Jaceuq 106:37 - Akha

³⁷ Kaˬnaˬ miˇ kʼahˬ-ahˇ jaˆ-eu tahˬ pahˬ aˬ ma mawˇ kawˇ deuˬ-ahˇ, yawˬ ha-euˬ aˬ buˇ aˬ li lawˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁷ Aqyawfmaf, naef-anr yawqha-euq zaqmiq zaqyo khawf lawrnaeq-euq mae.

Jaceuq 106:37 Referans Kwoze

2 Sahˬpaˬ 17:17

Aˬ yawꞈ maꞈ-euˬ aˬ buˇ aˬ li deuˬ-ahˇ miˬ dzaˬ dzah puiˆ-awˇ, lawˇ ciꞈ zaˬ-euˬ miˬyehˇ deuˬ-ahˇ lawˇ nehˬ-euˬ meh. Nyiˇ paˬ, shaˆ ma, boeˇ mawˬ deuˬ hawˇ-eu, ja maw nya-eu deuˬ-ahˇ aˬ yawꞈ maꞈ gʼoe-eu uˬ taꞈ, Sahˬpaˬ Miˬyehˇ mehˬ shi yaw lehˬ yaw ca jeˬ nui kʼahˇ tiˬ shiˇ mˇ-eu laꞈ kʼoeˇ, Sahˬpaˬ Miˬyehˇ-ahˇ nui ma laˆ pehˇ-euˬ meh.

2 Sahˬpaˬ 16:3

Iˇsaˬleˬlaˆ sahˬ paˬ deuˬ-ahˇ aˬ yawꞈ dzaw geuꞈ-eu uˬ taꞈ, Iˇsaˬleˬlaˆ tsawˇ haˬ deuˬ miˇ kʼahˬ kʼoeˇ kʼahˬ-ahˇ jawˇ uˇ leˇ ngeh, Sahˬpaˬ Miˬyehˇ neh teh doˆ nehˬ-euˬ tsawˇ haˬ deuˬ-euˬ zahˇ sahˇ kʼoꞈ-ahˇ aˬ yawꞈ caw teh-awˇ, aˬ yawꞈ-euˬ aˬ li-ahˇ kʼawꞈ, miˬ dzaˬ dzah puiˆ-awˇ lawˇ-euˬ meh.

Yeˬlaˬmiˇ 7:31

Aˬ yawꞈ maꞈ-euˬ aˬ buˇ aˬ li deuˬ-ahˇ miˬ dzaˬ dzah puiˆ-awˇ lawˇ-eu gʼaˇ duˬ, Hiˬnoˬ deh kʼawꞈ-ahˇ Tawˇpehˆ lehˇ myahˇ-euˬ lawˇ duˬ tiˬ tsahˇ aˬ yawꞈ maꞈ tsoˆ-euˬ meh. Kʼoeˇ loꞈ-ehˇ bi mˇ-eu gʼaˇ duˬ, aˬ yawꞈ maꞈ-ahˇ ngaˇ dawˬ biꞈ-euˬ maˬ ngeuˇ. Noeˬ-euˬ tehꞈ-ehˇ kʼawꞈ maˬ shaˇ noeˬ haw-aˬ.

Dawˬmehˬ 32:17

Aˬ poeˬ ziˇ-ahˇ maˬ gaˬ haw-ehˇ, aˬ bawˇ ziˇ-ahˇ maˬ gʼoe haw-euˬ, miˬ yehˇ maˬ ngeuˇ-eu nehꞈ deuˬ-ahˇ, aˬ yawꞈ maꞈ lawˇ-euˬ shehˇ-euˬ meh.

1 Gawˇliˬtu 10:20

Maˬ ngeuˇ. Lawˇ ciꞈ za deuˬ-euˬ lawˇ duˬ kʼoeˇ taˆ lawˇ-euˬ jeˬ-aˬ, Miˬyehˇ-ahˇ lawˇ nehˬ-euˬ maˬ ngeuˇ-ehˇ, nehꞈ-ahˇ lawˇ nehˬ-euˬ meh lehˇ ngaˇ ehˇ mawꞈ-eu ma. Naw maꞈ nehꞈ-ahˇ maˬ bi taꞈ leˇ mawꞈ nya.

