Iˇsaˬyaˇ 60:21 - Akha

²¹ Nawˬ-euˬ tsawˇ haˬ dawˬ tawˆ yaw tsaˬ yaw dawˇ jeˬ-ahˇ mˇ-awˇ, mˬ maˬ maˬ byaˆ zaˇ ziˇ miˇ kʼahˬ heu za tehꞈ-a. Ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, aˬ yawꞈ maꞈ-ahˇ ngaˬ neh ka-awˇ, ngaˬ neh mˇ taˬ-euˬ kuiˇ zaˇ laꞈ zaˇ pyeuꞈ-eu ma.

Iˇsaˬyaˇ 60:21 Referans Kwoze

Maꞈtehˬ 15:13

Yeˬsuˇ ehˇ-eu, “Mˬ kʼoeˇ taˆ jawˇ-eu ngaˬ Da neh maˬ ka taˬ-euˬ aˇ bawˇ yawˬ bawˇ na luꞈ, gʼawˇ lehˆ dzeh gaˇ ya daˬ tehꞈ-a.

Jaceuq 37:22

SahˬpaˬMiˬyehˇgʼawˬshaˬgaˬ-awˇ, guiˬlahˬbiꞈ-euˬtsawˇhaˬdeuˬ-aˬ, miˇkʼahˬza-awˇya dehꞈtehꞈ-a. SahˬpaˬMiˬyehˇmaˬhaw nahˇ-ehˇ, yaˬkʼehˇyaˬnehˬ-euˬtsawˇhaˬ-aˬ, teh dzeh nehˬgaˇya daˬtehꞈ-a.

Jaceuq 37:11

Nui nahˬnui yu ahˇ-eu deuˬ-aˬ, miˇkʼahˬjeˬbiˇ oꞈ-eu laꞈkʼoeˇ, baw dui za dui dui le tehꞈ-a.

Iˇsaˬyaˇ 29:23

Naw maꞈ zaˬ oeˬ sahˇ le ngeh jawˇ, ngaˬ-euˬ guiˬ lahˬ-ahˇ noeˬ mawˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ meh lehˇ, ngaˬ-ahˇ naw maꞈ siˬ duˬ-eu baˬ da neh, ngaˬ-euˬ mehˬ shi zahˬ leˇ-awˇ yawꞈ-eu laꞈ kʼoeˇ, ngaˬ-ahˇ taˬ huiˬ taˬ mahˇ tehꞈ-a.

Yoˇhaˬ 15:2

Aˇ siˬ maˬ siˬ le-eu ngaˬ-euˬ uˬ laꞈ deuˬ-ahˇ aˬ yawꞈ deuˆ cuˬ dzeh jiˇ-eu meh. Ehˇ kʼawꞈ, aˇ siˬ siˬ le-eu uˬ laꞈ deuˬ-ahˇ-aˬ, bi siˬ dzehˬ le-eu gʼaˇ duˬ, uˬ pyaˬ daw nehˬ-eu meh.

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Jaceuq 92:13

Sahˬpaˬ Miˬyehˇ-euˬ nymˇ laꞈ kʼoeˇ ka taˬ-awˇ, aˬ dui-euˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ mehˇ laˇ-eu laꞈ kʼoeˇ,

Panmaeq 21:27

Ehˇ kʼawꞈ, maˬ muiˬ maˬ shawˇ-eu jeˬ tiˬ jeˬ-iˬ meuˬ kʼoeˇ meuˬ laꞈ kʼoeˇ maˬ ya hehˇ ahˇ gʼeh-a. Shaꞈ dawˇ-eu jeˬ mˇ-eu tsawˇ haˬ hawˇ-eu jaˬ myawꞈ myawꞈ-eu tsawˇ haˬ deuˬ kʼawꞈ, maˬ ya uˇ leˇ-a. Yawˇzaˬ-euˬ dehꞈ-eu saꞈ laˇ sahˬ boꞈ laꞈ kʼoeˇ tsawˇ myahˇ ahˇ-eu tsawˇ haˬ deuˬ tehꞈ-ehˇ kʼoeˇ gaˇ ya uˇ leˇ-eu meh.

