Iˇsaˬyaˇ 7:1 - Akha

¹ Yoˇdaˬ-euˬ aˬ li pyeuꞈ-awˇ, Awˇziˇ-euˬ oeˬ paˬ pyeuꞈ-eu sahˬ paˬ Aˬkaˆ Yuˇdaˆ miˇ kʼahˬ-ahˇ uˆ lahˇ ngeh, Suˇliˆ sahˬ paˬ Leˬzeˬ hawˇ-eu, Iˇsaˬleˬlaˆ sahˬ paˬ pyeuꞈ-eu Leˬmaˬliˇ-euˬ aˬ li Peˬkah aˬ nyaꞈ Yeˬluˇsaˬlehˬ meuˬ-ahˇ guiˇ deuˆ le-euˬ meh. Ehˇ kʼawꞈ, maˬ deuˆ gʼaˬ nya-a.

Iˇsaˬyaˇ 7:1 Referans Kwoze

2 Sahˬpaˬ 15:37

Aˇ nah aˇ yamˬ kʼoeˇ yamˬ laꞈ kʼoeˇ, Suˇliˆ sahˬ paˬ Leˬzeˬ hawˇ-eu Iˇsaˬleˬlaˆ sahˬ paˬ Peˬkah-ahˇ Sahˬpaˬ Miˬyehˇ neh pyehˬ gʼeh-awˇ, Yuˇdaˆ miˇ kʼahˬ-ahˇ guiˇ bi deuˆ-euˬ meh.

2 Sahˬpaˬ 16:1

Leˬmaˬliˇ-euˬ aˬ li sahˬ paˬ Peˬkah gʼaˬ Iˇsaˬleˬlaˆ miˇ kʼahˬ-ahˇ uˆ lahˇ-euˬ tseˇ shiꞈ kʼoꞈ tiˬ kʼoꞈ-ahˇ, Yoˇdaˬ-euˬ aˬ li Aˬkaˆ gʼaˬ Yuˇdaˆ sahˬ paˬ pyeuꞈ laˇ-euˬ meh.

Iˇsaˬyaˇ 8:6

“Tsawˇ haˬ heu deuˬ coꞈ ngehˇ ni yoeˇ luꞈ-eu Shiˇloˆ lawˇ gawˆ-ahˇ byehˇ dzeh-awˇ, sahˬ paˬ Leˬzeˬ hawˇ-eu sahˬ paˬ Peˬkah aˬ nyaꞈ-ahˇ guˆ-awˇ yaw dzuˬ dzuˬ luꞈ-eu meh.

Iˇsaˬyaˇ 1:1

Sahˬ boꞈ heu taꞈ laꞈ kʼoeˇ ahˇ-eu gaˇ kawˆ deuˬ-aˬ, sahˬ paˬ Awˇziˇ, sahˬ paˬ Yoˇdaˬ, sahˬ paˬ Aˬkaˆ, sahˬ paˬ Heˬsaˬgiˇ aˬ ha maꞈ Yuˇdaˆ miˇ kʼahˬ-ahˇ uˆ lahˇ-euˬ ziˇ kʼoeˇ ziˇ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ taꞈ leˇ-awˇ, Aˬmoˆ-euˬ aˬ li Iˇsaˬyaˇ-ahˇ Miˬyehˇ neh pah mehˬ nehˬ-awˇ bi ngehˬ dah-euˬ gaˇ kawˆ deuˬ meh.

2 Sahˬpaˬ 15:25

Peˬkaˬhiˇ-euˬ guiˇ maꞈ-ahˇ uˆ lahˇ-eu yaw huiˬ yaw mahˇ tiˬ gʼaˬ pyeuꞈ-eu Peˬkah lehˇ myahˇ-euˬ Leˬmaˬliˇ-euˬ aˬ li-aˬ, Giˇlaˆ miˇ kʼahˬ-ahˇ jawˇ-eu tsawˇ haˬ ngaˬ tseˇ gʼaˬ sheuˬ-awˇ, Saˬmaˬliˆ meuˬ sahˬ paˬ-euˬ hawˇ nymˇ laꞈ kʼoeˇ paw jaˆ-eu bawˇ tsahˬ bawˇ dahˇ lawˆ lehˇ kuˇ-eu lawˆ-ahˇ, Peˬkaˬhiˇ-ahˇ sehꞈ-awˇ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Sahˬpaˬ 15:27