Yeˬsaˬgeˬlaˇ 23:37

Aˬ cawˬ-euˬ miˬ zaˬ yo zaˬ-ahˇ bahˬ-eu jeˬ hawˇ-eu, tsawˇ haˬ-ahˇ sehꞈ-eu jeˬ aˬ yawꞈ nyaꞈ mˇ-euˬ meh. Tahˬ pahˬ aˬ ma mawˇ kawˇ nehˬ-ehˇ bahˬ-awˇ, aˬ yawꞈ nyaꞈ o neh dehꞈ le-euˬ ngaˬ-euˬ aˬ li deuˬ-ahˇ sehꞈ-euˬ meh.

Yeˬsaˬgeˬlaˇ 20:26

Aˬ yawꞈ maꞈ-euˬ lawˇ-eu shehˇ-eu jeˬ neh aˬ yawꞈ maꞈ-ahˇ bi laˆ jawꞈ ni ngaˇ jahˇ-awˇ, aˬ yawꞈ maꞈ-euˬ aˬ li aˬ yuiꞈ deuˬ lawˇ ni ngaˇ jahˇ nehˬ-euˬ ma. Aˬ yawꞈ maꞈ-ahˇ kʼehˬ nehˬ kʼaˆ nehˬ-awˇ, ngaˇ Sahˬpaˬ Miˬyehˇ pyeuꞈ-eu siˬ leˇ ni, kʼoeˇ loꞈ-ehˇ jahˇ nehˬ-euˬ ma.

Yeˬlaˬmiˇ 32:35

Moˇlehˆ miˬ yehˇ-ahˇ aˬ yawꞈ maꞈ-euˬ aˬ buˇ aˬ li deuˬ lawˇ nehˬ-eu gʼaˇ duˬ, Hiˬnoˬ deh kʼawꞈ-ahˇ Baˬlaˇ miˬ yehˇ gʼaˇ duˬ lawˇ duˬ tiˬ tsahˇ aˬ yawꞈ maꞈ tsoˆ-euˬ meh. Kʼoeˇ loꞈ-ehˇ jahˇ-eu gʼaˇ duˬ aˬ yawꞈ maꞈ-ahˇ ngaˇ maˬ mehˬ maˬ tsoˆ-euˬ uˬ taꞈ, aˬ yawꞈ maꞈ kʼoeˇ loꞈ-ehˇ jahˇ-awˇ Yuˇdaˆ tsawˇ haˬ deuˬ iˬ baˇ mˇ ni sheuˬ bahˬ nehˬ tehꞈ-a lehˇ, nui ma laꞈ kʼoeˇ tehꞈ-ehˇ kʼawꞈ ngaˇ maˬ noeˬ haw-aˬ.”

Iˇsaˬyaˇ 57:5

Miˇ muiˬ bi muiˬ laˇ-eu miˬ yehˇ ma-ahˇ uˬ duˬ tahˬ-awˇ, muiˬ-eu shawˇ-eu aˇ bawˇ uˬ moˆ kʼaˬ miˬ sheu luꞈ-eu meh. Lawˇ baˬ dawˬ peh jaˆ-eu lo kʼahˬ laꞈ kʼoeˇ, naw maꞈ-euˬ zaˬ sehꞈ-awˇ lawˇ nehˬ shehˇ nehˬ-euˬ meh.

2 Sahˬpaˬ 21:6

Aˬ yawꞈ-euˬ aˬ li miˬ dzaˬ-ahˇ dzah puiˆ-awˇ lawˇ-euˬ shehˇ-euˬ meh. Maw loˬ ja maw hawˇ-eu, nyiˇ paˬ shaˆ ma deuˬ-ahˇ aˬ yawꞈ gʼoe-euˬ meh. Sahˬpaˬ miˬyehˇ nui ma pehˇ laˇ ngeh keuˆ ni, Sahˬpaˬ Miˬyehˇ mehˬ shi aˬ yawꞈ iˬ baˇ mˇ dui dui-euˬ meh.

Dawˬmehˬ 18:10

Yawˬ ha-euˬ aˬ buˇ aˬ li-ahˇ lawˇ duˬ kʼoeˇ taˆ dzah puiˆ-awˇ naw maꞈ maˬ ya lawˇ-a. Ja maw maw-eu maˬ ehˇ, mah loˬ loˬ-eu maˬ ehˇ, nyiˇ paˬ shiˇ-eu maˬ ehˇ, shiˇ dzeuˇ-euˬ tsawˇ haˬ-euˬ yaw sahˇ nehˬ-ehˇ mehˬ bawˬ mˇ-eu maˬ ehˇ, naw maꞈ-euˬ tsawˇ haˬ deuˬ maˬ ya bi jahˇ-a.

