Iˇsaˬyaˇ 59:11 - Akha

¹¹ Nga maꞈ guˆ-awˇ nui ma cawˆ luꞈ-eu ma. Kʼehˬ-eu kʼaˆ-eu jeˬ hawˇ-eu yaw lehˬ jeˬ laꞈ kʼoeˇ, Miˬyehˇ ka kʼoꞈ le gaˇ loꞈ kʼawꞈ, keuˆ le-eu maˬ baw-a.

Iˇsaˬyaˇ 59:11 Referans Kwoze

Iˇsaˬyaˇ 38:14

Ngaˇ dawˬ maˬ ngehˬ doˆ coeˇ ni pyeuꞈ-iˇ-awˇ, kʼaˬ kʼoeˬ duˇ-eu naˆ ni mahˇ-euˬ tehꞈ ma. Mˬ-ahˇ gʼawˇ leuˇ haw-euˬ miˇ neh, ngaˬ-euˬ myaˆ nuiˆ gʼah dui dui nya. Sahˬpaˬ Miˬyehˇ-oˇ, shaˬ zahˬ heu laꞈ kʼoeˇ, ngaˬ-ahˇ ka kʼoꞈ laꞈ-awˬ.

Yeˬsaˬgeˬlaˇ 7:16

Tiˬ paˆ na deuˬ-aˬ, deh ga-ahˇ bi teh tuˇ-euˬ kʼaˬ kʼoeˬ loꞈ-ehˇ, gawˬ jawˬ paw cehˆ dzeuˇ tehꞈ-a. Yawˬ gʼaˬ na luꞈ yawˬ ha-euˬ iˬ baˇ gaˇ kawˆ toˇ toˇ-ehˇ ya jawˇ tehꞈ-a.

Hawˇseˬ 7:14

Aˬ yawꞈ maꞈ guˇ-awˇ shaˇ-eu dawˬ, nui ma keuˆ-eu dawˬ maˬ ngeuˇ-ehˇ, lawˇ ciꞈ zaˬ deuˬ jahˇ-eu loꞈ-ehˇ, coˬ lah coˬ lah-ehˇ guˇ-eu meh. Aˬ gaꞈ dzaˇ uiˇ hawˇ-eu cehˇ-ahˇ, aˬ yawꞈ maꞈ za ni shaˇ laˇ ngeh, lawˇ ciꞈ zaˬ deuˬ jahˇ-eu loꞈ-ehˇ, yawˬ ha gʼawˇ mawˇ-ahˇ laˆ naˇ-eu, ngaˬ-ahˇ puiˬ-eu tsawˇ haˬ deuˬ meh.

Yeˬlaˬmiˇ 9:1

Aˬ cawˬ neh bi sehꞈ-euˬ ngaˬ-euˬ tsawˇ jeuˬ gʼaˇ duˬ, uˬ ciꞈ nah gʼahˇ ngaˇ ngoeˇ coeˇ ni, uˬ duˬ iˇ cuꞈ lah duˬ pyeuꞈ-awˇ, myaˆ biˇ iˇ beuˆ yoeˇ nmˇ duˇ nya.

Yeˬlaˬmiˇ 8:15

Jawˇ saˇ doˆ-awˇ nui saˇ oꞈ gaˇ aˬ dui noeˬ tmˬ-euˬ kʼawꞈ, guˆ-eu gaˆ-eu jeˬ bi keuˆ le-euˬ meh.

Iˇsaˬyaˇ 59:9

Iˇsaˬleˬlaˆ tsawˇ haˬ deuˬ heu loꞈ-ehˇ ehˇ-eu meh. “Nga maꞈ-ahˇ kʼehˬ luꞈ-eu deuˬ-euˬ aˬ laꞈ laꞈ kʼoeˇ, aˬ jeˬ miˇ neh Miˬyehˇ maˬ ka kʼoꞈ nehˬ laꞈ-eu gaˇ kawˆ, nymˬ-mˇ nga maꞈ siˬ duˬ-eu ma. Yaw shehꞈ laꞈ kʼoeˇ nga maꞈ cah mawꞈ-eu kʼawꞈ, yaw zahˇ nga maꞈ-ahˇ uˆ lahˇ luꞈ-eu meh.

