Iˇsaˬyaˇ 65:7 - Akha

⁷ Aˬ yawꞈ maꞈ-euˬ iˬ baˇ hawˇ-eu aˬ poeˬ aˬ bawˇ deuˬ-euˬ iˬ baˇ, dawˬ tawˆ luꞈ aˬ yawꞈ maꞈ-ahˇ ngaˇ ciˬ pi nehˬ ma. Gawˬ duˇ kʼoeˇ taˆ lawˇ ciꞈ zaˬ uˬ duˬ tahˬ-eu jawˇ duˬ-ahˇ, tsiˇ yaw saw jeˬ aˬ yawꞈ maꞈ doꞈ daˆ-awˇ, ngaˬ-ahˇ yaw doeˇ ehˇ taˬ-euˬ jaˆ-eu meh. Kʼoeˇ miˇ neh aˬ yawꞈ maꞈ mˇ dzeuˇ shaˇ dzeuˇ taˬ-euˬ loꞈ-ehˇ, aˬ yawꞈ maꞈ-ahˇ ngaˇ paˇ kʼehˬ poˆ nehˬ ma.”

Iˇsaˬyaˇ 65:7 Referans Kwoze

Iˇsaˬyaˇ 57:7

Lawˇ-eu shehˇ-eu gʼaˇ duˬ hawˇ-eu kʼaˬ miˬ sheu-eu gʼaˇ duˬ, gawˬ jawˬ yaw goˇ-ahˇ naw maꞈ le-euˬ meh.

Doˆ-iˇ 20:5

Tahˬ pahˬ aˬ ma mawˇ kawˇ mehˬ shi nawˇ maˬ ya awˆ byaˆ-a. Uˬ duˬ maˬ ya tahˬ-a. Aˬ jeˬ miˇ neh ehˇ naˇ, ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, myaˆ naˆ-eu Miˬyehˇ tiˬ gʼaˬ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ nehˬ-awˇ, aˬ yawꞈ maꞈ-euˬ zaˬ ziˇ oeˬ ziˇ keuˆ ni ngaˇ kʼehˬ nehˬ ma.

Yeˬlaˬmiˇ 13:25

Naw maꞈ guiˬ lahˬ kʼoeˇ naˆ ni doeˇ meh lehˇ, Sahˬpaˬ Miˬyehˇ ehˇ taˬ-euˬ meh. Naw maꞈ aˬ yawꞈ-ahˇ byehˇ dzeh-awˇ, maˬ ngeuˇ-eu miˬ yehˇ-ahˇ gʼoe-eu miˇ neh, naw maꞈ-ahˇ kʼoeˇ loꞈ-ehˇ laˆ shaˬ nehˬ-eu gʼaˇ duˬ, aˬ yawꞈ noeˬ tsehˆ gʼaˬ taˬ-euˬ meh.

1 Teˇsaˬloˇni 2:16

Aˬ cawˬ tsawˇ jeuˬ ka kʼoꞈ-eu jeˬ bi za-eu lehˇ nga maꞈ Miˬyehˇ dawˬ kawˬ mehˬ nehˬ gaˇ keuˆ ni laˆ tsoeˬ-eu lehˇ leh jeh-eu meh. Kʼoeˇ loꞈ-ehˇ gʼeh-eu laꞈ kʼoeˇ, aˬ yawꞈ maꞈ aˬ myah luꞈ mˇ luꞈ-eu iˬ baˇ dawˬ tawˆ luꞈ byah jiˇ laˇ ni kaꞈ gʼa-eu meh. Nymˬ-mˇ aˇ saˬ saˬ laˇ ngeh, Miˬyehˇ nui ma pehˇ-eu jeˬ aˬ yawꞈ maꞈ kʼoeˇ taˆ keuˆ le teuˇ le-euˬ meh.

Daˬyeˬlaˇ 9:8

Sahˬpaˬ Miˬyehˇ-oˇ, nga maꞈ-euˬ sahˬ paˬ sahˬ ma deuˬ hawˇ-eu, nga maꞈ-euˬ aˬ poeˬ aˬ bawˇ deuˬ, nawˬ-euˬ mehˬ shi iˬ baˇ mˇ-awˇ, shaꞈ dawˇ dui dui paˬ-ehˇ dehꞈ-euˬ meh.

