Iˇsaˬyaˇ 63:7 - Akha

⁷ Sahˬpaˬ Miˬyehˇ-euˬ gʼoeˇ-eu gaˬ-eu jeˬ, maˬ poˆ maˬ paˇ laˇ-eu gaˇ kawˆ ngaˇ ja gaˬ ma. Aˬ dui kʼoeˇ taˆ aˬ yawꞈ neh kʼaˇ mˇ taˬ-euˬ jeˬ gʼaˇ duˬ, aˬ yawꞈ-euˬ guiˬ lahˬ-ahˇ ngaˇ ja ceuˬ ma. Aˬ yawꞈ-euˬ gʼawˬ shaˬ gaˬ-eu jeˬ hawˇ-eu, maˬ tsehˆ leˇ nya-eu gʼoeˇ-eu gaˬ-eu jeˬ baˬ da, aˬ yawꞈ-euˬ Iˇsaˬleˬlaˆ tsawˇ jeuˬ-ahˇ, muiˬ-eu guiˬ lahˬ tiˬ byah biꞈ nehˬ-euˬ meh.

Iˇsaˬyaˇ 63:7 Referans Kwoze

Eˇpeˇsu 2:4

Ehˇ kʼawꞈ, Miˬyehˇ gʼawˬ shaˬ gaˬ-eu jeˬ myaˬ dui dui-awˇ, aˬ yawꞈ-euˬ gʼoeˇ-eu gaˬ-eu jeˬ huiˬ dui dui-eu meh.

Jaceuq 86:5

Nawˇ nga maꞈ kʼoeˇ taˆ muiˬ-awˇ iˬ baˇ pyehˬ-eu laꞈ kʼoeˇ, nawˬ-ahˇ guiˬ lahˬ shaˇ-eu tsawˇ haˬ deuˬ-ahˇ, maˬ tsehˆ leˇ ni gaˬ-eu meh.

Jaceuq 86:15

Ehˇ kʼawꞈ Sahˬpaˬ Miˬyehˇ-oˇ, nawˇ-aˬ gʼawˬ shaˬ gaˬ nya-awˇ, gʼoeˇ-eu gaˬ-eu jeˬ byah-eu Miˬyehˇ pyeuꞈ-eu uˬ taꞈ, nui ma gʼawˬ mahˇ ni taˬ nya-awˇ gʼawˬ shaˬ gaˬ-eu laꞈ kʼoeˇ, saˇ jaˇ ziꞈ-eu meh.

Lormav 2:4

Maˬ ngeuˇ naˇ, aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ, oˇ coeˇ-eu jeˬ, nui ma mahˇ-eu jeˬ, heu deuˬ-ahˇ nawˇ yehˬ bawˬ sehˇ lu-ehˇ gʼeh te loˇ. Miˬyehˇ gʼawˬ shaˬ gaˬ-eu jeˬ ahˇ meh lehˇ nawˇ siˬ duˬ meh. Aˬ jeˬ miˇ neh ehˇ naˇ, nawˇ iˬ baˇ noeˬ poˆ laˇ ni aˬ yawꞈ leh jeh luꞈ-eu meh.

Jaceuq 51:1

Miˬyehˇ-oˇ, aˬ myah luꞈ maˬ tsehˆ leˇ ni gaˬ-eu nawˬ-euˬ gʼoeˇ-eu gaˬ-eu jeˬ baˬ da neh, ngaˬ-ahˇ gʼawˬ shaˬ gaˬ nehˬ laꞈ-awˬ. Huiˬ dui dui-eu gʼawˬ shaˬ gaˬ nya-eu jeˬ baˬ da neh, ngaˬ-euˬ iˬ baˇ tsiˬ shawˇ nehˬ laꞈ-awˬ.

1 Sahˬpaˬ 8:66

Yehꞈ nah tiˬ nah keuˆ laˇ ngeh, tsawˇ haˬ kʼoeˇ deuˬ-ahˇ Sawˇlaˬmoˬ bi gʼoꞈ-iˇ-euˬ meh. Sahˬpaˬ Miˬyehˇ-euˬ zaˬ kʼaˆ Daˬbiˇ hawˇ-eu aˬ yawꞈ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ neh biꞈ-euˬ guiˬ lahˬ yaw dzahˇ deuˬ baˬ da neh, sahˬ paˬ Sawˇlaˬmoˬ-ahˇ aˬ yawꞈ maꞈ ja ceuˬ-euˬ meh.

