Jaceuq 105:16 - Akha

¹⁶ Mehꞈ-eu shuꞈ-eu jeˬ aˬ yawꞈ maꞈ miˇ kʼahˬ kʼoeˇ taˆ, Sahˬpaˬ Miˬyehˇ neh bi keuˆ le-awˇ, dzaˬ dzaˬ dawˇ dawˇ bi byoˆ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Khoeruqtaf, aqyawf, mirtsaq-euq khoertav maef-awr shuf-eu jeq kurdov laf-awr bi keuvle-awr; Khar laeqhmq taq-euq dzaqdzaq dawrdawr dawqtawv luf-anr aqyawf nae lavcawv jir-euq mae.

Jaceuq 105:16 Referans Kwoze

Yeˬsaˬgeˬlaˇ 4:16

Kʼoeˇ naˇ, aˬ yawꞈ heu loꞈ-ehˇ paˇ ehˇ-eu meh. “Tsawˇ haˬ zaˬ-oˇ, Yeˬluˇsaˬlehˬ meuˬ-ahˇ dzaˬ dzaˬ dawˇ dawˇ sha ahˇ-eu gaˇ ma ngaˇ laˆ tsoeˬ ma. Yawˬ ha dzaˬ-eu gʼaˇ duˬ dzaˬ dzaˬ dawˇ dawˇ hawˇ-eu iˇ cuꞈ nym le-eu gaˇ haw haw-ehˇ, kʼoeˇ gaˇ jawˇ-eu tsawˇ haˬ deuˬ noeˬ shaˬ-awˇ nui ma cawˆ dui dui tehꞈ-a.

Iˇsaˬyaˇ 3:1

Haw yawˬ. Nymˬ-mˇ Sahˬpaˬ Miˬyehˇ, Baoˬ huiˬ-eu Sahˬpaˬ Miˬyehˇ, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ, miˇ kʼahˬ zaˬ gʼoe luꞈ-eu tsawˇ haˬ deuˬ hawˇ-eu, maˬ jaˆ-ehˇ maˬ dehꞈ nya-eu jeˬ dawˬ tawˆ luꞈ, yuˇ dzeh jiˇ-eu lehˇ gʼeh-eu meh. Dzaˬ-eu dzaˇ maˬ jaˆ-ehˇ, dawˇ-eu iˇ cuꞈ maˬ dahˬ-ehˇ pyeuꞈ-iˇ ni, dawˬ tawˆ luꞈ yuˇ dzeh jiˇ tehꞈ-a.

Aˇ dahˬ 41:54

Kʼoeˇ ngeh, Yoˇsehˆ neh ehˇ taˬ-euˬ loꞈ-ehˇ, mehꞈ-eu shuꞈ-eu aˇ yamˬ shiꞈ kʼoꞈ paˇ keuˆ le-euˬ meh. Miˇ kʼahˬ yawˬ kʼahˬ na luꞈ laꞈ kʼoeˇ, mehꞈ-eu shuꞈ-eu jeˬ keuˆ le-euˬ meh. Ehˇ kʼawꞈ, Iˇjiˇtuˆ miˇ kʼahˬ laꞈ kʼoeˇ dzaˬ dzaˬ dawˇ dawˇ tiˬ byah tiˬ loꞈ jaˆ luꞈ-eu meh.

Uˬ duˬ 26:26

Naw maꞈ-euˬ dzaˬ dzaˬ dawˇ dawˇ sha miˇ-eu gaˇ ma ngaˇ deuˆ tsehˆ-euˬ miˇ neh, zaˬ miˬ zaˬ tseˇ gʼaˬ kʼaˇ jaˆ-eu kaˬ muˇ yuˇ uiˬ-awˇ jahˇ ngeh, mui za za zaˬ tiˬ siˬ laꞈ kʼoeˇ jahˇ loꞈ ni tehꞈ-ehˇ jaˆ tehꞈ-a. Kaˬ muˇ kʼoeˇ aˬ yawꞈ maꞈ biˇ doe nehˬ-awˇ, naw maꞈ dzaˬ jiˇ ngeh, maˬ ya dzaˬ dehˆ-ehˇ ya shaˬ tehꞈ-a.

Gʼaˬkʼehˇ 7:11

Kʼoeˇ naˇ, Iˇjiˇtuˆ miˇ kʼahˬ kʼahˬ lah ni hawˇ-eu Kaˬnaˬ miˇ kʼahˬ laꞈ kʼoeˇ mehꞈ-eu shuꞈ-eu jeˬ keuˆ le-awˇ, shaˬ dui dui laˇ taˬ-euˬ meh. A dui-euˬ aˬ poeˬ deuˬ kʼawꞈ, dzaˬ-eu jeˬ maˬ jaˆ-ehˇ shaˬ laˇ taˬ-euˬ meh.

Jaceuq 104:15

Tsawˇ haˬ zaˬ-euˬ nui ma-ahˇ laˬ kʼaˬ bi cehˇ-eu gʼaˇ duˬ aˬ gaꞈ dzaˇ uiˇ doˆ laˇ ni maˬ ehˇ, tsawˇ haˬ zaˬ-euˬ gʼawˇ mawˇ laˆ saˆ-eu gʼaˇ duˬ saˬ loˬ tsiˇ doˆ laˇ ni maˬ ehˇ, tsawˇ haˬ zaˬ dzaˬ-awˇ gʼaˬ bi ahˇ-eu gʼaˇ duˬ kaˬ muˇ doˆ laˇ ni maˬ ehˇ, nawˇ kʼoeˇ loꞈ-ehˇ jahˇ nehˬ-euˬ meh.