Eˇpeˇsu 2:10

Nymˬ-mˇ aˬ dui kʼaˇ ngeuˇ-eu loꞈ-ehˇ Miˬyehˇ neh aˬ dui-ahˇ beh taˬ-euˬ meh. Aˬ yawꞈ neh aˬ dui-ahˇ bi mˇ-eu lehˇ lehˬ hmˬ taˬ-euˬ yaw muiˬ jeˬ-ahˇ aˬ dui mˇ nya ni, Yeˬsuˇ Ka li laꞈ kʼoeˇ aˬ dui-ahˇ beh taˬ-euˬ meh.

Maꞈtehˬ 5:5

“Nui nahˬ nui yu ahˇ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, miˇ tsaˬ dawˬ tawˆ luꞈ aˬ yawꞈ maꞈ-ahˇ oꞈ-eu jeˬ biˇ meh.

Iˇsaˬyaˇ 62:4

Paˬ tseuˆ bi tseuˆ dzeh-euˬ zaˬ lehˇ nawˬ-ahˇ maˬ paˇ kuˇ meh. Nawˬ-euˬ miˇ kʼahˬ-ahˇ kʼawꞈ, “meuˬ meuˬ tsoeˬ” lehˇ maˬ paˇ kuˇ meh. “Miˬyehˇ nui kʼahˇ shiˇ-eu gʼaˬ” lehˇ nawˬ-ahˇ ya kuˇ paˇ-awˇ, nawˬ-euˬ miˇ kʼahˬ-euˬ tsawˇ myahˇ yaw shuiꞈ-aˬ, “Laˬ kʼaˬ tiˬ cehˇ sheuˬ dahˬ dzaˬ-euˬ” lehˇ meh. Aˬ jeˬ miˇ neh ehˇ naˇ, Sahˬpaˬ Miˬyehˇ nawˬ-ahˇ nui kʼahˇ shiˇ-awˇ, nawˬ-euˬ miˇ kʼahˬ hawˇ-eu aˬ yawꞈ, miˬ zaˬ yo zaˬ-ahˇ duˇ-eu meh.

Iˇsaˬyaˇ 61:7

Naw maꞈ daˬ ga-awˇ shaꞈ dawˇ-eu maˬ paˇ jaˆ meh. Yawˬ ha miˇ kʼahˬ-ahˇ naw maꞈ ya jawˇ-awˇ, pyuˇ shuiˇ myawˬ gahˬ nyiˬ bymˇ myaˬ dzehˬ laˇ-eu laꞈ kʼoeˇ, mˬ maˬ maˬ byaˆ zaˇ ziˇ laˬ kʼaˬ ya cehˇ tehꞈ-a.

Iˇsaˬyaˇ 57:13

Caw ba nehˬ laꞈ lehˇ naw maꞈ ngoeˇ laˇ ngeh, tahˬ pahˬ aˬ ma mawˇ kawˇ kʼoeˇ deuˬ ngehˬ gʼeh luꞈ-uˇ. Jaˬ lehˇ tiˬ bahˬ laꞈ kʼoeˇ aˬ yawꞈ maꞈ byoˆ-iˇ jiˇ tehꞈ-a. Ehˇ kʼawꞈ ngaˬ-ahˇ jah-eu tsawˇ haˬ deuˬ-aˬ, miˇ kʼahˬ heu kʼahˬ laꞈ kʼoeˇ ziꞈ dah ni ya jawˇ-awˇ, Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ uˬ duˬ ya tahˬ tehꞈ-a.”

Iˇsaˬyaˇ 52:1

Yeˬluˇsaˬlehˬ meuˬ-oˇ, noeˬ laˇ-awˬ. Beuˇ laˇ-awˬ. Gʼaˬ ziꞈ dah ni paˇ ahˇ laˇ-awˬ. Miˬyehˇ-euˬ muiˬ-eu shawˇ-eu meuˬ-oˇ, yaw shehꞈ kʼahˬ sehˇ dm-awˬ. Lawˇ ciꞈ zaˬ deuˬ meuˬ lahˇ laꞈ kʼoeˇ maˬ paˇ ya uˇ laˇ meh.