1 Tiˆmoˇseˬ 1:14

Aˬ dui-euˬ Sahˬpaˬ Miˬyehˇ-aˬ, ngaˬ-ahˇ maˬ ehˇ jiˇ coeˇ-eu guiˬ lahˬ shehˆ daˆ nehˬ laꞈ-awˇ, Yeˬsuˇ Ka li laꞈ kʼoeˇ aˬ dui za-euˬ jah-eu jeˬ hawˇ-eu gʼoeˇ-eu gaˬ-eu jeˬ biꞈ nehˬ laꞈ-euˬ meh.

Lormav 5:20

Zahˇ dawˬ kʼoꞈ dawˬ biꞈ leꞈ-euˬ-aˬ, yaw lehˬ mˇ-eu bi myaˬ laˇ-eu gʼaˇ duˬ meh. Ehˇ kʼawꞈ, iˬ baˇ kʼaˇ myaˬ laˇ gaˇ Miˬyehˇ-euˬ guiˬ lahˬ kʼoeˇ myaˆ maˬ tseˇ myaˬ laˇ luꞈ-eu meh.

Zaˬkaˬliˇ 9:17

Aˬ yawꞈ-euˬ miˇ kʼahˬ kʼoeˇ kʼahˬ-aˬ, aˇ naˆ haw muiˬ-eu miˇ kʼahˬ nga. Dzaˬ la gʼo cehˇ aˬ gaꞈ dzaˇ uiˇ, zaˬ guˬ aˬ lmˬ bi mehˇ tehꞈ-a.

Hawˇseˬ 2:19

Iˇsaˬleˬlaˆ-oˇ, nawˬ-ahˇ ngaˇ, ngaˬ-euˬ miˬ zaˬ bi geuꞈ-eu ma. Nawˬ-euˬ kʼoeˇ taˆ saˇ jaˇ ziꞈ-awˇ, nawˬ-ahˇ gaˬ-eu ngaˬ-euˬ nui gaˬ, nawˬ-ahˇ ngaˇ gʼawˬ shaˬ gaˬ-eu jeˬ, tiˬ jawˇ-iˬ maˬ bi tsehˆ leˇ-ehˇ, tiˬ jawˇ-iˬ maˬ paˇ dehꞈ gʼawˬ ma.

Ngoeˇ dawˬ 3:32

Tsawˇ haˬ zaˬ-ahˇ bi noeˬ shaˬ kʼawꞈ, aˬ yawꞈ gaˬ-eu gʼaˬ kʼaˆ luꞈ meh.

Iˇsaˬyaˇ 55:7

Haiˬ-euˬ tsawˇ haˬ deuˬ dehꞈ jeˬ dehꞈ kawˆ bi paˇ-awˇ, nui noeˬ bi paˇ laˇ-awˬ. Aˬ yawꞈ maꞈ-ahˇ Sahˬpaˬ Miˬyehˇ jawˇ paw bi gʼoꞈ laˇ-awˇ, gʼawˬ shaˬ bi haw gaˬ-awˬ. Aˬ yawꞈ maꞈ Miˬyehˇ jawˇ paw gʼoꞈ laˇ ngeh, iˬ baˇ dawˬ tawˆ luꞈ-ahˇ pyehˬ nehˬ tehꞈ-a.

Iˇsaˬyaˇ 54:8

Nui ma pehˇ dui dui-eu miˇ neh, ngaˬ-euˬ myaˆ pyawˬ tiˬ kʼehˇ laˇ kʼehˬ ciˬ zaꞈ-euˬ ma. Ngaˬ-euˬ nui gaˬ mˬ maˬ maˬ byaˆ zaˇ ziˇ, nawˬ-ahˇ bi mawˇ ma” lehˇ, nawˬ-ahˇ ka kʼoꞈ-euˬ Sahˬpaˬ Miˬyehˇ ehˇ-eu meh.