2 Sahˬpaˬ 8:1

Eˇliˇshehˇ neh bi gʼoꞈ dehꞈ laˇ-euˬ aˬ li kʼoeˇ li-euˬ aˬ ma pyeuꞈ-eu Suˇneˬ meuˬ-ahˇ jawˇ-eu zaˬ miˬ zaˬ kʼoeˇ gʼaˬ-ahˇ Eˇliˇshehˇ ehˇ nehˬ-eu,, “Nawˬ-euˬ nymˇ kʼahˬ zaˬ deuˬ sheuˬ-awˇ tiˬ gaˇ paw jawˇ-iˇ-awˬ. Aˬ jeˬ miˇ neh ehˇ naˇ, Sahˬpaˬ Miˬyehˇ miˇ kʼahˬ heu kʼahˬ-ahˇ laˆ cawˆ-eu lehˇ gʼeh-eu meh.”

Aˇ dahˬ 47:13

Mehꞈ-eu shuꞈ-eu jeˬ kʼaˆ dui dui laˇ-awˇ, dzaˬ-eu dawˇ-eu jeˬ tiˬ gaˇ-iˬ yuˇ doˆ laˬ-iˇ kʼaˇ maˬ za ni pyeuꞈ laˇ taˬ-euˬ miˇ neh, Iˇjiˇtuˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ hawˇ-eu, Kaˬnaˬ miˇ kʼahˬ laꞈ kʼoeˇ jawˇ-eu tsawˇ haˬ deuˬ gʼaˬ juˬ laˇ jiˇ-euˬ meh.

Panmaeq 6:8

Ngaˇ haw gʼeh ngeh, pyuˇ pya ni gʼeh-eu mahˬ tiˬ mawˇ mawˇ-euˬ ma. Mahˬ dziˬ luꞈ-eu gʼaˬ-aˬ, shiˇ-eu jeˬ lehˇ myahˇ-awˇ, aˬ yawꞈ-euˬ mehˬ nah tehˬ ni shiˇ-eu miˇ kʼahˬ caw teh luꞈ-eu meh. Guiˇ deuˆ-eu jeˬ, mehꞈ-eu shuꞈ-eu jeˬ, naˇ-eu gawˇ-eu jeˬ , jeˬ zaˬ yaw haiˬ jeˬ, heu loꞈ-ehˇ gʼeh-eu deuˬ-ahˇ gʼoe-awˇ aˬ cawˬ-ahˇ sehꞈ-eu gʼaˇ duˬ, miˇ tsaˬ heu oeˬ bymˇ tiˬ bymˇ kʼoeˇ taˆ uˆ lahˇ-eu baoˬ aˬ yawꞈ nyaꞈ-ahˇ biꞈ taˬ-euˬ meh.

Haˬgaiˇ 2:17

Naw maꞈ neh kʼaˇ ka taˬ-euˬ jeˬ bi cawˆ-iˇ jiˇ-eu lehˇ, lahˇ dui dui-eu jaˬ lehˇ hawˇ-eu, uˬ yehˇ aˇ siˬ deuˬ ngaˇ pyehˬ gʼeh leꞈ kʼawꞈ, naw maꞈ nui ma maˬ paˇ laˇ-a.

Aˬmoˆ 3:6

Tsawˇ haˬ maˬ bi tsawˬ guˆ-iˇ ni meuˬ laꞈ kʼoeˇ guiˇ deuˆ-eu daˇ heh baw mahˇ nya meh loˇ. Sahˬpaˬ Miˬyehˇ neh maˬ jahˇ-euˬ gaˇ, luˬ-iˇ seˇ-iˇ-eu jeˬ meuˬ kʼoeˇ taˆ keuˆ le nya meh loˇ.

Aˇ dahˬ 47:19

Nga maꞈ-ahˇ maˬ bi shiˇ nehˬ laꞈ ni, nga maꞈ gʼaˇ duˬ tiˬ jeˬ paˬ paˇ shaˇ noeˬ neh laꞈ-awˬ. Nga maꞈ-euˬ deh yaˇ deuˬ kʼawꞈ yawˬ ngehꞈ-ehˇ taˬ paˇ bi jaˆ cawˆ nehˬ laꞈ. Nga maꞈ-euˬ gʼawˇ mawˇ hawˇ-eu nga maꞈ-euˬ deh yaˇ deuˬ-ahˇ, cehˇ neh paˇ nehˬ laꞈ-awˬ. Nga maꞈ sahˬ paˬ-euˬ zaˬ kʼaˆ geuꞈ jiˇ-awˇ, nga maꞈ-euˬ deh yaˇ deuˬ kʼawꞈ, sahˬ paˬ-ahˇ biꞈ jiˇ ma. Nga maꞈ yaw dehꞈ ya dehꞈ ni cehˇ biꞈ nehˬ laꞈ-awˇ, nga maꞈ deh yaˇ tsehˬ dzaˬ nya ni cehˇ siˬ yoeˬ kʼawꞈ biꞈ nehˬ laꞈ-awˬ.”