Iˇsaˬyaˇ 66:2 - Akha

² Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

Iˇsaˬyaˇ 66:2 Referans Kwoze

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Jaceuq 34:18

Nui ma tsawˬpaˆ-euˬdeuˬdawˬpeh, SahˬpaˬMiˬyehˇjawˇluꞈ-eu meh. Nui ma cawˆ-eu tsawˇhaˬdeuˬ-ahˇ, aˬyawꞈka kʼoꞈdoˆnehˬ-eu meh.

Jaceuq 51:17

Miˬyehˇ-oˇ, ngaˇ nawˬ-ahˇ nui nahˬ nui yu lawˇ nehˬ ma. Nahˬ yu ni gʼeh-eu iˬ baˇ noeˬ poˆ-euˬ nui ma-ahˇ nawˇ maˬ byehˇ dzeh nehˬ laꞈ-a.

Piˇliˇpiˆ 2:12

Kʼoeˇ miˇ neh ngaˇ gaˬ-eu cawˬ deuˬ-oˇ, ngaˇ naw maꞈ nehˬ-ehˇ jawˇ ngeh ngaˬ-euˬ dawˬ-ahˇ naw maꞈ aˬ myah luꞈ naˇ haˬ geuꞈ-euˬ meh. Nymˬ-mˇ ngaˇ naw maꞈ nehˬ-ehˇ maˬ jawˇ ngeh kʼawꞈ, ngaˬ-euˬ dawˬ-ahˇ kʼoeˇ naˆ maˬ tseˇ naˇ haˬ geuꞈ-awˬ. Naw maꞈ ka kʼoꞈ-eu jeˬ-ahˇ za nya ni, Miˬyehˇ-ahˇ guˆ-awˇ yaw dzuˬ dzuˬ-eu laꞈ kʼoeˇ leh jeh dui dui-awˬ.

Dawqdaq 28:14

Aˬ myah luꞈ Sahˬpaˬ Miˬyehˇ-euˬ ehˇ dawˬ naˇ haˬ-eu tsawˇ haˬ nui saˇ oꞈ-awˇ, nui ma gʼahˇ-eu tsawˇ haˬ kʼoeˇ taˆ guˆ-eu gaˆ-eu jeˬ keuˆ le tehꞈ-a.

Jaceuq 138:6

Goˇ dui dui gaˇ nawˇ jawˇ luꞈ kʼawꞈ, yaw awˆ-ahˇ jawˇ-eu deuˬ-ahˇ nawˇ ngehˬ gʼeh-awˇ, nui ma huiˬ-eu mahˇ-eu deuˬ nawˬ-euˬ mehˬ shi cehˆ zaꞈ kʼaˇ maˬ za-a.

Jaceuq 119:120

Nawˬ-ahˇ ngaˇ guˆ-awˇ yaw dzuˬ dzuˬ-eu ma. Nawˇ yaˇ kʼaˬ daˇ gaˇ ngaˇ guˆ dui dui-eu ma.

Iˇsaˬyaˇ 66:5

Sahˬpaˬ Miˬyehˇ-ahˇ guˆ-awˇ ehˇ dawˬ naˇ haˬ-eu deuˬ-oˇ, aˬ yawꞈ-euˬ dawˬ-ahˇ naw maꞈ naˇ haˬ sheˇ. “Naw maꞈ ngaˬ-ahˇ saˇ jaˇ ziꞈ-eu miˇ neh, naw maꞈ tsawˇ jeuˬ tiˬ paˆ deuˬ naw maꞈ-ahˇ bye-awˇ, naw maꞈ-ahˇ myaˆ maˬ haw cawˬ-ehˇ, ‘Naw maꞈ laˬ kʼaˬ cehˇ luꞈ gaˇ nga maꞈ ya mawˇ ni, Sahˬpaˬ Miˬyehˇ-euˬ baoˬ bi mawˇ le-awˇ, naw maꞈ-ahˇ ka kʼoꞈ nehˬ luꞈ-uˇ’ lehˇ ehˇ tehꞈ-a. Ehˇ kawꞈ, kʼoeˇ loꞈ-ehˇ ehˇ-eu deuˬ kʼoeˇ taˆ, shaꞈ dawˇ-eu jeˬ keuˆ le tehꞈ-a.

Iˇsaˬyaˇ 61:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-euˬ yaw sahˇ, ngaˬ-euˬ kʼoeˇ taˆ keuˆ le-euˬ meh. Yaw shaˬ zaˬ-ahˇ laˬ kʼaˬ cehˇ-eu guiˬ lahˬ dawˬ tsaꞈ gaˬ-eu gʼaˇ duˬ, nui ma tsawˬ paˆ-euˬ deuˬ-ahˇ laˆ saˆ-eu gʼaˇ duˬ, aˬ cawˬ miˇ kʼahˬ-ahˇ bi nyehꞈ gʼeh-euˬ deuˬ hawˇ-eu, paꞈ kuˆ laꞈ kʼoeˇ ka lahˇ taˬ-euˬ tsawˇ haˬ deuˬ-ahˇ, ya buˬ ya law-iˇ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-awˇ pyehˬ gʼeh leꞈ-euˬ meh.

