Jaceuq 106:28 - Akha

²⁸ Miˬyehˇ-euˬ tsawˇ haˬ deuˬ Peˬoˇ meuˬ-ahˇ, Baˬlaˇ miˬ yehˇ-ahˇ uˬ duˬ tahˬ-awˇ, yaw dehꞈ maˬ dehꞈ-eu miˬ yehˇ-ahˇ lawˇ-euˬ dzaˇ, aˬ yawꞈ maꞈ dzaˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Aqyawfmaf, Peqor-euq Baqlar miqyaer-anr gawfler-awr; Yawshir jeq-anr lawrnaeq-euq lawrdzar dzaq-euq mae.

Jaceuq 106:28 Referans Kwoze

Hawˇseˬ 9:10

Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ tsawˇ haˬ deuˬ-ahˇ, yaw beh poˆ ngaˇ mawˇ dahˬ beh ngeh, kʼaˇ shuiꞈ deh ga gʼahˇ ceh dehꞈ-eu, aˬ gaꞈ baw duˆ-ahˇ duˇ-eu meh. Naw maꞈ-euˬ aˬ poeˬ aˬ piˬ deuˬ, yaw beh poˆ ngaˇ mawˇ dahˬ beh ngeh, awꞈ beh beh laˇ-awˇ siˬ luꞈ-eu, siˬ guˬ aˇ siˬ-ahˇ duˇ-eu meh. Ehˇ kʼawꞈ, Peˬoˇlaˬ gawˬ jawˬ-ahˇ laˇ ngeh, Baˬlaˇ-ahˇ uˬ duˬ tahˬ paˇ-awˇ, yawꞈ maꞈ gaˬ-eu miˬyehˇ loꞈ-ehˇ, jawꞈ dui dui gaˇ ya mawˇ-euˬ ma.

Bawˇtsahˬ 25:5

Aˬ yuiꞈ aˬ tsu kʼoeˇ deuˬ-ahˇ Moˇseˬ ehˇ nehˬ-eu, “Naw maꞈ yawˬ gʼaˬ na luꞈ, yawˬ ha tsawˇ jeuˬ laꞈ kʼoeˇ, Peˬoˇ miˬ yehˇ Baˬlaˇ-ahˇ uˬ duˬ kʼaˇ tahˬ-eu deuˬ-ahˇ ya sehꞈ meh.”

Dawˬmehˬ 4:3

Peˬoˇ gawˬ jawˬ-ahˇ Sahˬpaˬ Miˬyehˇ neh mˇ-euˬ jeˬ naw maꞈ ya mawˇ-euˬ meh. Kʼoeˇ gaˇ, Baˬlaˇ-ahˇ uˬ duˬ kʼaˇ tahˬ-euˬ tsawˇ haˬ deuˬ-ahˇ aˬ yawꞈ sehꞈ-euˬ meh.

Panmaeq 2:14

Ehˇ kʼawꞈ, ngaˇ nawˬ-ahˇ heu myaˆ jeˬ iˬ baˇ taˬ kʼaˇ za-eu ma. Iˇsaˬleˬlaˇ tsawˇ haˬ deuˬ tahˬ pahˬ aˬ ma mawˇ kawˇ-ahˇ lawˇ nehˬ-euˬ lawˇ dzaˇ dzaˬ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu ni mehˇ shuiˇ shuiˇ-awˇ aˬ joˆ-ehˇ ya sheuˬ pyawˇ-eu gaˇ kawˆ, Baˬlehˇ-ahˇ mehˬ nehˬ-euˬ gʼaˬ pyeuꞈ-eu Baˬlamˬ neh mehˬ-euˬ tsoˆ-euˬ dawˬ deuˬ-ahˇ, nawˬ-euˬ tsawˇ haˬ tiˬ paˆ na deuˬ caw teh luꞈ-eu meh.

Dawˬmehˬ 32:17

Aˬ poeˬ ziˇ-ahˇ maˬ gaˬ haw-ehˇ, aˬ bawˇ ziˇ-ahˇ maˬ gʼoe haw-euˬ, miˬ yehˇ maˬ ngeuˇ-eu nehꞈ deuˬ-ahˇ, aˬ yawꞈ maꞈ lawˇ-euˬ shehˇ-euˬ meh.

Yawˇshuˆ 22:17

Peˬoˇ lehˇ kuˇ-eu jawˇ duˬ-ahˇ, aˬ dui-euˬ iˬ baˇ baˬ da neh aˬ yawꞈ-euˬ tsawˇ haˬ deuˬ kʼoeˇ taˆ luˬ-iˇ seˇ-iˇ-eu jeˬ Sahˬpaˬ Miˬyehˇ bi keuˆ le-euˬ gaˇ kawˆ shaˇ noeˬ haw sheˇ. Kʼoeˇ baˬ da neh iˬ nah keuˆ ni aˬ dui maꞈ ya daˬ luꞈ-eu maˬ ngeuˇ-a loˇ. Iˬ baˇ kʼoeˇ maˬ gʼaˬ-a siˬ loˇ.

Bawˇtsahˬ 31:16

Peˬoˇ lehˇ kuˇ-eu jawˇ duˬ-ahˇ zaˬ miˬ zaˬ heu deuˬ Baˬlamˬ neh mehˬ nehˬ-euˬ loꞈ-ehˇ mˇ-awˇ, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ saˇ jaˇ maˬ ziꞈ ni pyeuꞈ-iˇ-euˬ naw maꞈ ngehˇ teˬ loˇ. Kʼoeˇ baˬ da neh Sahˬpaˬ Miˬyehˇ-euˬ tsawˇ haˬ deuˬ kʼoeˇ taˆ luˬ-iˇ seˇ-iˇ-eu jeˬ keuˆ le-euˬ maˬ ngeuˇ-a loˇ.

Doˆ-iˇ 34:15

Aˬ jeˬ miˇ neh ehˇ naˇ, lawˇ ciꞈ zaˬ kʼoeˇ deuˬ-aˬ, aˬ yawꞈ maꞈ-euˬ miˬyehˇ-ahˇ lawˇ-eu shehˇ-eu jeˬ mˇ ngeh, naw maꞈ-ahˇ kuˇ-awˇ, lawˇ gʼaˬ shehˇ gʼaˬ-euˬ dzaˇ deuˬ dzaˬ-awˬ lehˇ muˇ tehꞈ-a.