Jaceuq 102:8 - Akha

⁸ Muiˇ-eu tsawˇ haˬ deuˬ nah ga-ehˇ ngaˬ-ahˇ ja doeˇ-awˇ, ngaˬ-ahˇ naˬ gʼa-eu tsawˇ haˬ deuˬ ngaˬ-euˬ tsawˇ myahˇ toˇ toˇ-ehˇ yaˬ kʼehˇ yaˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Ngaq-anr muir-eu deuq, nan’ga-i ngaq-anr ngaeqdoer-awr; Ngaq-anr aqjaf jaf-eu deuq, kamq-eu lafkhoer ngaq-anr yaqkhaer yaq-eu mae.

Jaceuq 102:8 Referans Kwoze

Gʼaˬkʼehˇ 26:11

Aˬ yawꞈ maꞈ-ahˇ uˬ duˬ tahˬ nymˇ laꞈ kʼoeˇ gʼawˬ mya poˆ bi kʼehˬ bi kʼaˆ ni ngaˇ jahˇ-awˇ, aˬ yawꞈ maꞈ-euˬ jah-eu jeˬ-ahˇ bi byehˇ dzeh-eu gʼaˇ duˬ ngaˇ leh jeh dui dui-euˬ ma. Aˬ yawꞈ maꞈ-ahˇ ngaˇ nui ma pehˇ dui dui-euˬ miˇ neh, aˬ cawˬ miˇ kʼahˬ-ahˇ jaˆ-eu meuˬ deuˬ-ahˇ keuˆ ni le le-ehˇ aˬ yawꞈ maꞈ-ahˇ kʼehˬ haw kʼaˆ haw-euˬ ma.

Gʼaˬkʼehˇ 7:54

Saˬteˬpaˬ kʼoeˇ loꞈ-ehˇ ehˇ gaˇ ya gaˬ ngeh, Bahꞈdzah laꞈ kʼoeˇ uˇ-eu tsawˇ haˬ deuˬ aˬ yawꞈ-ahˇ nui ma pehˇ dui dui laˇ-awˇ, seuˬ teuꞈ-eu meh.

Yeˬlaˬmiˇ 29:22

Yeˬluˇsaˬlehˬ meuˬ-ahˇ neh Baˬbuˇloˬ miˇ kʼahˬ-ahˇ bi nyehꞈ daˆ gʼeh -euˬ tsawˇ haˬ deuˬ, aˬ cawˬ-ahˇ yaˬ kʼehˇ yaˬ ngeh, Baˬbuˇloˬ sahˬ paˬ neh yaw dehꞈ-ehˇ bi tehˬ ba-euˬ Zeˬdaˬkiˇ hawˇ-eu Aˬkaˆ aˬ nyaꞈ loꞈ-ehˇ, Sahˬpaˬ Miˬyehˇ nawˬ-ahˇ jahˇ nehˬ luꞈ-uˇ lehˇ ehˇ-awˇ yaˬ tehꞈ-a.

Iˇsaˬyaˇ 65:15

Ngaˬ neh tseˇ doˆ-euˬ deuˬ yaˬ kʼehˇ yaˬ ngeh, naw maꞈ-euˬ tsawˇ myahˇ zmˬ tehꞈ-a. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, shiˇ-eu jeˬ-ahˇ naw maꞈ kʼoeˇ taˆ bi keuˆ le ma. Ehˇ kʼawꞈ, ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, tsawˇ myahˇ yaw shuiꞈ myahˇ paˇ nehˬ ma.

Jaceuq 89:51

Sahˬpaˬ Miˬyehˇ-oˇ, nawˬ-ahˇ muiˇ-eu deuˬ nawˬ neh tseˇ doˆ-euˬ sahˬ paˬ-ahˇ dawˬ doeˇ ngehˬ luꞈ meh. Aˬ yawꞈ kʼaˇ iˇ gaˇ ngehˬ doeˇ ehˇ doeˇ luꞈ meh.

Jaceuq 69:20

Aˬ cawˬ-euˬ dawˬ doeˇ ngaˬ-euˬ nui ma-ahˇ zaw dui dui laˇ-awˇ, nui ma cawˆ dui dui luꞈ-eu ma. Ngaˬ-ahˇ gʼawˬ shaˬ gaˬ nehˬ laꞈ gaˇ noeˬ tmˬ kʼawꞈ, gʼawˬ shaˬ gaˬ nehˬ laꞈ-eu tiˬ gʼaˬ-iˬ maˬ jawˇ-a. Gʼaˬ biꞈ nehˬ laꞈ gaˇ noeˬ tmˬ kʼawꞈ, gʼaˬ biꞈ nehˬ laꞈ-eu tiˬ gʼaˬ-iˬ maˬ jawˇ-a.

Jaceuq 55:3

Muiˇ-eu deuˬ laˆ guˆ laˇ-eu miˇ neh, nui saˇ tiˬ pawꞈ-iˬ maˬ oꞈ nya. Haiˬ-eu tsawˇ haˬ deuˬ kʼehˬ nehˬ kʼaˆ nehˬ laꞈ-eu miˇ neh, shaˬ zahˬ naꞈ dui dui miˇ-a. Aˬ yawꞈ maꞈ ngaˬ-ahˇ laˆ shaˬ laˆ zahˬ nehˬ laꞈ-eu meh. Ngaˬ-ahˇ nui ma pehˇ-awˇ bye-eu meh.

Jaceuq 2:1

Aˬjeˬmiˇneh miˇkʼahˬtsawˇjeuˬ, Miˬyehˇ-ahˇ puiˬ-eu lehˇ gʼeh ta. Maˬmˇmaˬshaˇ pyeuꞈnya-eu jeˬ, aˬ jeˬ miˇ neh leh jeh luꞈ ta.

Lormav 15:3

Aˬ jeˬ miˇ neh ehˇ naˇ, Ka li-aˬ, aˬ yawꞈ gʼaˇ duˬ muiˬ ni dehꞈ-euˬ maˬ ngeuˇ-a. “Naw maꞈ-ahˇ ja bu ja doeˇ-eu deuˬ-euˬ dawˬ doeˇ ngaˇ daˬ-euˬ ma” lehˇ Jaˇliꞈ laꞈ kʼoeˇ boꞈ taˬ-euˬ meh.

Luˇkaꞈ 6:11

Ehˇ kʼawꞈ, tsawˇ haˬ kʼoeˇ deuˬ nui ma pehˇ dui dui-awˇ, Yeˬsuˇ-ahˇ aˬ joˆ-ehˇ jahˇ nehˬ paˬ nga lehˇ, aˬ yawꞈ maꞈ yaw kaˬ bawˬ dzaˬ-euˬ meh.

Jaceuq 41:5

Muiˇ-eu deuˬdawˬdoeˇngehˬlaˇ-awˇ, ngaˇshiˇbyoˆgaˇmawˇmawꞈ-eu meh.

Jaceuq 77:5

Dzeuˇ yaꞈ-euˬ aˇ nah aˇ yamˬ-ahˇ shaˇ noeˬ ngeh, aˇ hu ba-euˬ gaˇ kawˆ deuˬ noeˬ mawˇ laˇ miˇ-a.