Iˇsaˬyaˇ 51:2

Naw maꞈ-euˬ aˬ da yaw dzahˇ Aˬbyaˬhaˬ-ahˇ shaˇ noeˬ-awˬ. Aˬ ma ma dzahˇ Saˬlaˇ-ahˇ noeˬ keuˆ-awˬ. Aˬbyaˬhaˬ-ahˇ ngaˇ kuˇ doˆ ngeh zaˬ maˬ jawˇ kʼawꞈ, ngaˇ guiˬ lahˬ biꞈ-awˇ zaˬ oeˬ sahˇ le ngeh, aˬ yawꞈ-euˬ zaˬ deuˬ uˆ deuˬ maˬ gui jiˇ coeˇ-a.

Jaceuq 107:31

Sahˬpaˬ Miˬyehˇ-euˬ maˬ tsehˆ leˇ nya-eu gʼoeˇ-eu gaˬ-eu jeˬ hawˇ-eu, aˬ yawꞈ maꞈ gʼaˇ duˬ zahˬ leˇ paˬ-ehˇ gʼeh-eu jeˬ mˇ-euˬ guiˬ lahˬ baˬ da neh, aˬ yawꞈ-euˬ guiˬ lahˬ-ahˇ aˬ yawꞈ maꞈ ja ceuˬ-eu tsaˬ meh.

Jaceuq 107:21

Sahˬpaˬ Miˬyehˇ-euˬ maˬ tsehˆ leˇ nya-eu gʼoeˇ-eu gaˬ-eu jeˬ hawˇ-eu, aˬ yawꞈ maꞈ gʼaˇ duˬ zahˬ leˇ paˬ-ehˇ gʼeh-eu jeˬ mˇ-euˬ guiˬ lahˬ baˬ da neh, aˬ yawꞈ-euˬ guiˬ lahˬ-ahˇ aˬ yawꞈ maꞈ ja ceuˬ-eu tsaˬ meh.

Jaceuq 107:15

Sahˬpaˬ Miˬyehˇ-euˬ maˬ tsehˆ leˇ nya-eu gʼoeˇ-eu gaˬ-eu jeˬ hawˇ-eu, aˬ yawꞈ maꞈ gʼaˇ duˬ zahˬ leˇ paˬ-ehˇ gʼeh-eu jeˬ mˇ-euˬ guiˬ lahˬ baˬ da neh, aˬ yawꞈ-euˬ guiˬ lahˬ-ahˇ aˬ yawꞈ maꞈ ja ceuˬ-eu tsaˬ meh.

Jaceuq 107:8

Sahˬpaˬ Miˬyehˇ-euˬ maˬ tsehˆ leˇ nya-eu gʼoeˇ-eu gaˬ-eu jeˬ hawˇ-eu, aˬ yawꞈ maꞈ gʼaˇ duˬ zahˬ leˇ paˬ-ehˇ gʼeh-eu jeˬ mˇ-euˬ guiˬ lahˬ baˬ da neh, aˬ yawꞈ-euˬ guiˬ lahˬ-ahˇ aˬ yawꞈ maꞈ ja ceuˬ-eu tsaˬ meh.

Jaceuq 63:3

Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ, ngaˇ yaw dehꞈ dehꞈ luꞈ-eu naˆ maˬ tseˇ poeˬ-eu miˇ neh, nawˬ-ahˇ ngaˇ ja ceuˬ-eu ma.

Neˬhaˬmiˇ 9:35

Nawˬ-euˬ guiˬ lahˬ baˬ da neh aˬ yawꞈ maꞈ sahˬ paˬ baw laˇ-awˇ, aˬ cawˬ miˇ kʼahˬ-ahˇ jawˇ luꞈ ngeh muiˬ-eu miˇ tsaˬ aˬ yawꞈ maꞈ-ahˇ nawˇ biꞈ-euˬ kʼawꞈ, haiˬ-eu jeˬ-ahˇ aˬ yawꞈ maꞈ maˬ byehˇ-ehˇ, nawˇ nui ma tsaˬ-eu jeˬ maˬ mˇ-a.