Yeˬsaˬgeˬlaˇ 18:6

Iˇsaˬleˬlaˆ tsawˇ haˬ deuˬ-euˬ tahˬ pahˬ aˬ ma mawˇ kawˇ deuˬ-ahˇ aˬ yawꞈ uˬ duˬ maˬ tahˬ-ehˇ, gawˬ jawˬ gawˬ duˇ doe ni jaˆ-eu uˬ duˬ tahˬ-eu jawˇ duˬ-ahˇ lawˇ-eu dzaˇ aˬ yawꞈ maˬ dzaˬ-eu uˬ taꞈ, aˬ cawˬ-euˬ miˬ zaˬ-ahˇ maˬ bahˬ-ehˇ, ba la mawˇ luꞈ-eu zaˬ miˬ zaˬ nehˬ-ehˇ aˬ yawꞈ maˬ yuꞈ taꞈ-a.

Yeˬlaˬmiˇ 5:29

Ehˇ kʼawꞈ Sahˬpaˬ Miˬyehˇ pyeuꞈ-eu ngaˇ-aˬ, gaˇ kawˆ kʼoeˇ deuˬ baˬ da neh aˬ yawꞈ maꞈ-ahˇ kʼehˬ-awˇ, tsawˇ jeuˬ heu jeuˬ-ahˇ laꞈ poˆ poˆ nehˬ ma.

Yeˬlaˬmiˇ 5:9

Kʼoeˇ baˬ da neh aˬ yawꞈ maꞈ-ahˇ, ngaˇ maˬ kʼehˬ ni oˇ coeˇ nmˇ loˇ. Kʼoeˇ loꞈ-ehˇ gʼeh-eu tsawˇ jeuˬ-ahˇ, ngaˇ laꞈ poˆ maˬ poˆ ni jawˇ coeˇ nmˇ loˇ.

Iˇsaˬyaˇ 65:6

“Aˬ yawꞈ maꞈ-ahˇ kʼehˬ-eu gʼaˇ duˬ ngaˇ noeˬ tsehˆ-awˇ, yaˇ kʼaˬ daˇ nehˬ-eu gʼaˇ duˬ boꞈ ahˇ gʼaˬ-euˬ ma. Aˬ yawꞈ maꞈ-euˬ yaw lehˬ maˬ oˇ dzeuˇ ni, lehˬ-eu shaˬ bymˇ bi tawˆ jiˇ ma.

Iˇsaˬyaˇ 22:14

Baoˬ huiˬ-eu Sahˬpaˬ Miˬyehˇ ngaˬ-ahˇ ehˇ-eu, “Aˬ yawꞈ maꞈ ziˇ jiˇ ngeh keuˆ ni, iˬ baˇ heu ngaˇ maˬ pyehˬ nehˬ lehˇ, Dawˬ tawˆ kʼoeˇ taˆ uˆ lahˇ-eu Baoˬ huiˬ-eu ngaˇ Sahˬpaˬ Miˬyehˇ ehˇ-eu ma.”

2 Sahˬpaˬ 16:4

Gawˬ duˇ uˬ du hawˇ-eu aˇ bawˇ naˇ shmˇ kʼaˇ muiˬ gaˇ jaˆ-eu lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ, aˬ yawꞈ lawˇ-eu shehˇ-eu jeˬ mˇ-awˇ, yaw saw jeˬ doꞈ damˬ-euˬ meh.

2 Sahˬpaˬ 15:35

Ehˇ kʼawꞈ, lawˇ ciꞈ zaˬ deuˬ uˬ duˬ tahˬ-euˬ jawˇ duˬ deuˬ-ahˇ maˬ laˆ cawˆ ni, miˇ kʼahˬ zaˬ deuˬ kʼoeˇ gaˇ lawˇ-eu shehˇ-eu jeˬ mˇ-awˇ, yaw saw jeˬ doꞈ damˬ-euˬ meh. Uˬ duˬ tahˬ nymˇ nymˇ ma-euˬ laꞈ taˆ paw pyawˬ lahˇ kʼehˬ jahˇ ahˇ-euˬ gʼaˬ-aˬ, Yoˇdaˬ meh.

2 Sahˬpaˬ 14:4

Lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ aˬ yawꞈ maˬ laˆ cawˆ ni, miˇ kʼahˬ zaˬ deuˬ kʼoeˇ gaˇ lawˇ-eu shehˇ-eu jeˬ mˇ-awˇ, yaw saw jeˬ doꞈ damˬ-euˬ meh.

2 Sahˬpaˬ 12:3

Ehˇ kʼawꞈ, lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ maˬ laˆ cawˆ ni bi jaˆ-euˬ miˇ neh, miˇ kʼahˬ zaˬ deuˬ kʼoeˇ gaˇ lawˇ-eu shehˇ-eu jeˬ mˇ-awˇ, yaw saw jeˬ doꞈ damˬ-euˬ meh.