Iˇsaˬyaˇ 51:2

Naw maꞈ-euˬ aˬ da yaw dzahˇ Aˬbyaˬhaˬ-ahˇ shaˇ noeˬ-awˬ. Aˬ ma ma dzahˇ Saˬlaˇ-ahˇ noeˬ keuˆ-awˬ. Aˬbyaˬhaˬ-ahˇ ngaˇ kuˇ doˆ ngeh zaˬ maˬ jawˇ kʼawꞈ, ngaˇ guiˬ lahˬ biꞈ-awˇ zaˬ oeˬ sahˇ le ngeh, aˬ yawꞈ-euˬ zaˬ deuˬ uˆ deuˬ maˬ gui jiˇ coeˇ-a.

Iˇsaˬyaˇ 45:11

Aˬ kaˇ pyeuꞈ laˇ-eu gaˇ kawˆ dawˬ tawˆ tuˆ tehˬ taˬ-euˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ luꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ zaˬ deuˬ-ahˇ taꞈ leˇ-awˇ, nawˇ ngaˬ-ahˇ teh ngehˬ-eu laꞈ kʼoeˇ, ngaˬ-euˬ gaˇ-ahˇ nawˇ mehˬ laˇ tsoˆ laˇ-eu maˬ loˬ.

Iˇsaˬyaˇ 43:21

Aˬ yawꞈ maꞈ-aˬ ngaˬ-euˬ gʼaˇ duˬ, ngaˬ neh beh-euˬ tsawˇ jeuˬ pyeuꞈ-awˇ, ngaˬ-ahˇ ja ceuˬ-euˬ caˇ dawˬ-ahˇ, aˬ yawꞈ maꞈ caˇ tehꞈ-a.”

Iˇsaˬyaˇ 43:7

Aˬ yawꞈ maꞈ ngaˬ-euˬ tsawˇ haˬ ma. Ngaˬ-euˬ yaw shehꞈ kʼahˬ sehˇ bi doˆ laˇ ni, aˬ yawꞈ maꞈ-ahˇ ngaˇ beh-euˬ ma.”

Panmaeq 21:7

Gʼaˬ leˇ-euˬ tsawˇ haˬ aˬ geu gʼaˬ maˬ kaˬ, jeˬ biˇ heu oꞈ tehꞈ-a. Ngaˇ aˬ yawꞈ-euˬ Miˬyehˇ pyeuꞈ-awˇ, aˬ yawꞈ ngaˬ-euˬ aˬ li ya pyeuꞈ-eu jeˬ biˇ oꞈ tehꞈ-a.

Panmaeq 5:10

Yawꞈ maꞈ Miˬyehˇ-euˬ gaˇ mˇ-eu, piˇ ma miˇkʼahˬ pyeuꞈ laˇ nya ni, nawˬ neh jahˇ nehˬ gʼaˬ-euˬ loꞈ-ehˇ, yawꞈ maꞈ miˇ tsaˬ heu-euˬ kʼoeˇ taˆ, uˆ lahˇ-eu deuˬ ya geuꞈ tehꞈ-a.”

2 Beˬtuˆluˆ 3:13

Ehˇ kʼawꞈ, aˬ dui-aˬ, Miˬyehˇ neh saˇ jaˇ dzaˬ taˬ-euˬ jeˬ-ahˇ dawˬ luꞈ-eu ma. Iˇ kahˇ laꞈ kʼoeˇ yaw tsaˬ yaw dawˇ jeˬ jaˆ-eu mˬ yaw shuiꞈ miˇ yaw shuiꞈ-ahˇ dawˬ luꞈ-eu ma.

2 Teˇsaˬloˇni 1:10

Aˬ yawꞈ-ahˇ kʼaˇ jah-eu aˬ yawꞈ-euˬ tsawˇ haˬ dawˬ tawˆ luꞈ neh biꞈ-euˬ yaw shehꞈ kʼahˬ sehˇ hawˇ-eu ciˬ huiˬ ciˬ mahˇ nehˬ-eu jeˬ-ahˇ ha geuꞈ-eu lehˇ, Aˇ nah kʼoeˇ nah-ahˇ aˬ yawꞈ oe-eu meh. Sahˬpaˬ Yeˬsuˇ-ahˇ ciˬ huiˬ ciˬ mahˇ-eu tsawˇ haˬ kʼoeˇ deuˬ laꞈ kʼoeˇ, naw maꞈ kʼawꞈ ahˇ leˇ tehꞈ-a. Aˬ jeˬ miˇ neh ehˇ naˇ, nga maꞈ neh saˇ kiˇ kamˬ-euˬ guiˬ lahˬ dawˬ-ahˇ naw maꞈ jah-euˬ meh.