Neˬhaˬmiˇ 9:31

Ehˇ kʼawꞈ nawˇ gʼawˬ shaˬ gaˬ-eu jeˬ myaˬ-eu miˇ neh, aˬ yawꞈ maꞈ-ahˇ nawˇ maˬ byehˇ dzeh-ehˇ, maˬ laˆ luˬ maˬ laˆ seˇ nehˬ-aˬ. Nawˇ-aˬ, gʼawˬ shaˬ gaˬ mya dui dui-eu Miˬyehˇ meh.

Neˬhaˬmiˇ 9:27

Kʼoeˇ miˇ neh, aˬ yawꞈ maꞈ-ahˇ muiˇ-eu deuˬ neh, aˬ yawꞈ maꞈ-ahˇ nawˇ bi deuˆ gʼaˬ-awˇ, bi uˆ lahˇ-euˬ meh. Aˬ yawꞈ maꞈ shaˬ-eu zahˬ-eu laꞈ kʼoeˇ, caw ba le-awˬ lehˇ nawˬ-ahˇ kuˇ ngeh, nawˇ mˬ kʼoeˇ taˆ jawˇ-awˇ naˇ haˬ nehˬ-euˬ meh. Aˬ yawꞈ maꞈ-ahˇ nawˇ gʼawˬ shaˬ gaˬ dui dui-eu laꞈ kʼoeˇ, muiˇ-eu deuˬ-euˬ laꞈ-ahˇ neh bi ka kʼoꞈ-eu gʼaˇ duˬ, aˬ yuiꞈ aˬ tsu deuˬ nawˇ pyehˬ gʼeh-euˬ meh.

Neˬhaˬmiˇ 9:25

Ziꞈ-eu meuˬ deuˬ hawˇ-eu muiˬ-eu miˇ tsaˬ maˬ ehˇ, pyuˇ shuiˇ byah-eu nymˇ deuˬ hawˇ-eu duˬ gʼaˬ taˬ-euˬ lah duˬ maˬ ehˇ, Saˬloˬ aˇ bawˇ, aˇ siˬ aˇ bawˇ, aˬ gaꞈ yaˇ kmˇ maˬ ehˇ, nawˬ-euˬ tsawˇ jeuˬ deuˆ za-euˬ meh. Aˬ yawꞈ maꞈ kʼaˇ dzaˬ mawꞈ-eu jeˬ dzaˬ-awˇ tsuˇ laˇ-euˬ meh. Nawˬ neh biꞈ-euˬ muiˬ-eu guiˬ lahˬ deuˬ-ahˇ, aˬ yawꞈ maꞈ laˬ kʼaˬ cehˇ dui dui-euˬ meh.

2 Laˬsaˬbaˬ 7:10

Aˇ saˬ saˬ-eu bawˬ-iˬ gʼeh gʼaˬ-awˇ yawˬ nah yawˬ-aˬ , ba la shiꞈ siˬ tiˬ siˬ nyiˬ tseˇ smˬ nah tiˬ nah meh. Kʼoeˇ ngeh nah-ahˇ, Sawˇlaˬmoˬ Iˇsaˬleˬlaˆ tsawˇ haˬ deuˬ-ahˇ bi gʼoꞈ-iˇ-euˬ meh. Sahˬpaˬ Miˬyehˇ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ jeuˬ-ahˇ maˬ ehˇ, Daˬbiˇ-ahˇ maˬ ehˇ, Sawˇlaˬmoˬ-ahˇ maˬ ehˇ, aˬ yawꞈ neh biꞈ-euˬ guiˬ lahˬ yaw dzahˇ deuˬ baˬ da neh aˬ yawꞈ maꞈ laˬ kʼaˬ cehˇ dui dui-euˬ meh.