1 Sahˬpaˬ 22:43

Aˬ yawꞈ-euˬ mehˬ hu sahˬ paˬ geuꞈ dzeuˇ yaꞈ-euˬ aˬ yawꞈ-euˬ aˬ da Aˬsaˬ loꞈ-ehˇ, Sahˬpaˬ Miˬyehˇ mehˬ shi yaw tsaˬ yaw dawˇ jeˬ tehꞈ-ehˇ aˬ yawꞈ mˇ-euˬ meh. Ehˇ kʼawꞈ, lawˇ ciꞈ zaˬ deuˬ-euˬ uˬ duˬ tahˬ-eu jawˇ duˬ kʼoeˇ deuˬ-ahˇ aˬ yawꞈ maˬ laˆ cawˆ-ehˇ, Yuˇdaˆ miˇ kʼahˬ zaˬ deuˬ kʼoeˇ gaˇ lawˇ-eu shehˇ-eu jeˬ mˇ-awˇ, yaw saw jeˬ doꞈ damˬ-euˬ meh.

Bawˇtsahˬ 32:14

Nymˬ-mˇ, iˬ baˇ paˇ mˇ mawꞈ-eu naw maꞈ shehˆ kʼawꞈ ni, naw maꞈ-euˬ aˬ da deuˬ-euˬ pehˬ zaˇ-ahˇ paˇ nawˬ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ Sahˬpaˬ Miˬyehˇ nui ma pehˇ-eu jeˬ tiˬ poˆ paˇ bi keuˆ le-eu gʼeh-eu ngaˇ.

Uˬ duˬ 26:39

Aˬ cawˬ miˇ kʼahˬ laꞈ kʼoeˇ naw maꞈ tsawˇ haˬ ui cuiˆ dzeˇ yaꞈ-euˬ kʼawꞈ, naw maꞈ-euˬ aˬ piˬ aˬ bawˇ deuˬ-euˬ iˬ baˇ hawˇ-eu naw maꞈ-euˬ iˬ baˇ baˬ da neh ya shaˬ ya zahˬ tehꞈ-a.

Luˇkaꞈ 6:38

Aˬ cawˬ-ahˇ biꞈ-awˬ. Naw maꞈ aˬ cawˬ-ahˇ biꞈ naˇ, Miˬyehˇ naw maꞈ-ahˇ biˬ laꞈ tehꞈ-a. Miˬyehˇ naw maꞈ-ahˇ biꞈ nehˬ laꞈ ngeh, byah dui dui-eu cehˇ pehˬ-ahˇ neh pehˬ-awˇ, dehˬ teuˇ zuˆ teuˇ-eu uˬ taꞈ, pu cu cu ni tawˆ ahˇ-awˇ, naw maꞈ-euˬ pehˇ kʼahˬ pehˇ dahˬ-ahˇ shehˆ ahˇ nehˬ laꞈ tehꞈ-a. Naw maꞈ neh aˬ cawˬ-ahˇ kʼaˇ biꞈ nehˬ-euˬ myaˆ ni, Miˬyehˇ naw maꞈ-ahˇ biꞈ nehˬ laꞈ tehꞈ-a.”

Iˇsaˬyaˇ 3:11

Ehˇ kʼawꞈ, haiˬ-eu tsawˇ haˬ deuˬ kʼoeˇ taˆ, dawˇ keuˆ le tehꞈ-a. Aˬ cawˬ-ahˇ aˬ yawꞈ maꞈ jahˇ doeˇ nehˬ-euˬ loꞈ-ehˇ, aˬ yawꞈ maꞈ nymˬ-mˇ ya daˬ poˆ tehꞈ-a.

Iˇsaˬyaˇ 10:12

Ziˇoˬ gawˬ jawˬ hawˇ-eu Yeˬluˇsaˬlehˬ meuˬ kʼoeˇ taˆ, mˇ paˬ-ehˇ gʼeh-eu gaˇ deuˬ-ahˇ Sahˬpaˬ Miˬyehˇ mˇ gʼaˬ ngeh, nui ma huiˬ-eu mahˇ-eu laꞈ kʼoeˇ kʼahˬ sehˇ jehˆ luꞈ-eu Aˬshuˇliˆ sahˬ paˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a.

Iˇsaˬyaˇ 13:11

Sahˬpaˬ Miˬyehˇ heu loꞈ-ehˇ ehˇ-eu meh. “Yaw haiˬ jeˬ byah-eu miˇ tsaˬ tahˬ kʼawˇ-ahˇ ngaˇ kʼehˬ-awˇ, iˬ baˇ mˇ-eu yaw haiˬ deuˬ-ahˇ ngaˇ kʼehˬ nehˬ ma. Jahˇ gʼeh-eu tsawˇ haˬ deuˬ daˬ bi ga-awˇ, smˇ kʼaˆ kʼaˆ-eu deuˬ-ahˇ ngaˇ nawˬ awˆ ma.