Eˇpeˇsu 2:7

Yeˬsuˇ Ka li laꞈ kʼoeˇ Miˬyehˇ neh aˬ dui-ahˇ bi mawˇ laꞈ-euˬ gʼoeˇ-eu gaˬ-eu jeˬ laꞈ kʼoeˇ ahˇ-eu maˬ ehˇ jiˇ coeˇ ni huiˬ-eu aˬ yawꞈ-euˬ guiˬ lahˬ yaw dzahˇ-ahˇ, aˬ kaˇ kaˇ ziˇ keuˆ ni a myah luꞈ bi siˬ bi mawˇ-eu gʼaˇ duˬ, Miˬyehˇ kʼoeˇ loꞈ-ehˇ mˇ-euˬ jeˬ pyeuꞈ-eu meh.

Eˇpeˇsu 1:12

Kʼoeˇ miˇ neh, Ka li-ahˇ noeˬ tmˬ beh beh-euˬ deuˬ pyeuꞈ-eu nga maꞈ-aˬ, Miˬyehˇ-euˬ yaw shehꞈ kʼahˬ sehˇ-ahˇ ja ceuˬ-eu ma.

Eˇpeˇsu 1:6

Aˬ yawꞈ-euˬ huiˬ dui muiˬ dui dui-eu gʼawˬ shaˬ gaˬ-eu guiˬ lahˬ kʼoeˇ, aˬ yawꞈ gaˬ dui dui-eu aˬ yawꞈ-euˬ Zaˬmaˇ laꞈ kʼoeˇ aˬ dui-ahˇ biꞈ laꞈ-euˬ miˇ neh, Miˬyehˇ-ahˇ ja ceuˬ kaˇ-euˇ.

Iˇsaˬyaˇ 49:3

Aˬ yawꞈ ngaˬ-ahˇ heu loꞈ-ehˇ ehˇ-eu meh. “Iˇsaˬleˬlaˆ-oˇ, nawˇ ngaˬ-euˬ zaˬ kʼaˆ ma. Nawˇ baˬ da neh miˇ tsaˬ zaˬ deuˬ ngaˬ-ahˇ ja ceuˬ tehꞈ-a.”

Iˇsaˬyaˇ 44:23

Mˬ-oˇ, laˬ kʼaˬ cehˇ-awˇ guˇ-awˬ. Miˇ tsaˬ yaw naꞈ tsahˇ-oˇ, guˇ-awˬ. Gawˬ jawˬ deuˬ laˬ kʼaˬ cehˇ-awˇ yaw kʼaˆ-ehˇ guˇ-awˬ. Sahˬ kʼaˆ-ahˇ kʼaˇ dehꞈ-eu aˇ bawˇ yawˬ bawˇ na luꞈ guˇ-awˬ. Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ ka kʼoꞈ-eu laꞈ kʼoeˇ, aˬ yawꞈ huiˬ-eu mahˇ-eu gaˇ kawˆ bi mawˇ-euˬ meh.

Iˇsaˬyaˇ 19:25

Aˬ yawꞈ maꞈ-ahˇ Sahˬpaˬ Miˬyehˇ guiˬ lahˬ biꞈ-awˇ, heu loꞈ-ehˇ ehˇ nehˬ tehꞈ-a. “Ngaˬ-euˬ tsawˇ haˬ Iˇjiˇtuˆ tsawˇ jeuˬ, ngaˬ neh beh-euˬ Aˬshuˇliˆ tsawˇ jeuˬ hawˇ-eu, ngaˬ neh tseˇ doˆ-euˬ Iˇsaˬleˬlaˆ tsawˇ jeuˬ-ahˇ ngaˇ guiˬ lahˬ biꞈ-eu ma.”

