Jaceuq 105:44 - Akha

⁴⁴ Aˬ cawˬ tsawˇ jeuˬ-euˬ miˇ kʼahˬ aˬ yawꞈ maꞈ-ahˇ biꞈ-awˇ, aˬ cawˬ-euˬ deh yaˇ bi yuˇ geuꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁴ Aqyawf, aqcawq tsawrjeuq-euq mirkhanq, aqyawf maf-anr bifnaeq-awr; Aqyawfmaf, tsawrjeuq deuq nae mrtaq-euq jeq za-euq mae.

Jaceuq 105:44 Referans Kwoze

Jaceuq 78:55

Aˬ yawꞈ-euˬ tsawˇ haˬ deuˬ le uˇ gʼeh-eu nehˬ-ehˇ, kʼoeˇ gaˇ jawˇ luꞈ-eu tsawˇ haˬ deuˬ-ahˇ teh dzeh-awˇ, tsawˇ haˬ kʼoeˇ deuˬ-euˬ miˇ kʼahˬ Iˇsaˬleˬlaˆ tsawˇ jeuˬ deuˬ-ahˇ biˇ nehˬ-eu laꞈ kʼoeˇ, aˬ yawꞈ maꞈ-euˬ nymˇ kʼoeˇ deuˬ aˬ yawꞈ-euˬ tsawˇ haˬ deuˬ-ahˇ aˬ yawꞈ biꞈ-euˬ meh.

Yawˇshuˆ 24:13

Naw maꞈ tiˬ jawˇ-iˬ maˬ duˬ maˬ ka haw-ehˇ, naw maꞈ neh meuˬ maˬ teˬ pu maˬ tsoˆ-euˬ miˇ kʼahˬ naw maꞈ-ahˇ ngaˇ biꞈ-euˬ ma. Nymˬ-mˇ naw maꞈ kʼoeˇ gaˇ jawˇ-awˇ, naw maꞈ neh maˬ ka-euˬ aˬ gaꞈ baw duˆ-ahˇ aˬ gaꞈ aˇ siˬ pyaˆ dzaˬ luꞈ-awˇ, naw maꞈ neh maˬ ka-euˬ saˬ loˬ aˇ bawˇ-ahˇ saˬ loˬ aˇ siˬ za luꞈ meh’ lehˇ Sahˬpaˬ Miˬyehˇ ehˇ-eu meh.”

Yawˇshuˆ 24:8

Kʼoeˇ naˇ, Yawˇdaˬ lawˇ baˬ-euˬ nahˇ ma doˆ kʼehˬ paw jawˇ-eu Aˬmawˇliˆ tsawˇ haˬ-euˬ miˇ kʼahˬ-ahˇ, naw maꞈ-ahˇ ngaˇ sheuˬ gʼeh-euˬ ma. Aˬ yawꞈ maꞈ naw maꞈ-ahˇ guiˇ deuˆ-euˬ kʼawꞈ, naw maꞈ neh bi gʼaˬ leˇ-euˬ ma. Aˬ yawꞈ maꞈ miˇ kʼahˬ-ahˇ naw maꞈ yuˇ-awˇ, naw maꞈ mehˬ hu paw le gʼeh leꞈ ngeh, aˬ yawꞈ maꞈ-ahˇ ngaˇ laˆ luˬ laˆ seˇ nehˬ-euˬ ma.

Yawˇshuˆ 11:23

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, miˇ kʼahˬ kʼoeˇ kʼahˬ kʼahˬ lah ni-ahˇ Yawˇshuˆ deuˆ gʼaˬ-euˬ meh. Miˇ kʼahˬ kʼoeˇ kʼahˬ Iˇsaˬleˬlaˆ tsawˇ haˬ deuˬ-ahˇ Yawˇshuˆ biꞈ-awˇ, tsawˇ jeuˬ aˬ yawꞈ jeuˬ yawꞈ gʼaˇ duˬ, dehˬ biˇ nehˬ-euˬ meh.

Jaceuq 80:8

Iˇjiˇtuˆ miˇ kʼahˬ-ahˇ neh aˬ gaꞈ ciˇ ni tiˬ ni nawˇ yuˇ laꞈ-awˇ, aˬ cawˬ tsawˇ jeuˬ deuˬ-ahˇ nawˇ teh dzeh-awˇ, aˬ yawꞈ maꞈ-euˬ miˇ kʼahˬ-ahˇ toeˬ ka-euˬ meh.

Yawˇshuˆ 23:4

Nahˇ ma doˆ kʼehˬ paw Yawˇ daˬ lawˇ baˬ-ahˇ neh, nahˇ ma ga kʼehˬ paw Gʼahˇ ceh-eu iˬ ma laˆ shaˆ-ahˇ keuˆ ni jaˆ luꞈ-eu ngaˬ neh deuˆ gʼaˬ-euˬ tsawˇ jeuˬ deuˬ-euˬ miˇ kʼahˬ maˬ ehˇ, maˬ deuˆ gʼaˬ dah-euˬ tsawˇ jeuˬ deuˬ-euˬ miˇ kʼahˬ maˬ ehˇ, Iˇsaˬleˬlaˆ tsawˇ jeuˬ pyeuꞈ-eu naw maꞈ-ahˇ ngaˇ biꞈ gʼaˬ-euˬ ma.

Yawˇshuˆ 21:43

Iˇsaˬleˬlaˆ tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ maꞈ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ neh saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ, aˬ yawꞈ maꞈ-ahˇ Sahˬpaˬ Miˬyehˇ biꞈ nehˬ-euˬ meh. Miˇ kʼahˬ kʼoeˇ kʼahˬ-ahˇ aˬ yawꞈ maꞈ za ngeh, kʼoeˇ gaˇ jawˇ duˬ dah-euˬ meh.

Yawˇshuˆ 5:11

Yawˬ nah yawˬ, Kaˬnaˬ miˇ kʼahˬ-ahˇ doˆ-eu dzaˇ aˬ yawꞈ maˬ dzaˬ beh beh-euˬ meh. Cehꞈ nyawˬ hawˇ-eu dehˬ tseˬ maˬ ahˇ-eu kaˬ muˇ aˬ yawꞈ maꞈ dzaˬ-euˬ meh.

2 Sahˬpaˬ 17:37

Ngaˬ neh naw maꞈ gʼaˇ duˬ boꞈ taˬ-euˬ zahˇ dawˬ kʼoꞈ dawˬ deuˬ hawˇ-eu, ngaˬ-euˬ ehˇ dawˬ-ahˇ naw maꞈ aˬ myah luꞈ naˇ haˬ geuꞈ-awˬ. Miˬyehˇ nui deuˬ-euˬ dawˬ naw maꞈ taˬ naˇ haˬ geuꞈ.

Yeˬlaˬmiˇ 32:23

Ehˇ kʼawꞈ, miˇ kʼahˬ heu kʼahˬ aˬ yawꞈ maꞈ za-awˇ jawˇ luꞈ ngeh, nawˬ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-ehˇ, nawˬ neh mehˬ nehˬ tsoˆ nehˬ-euˬ loꞈ-ehˇ maˬ dehꞈ ni, nawˬ neh bi mˇ-euˬ jeˬ-ahˇ aˬ yawꞈ maꞈ maˬ mˇ-a. Kʼoeˇ miˇ neh heu loꞈ-ehˇ gʼeh-eu luˬ-iˇ seˇ-iˇ-eu jeˬ, aˬ yawꞈ maꞈ kʼoeˇ taˆ nawˇ bi keuˆ le-euˬ meh.