Sahˬ paˬ Awˇziˇ Yuˇdaˆ miˇ kʼahˬ-ahˇ uˆ lahˇ-eu ngaˬ tseˇ nyiꞈ kʼoꞈ tiˬ kʼoꞈ-ahˇ, Leˬmaˬliˇ-euˬ aˬ li Peˬkah gʼaˬ Iˇsaˬleˬlaˆ sahˬ paˬ pyeuꞈ laˇ-awˇ, Saˬmaˬliˆ meuˬ-ahˇ jawˇ-awˇ nyiˬ tseˇ kʼoꞈ uˆ lahˇ-euˬ meh.

2 Sahˬpaˬ 16:5

Suˇliˆ sahˬ paˬ Leˬzeˬ hawˇ-eu Iˇsaˬleˬlaˆ sahˬ paˬ Peˬkah aˬ nyaꞈ Yeˬluˇsaˬlehˬ meuˬ-ahˇ loꞈ jawˬ-awˇ guiˇ deuˆ kʼawꞈ, Aˬkaˆ-ahˇ maˬ deuˆ gʼaˬ nya-a.

Iˇsaˬyaˇ 9:11

Kʼoeˇ miˇ neh aˬ yawꞈ maꞈ-ahˇ guiˇ bi deuˆ-eu gʼaˇ duˬ, muiˇ-eu deuˬ-ahˇ Sahˬpaˬ Miˬyehˇ laˆ noeˬ tehꞈ-a.

Yeˬsaˬgeˬlaˇ 27:16

Suˇliˆ tsawˇ haˬ deuˬ nawˬ nehˬ-ehˇ jeˬ gaꞈ jeˬ ka gʼeh-awˇ, nawˬ neh jahˇ doˆ-euˬ myawˬ gahˬ deuˬ zeuˇ-euˬ meh. Nawˬ-euˬ myawˬ gahˬ deuˬ paˇ geuꞈ-eu gʼaˇ duˬ, nyoeˇ naˆ naˆ-eu kʼaˬ lo sehˇ, neˇ nyoeˇ nyoeˇ-eu saˬ paˇ, aˇ boꞈ aˇ yehˆ yehˆ taˬ-euˬ saˬ paˇ, muiˬ dui dui-eu shawˇ jehˆ ni gʼeh-eu saˬ paˇ, laˆ shaˆ kʼaˬ lo aˇ yehˆ, neˇ tseuˆ ni gʼeh-eu kʼaˬ lo sehˇ heu deuˬ, aˬ yawꞈ maꞈ yuˇ leꞈ-euˬ meh.

Hawˇseˬ 1:1

Heu-aˬ, Awˇzeˬ, Yoˇdaˬ, Aˬgaˆ, Heˬsaˬgiˇ aˬ ha maꞈ Yuˇdaˆ miˇ kʼahˬ-euˬ sahˬ paˬ geuꞈ-awˇ, Yeˬhawˇshaˆ-euˬ aˬ li Yeˬyawˇbaoˬ gʼaˬ Iˇsaˬleˬlaˆ miˇ kʼahˬ-euˬ sahˬ paˬ geuꞈ luꞈ ngeh, Beˬliˇ-euˬ aˬ li Hawˇseˬ jawˇ gaˇ keuˆ le-euˬ Sahˬpaˬ Miˬyehˇ-euˬ dawˬ meh.

Miˇkaˬ 1:1

Yoˇdaˬ, Aˬkaˆ, Heˬsaˬgiˇ, heu deuˬ Yuˇdaˆ miˇ kʼahˬ-euˬ sahˬ paˬ geuꞈ-euˬ aˇ yamˬ-ahˇ, Mawˇleˇshehˆ meuˬ-ahˇ jawˇ-euˬ Miˇkaˬ jawˇ gaˇ Sahˬpaˬ Miˬyehˇ-euˬ dawˬ keuˆ le-euˬ meh. Saˬmaˬliˆ meuˬ hawˇ-eu Yuˇdaˆ miˇ kʼahˬ-ahˇ taꞈ leˇ-eu gaˇ kawˆ heu deuˬ dawˬ tawˆ luꞈ, Miˇkaˬ-ahˇ Sahˬpaˬ Miˬyehˇ pah mehˬ nehˬ-euˬ meh.