Iˇsaˬyaˇ 24:16

Yaw tsaˬ yaw dawˇ gʼaˬ-ahˇ ja ceuˬ-eu caˇ dawˬ, mˬ dzeˇ miˇ dzeˇ miˇ kʼahˬ-ahˇ neh gaˬ le tehꞈ-a. Ehˇ kʼawꞈ, ngaˇ noeˬ tmˬ kʼaˇ maˬ za-ehˇ, teˬ le byoˆ le miˇ-a. Saˇ jaˇ puiˬ-eu deuˬ gʼaˬ kʼaˆ laˇ-awˇ, yaw haiˬ jeˬ myaˬ laˇ luꞈ meh.

Iˇsaˬyaˇ 26:2

Meuˬ lahˇ kʼehˬ laˇ gʼoˆ pah-awˇ, yaw tsaˬ yaw dawˇ jeˬ mˇ-eu, saˇ jaˇ ziꞈ-eu tsawˇ jeuˬ bi uˇ laˇ-awˬ.

Iˇsaˬyaˇ 45:8

Gʼaˬ leˇ-eu jeˬ mˬ kʼoeˇ taˆ neh, uˬ yehˇ yehˇ-eu loꞈ-ehˇ ngaˇ pyehˬ ka gaˇ, miˇ tsaˬ kʼawˬ pymˬ pah-awˇ ciˬ kʼmˇ geuꞈ ngeh, buˬ-iˇ law-iˇ-eu jeˬ hawˇ-eu yaw tsaˬ yaw dawˇ, aˇ yehˆ loꞈ-ehˇ poˬ laˇ tehꞈ-a. Sahˬpaˬ Miˬyehˇ pyeuꞈ-eu ngaˇ-aˬ, kʼoeˇ loꞈ-ehˇ pyeuꞈ laˇ ni mˇ ma.”

Iˇsaˬyaˇ 45:24

“Aˬ yawꞈ maꞈ heu loꞈ-ehˇ ehˇ tehꞈ-a. Ngaˇ baˬ da neh tehꞈ-ehˇ gʼaˬ leˇ nya-awˇ, ngaˬ-euˬ laꞈ kʼoeˇ tehꞈ-ehˇ gʼaˬ jaˆ-eu meh. Ehˇ kʼawꞈ ngaˬ-ahˇ bye-eu tsawˇ haˬ, myaˆ pyawˬ naˇ mehˇ ya cawˆ tehꞈ-a.

Iˇsaˬyaˇ 45:25

Yaˬkoˆ-euˬ zaˬ deuˬ uˆ deuˬ dawˬ tawˆ-ahˇ, ngaˇ Sahˬpaˬ Miˬyehˇ ka kʼoꞈ-awˇ, aˬ yawꞈ maꞈ ngaˬ-ahˇ ya ja ceuˬ tehꞈ-a.

Iˇsaˬyaˇ 61:11

Aˇ yoeˬ-ahˇ aˇ bawˇ dehꞈ laˇ-eu yaw duˬ baw-eu loꞈ-ehˇ, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, aˬ yawꞈ-euˬ tsawˇ jeuˬ-ahˇ ka kʼoꞈ nehˬ-eu yaw duˬ baw-awˇ, tsawˇ jeuˬ dawˬ tawˆ luꞈ aˬ yawꞈ-ahˇ ja ceuˬ tehꞈ-a.

Iˇsaˬyaˇ 64:8

Ehˇ kʼawꞈ, Sahˬpaˬ Miˬyehˇ nawˇ-aˬ, nga maꞈ-euˬ aˬ da ma. Nga maꞈ shaˬ jehˆ pyeuꞈ-awˇ, nawˇ oeˬ lahˬ tehˆ-eu yaw sahˇ meh. Nga maꞈ-ahˇ beh-euˬ gʼaˬ nawˇ meh.

Iˇsaˬyaˇ 65:9

Yuˇdaˆ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ, ngaˇ guiˬ lahˬ biꞈ nehˬ ma. Aˬ yawꞈ maꞈ-euˬ zaˬ deuˬ uˆ deuˬ-ahˇ, ngaˬ-euˬ miˇ kʼahˬ gawˬ jawˬ gawˬ duˇ oꞈ leˇ tehꞈ-a. Ngaˬ-euˬ nui kʼahˇ poˆ-eu ngaˬ neh tseˇ doˆ-euˬ tsawˇ haˬ deuˬ kʼoeˇ gaˇ ya jawˇ tehꞈ-a.

