Jaceuq 105:17 - Akha

¹⁷ Ehˇ kʼawꞈ zaˬ kʼaˆ loꞈ-ehˇ bi ahˬ dzaˬ-euˬ Yoˇsehˆ-ahˇ, aˬ yawꞈ maꞈ-euˬ mehˬ hu pyehˬ gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Aqyawf, aqyawf maf-euq maeqhu tsawrhaq tiq ghaq khaerghae-euq mae. Khoer-aq, zaqkhav lof-aer bi anqdzaq-euq Yorsaev mae.

Jaceuq 105:17 Referans Kwoze

Gʼaˬkʼehˇ 7:9

“Yaˬkoˆ-euˬ aˬ li deuˬ-aˬ, aˬ yawꞈ ha mehˇ nmˇ-euˬ aˬ nyiˇ Yoˇsehˆ-ahˇ myaˆ naˆ-eu miˇ neh, aˬ cawˬ-ahˇ ahˬ nehˬ-awˇ, aˬ cawˬ neh Iˇjiˇtuˆ miˆ kʼahˬ-ahˇ zaˬ kʼaˆ bi geuꞈ-iˇ-eu gʼaˇ duˬ ahˬ dzaˬ-euˬ meh. Ehˇ kʼawꞈ, Yoˇsehˆ-ahˇ Miˬyehˇ maˬ byehˇ dzeh-ehˇ,

Aˇ dahˬ 37:36

Aˇ yamˬ kʼoeˇ yamˬ laꞈ kʼoeˇ, Iˇjiˇtuˆ miˇ kʼahˬ-ahˇ iˇ keuˆ-euˬ Miˇdiˬyaˬ tsawˇ haˬ baw gaꞈ kʼoeˇ deuˬ, Iˇjiˇtuˆ sahˬ paˬ-euˬ nymˇ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ pyeuꞈ-eu Pawˇtiˇpaˬ-euˬ aˬ laꞈ laꞈ kʼoeˇ, Yoˇsehˆ-ahˇ ahˬ ahˇ nehˬ-euˬ meh.

Aˇ dahˬ 50:20

Naw maꞈ ngaˬ-ahˇ yaw haiˬ jeˬ mˇ nehˬ laꞈ-euˬ kʼawꞈ, Miˬyehˇ neh yaw muiˬ jeˬ paˇ bi pyeuꞈ doˆ laˇ-euˬ meh. Iˬ nah dehꞈ luꞈ jawˇ luꞈ-eu myaˬ dui dui-eu tsawˇ haˬ heu deuˬ maˬ ya shiˇ jiˇ ni, kʼoeˇ loꞈ-ehˇ bi pyeuꞈ laˇ-euˬ meh.

Aˇ dahˬ 39:1

Iˇshaˬmeˬlaˇ tsawˇ haˬ deuˬ Yoˇsehˆ-ahˇ Iˇjiˇtuˆ miˇ kʼahˬ laꞈ kʼoeˇ sheuˬ gʼeh-awˇ, Iˇjiˇtuˆ sahˬ paˬ-euˬ gaˇ mˇ-eu yaw huiˬ yaw mahˇ tiˬ gʼaˬ pyeuꞈ-eu, sahˬ paˬ-euˬ nymˇ-ahˇ loꞈ-eu guiˇ maꞈ-ahˇ uˆ lahˇ-eu Pawˇtiˇpaˬ-ahˇ ahˬ nehˬ-euˬ meh.