Biblia Todo Logo
Bib sou entènèt

- Piblisite -




Jaceuq 103:2 - Akha

2 Ngaˬ-euˬ nui ma-oˇ, Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ gʼawˬ shaˬ gaˬ nya dui dui gaˇ taˬ ngehˇ.

Gade chapit la Kopi

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

2 Ngaq-euq nuima saflar-or! Ya’we Miqyaer-anr jaceuq-awq! Aqyawf nae khar muiqnaeq laf-euq jeq-anr taqngaer.

Gade chapit la Kopi




Jaceuq 103:2
17 Referans Kwoze  

Sahˬpaˬ Miˬyehˇ-euˬ gʼoeˇ-eu gaˬ-eu jeˬ, maˬ poˆ maˬ paˇ laˇ-eu gaˇ kawˆ ngaˇ ja gaˬ ma. Aˬ dui kʼoeˇ taˆ aˬ yawꞈ neh kʼaˇ mˇ taˬ-euˬ jeˬ gʼaˇ duˬ, aˬ yawꞈ-euˬ guiˬ lahˬ-ahˇ ngaˇ ja ceuˬ ma. Aˬ yawꞈ-euˬ gʼawˬ shaˬ gaˬ-eu jeˬ hawˇ-eu, maˬ tsehˆ leˇ nya-eu gʼoeˇ-eu gaˬ-eu jeˬ baˬ da, aˬ yawꞈ-euˬ Iˇsaˬleˬlaˆ tsawˇ jeuˬ-ahˇ, muiˬ-eu guiˬ lahˬ tiˬ byah biꞈ nehˬ-euˬ meh.


Sahˬpaˬ Miˬyehˇ ngaˬ-euˬ kʼoeˇ taˆ muiˬ dui dui-eu miˇ neh, aˬ yawꞈ-ahˇ ngaˇ aˬ jeˬ ya damˬ nehˬ nmˇ.


Aˬ yawꞈ-euˬ zaˬ kʼaˆ Aˬbyaˬhaˬ-euˬ zaˬ deuˬ uˆ deuˬ-oˇ, aˬ yawꞈ neh tseˇ doˆ-euˬ Yaˬkoˆ-euˬ zaˬ deuˬ uˆ deuˬ-oˇ, Miˬyehˇ neh mˇ-euˬ kʼaˆ jeˬ-ehˇ gʼeh-eu gaˇ deuˬ hawˇ-eu, aˬ yawꞈ neh yaˇ kʼaˬ daˇ-euˬ gaˇ kawˆ deuˬ-ahˇ, maˬ ngehˇ ni noeˬ keuˆ-awˬ.


Kʼoeˇ ngeh, Iˇjiˇtuˆ miˇ kʼahˬ laꞈ kʼoeˇ naw maꞈ aˬ cawˬ zaˬ kʼaˆ ya geuꞈ luꞈ ngeh, naw maꞈ-ahˇ ka kʼoꞈ le-euˬ Sahˬpaˬ Miˬyehˇ-ahˇ naw maꞈ taˬ ngehˇ.


Ehˇ kʼawꞈ, Heˬsaˬgiˇ-aˬ, nui ma huiˬ-eu mahˇ-eu jeˬ ahˇ-awˇ, Sahˬpaˬ Miˬyehˇ neh aˬ yawꞈ-ahˇ caw ba nehˬ-euˬ guiˬ lahˬ-ahˇ maˬ noeˬ keuˆ-a. Kʼoeˇ miˇ neh, Sahˬpaˬ Miˬyehˇ nui ma pehˇ-eu jeˬ-ahˇ Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ ya daˬ-euˬ meh.


Yawꞈ maꞈ-ahˇ dehꞈ-eu jeˬ biꞈ-euˬ, ka kʼoꞈ nehˬ-euˬ yaw sahˇ pyeuꞈ-eu, Miˬyehˇ-ahˇ yawꞈ maꞈ ngehˇ-euˬ meh.


Beh-euˬ yaw sahˇ naw maꞈ Aˬ da, naw maꞈ tsawˇ jeuˬ-ahˇ ciˬ tuˇ-euˬ, Sahˬpaˬ Miˬyehˇ mehˬ shi naw maꞈ, aˬ dzawˬ aˇ gah ya gah nmˇ loˇ.


Iˇjiˇtuˆ miˇ kʼahˬ-ahˇ kʼaˆ jeˬ-ehˇ gʼeh-eu jeˬ mˇ-eu laꞈ kʼoeˇ, aˬ yawꞈ maꞈ-ahˇ ka kʼoꞈ-euˬ Miˬyehˇ-ahˇ, aˬ yawꞈ maꞈ ngehˇ-euˬ meh.


Iˇjiˇtuˆ miˇ kʼahˬ-ahˇ jawˇ-euˬ nga maꞈ-euˬ aˬ poeˬ aˬ bawˇ deuˬ, Miˬyehˇ neh mˇ-euˬ kʼaˆ jeˬ-ehˇ gʼeh-eu jeˬ-ahˇ maˬ siˬ nya-a. Aˬ yawꞈ-euˬ gʼoeˇ-eu gaˬ-eu jeˬ tiˬ poˆ saˇ-iˬ tiˬ poˆ mehˬ nehˬ-euˬ gaˇ aˬ yawꞈ maꞈ ngehˇ-awˇ, Iˬ ma laˆ shaˆ yaw neˇ-euˬ lawˇ deh-ahˇ, Huiˬ dui mahˇ dui dui-eu Miˬyehˇ-ahˇ puiˬ-euˬ meh.


“Eˬdoˬ miˇ kʼahˬ Bawˇzaˬlahˬ meuˬ-ahˇ neh oe-euˬ, tsawˇ haˬ kʼoeˇ gʼaˬ aˬ suˇ gʼaˬ-a. Yaw shehꞈ kʼahˬ sehˇ huiˬ-eu mehˬ tsoeˬ paˇ neˇ dm-awˇ, baoˬ hawˇ-eu gʼaˬ huiˬ dui dui-eu laꞈ kʼoeˇ, mehˬ hu paw oe luꞈ-eu kʼoeˇ gʼaˬ aˬ suˇ gʼaˬ-a. Kʼoeˇ-aˬ, ka kʼoꞈ-eu baoˬ ahˇ-eu Sahˬpaˬ Miˬyehˇ pyeuꞈ-awˇ, aˬ yawꞈ gʼaˬ leˇ-eu gaˇ kawˆ ja gaˬ-eu lehˇ oe-eu meh.”


Sahˬpaˬ Miˬyehˇ-ahˇ ja ceuˬ-awˬ. Iˇsaˬleˬlaˆ tsawˇ haˬ deuˬ guiˇ deuˆ-eu noeˬ tsehˆ taˬ-awˇ, Nui ma keuˆ-eu laꞈ kʼoeˇ deuˆ-euˬ meh.


Iˇsaˬleˬlaˆ yehˇ-euˬ aˬ yuiꞈ deuˬ hawˇ-eu, nui ma keuˆ-awˇ laˬ kʼaˬ tiˬ cehˇ guiˇ deuˆ-eu deuˬ nehˬ-ehˇ, ngaˇ nui ma taꞈ ma. Sahˬpaˬ Miˬyehˇ-ahˇ ja ceuˬ-awˬ.


Swiv nou:

Piblisite


Piblisite