Uˬ duˬ 17:7

Aˬ kaˇ naˇ, nehꞈ ciꞈ myehꞈ-ahˇ lawˇ nehˬ-eu jeˬ loꞈ-ehˇ, deh ga-ahˇ jeˬ zaˬ sehꞈ-eu laꞈ kʼoeˇ, Sahˬpaˬ Miˬyehˇ-ahˇ saˇ jaˇ puiˬ-eu jeˬ, Iˇsaˬleˬlaˆ tsawˇ haˬ deuˬ maˬ paˇ ya mˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ, zahˇ sahˇ kʼoꞈ heu hmˬ-ahˇ, aˬ myah luꞈ maˬ byehˇ ni ya caw teh meh.

Lormav 9:20

Ehˇ kʼawꞈ, cawˬ-oˇ, Miˬyehˇ-ahˇ dawˬ poˆ poˆ leˇ paˬ-ehˇ nawˇ aˬ suˇ gʼaˬ te. “Nawˇ ngaˬ-ahˇ aˬ jeˬ miˇ neh heu loꞈ-ehˇ tehˆ nehˬ laꞈ te” lehˇ, oeˬ lahˬ tehˆ-eu tsawˇ haˬ-ahˇ miˇ tsaˬ oeˬ lahˬ dawˬ poˆ poˆ leˇ nya ta loˇ.

Yeˬsaˬgeˬlaˇ 23:47

Tsawˇ haˬ kʼoeˇ deuˬ aˬ yawꞈ nyaˬ-ahˇ kʼaˬ lo biˬ-awˇ, mi cehˇ law-awˇ, aˬ yawꞈ nyaꞈ-euˬ zaˬ deuˬ-ahˇ sehꞈ-awˇ, aˬ yawꞈ nyaꞈ-euˬ nymˇ-ahˇ miˬ dzaˬ keuˬ dzeh luꞈ-uˇ.

2 Laˬsaˬbaˬ 11:15

Sahˬ paˬ Yeˬyawˇbamˬ-aˬ, lawˇ ciꞈ zaˬ deuˬ uˬ duˬ tahˬ-eu jawˇ duˬ-ahˇ gaˇ bi mˇ-eu gʼaˇ duˬ maˬ ehˇ, nehꞈ yaw jawꞈ deuˬ hawˇ-eu aˬ yawꞈ neh kʼaˇ-euˬ mawˇ neˇ mawˇ kawˇ tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu gʼaˇ duˬ maˬ ehˇ, aˬ yawꞈ-euˬ piˇ ma deuˬ aˬ yawˇ yawꞈ tseˇ doˆ -euˬ meh.

Uˬ duˬ 18:21

Miˬ dzaˬ-ahˇ dzah puiˆ-awˇ, Moˇlehˆ miˬ yehˇ-ahˇ bi damˬ nehˬ-eu gʼaˇ duˬ, yaw ha-euˬ aˬ buˇ aˬ li maˬ ya biꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-aˬ, Sahˬpaˬ Miˬyehˇ lehˇ kuˇ-eu Miˬyehˇ-euˬ tsawˇ myahˇ-ahˇ yehˬ bawˬ sehˇ lu-ehˇ gʼeh gaˇ duˇ-eu meh.

Yeˬsaˬgeˬlaˇ 20:31

Iˬ nah keuˆ ni lawˇ-eu shehˇ-eu kʼoeˇ jeˬ naw maꞈ damˬ-awˇ lawˇ-awˇ, tahˬ pahˬ aˬ ma mawˇ kawˇ kʼoeˇ deuˬ-ahˇ naw maꞈ-euˬ zaˬ deuˬ lawˇ nehˬ-eu laꞈ kʼoeˇ, kʼoeˇ deuˬ baˬ da neh naw maꞈ yawˬ haˇ yawˬ ha laˆ jawꞈ dui dui luꞈ meh. Naw maꞈ Iˇsaˬleˬlaˆ tsawˇ haˬ deuˬ kʼoeˇ naˆ naˆ-ehˇ dehꞈ doeˇ luꞈ-eu kʼawꞈ, ngaˇ nui ma tsaˬ-eu jeˬ-ahˇ paˇ naˇ haˬ laˇ-eu nga laˬ. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, naw maꞈ ngaˬ-ahˇ tiˬ jeˬ-iˬ maˬ bi naˇ haˬ laˇ.