Jaceuq 105:43 - Akha

⁴³ Aˬ yawꞈ neh tseˇ doˆ-euˬ tsawˇ jeuˬ-ahˇ kʼoeˇ loꞈ-ehˇ sheuˬ doˆ gʼeh-awˇ, aˬ yawꞈ maꞈ laˬ kʼaˬ cehˇ-awˇ caˇ dawˬ caˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴³ Aqyawf, aqyawf-euq tsawrhaq-anr laqkhaq tiqcaer sheuqdov laf-awr; Aqyawf nae tserdov-euq deuq-anr, lurgha caergha-eu lafkhoer sheuqdov laf-euq mae.

Jaceuq 105:43 Referans Kwoze

Iˇsaˬyaˇ 35:10

Aˬ yawꞈ maꞈ laˬ kʼaˬ cehˇ-eu caˇ dawˬ caˇ-awˇ guˇ guˇ-ehˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ le keuˆ tehꞈ-a. Aˬ yawꞈ maꞈ mˬ maˬ maˬ byaˆ zaˇ ziˇ laˬ kʼaˬ cehˇ-awˇ, noeˬ shaˬ noeˬ zahˬ-eu jeˬ hawˇ-eu myaˆ biˇ doˆ-eu jeˬ-ahˇ, mˬ maˬ maˬ byaˆ zaˇ ziˇ buˬ-iˇ law-iˇ tehꞈ-a.

Gʼaˬkʼehˇ 13:17

Iˇsaˬleˬlaˆ tsawˇ jeuˬ-euˬ Miˬyehˇ-aˬ, aˬ dui-euˬ aˬ poeˬ aˬ bawˇ deuˬ-ahˇ tseˇ doˆ-awˇ, Iˇjiˇtuˆ miˇ kʼahˬ laꞈ kʼoeˇ boeˇ miˬ shiˬ kʼaˬ geuꞈ-awˇ ya dehꞈ luꞈ ngeh, huiˬ-eu tsawˇ jeuˬ bi pyeuꞈ laˇ-euˬ meh. Miˬyehˇ-aˬ, huiˬ dui dui-eu aˬ yawꞈ-euˬ baoˬ-ahˇ gʼoe-awˇ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ meh.

Gʼaˬkʼehˇ 7:36

Iˇjiˇtuˆ miˇ kʼahˬ laꞈ kʼoeˇ maˬ ehˇ, Iˬ ma laˆ shaˆ Yaw neˇ gʼahˇ ceh maˬ ehˇ, bawˇ tsahˬ bawˇ dahˇ laꞈ kʼoeˇ oeˬ tseˇ kʼoꞈ oeˬ tseˇ myaˇ cah luꞈ ngeh maˬ ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ mˇ mehˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh-euˬ meh.

Iˇsaˬyaˇ 55:12

“Baˬbuˇloˬ meuˬ-ahˇ neh laˬ kʼaˬ tiˬ cehˇ, naw maꞈ ya gʼoꞈ doˆ laˇ tehꞈ-a. Naw maꞈ nui ma saˇ lehˆ ni ya doˆ le tehꞈ-a. Gawˬ jawˬ gawˬ duˇ naw maꞈ mehˬ shi caˇ dawˬ caˇ-awˇ, sahˬ lahˬ aˇ bawˇ deuˬ laꞈ kʼawˆ tehˆ tehꞈ-a.

Aˇ dahˬ 15:16

Nawˬ-euˬ zaˬ nawˬ-euˬ uˆ deuˬ-aˬ, miˇ kʼahˬ heu kʼahˬ laꞈ kʼoeˇ maˬ gʼoꞈ keuˆ laˇ dah mi naˆ-ehˇ, aˬ cawˬ miˇ kʼahˬ laꞈ kʼoeˇ oeˬ ziˇ keuˆ ni ya jawˇ tehꞈ-a. Aˬ jeˬ miˇ neh ehˇ naˇ, Aˬmawˇliˆ tsawˇ haˬ kʼoeˇ deuˬ ngaˬ neh kʼehˬ nehˬ kʼaˆ nehˬ-eu jeˬ-ahˇ ya daˬ paˬ-ehˇ, maˬ tsaˬ maˬ dawˇ-eu jeˬ maˬ mˇ kʼaˆ laˇ kʼoeˇ keuˆ ni, Aˬmawˇliˆ tsawˇ haˬ kʼoeˇ deuˬ-ahˇ ngaˇ maˬ teh dzeh te siˬ.”

Doˆ-iˇ 14:8

Sahˬ paˬ kʼoeˇ gʼaˬ-ahˇ Sahˬpaˬ Miˬyehˇ nui ma bi gʼahˇ-awˇ, tiˬ jeˬ-ahˇ-iˬ kʼahˬ maˬ lahˇ ni doˆ-iˇ luꞈ-eu Iˇsaˬleˬlaˆ tsawˇ haˬ deuˬ-euˬ mehˬ nah aˬ yawꞈ caw teh-euˬ meh.

Yawˇshuˆ 24:5

Aˇ nah, Moˇseˬ hawˇ-eu Aˬloˬ-ahˇ ngaˇ pyehˬ gʼeh-awˇ, Iˇjiˇtuˆ miˇ kʼahˬ kʼoeˇ taˆ shaˬ dui zahˬ dui dui-eu jeˬ bi keuˆ le-euˬ ma. Ehˇ kʼawꞈ, naw maꞈ-ahˇ ngaˇ sheuˬ doˆ laꞈ-euˬ ma.

Yaˇ kʼaˬ daˇ 6:9

Iˇjiˇtuˆ tsawˇ haˬ-euˬ aˬ laꞈ laꞈ kʼoeˇ maˬ ehˇ, miˇ kʼahˬ heu kʼahˬ laꞈ kʼoeˇ naw maꞈ-ahˇ guiˇ deuˆ le-euˬ tsawˇ haˬ deuˬ-euˬ aˬ laꞈ laꞈ kʼoeˇ maˬ ehˇ, naw maꞈ-ahˇ ngaˇ ka kʼoꞈ nehˬ-euˬ ma. Naw maꞈ laˇ uˇ-eu nehˬ-ehˇ, aˬ yawꞈ maꞈ-ahˇ ngaˇ teh doˆ-awˇ, aˬ yawꞈ maꞈ-euˬ miˇ kʼahˬ naw maꞈ-ahˇ biꞈ-euˬ ma.

Jaceuq 106:5

Nawˬ-euˬ tsawˇ haˬ deuˬ baw le za le gaˇ ngaˬ-ahˇ bi mawˇ laꞈ-awˇ, nawˬ-euˬ tsawˇ jeuˬ nehˬ-ehˇ laˬ kʼaˬ caw cehˇ-eu laꞈ kʼoeˇ, nawˬ-ahˇ taꞈ-eu tsawˇ haˬ deuˬ loꞈ-ehˇ kʼahˬ sehˇ bi za nehˬ laꞈ.