Jaceuq 105:8 - Akha

⁸ Aˬ yawꞈ-euˬ dawˬ ma saˇ jaˇ-ahˇ mˬ maˬ maˬ byaˆ zaˇ ziˇ aˬ yawꞈ ziꞈ-awˇ, aˬ yawꞈ-euˬ saˇ jaˇ dawˬ-ahˇ aˇ heˇ ziˇ ziꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqyawf, aqyawf-euq dawqma sarjax-anr mqmaq maqbyav yarzir noeqtaq-awr; Aqyawf nae bif-euq khaerdawq-aq, artanr zir gmq-eu mae.

Jaceuq 105:8 Referans Kwoze

Dawˬmehˬ 7:9

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ tiˬ gʼaˬ tehꞈ-ehˇ aˬ diˇ aˬ maˇ Miˬyehˇ pyeuꞈ-eu gaˇ maˬ ehˇ, aˬ yawꞈ-euˬ saˇ jaˇ ziꞈ-eu jeˬ-ahˇ maˬ ehˇ, naw maꞈ maˬ ngehˇ ni noeˬ keuˆ-awˬ. Aˬ yawꞈ-ahˇ gaˬ-awˇ aˬ yawꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-eu tsawˇ haˬ deuˬ-ahˇ, tiˬ heˇ ziˇ keuˆ ni aˬ yawꞈ dawˬ ma saˇ jaˇ ziꞈ-awˇ, maˬ tsehˆ leˇ-eu gʼoeˇ-eu gaˬ-eu jeˬ bi mawˇ tehꞈ-a.

Jaceuq 111:5

Aˬ yawꞈ-ahˇ taˬ huiˬ-eu deuˬ-ahˇ aˬ yawꞈ bi dzaˬ bi dawˇ dehˆ-awˇ, aˬ yawꞈ-euˬ dawˬ ma saˇ jaˇ-ahˇ aˬ yawꞈ maˬ ngehˇ-a.

Jaceuq 106:45

Aˬ yawꞈ maꞈ-euˬ gʼaˇ duˬ dawˬ ma saˇ jaˇ-ahˇ noeˬ keuˆ nehˬ-awˇ, aˬ yawꞈ-euˬ huiˬ-eu gʼoeˇ-eu gaˬ-eu jeˬ baˬ da neh, aˬ yawꞈ nui ma juˆ-iˇ-eu laꞈ kʼoeˇ,

Jaceuq 105:42

Aˬ yawꞈ-euˬ zaˬ kʼaˆ Aˬbyaˬhaˬ nehˬ-ehˇ dzaˬ-euˬ, muiˬ-eu shawˇ-eu dawˬ ma saˇ jaˇ-ahˇ, aˬ yawꞈ noeˬ mawˇ-euˬ meh.

1 Laˬsaˬbaˬ 16:15

Mˬ maˬ maˬ byaˆ zaˇ ziˇ ziꞈ ni, Miˬyehˇ dzaˬ-euˬ dawˬ ma saˇ jaˇ, aˬ dui tiˬ jawˇ-iˬ taˬ paˇ ngehˇ.

Daˬyeˬlaˇ 9:4

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ jeuˬ-euˬ iˬ baˇ ehˇ doˆ nehˬ-euˬ ma. “Sahˬpaˬ Miˬyehˇ pyeuꞈ-eu Miˬyehˇ-oˇ, nawˇ-aˬ, huiˬ dui mahˇ dui dui-eu gʼaˬ meh. Nawˬ-ahˇ nga maꞈ taˬ huiˬ taˬ mahˇ-eu ma. Nawˬ-euˬ dawˬ ma saˇ jaˇ-ahˇ nawˇ maˬ byehˇ dzeh ni, nawˬ-ahˇ gaˬ-awˇ, nawˬ-euˬ dawˬ-ahˇ naˇ haˬ geuꞈ-eu tsawˇ haˬ deuˬ kʼoeˇ taˆ, nawˬ-euˬ gʼoeˇ-eu gaˬ-eu jeˬ tiˬ jawˇ-iˬ maˬ tsehˆ-iˇ-a.

Jaceuq 111:9

Aˬ yawꞈ-eu tsawˇ haˬ deuˬ-ahˇ aˬ yawꞈ bi buˬ-iˇ-awˇ, mˬ maˬ maˬ byaˆ zaˇ ziˇ ziꞈ-eu saˇ jaˇ dzaˬ taꞈ-euˬ meh. Aˬ yawꞈ-aˬ, muiˬ-eu shawˇ-eu gʼaˬ hawˇ-eu baoˬ huiˬ-eu gʼaˬ meh.

Neˬhaˬmiˇ 1:5

“Mˬ taˆ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ huiˬ dui mahˇ dui dui-awˇ, nga maꞈ nawˬ-ahˇ guˆ-eu laꞈ kʼoeˇ yawꞈ luꞈ-eu ma. Nawˬ-ahˇ gaˬ-awˇ nawˬ neh kʼaˇ ehˇ taˬ-euˬ loꞈ-ehˇ mˇ-eu tsawˇ haˬ deuˬ-ahˇ nawˇ dawˬ ma saˇ jaˇ ziꞈ-eu meh.