Maꞈtehˬ 7:11

Naw maꞈ iˬ baˇ mˇ-eu tsawˇ haˬ pyeuꞈ kʼawꞈ, yawˬ ha-euˬ zaˬ-ahˇ yaw muiˬ jeˬ biꞈ nehˬ-eu kʼoeˇ naˆ ni siˬ nya naˇ, mˬ kʼoeˇ taˆ jawˇ-eu naw maꞈ-euˬ Aˬda pyeuꞈ-eu Miˬyehˇ-aˬ, aˬ yawꞈ-ahˇ kʼaˇ shaˇ-eu tsawˇ haˬ deuˬ-ahˇ, yaw muiˬ jeˬ biꞈ-eu aˇ naˆ ni paˇ siˬ nya dzehˬ nmˇ.

Doˆ-iˇ 18:9

Gaˇ kawˆ kʼoeˇ deuˬ dawˬ tawˆ luꞈ-ahˇ ya gaˬ ngeh, Yeˬdaˬyoˇ laˬ kʼaˬ cehˇ dui dui-eu meh.

Jaceuq 25:6

SahˬpaˬMiˬyehˇngaˬ-euˬkʼoeˇtaˆ, aˇ hu ba neh bi jaˆtaˬ-euˬ, nawˇgʼawˬshaˬgaˬ-eu jeˬhawˇ-eu, nawˬ-euˬgʼoeˇ-eu gaˬ-eu jeˬ-ahˇ, maˬtsehˆleˇni noeˬkeuˆnehˬlaꞈ.

Jaceuq 92:2

Maˬ tsehˆ leˇ-eu nawˬ-euˬ gʼoeˇ-eu gaˬ-eu jeˬ-ahˇ yawˬ shawˬ na luꞈ maˬ ehˇ, nawˇ saˇ jaˇ ziꞈ-eu jeˬ-ahˇ yawˬ miˇ na luꞈ maˬ ehˇ,

Jaceuq 145:7

Nawˬ-euˬ muiˬ-eu guiˬ lahˬ gaˇ kawˆ aˬ yawꞈ maꞈ ja-awˇ, nawˇ gʼawˬ shaˬ gaˬ nya-eu gaˇ kawˆ caˇ-eu meh.

Iˇsaˬyaˇ 26:13

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, aˬ cawˬ nga maꞈ kʼoeˇ taˆ dzoeˬ dzaˬ luꞈ kʼawꞈ, nawˬ-ahˇ tehꞈ-ehˇ nga maꞈ taˬ huiˬ-eu ma.

Iˇsaˬyaˇ 54:7

“Nawˬ-ahˇ ngaˇ tiˬ kʼehˇ laˇ kʼehˬ byehˇ dzeh-euˬ tehꞈ ma. Gaˬ dui dui-eu laꞈ kʼoeˇ nawˬ-ahˇ ngaˇ paˇ sheuˬ kʼoꞈ geuꞈ ma.

Iˇsaˬyaˇ 54:10

Gawˬ jawˬ gawˬ duˇ deuˬ byaˆ-iˇ kʼawꞈ, nawˬ-ahˇ ngaˇ gaˬ-eu jeˬ maˬ bi byoˆ-iˇ. Tsaˬ leˇ dzoeˇ leˇ-eu ngaˬ-euˬ saˇ jaˇ dawˬ, mˬ maˬ maˬ byaˆ zaˇ ziˇ bi ziꞈ-eu ma” lehˇ, nawˬ-ahˇ gaˬ-euˬ Sahˬpaˬ Miˬyehˇ ehˇ-eu meh.

Iˇsaˬyaˇ 64:5

Yaw tsaˬ yaw dawˇ jeˬ mˇ gaˇ laˬ kʼaˬ cehˇ-eu deuˬ hawˇ-eu, nawˬ-euˬ nui kʼahˇ poˆ-eu deuˬ-ahˇ nawˇ maˬ ngehˇ-a. Nawˇ nga maꞈ-ahˇ nui ma pehˇ kʼawꞈ, nga maꞈ iˬ baˇ mˇ-eu maˬ byehˇ dzeh-aˬ. Nawˇ nui ma pehˇ dui dui-euˬ kʼawꞈ, aˇ hu ba neh yaw lehˬ jeˬ nga maꞈ mˇ ka leꞈ-euˬ ma.

Jaceuq 103:2

Ngaˬ-euˬ nui ma-oˇ, Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ gʼawˬ shaˬ gaˬ nya dui dui gaˇ taˬ ngehˇ.