Jaceuq 105:37 - Akha

³⁷ Kʼoeˇ naˇ, Iˇsaˬleˬlaˆ tsawˇ jeuˬ-ahˇ aˬ yawꞈ sheuˬ doˆ gʼeh-awˇ, pyuˇ hawˇ-eu shuiˇ tawˬ-awˇ doˆ-iˇ-euˬ meh. Aˬ yawꞈ maꞈ dawˬ tawˆ luꞈ gʼoeˇ mˇ-awˇ gʼaˬ ahˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁷ Khoernar-aq, Miqyaer, Irsaqleqlav tsawrhaq-anr, Pyur hawr-eu shuir biyur-awr nae sheuqdov laf-euq mae. Aqyawf-euq tsawrjeuq-euq ghanrcae ghaq baq-eu tiqghaq-iq maqkeuq-a.

Jaceuq 105:37 Referans Kwoze

Gʼaˬkʼehˇ 13:17

Iˇsaˬleˬlaˆ tsawˇ jeuˬ-euˬ Miˬyehˇ-aˬ, aˬ dui-euˬ aˬ poeˬ aˬ bawˇ deuˬ-ahˇ tseˇ doˆ-awˇ, Iˇjiˇtuˆ miˇ kʼahˬ laꞈ kʼoeˇ boeˇ miˬ shiˬ kʼaˬ geuꞈ-awˇ ya dehꞈ luꞈ ngeh, huiˬ-eu tsawˇ jeuˬ bi pyeuꞈ laˇ-euˬ meh. Miˬyehˇ-aˬ, huiˬ dui dui-eu aˬ yawꞈ-euˬ baoˬ-ahˇ gʼoe-awˇ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ meh.

Doˆ-iˇ 3:22

Iˇsaˬleˬlaˆ tsawˇ haˬ zaˬ miˬ zaˬ yawˬ gʼaˬ yawˬ na luꞈ, yawˬ ha nehˬ-ehˇ nymˇ kaˬ taꞈ-eu Iˇjiˇtuˆ tsawˇ haˬ deuˬ jawˇ gaˇ maˬ ehˇ, yawˬ ha-euˬ nymˇ laꞈ kʼoeˇ jawˇ luꞈ-eu Iˇjiˇtuˆ tsawˇ haˬ zaˬ miˬ zaˬ deuˬ jawˇ gaˇ maˬ ehˇ, iˇ-awˇ, dm gʼaˬ dm lmˇ, pyuˇ, shuiˇ hawˇ-eu aˇ poeˬ kʼaˆ-eu myawˬ guˇ deuˬ shaˇ-iˇ tehꞈ-a. Iˇsaˬleˬlaˆ tsawˇ haˬ deuˬ-aˬ, mˇ myawˬ kʼoeˇ deuˬ yuˇ-awˇ, yawˬ ha-euˬ aˬ buˇ aˬ li deuˬ-ahˇ bi geuꞈ jiˇ tehꞈ-a. Kʼoeˇ loꞈ-ehˇ jahˇ-awˇ, Iˇsaˬleˬlaˆ tsawˇ haˬ deuˬ, Iˇjiˇtuˆ tsawˇ haˬ deuˬ-euˬ pyuˇ shuiˇ myawˬ gahˬ yuˇ geuꞈ gʼeh tehꞈ-a.”

Aˇ dahˬ 15:14

Ehˇ kʼawꞈ, aˬ yawꞈ maꞈ-ahˇ zaˬ kʼaˆ bi geuꞈ-euˬ tsawˇ jeuˬ kʼoeˇ jeuˬ-ahˇ ngaˇ kʼehˬ nehˬ kʼaˆ nehˬ-awˇ, miˇ kʼahˬ kʼoeˇ kʼahˬ-ahˇ neh aˬ yawꞈ maꞈ gʼoꞈ doˆ laˇ ngeh, pyuˇ shuiˇ myawˬ gahˬ gʼawˬ mya ni ya yuˇ kʼoꞈ laꞈ tehꞈ-a.

1 Saˬmeuˬlaˆ 2:9

“Yawꞈ-ahˇ saˇ jaˇ ziꞈ-eu deuˬ-ahˇ, yaw dehꞈ dehꞈ gaˇ haw piˇ nehˬ-awˇ, maˬ tsaˬ maˬ dawˇ-eu tsawˇ haˬ deuˬ, yaw zahˇ laꞈ kʼoeˇ byoˆ-iˇ-eu meh. Tsawˇ haˬ zaˬ yawˬ ha-euˬ gʼaˬ neh, gʼaˬ leˇ-eu gʼaˬ maˬ pyeuꞈ laˇ-a.

Jaceuq 136:11

Iˇsaˬleˬlaˆ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ aˬ yawꞈ sheuˬ doˆ laꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Iˇsaˬyaˇ 63:13

Laˆ shaˆ yaw naꞈ aˬ yawꞈ maꞈ tsehˆ doˆ ngeh, Sahˬpaˬ Miˬyehˇ sheuˬ gʼeh nehˬ-eu miˇ neh, deh ga yaw juiˇ-ahˇ cah-eu mahˬ loꞈ-ehˇ, aˬ yawꞈ maꞈ sahˬ tiꞈ maˬ tiꞈ-a.