Yeˬsaˬgeˬlaˇ 34:29

Miˇ tsaˬ miˇ muiˬ muiˬ dui dui-eu deh yaˇ deuˬ aˬ yawꞈ maꞈ-ahˇ ngaˇ biꞈ-awˇ, aˬ yawꞈ maꞈ-euˬ miˇ kʼahˬ laꞈ kʼoeˇ mehꞈ-eu shuꞈ-eu jeˬ byoˆ tsehˆ tehꞈ-a. Aˬ cawˬ tsawˇ jeuˬ deuˬ aˬ yawꞈ maꞈ-ahˇ maˬ paˇ laˆ guˆ nya ni pyeuꞈ-iˇ tehꞈ-a.

Yeˬsaˬgeˬlaˇ 47:7

Lawˇ baˬ kʼoeˇ baˬ heu baˬ-ahˇ aˇ bawˇ gʼawˬ mya ni dehꞈ luꞈ gaˇ ngaˇ ya mawˇ-euˬ ma.

Aˬmoˆ 9:15

Ngaˬ-euˬ tsawˇ haˬ heu deuˬ-ahˇ ngaˇ, aˬ yawꞈ maꞈ-euˬ miˇ kʼahˬ laꞈ kʼoeˇ, ziꞈ dah ni paˇ ka ziꞈ nehˬ ma. Ngaˬ neh biꞈ-euˬ miˇ kʼahˬ-ahˇ neh, ciˇ tahˬ maˬ bi gʼawˇ lehˆ ma lehˇ, naw maꞈ-euˬ Miˬyehˇ pyeuꞈ luꞈ-eu, ngaˇ Sahˬpaˬ Miˬyehˇ ehˇ-eu ma.”

2 Saˬmeuˬlaˆ 7:10

Ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ aˬ cawˬ kʼehˬ-eu kʼaˆ-eu uˬ moˆ maˬ paˇ ya jawˇ ni, aˬ yawꞈ maꞈ gʼaˇ duˬ ngaˬ neh jawˇ duˬ tiˬ tsahˇ poˆ nehˬ-awˇ bi jawˇ-euˬ ma. Miˇ kʼahˬ heu kʼahˬ-ahˇ aˬ yawꞈ maꞈ jawˇ keuˆ laˇ-euˬ tiˬ nah neh, haiˬ-eu tsawˇ haˬ deuˬ neh kʼehˬ nehˬ kʼaˆ nehˬ-euˬ jeˬ-ahˇ aˬ yawꞈ maꞈ ya daˬ-euˬ meh. Ehˇ kʼawꞈ, aˬ kaˇ naˇ kʼoeˇ loꞈ-ehˇ maˬ paˇ bi gʼeh ma. Muiˇ-eu deuˬ nawˬ-ahˇ maˬ ya laˆ luˬ laˆ seˇ-eu gʼaˇ duˬ maˬ ehˇ, nawˬ-euˬ zaˬ nawˬ-euˬ uˆ deuˬ bi myaˬ bi behˇ laˇ-eu gʼaˇ duˬ maˬ ehˇ, nawˬ nehˬ-ehˇ ngaˇ saˇ jaˇ dzaˬ-eu ma.

Jaceuq 37:18

Tsawˇmuiˬ-euˬaˇnah aˇyamˬ-ahˇ, SahˬpaˬMiˬyehˇsiˬnya luꞈ-awˇ, aˬyawꞈmaꞈ-euˬmiˇkʼahˬjeˬbiˇ, mˬmaˬmaˬbyaˆ bi ziꞈtehꞈ-a.

Jaceuq 37:29

Tsawˇmuiˬdeuˬ-ahˇmiˇkʼahˬoꞈ-awˇ, mˬmaˬmaˬbyaˆya jawˇtehꞈ-a.

Iˇsaˬyaˇ 54:17

Ehˇ kʼawꞈ, nawˬ-ahˇ laˆ tahˬ laˆ naˇ nya-eu, guiˇ deuˆ-eu keu ka maˬ jaˆ-a. Nawˬ-ahˇ yaˇ kʼaˬ kʼaˇ ja laˇ-eu tsawˇ haˬ deuˬ-ahˇ, nawˇ ja gʼaˬ nya tehꞈ-a. Ngaˬ-euˬ zaˬ kʼaˆ deuˬ-ahˇ ngaˇ haw piˇ-awˇ, gʼaˬ leˇ-eu tsawˇ haˬ bi pyeuꞈ ma” lehˇ Sahˬpaˬ Miˬyehˇ ehˇ-eu meh.

