬ 32:36

Yawꞈ-euˬ tsawˇ haˬ gʼaˬ juˬ-iˇ ngeh, Sahˬpaˬ Miˬyehˇ ka kʼoꞈ tehꞈ-a. Yawꞈ-ahˇ saˇ jaˇ ziꞈ luꞈ-eu deuˬ, caw ba nehˬ-eu gʼaˬ maˬ jawˇ ngeh, aˬ yawꞈ gʼawˬ shaˬ gaˬ nehˬ tehꞈ-a.

Uˬ duˬ 26:45

Aˬ yawꞈ maꞈ-euˬ Miˬyehˇ ya pyeuꞈ laˇ ni, miˇ kʼahˬ heu myaˆ ni gʼeh-eu mehˬ shi, Iˇjiˇtuˆ miˇ kʼahˬ laꞈ kʼoeˇ neh ngaˬ neh sheuˬ doˆ laꞈ-euˬ aˬ yawꞈ maꞈ-euˬ aˬ poeˬ aˬ bawˇ deuˬ nehˬ-ehˇ ngaˬ neh dzaˬ taˬ-eu dawˬ ma saˇ jaˇ-ahˇ, yaw shuiꞈ shuiꞈ-ehˇ paˇ noeˬ keuˆ ma.”

Yaˇ kʼaˬ daˇ 10:16

Kʼoeˇ naˇ, boeˇ miˬ siˬ kʼaˬ deuˬ-euˬ miˬ yehˇ deuˬ-ahˇ aˬ yawꞈ maꞈ byehˇ dzeh-awˇ, Sahˬpaˬ Miˬyehˇ-ahˇ uˬ duˬ tahˬ ngeh, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ haw gaˬ-euˬ meh.

Jaceuq 136:23

Aˬ cawˬ aˬ dui-ahˇ gʼaˬ laˇ ngeh, aˬ dui-ahˇ aˬ yawꞈ maˬ ngehˇ-a. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Yeˬlaˬmiˇ 18:8

tsawˇ jeuˬ kʼoeˇ jeuˬ noeˬ paˇ-awˇ yaw haiˬ jeˬ maˬ mˇ ni byehˇ naˇ, ngaˬ neh ehˇ-euˬ loꞈ-ehˇ maˬ jahˇ nehˬ ni byehˇ nya ma.

Yeˬsaˬgeˬlaˇ 16:60

Ehˇ kʼawꞈ, nawˇ zaˬ guˬ pyeuꞈ ngeh nawˬ nehˬ-ehˇ ngaˇ dzaˬ-euˬ dawˬ ma saˇ jaˇ-ahˇ ngaˇ taˬ huiˬ-awˇ, mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ tiˬ hmˬ, nawˬ nehˬ-ehˇ ngaˇ dzaˬ taꞈ ma.