Aˇ dahˬ 17:7

“Nawˬ nehˬ-ehˇ maˬ ehˇ, aˬ kaˇ dehꞈ le jawˇ le-eu nawˬ-euˬ zaˬ nawˬ-euˬ uˆ deuˬ nehˬ-ehˇ maˬ ehˇ, ngaˇ dzaˬ taˬ-euˬ dawˬ ma saˇ jaˇ heu hmˬ-aˬ, mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ pyeuꞈ-eu ma. Ngaˇ-aˬ, nawˬ-euˬ Miˬyehˇ hawˇ-eu nawˬ-euˬ zaˬ deuˬ uˆ deuˬ-euˬ Miˬyehˇ pyeuꞈ-eu ma.

Aˇ dahˬ 26:3

Nawˇ heu gaˇ jawˇ naˇ, nawˬ nehˬ-ehˇ ngaˇ jawˇ-awˇ nawˬ-ahˇ ngaˇ guiˬ lahˬ biꞈ nehˬ ma. Miˇ kʼahˬ heu kʼahˬ kʼahˬ lah ni nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Nawˬ da Aˬbyaˬhaˬ nehˬ-ehˇ ngaˬ neh dzaˬ taˬ-euˬ saˇ jaˇ-ahˇ ngaˇ mˇ byah ma.

Doˆ-iˇ 2:24

Aˬ yawꞈ maꞈ shaˬ zahˬ naꞈ-eu laꞈ kʼoeˇ ngoeˇ luꞈ-eu teˇ saˇ-ahˇ Miˬyehˇ ya gaˬ ngeh, Aˬbyaˬhaˬ, Iˇtsaˆ hawˇ-eu Yaˬkoˆ-ahˇ aˬ yawꞈ neh dawˬ ma saˇ jaˇ dzaˬ taˬ-euˬ gaˇ noeˬ keuˆ-euˬ meh.

Dawˬmehˬ 7:8

Sahˬpaˬ Miˬyehˇ naw maꞈ-ahˇ gaˬ-awˇ, naw maꞈ-euˬ aˬ poeˬ aˬ bawˇ deuˬ nehˬ-ehˇ dzaˬ taˬ-euˬ saˇ jaˇ-ahˇ ziꞈ luꞈ-eu meh. Teu baˬ da neh, aˬ yawꞈ-euˬ huiˬ-eu baoˬ-ahˇ gʼoe-eu laꞈ kʼoeˇ, naw maꞈ-ahˇ aˬ yawꞈ ka kʼoꞈ-awˇ, Iˇjiˇtuˆ sahˬ paˬ-euˬ zaˬ kʼaˆ ya geuꞈ-eu laꞈ kʼoeˇ naw maꞈ-ahˇ bi buˬ-iˇ laꞈ-euˬ meh.

Dawˬmehˬ 7:12

“Zahˇ dawˬ kʼoꞈ dawˬ heu deuˬ-ahˇ naw maꞈ naˇ haˬ geuꞈ-awˇ maˬ byehˇ ni caw teh naˇ, naw maꞈ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, naw maꞈ nehˬ-ehˇ dzaˬ taˬ-euˬ dawˬ ma saˇ jaˇ-ahˇ aˬ yawꞈ ziꞈ-awˇ, naw maꞈ-ahˇ aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ ni bi mawˇ laꞈ tehꞈ-a.

Yawˇshuˆ 21:43

Iˇsaˬleˬlaˆ tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ maꞈ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ neh saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ, aˬ yawꞈ maꞈ-ahˇ Sahˬpaˬ Miˬyehˇ biꞈ nehˬ-euˬ meh. Miˇ kʼahˬ kʼoeˇ kʼahˬ-ahˇ aˬ yawꞈ maꞈ za ngeh, kʼoeˇ gaˇ jawˇ duˬ dah-euˬ meh.

Yeˬlaˬmiˇ 11:5

Kʼoeˇ naˇ, aˬ yawꞈ maꞈ-euˬ aˬ poeˬ aˬ bawˇ deuˬ nehˬ-ehˇ, ngaˬ neh dzaˬ taˬ-euˬ saˇ jaˇ-ahˇ ngaˇ ziꞈ-awˇ, nymˬ-mˇ aˬ yawꞈ maꞈ jawˇ luꞈ-eu miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ heu kʼahˬ, aˬ yawꞈ maꞈ-ahˇ ngaˇ biꞈ ma lehˇ ehˇ nehˬ-euˬ ma.” Kʼoeˇ ngeh, “Sahˬpaˬ Miˬyehˇ nawˇ kʼaˇ ehˇ-eu loꞈ-ehˇ ngaˇ mˇ ma” lehˇ, ngaˇ ehˇ kʼoꞈ nehˬ-euˬ ma.

Miˇkaˬ 7:20

Aˇ hu ba nga maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ jaˆ-eu loꞈ-ehˇ, Aˬbyaˬhaˬ hawˇ-eu Yaˬkoˆ-euˬ zaˬ deuˬ uˆ deuˬ pyeuꞈ-eu nawˬ-euˬ tsawˇ haˬ deuˬ-ahˇ, nawˬ-euˬ saˇ jaˇ ziꞈ-eu jeˬ hawˇ-eu maˬ tsehˆ leˇ nya-eu gʼoeˇ-eu gaˬ-eu jeˬ nawˇ bi mawˇ tehꞈ-a.