Iˇsaˬyaˇ 26:21

Haw yawˬ, Sahˬpaˬ Miˬyehˇ aˬ yawꞈ-euˬ jawˇ duˬ-ahˇ luˆ laˇ-awˇ, iˬ baˇ mˇ-eu miˇ tsaˬ zaˬ-ahˇ kʼehˬ-eu lehˇ oe luꞈ meh. Miˇ tsaˬ kʼoeˇ taˆ sehꞈ kʼoeˬ shiˇ kʼoeˬ kʼoeˬ-awˇ, laˆ zaꞈ laˆ byoˆ taˬ-euˬ dawˬ tawˆ, bya cehˆ ni doˆ laˇ jiˇ tehꞈ-a.

Iˇsaˬyaˇ 28:21

Sahˬpaˬ Miˬyehˇ aˬ yawꞈ-euˬ nui kʼahˇ byah laˇ ni, Peˬlaˬzmˬ gawˬ jawˬ hawˇ-eu Giˇbyoˬ deh kʼawꞈ-ahˇ deuˆ-euˬ loꞈ-ehˇ, aˬ yawꞈ guiˇ paˇ deuˆ-awˇ, maˬ noeˬ miˇ coeˇ gaˇ keuˆ ni mˇ keuˆ-awˇ, maˬ noeˬ doˆ coeˇ-eu jeˬ mˇ byah tehꞈ-a.

Iˇsaˬyaˇ 29:14

Kʼoeˇ miˇ neh, shaˬ zahˬ kʼoeˇ taˆ shaˬ zahˬ lahˬ-awˇ, aˬ yawꞈ maꞈ-ahˇ ngaˇ laˆ zahˬ ma. Tsawˇ gahˇ ahˇ-eu deuˬ tsawˇ uˬ uˬ-iˇ-awˇ, nui gahˇ byah-eu deuˬ aˬ dzawˬ pyeuꞈ-iˇ tehꞈ-a.”

Iˇsaˬyaˇ 30:13

Naw maꞈ iˬ baˇ huiˬ dui dui meh. Tsawˬ nga taˬ-euˬ meuˬ lahˇ lahˇ goˇ loꞈ-ehˇ, ja pyuˬ ni coˬ pyaˆ coˬ shaˆ jiˇ tehꞈ-a.

Iˇsaˬyaˇ 30:14

Mui duiˇ oeˬ lahˬ ga meuˇ jiˇ ngeh, miˬ jiˆ pehˆ ahˇ-eu kuˬ cuˇ luˇ pyehˬ maˬ dzeˇ-ehˇ, iˇ cuꞈ kuˬ-eu ni tseuˆ tseuˆ pyehˬ maˬ oꞈ-eu loꞈ-ehˇ, naw maꞈ guiˬ lahˬ doeˇ tehꞈ-a.”

Iˇsaˬyaˇ 57:12

Naw maꞈ yawˬ ha neh mˇ-euˬ tsaˬ ma lehˇ noeˬ meh. Ehˇ kʼawꞈ, naw maꞈ-euˬ gaˆ kawˆ ngaˇ pah doˆ jiˇ ngeh, naw maꞈ uˬ duˬ tahˬ-eu tahˬ pahˬ aˬ ma mawˇ kawˇ kʼoeˇ deuˬ, naw maꞈ-ahˇ maˬ caw ba nya-aˬ.

Iˇsaˬyaˇ 59:18

Aˬ yawꞈ maꞈ neh kʼaˇ mˇ-euˬ jeˬ aˬ yawꞈ mˇ kʼoꞈ tehꞈ-a. Muiˇ-eu deuˬ-ahˇ aˬ yawꞈ-euˬ nui ma bi mawˇ-awˇ, puiˬ-eu deuˬ-ahˇ yaw doeˇ jahˇ kʼoꞈ tehꞈ-a. Gaˇ mahˇ kaˬ gaˇ jawˇ-eu deuˬ kʼawꞈ maˬ dzeuˇ-iˇ-a.