Eˇzaˬlaˬ 10:3

Nymˬ-mˇ, miˬ zaˬ kʼoeˇ deuˬ hawˇ-eu aˬ yawꞈ maꞈ-euˬ zaˬ deuˬ-ahˇ byehˇ dzeh ma lehˇ aˬ dui-euˬ Miˬyehˇ-ahˇ nga maꞈ saˇ jaˇ dzaˬ ma. Nawˇ hawˇ-eu Miˬyehˇ-euˬ zahˇ dawˬ kʼoꞈ dawˬ-ahˇ yaw zeu baw-eu deuˬ neh ehˇ nehˬ laꞈ-euˬ loꞈ-ehˇ tehꞈ-ehˇ nga maꞈ mˇ ma. Miˬyehˇ-euˬ zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ nga maꞈ dehꞈ ma.

Haˬbaˬkuˆ 3:16

Gaˇ kawˆ kʼoeˇ ngaˇ ya gaˬ gʼaˬ ngeh, gʼawˇ mawˇ mawˇ lah yaw dzuˬ dzuˬ-awˇ, mehˬ luˬ mehˬ ma shaˬ dehꞈ dehꞈ nya. Shaˬ yoeˬ shaˬ laꞈ peuˬ-iˇ jiˇ-awˇ, kuiˇ toꞈ yaˇ laˇ jiˇ-euˬ miˇ-a. Ngaˬ-ahˇ guiˇ deuˆ le-eu deuˬ-ahˇ, Miˬyehˇ kʼehˬ nehˬ-eu aˇ nah-ahˇ, ciˬ cuˇ ni ngaˇ dawˬ luꞈ-eu ma.

Jaceuq 119:161

Sahˬ paˬ sahˬ ma deuˬ ngaˇ maˬ lehˬ gaˇ ngaˬ-ahˇ kʼehˬ kʼawꞈ, nawˬ-euˬ zahˇ dawˬ kʼoꞈ dawˬ-ahˇ yaw zeu baw-eu ma.

Eˇzaˬlaˬ 9:4

Ngaˇ noeˬ shaˬ dui dui-eu laꞈ kʼoeˇ uˬ ciꞈ uˬ taw paw poˆ lawˇ-eu shehˇ-eu yamˬ keuˆ laˇ ngeh keuˆ ni kʼoeˇ loꞈ-ehˇ dzuˇ luꞈ ngeh, Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ kʼoeˇ deuˬ neh mˇ-euˬ iˬ baˇ gaˇ kawˆ-ahˇ Iˇsaˬleˬlaˆ tsawˇ jeuˬ-euˬ Miˬyehˇ neh ehˇ-euˬ gaˇ kʼaˇ guˆ-eu tsawˇ haˬ dawˬ tawˆ luꞈ ngaˬ-euˬ dawˬ peh uiˬ laˇ-euˬ meh.

Iˇsaˬyaˇ 40:26

Mˬ-ahˇ gʼawˇ leuˇ haw sheˇ. Aˬ guiˇ kʼoeˇ deuˬ-ahˇ aˬ suˇ gʼaˬ beh taˬ ta. Aˬ yawꞈ maꞈ-ahˇ guiˇ maꞈ loꞈ-ehˇ sheuˬ gʼeh-eu gʼaˬ neh beh-euˬ meh. Aˬ guiˇ dawˬ tawˆ luꞈ aˬ yawꞈ siˬ jiˇ-awˇ, yawˬ siˬ na luꞈ tsawˇ myahˇ biꞈ doe-euˬ meh. Aˬ yawꞈ-euˬ baoˬ huiˬ dui dui-eu miˇ neh, aˬ guiˇ tiˬ siˬ-iˬ maˬ ga teˬ-iˇ-a.

Gawˇlawˇsehˇ 1:17

Tiˬ jeˬ-iˬ maˬ beh mi naˆ-ehˇ Ka li dehꞈ luꞈ jawˇ luꞈ-awˇ, yawˬ jeˬ na luꞈ aˬ yawꞈ-euˬ laꞈ kʼoeˇ jawˇ duˬ dah-eu meh.

Gʼaˬkʼehˇ 9:6

Teˇ saˇ kʼoeˇ saˇ aˬ yawꞈ-ahˇ ehˇ-eu, “Ngaˇ-aˬ, nawˇ kʼehˬ luꞈ-eu Yeˬsuˇ ma. Tuˇ-awˇ meuˬ-ahˇ le uˇ-awˬ. Nawˇ aˬ joˆ-ehˇ ya jahˇ-eu gaˇ kawˆ kʼoeˇ gaˇ ehˇ nehˬ laꞈ tehꞈ-a.”