Yeˬlaˬmiˇ 24:6

Aˬ yawꞈ maꞈ-ahˇ ngaˇ haw piˇ-awˇ, miˇ kʼahˬ heu kʼahˬ laꞈ kʼoeˇ paˇ sheuˬ kʼoꞈ laꞈ ma. Aˬ yawꞈ maꞈ-ahˇ ngaˇ maˬ laˆ coeˬ maˬ laˆ ciˆ nehˬ ni, bo saˆ huiˬ nehˬ ma. Aˬ yawꞈ maꞈ-ahˇ ngaˇ maˬ gʼawˇ dzeh-ehˇ ka dehꞈ nehˬ ma.

Yeˬlaˬmiˇ 32:41

Aˬ yawꞈ maꞈ-ahˇ yaw muiˬ jeˬ mˇ nehˬ-eu gʼaˇ duˬ ngaˇ laˬ kʼaˬ cehˇ-awˇ, miˇ kʼahˬ heu kʼahˬ laꞈ kʼoeˇ ziꞈ dah ni bi dehꞈ ma.

Yeˬsaˬgeˬlaˇ 11:17

Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ aˬ yawꞈ maꞈ-ahˇ ehˇ nehˬ-awˇ, Ngaˬ neh teh byaˆ-awˇ bi jawˇ-euˬ miˇ kʼahˬ deuˬ laꞈ kʼoeˇ neh aˬ yawꞈ maꞈ-ahˇ ngaˇ sheuˬ kʼoꞈ-awˇ, Iˇsaˬleˬlaˆ miˇ kʼahˬ biꞈ kʼoꞈ nehˬ ma.

Yeˬsaˬgeˬlaˇ 37:25

Aˬ yawꞈ maꞈ-euˬ aˬ poeˬ Yaˬkoˆ-ahˇ ngaˬ neh biꞈ-euˬ miˇ kʼahˬ pyeuꞈ-eu, aˬ yawꞈ maꞈ-euˬ aˬ poeˬ aˬ bawˇ deuˬ jawˇ-eu miˇ kʼahˬ-ahˇ, aˬ yawꞈ maꞈ jawˇ tehꞈ-a. Aˬ yawꞈ maꞈ-euˬ ziˇ-ahˇ neh, zaˬ deuˬ uˆ deuˬ-euˬ ziˇ ahˇ keuˆ ni, mˬ maˬ maˬ byaˆ zaˇ ziˇ kʼoeˇ gaˇ ya jawˇ tehꞈ-a. Ngaˬ-euˬ zaˬ kʼaˆ Daˬbiˇ-ahˇ duˇ-eu sahˬ paˬ tiˬ gʼaˬ, mˬ maˬ maˬ byaˆ zaˇ ziˇ aˬ yawꞈ maꞈ-ahˇ uˆ lahˇ tehꞈ-a.

Aaˇbaˬdiˇ 1:17

“Ehˇ kʼawꞈ, Ziˇoˬ gawˬ jawˬ kʼoeˇ taˆ, tiˬ paˆ na deuˬ ya cehˆ buˬ-awˇ, gawˬ jawˬ kʼoeˇ jawˬ muiˬ-eu shawˇ-eu, jawˇ duˬ tiˬ tsahˇ pyeuꞈ laˇ tehꞈ-a. Yaˬkoˆ-euˬ zaˬ deuˬ uˆ deuˬ-aˬ, aˬ yawꞈ maꞈ-ahˇ oꞈ-eu miˇ kʼahˬ, aˬ yawꞈ maꞈ paˇ za kʼoꞈ tehꞈ-a.

Zeˬpaˬniˇ 3:13

Dzeˇ-eu Iˇsaˬleˬlaˆ tsawˇ haˬ, aˬ cawˬ-ahˇ yaw doeˇ maˬ jahˇ-ehˇ, jaˬ myawꞈ mehˇ shuiˇ maˬ mˇ miˇ neh, aˬ yawꞈ maꞈ baw le za le-awˇ, guˆ kʼaˇ maˬ za ni dehꞈ tehꞈ-a.”