Iˇsaˬyaˇ 66:4

Kʼoeˇ baˬ da neh aˬ yawꞈ maꞈ guˆ-eu jeˬ pyeuꞈ-eu, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ ngaˇ bi keuˆ le ma. Ngaˇ kuˇ ngeh aˬ yawꞈ maꞈ oˬ maˬ toˬ-ehˇ, ngaˬ-euˬ dawˬ-ahˇ maˬ naˇ haˬ-euˬ miˇ neh, kʼoeˇ loꞈ-ehˇ jahˇ nehˬ ma. Ngaˬ-euˬ mehˬ shi aˬ yawꞈ maꞈ yaw haiˬ jeˬ mˇ-awˇ, ngaˇ nui ma maˬ tsaˬ-eu jeˬ-ahˇ tseˇ geuꞈ-euˬ meh.”

Yeˬlaˬmiˇ 13:27

Aˬ yawꞈ bye-eu jeˬ naw maꞈ mˇ luꞈ gaˇ, aˬ yawꞈ haw dehˆ laꞈ taˬ-euˬ meh. Aˬ cawˬ miˬ zaˬ-ahˇ bahˬ-eu kʼaˬ dzeˇ zaˬ loꞈ-ehˇ, mahˬ ma mehˬ nah teh-eu mahˬ paˬ yaw gʼeh loꞈ-ehˇ, gawˬ jawˬ gawˬ duˇ hawˇ-eu deh ga doe ni, lawˇ ciꞈ zaˬ-euˬ miˬ yehˇ-ahˇ naw maꞈ caw teh gaˇ, aˬ yawꞈ haw dehˆ laꞈ-euˬ meh. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ shaˬ zahˬ ya mˇ dui dui tehꞈ-a. Aˬ myah muiˬ laˇ shawˇ laˇ-eu lehˇ gʼeh te.

Hawˇseˬ 2:13

Baˬlaˇ miˬ yehˇ-ahˇ bawˬ-iˬ gʼeh-awˇ, yaw saw jeˬ doꞈ damˬ-euˬ uˬ taꞈ, myawˬ guˇ geuꞈ-awˇ jahˇ gʼeh haw-awˇ, zaˬ kʼaˬ deuˬ nehˬ-ehˇ cah cah-ehˇ, ngaˬ-ahˇ aˬ yawꞈ ngehˇ-euˬ miˇ neh, aˬ yawꞈ-ahˇ ngaˇ kʼehˬ nehˬ ma lehˇ, Sahˬpaˬ Miˬyehˇ ehˇ taˬ-euˬ meh.

Hawˇseˬ 11:2

Ehˇ kʼawꞈ, ngehˬ kuˇ ngehˬ iˇ iˇ-awˇ, ngaˬ-ahˇ gaˇ mahˇ kaˬ-iˇ-euˬ meh. Baˬlaˇ miˬyehˇ-ahˇ lawˇ nehˬ-awˇ, tahˬ pahˬ aˬ ma mawˇ kawˇ deuˬ-ahˇ, tsiˇ yaw saw doꞈ damˬ nehˬ-euˬ meh.

1 Sahˬpaˬ 22:44

Yeˬhawˇshaˬpaˇ-aˬ, Iˇsaˬleˬlaˆ sahˬ paˬ nehˬ-ehˇ tsaˬ leˇ dzoeˇ leˇ-eu laꞈ kʼoeˇ dehꞈ-euˬ meh.

2 Laˬsaˬbaˬ 21:11

Yuˇdaˆ miˇ kʼahˬ laꞈ kʼoeˇ jaˆ-eu gawˬ jawˬ yaw goˇ deuˬ-ahˇ, lawˇ ciꞈ zaˬ deuˬ uˬ duˬ tahˬ-eu jawˇ duˬ tsoˆ-awˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ jawˇ-eu tsawˇ haˬ deuˬ Sahˬpaˬ Miˬyehˇ-ahˇ mˇ bahˬ ni aˬ yawꞈ sheuˬ gʼeh-euˬ meh.

Yeˬlaˬmiˇ 16:18

Shiˇ taˬ-euˬ tsawˇ haˬ loꞈ-ehˇ saꞈ maˬ gʼawˇ nya-eu tahˬ pahˬ aˬ ma mawˇ kawˇ deuˬ neh ngaˬ-euˬ miˇ kʼahˬ-ahˇ aˬ yawꞈ maꞈ laˆ jawꞈ-awˇ, maˬ ngeuˇ-eu miˬ yehˇ deuˬ hehˇ byah leꞈ taˬ-euˬ miˇ neh, aˬ yawꞈ maꞈ neh mˇ-euˬ iˬ baˇ aˇ poeˬ aˬ yawꞈ maꞈ-ahˇ ngaˇ nyiˬ bymˇ paˇ kʼehˬ poˆ nehˬ ma.”