Maꞈtehˬ 12:6

Ngaˇ naw maꞈ-ahˇ ehˇ nehˬ nyaˇ. Uˬ duˬ tahˬ nymˇ nymˇ ma naˆ maˬ tseˇ huiˬ dzehˬ-eu gʼaˬ heu gaˇ jawˇ luꞈ ma.

Gʼaˬkʼehˇ 7:50

Mˬ ga miˇ nawˬ dawˬ tawˆ luꞈ-ahˇ, ngaˬ neh beh-euˬ maˬ ngeuˇ ta loˇ.’

Dawqdaq 29:23

Nui ma huiˬ-eu mahˇ-eu jeˬ nawˬ-ahˇ laˆ shaˬ-awˇ, nui nahˬ nui yu ahˇ naˇ, aˬ cawˬ nawˬ-ahˇ yaw zeu baw tehꞈ-a.

Hawˇseˬ 11:10

“Aˇ laˬ jaˬ shiˇ lmˬ-eu loꞈ-ehˇ, muiˇ-eu deuˬ-ahˇ ngaˇ lmˬ nehˬ ngeh, ngaˬ-euˬ tsawˇ haˬ deuˬ ngaˇ jawˇ gaˇ, nahˇ ma ga kʼehˬ paw pyawˬ-ahˇ neh, guˆ guˆ-ehˇ cehˆ gʼoꞈ laꞈ tehꞈ-a.

Miˇkaˬ 6:8

Kʼoeˇ loꞈ-ehˇ maˬ ngeuˇ-a. Aˬ geu jeˬ muiˬ-eu gaˇ kawˆ Sahˬpaˬ Miˬyehˇ aˬ dui-ahˇ dzawˇ mehˬ taˬ-euˬ meh. Aˬ dui maꞈ laꞈ kʼoeˇ Sahˬpaˬ Miˬyehˇ geuꞈ mawꞈ-eu jeˬ-aˬ, yaw tsaˬ yaw dawˇ jeˬ-ahˇ mˇ-eu jeˬ, aˬ myah luꞈ ziꞈ-eu gʼoeˇ-eu gaˬ-eu jeˬ hawˇ-eu, nui ma nahˬ yu ni taˬ-awˇ Miˬyehˇ-ahˇ cawˬ cawˬ taꞈ-eu jeˬ, heu deuˬ meh.

1 Sahˬpaˬ 21:29

“Ngaˬ-euˬ mehˬ shi Aˬhaˆ nui ma nahˬ yu ni taˬ-awˇ jawˇ luꞈ-eu nawˇ ya mawˇ gʼaˬ maˬ loˇ. Aˬ yawꞈ kʼoeˇ loꞈ-ehˇ jawˇ-eu miˇ neh, aˬ yawꞈ yaw dehꞈ dehꞈ luꞈ-eu aˇ yamˬ laꞈ kʼoeˇ, guˆ-eu gaˆ-eu jeˬ ngaˇ maˬ paˇ bi keuˆ le ma. Aˬ yawꞈ-euˬ aˬ li-euˬ ziˇ-ahˇ, Aˬhaˆ-euˬ nymˇ jiˇ kʼoeˇ taˆ guˆ-eu gaˆ-eu jeˬ ngaˇ bi keuˆ le ma.”

2 Sahˬpaˬ 22:10

Kʼoeˇ naˇ, “Hiˇlaˬkiˇ neh ngaˬ-ahˇ sahˬ boꞈ paˇ yoˆ tiˬ dmˬ biꞈ laꞈ-euˬ meh” lehˇ ehˇ-awˇ, sahˬ paˬ-ahˇ gui mehˬ nehˬ-euˬ meh.

2 Sahˬpaˬ 22:11

Zahˇ dawˬ kʼoꞈ dawˬ sahˬ boꞈ gui mehˬ nehˬ gaˇ sahˬ paˬ ya gaˬ ngeh, nui ma-ahˇ zaw leˇ-awˇ, aˬ yawꞈ dm luꞈ-eu mehˬ tsoeˬ cehˬ pyaˬ-euˬ meh.

Jaceuq 51:19

Kʼoeˇ naˇ, nawˇ nui kʼahˇ shiˇ-eu tsaˬ-eu dawˇ-eu lawˇ-eu jeˬ pyeuꞈ-eu, miˬ dzaˬ-ahˇ dzah puiˆ-awˇ lawˇ-eu jeˬ hawˇ-eu, mawˇ neˇ mawˇ gaw deuˬ-ahˇ nawˬ-euˬ lawˇ duˬ kʼoeˇ taˆ ya lawˇ tehꞈ-a.

Iˇsaˬyaˇ 41:20

Sahˬpaˬ Miˬyehˇ pyeuꞈ-eu ngaˬ-euˬ kuiˇ zaˇ laꞈ zaˇ-ahˇ, miˇ tsaˬ zaˬ deuˬ mawˇ-awˇ siˬ nya tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ neh, kʼoeˇ loꞈ-ehˇ pyeuꞈ laˇ ni mˇ-euˬ gaˇ kawˆ, aˬ yawꞈ maꞈ siˬ nya laˇ tehꞈ-a.”