Iˇsaˬyaˇ 7:6 - Akha6 Yuˇdaˆ miˇ kʼahˬ-ahˇ aˬ yawꞈ maꞈ uˇ le-awˇ, miˇ kʼahˬ zaˬ deuˬ aˬ yawꞈ maꞈ jawˇ paw pyawˬ ni guˆ tsiˬ nyehꞈ-awˇ, Taˬbeˬlaˇ-euˬ aˬ li-ahˇ sahˬ paˬ ka nehˬ-eu lehˇ lehˬ hmˬ taˬ-euˬ meh lehˇ ehˇ nehˬ-awˬ. Gade chapit la |
Iˇsaˬyaˇ 7:6
12 Referans Kwoze
Aˬ yawꞈ maꞈ neh shaˇ-euˬ dawˬ-ahˇ sahˬ paˬ Leˬhawˇbamˬ maˬ naˇ haˬ nehˬ gaˇ tsawˇ haˬ kʼoeˇ deuˬ ya mawˇ ngeh, aˬ yawꞈ maꞈ heu loꞈ-ehˇ guˇ-eu meh. “Daˬbiˇ-euˬ nymˇ jiˇ kʼoeˇ taˆ yaw cawˆ jeˬ keuˆ le luꞈ-uˇ. Daˬbiˇ neh aˬ dui-ahˇ biꞈ taˬ-euˬ aˬ jeˬ jaˆ ta. Yeˬshehˇ-euˬ aˬ li Daˬbiˇ-ahˇ aˬ dui aˬ jeˬ taꞈ ta. Iˇsaˬleˬlaˆ tsawˇ haˬ deuˬ-oˇ, yawˬ ha-euˬ iˇ kahˇ-ahˇ yawˬ ha gʼoꞈ leˇ jiˇ-awˬ. Leˬhawˇbamˬ-oˇ, nawˬ-euˬ nymˇ jiˇ-ahˇ nawˇ haw piˇ-awˬ de.” Kʼoeˇ loꞈ-ehˇ guˇ gʼaˬngeh, Iˇsaˬleˬlaˆ tsawˇ haˬ kʼoeˇ deuˬ yawˬ ha-euˬ nymˇ jiˇ kʼaˇ jaˆ gaˇ gʼoꞈ leˇ jiˇ-euˬ meh.
Aˬhaˬziˇ-euˬ aˬ li Yawˇshaˆ tiˬ gʼaˬ tehꞈ-ehˇ, maˬ bi sehꞈ ni dzeuˇ-iˇ-euˬ meh. Aˬ yawꞈ-ahˇ aˬ cawˬ sehꞈ-eu lehˇ gʼeh ngeh, Aˬhaˬziˇ-euˬ dmˇ ma pyeuꞈ-eu sahˬ paˬ Yeˬhawˇlamˬ-euˬ aˬ buˇ Yeˬhawˇsheˬba neh aˬ yawꞈ-ahˇ ka kʼoꞈ-euˬ meh. Aˬ yawꞈ-ahˇ maˬ ya bi sehꞈ-eu gʼaˇ duˬ, aˬ yawꞈ hawˇ-eu aˬ yawꞈ-ahˇ haw piˇ-eu zaˬ miˬ zaˬ-ahˇ, yuꞈ duˬ kuˆ lawˆ tiˬ lawˆ laꞈ kʼoeˇ, Yeˬhawˇsheˬba neh sheuˬ zaꞈ taˬ-euˬ meh.
Aˬ yawꞈ kʼoeˇ loꞈ-ehˇ dehꞈ-eu miˇ neh, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-ahˇ Suˇliˆ sahˬ paˬ-euˬ aˬ laꞈ laꞈ kʼoeˇ a nehˬ-awˇ, Suˇliˆ sahˬ paˬ neh guiˇ bi deuˆ gʼaˬ-eu laꞈ kʼoeˇ, aˬ yawꞈ-euˬ miˇ kʼahˬ zaˬ gʼawˬ mya ni Daˬmaˬsehˇ meuˬ-ahˇ bi nyehꞈ gʼeh-euˬ meh. Aˬ yawꞈ-ahˇ Iˇsaˬleˬlaˆ sahˬ paˬ-euˬ aˬ laꞈ laꞈ kʼoeˇ tiˬ poˆ paˇ a nehˬ-awˇ, aˬ yawꞈ-euˬ tsawˇ haˬ gʼawˬ mya ni bi deuˆ sehꞈ-awˇ sm dui dui-euˬ meh.
Piblisite