Iˇsaˬyaˇ 51:20

Nawˬ-euˬ tsawˇ haˬ deuˬ gʼaˬ jiˇ-awˇ, baw gʼaꞈ-ahˇ coeˬ paꞈ-euˬ kʼaˬ tsehˆ loꞈ-ehˇ, gaˇ ma gaˇ tsmˇ kʼaˇ jaˆ gaˇ coˬ lah-awˇ, Sahˬpaˬ Miˬyehˇ-euˬ nui pehˇ-ahˇ aˬ yawꞈ maꞈ ya siˬ duˬ-euˬ meh.

Jaceuq 119:155

Haiˬ-eu tsawˇ haˬ deuˬ nawˬ-euˬ zahˇ dawˬ kʼoꞈ dawˬ-ahˇ maˬ naˇ haˬ-eu miˇ neh, ka kʼoꞈ-eu jeˬ maˬ za nya-a.

Jaceuq 85:9

Aˬ yawꞈ-ahˇ taˬ huiˬ taˬ mahˇ-eu tsawˇ haˬ deuˬ-ahˇ aˬ diˇ aˬ maˇ ka kʼoꞈ nehˬ-awˇ, ka kʼoꞈ-eu guiˬ lahˬ yaw dzahˇ aˬ dui-euˬ miˇ kʼahˬ heu kʼoeˇ taˆ jaˆ tehꞈ-a.

Jaceuq 38:8

Maˬluˆmaˬlaˆnya ni ga-awˇ, nui ma -ahˇceh laˇ-eu miˇneh, maˬguˇ-ehˇmaˬdzahˬtehˬcoeˇnya.

Jaceuq 55:2

Ngaˇ ehˇ gaˇ naˇ haˬ-awˇ, ngaˬ-ahˇ ehˇ kʼoꞈ nehˬ laꞈ-awˬ. Ngaˇ noeˬ shaˬ dui dui-awˇ, nui ma cawˆ dui dui nya.

Iˇsaˬyaˇ 59:8

Naw maꞈ dawˬ peh tiˬ gʼaˬ-iˬ nui saˇ maˬ oꞈ-a. Naw maꞈ mˇ-euˬ yaw tsaˬ tiˬ jeˬ-iˬ maˬ jaˆ-a. Gaˇ ma yaw gʼahˬ kahˇ-ahˇ naw maꞈ cah-awˇ, kʼoeˇ gaˇ kʼaˇ cah-eu tsawˇ haˬ nui saˇ maˬ oꞈ-a.

Iˇsaˬyaˇ 59:14

Yaw tsaˬ yaw dawˇ jeˬ-ahˇ teh dzeh nehˬ-awˇ, yaw muiˬ yaw jaˬ jeˬ dawˬ peh maˬ nyiˬ laˇ nya-a. Yaw tsaˬ yaw dawˇ jeˬ meuˬ lehˆ kawˆ-ahˇ coˬ-iˇ-awˇ, yaw sui yaw dawˇ jeˬ jawˇ duˬ maˬ jaˆ-a.

Ngoeˇ dawˬ 3:17

Nui saˇ oꞈ-awˇ jawˇ saˇ doˆ-eu, maˬ paˇ noeˬ mawˇ keuˆ coeˇ miˇ-a.

Naˬhmˬ 2:7

Sahˬ paˬ ma-ahˇ aˬ cawˬ nyehꞈ-awˇ, zaˬ kʼaˆ deuˬ noeˬ shaˬ-eu miˇ neh, yawˬ ha-euˬ kʼahˬ-ahˇ teˇ teˇ-ehˇ, kʼaˬ kʼoeˬ zaˬ loꞈ-ehˇ mahˇ tehꞈ-a.

Jaceuq 119:150

Nawˬ-euˬ zahˇ dawˬ kʼoꞈ dawˬ mehˬ nah maˬ caw teh-eu, ngaˬ-ahˇ kʼehˬ-eu haiˬ dui dui-eu tsawˇ haˬ kʼoeˇ deuˬ, ngaˬ-euˬ dawˬ peh oe luꞈ meh.

Naˬhmˬ 2:8

Iˇ tsahˇ daˬ paˆ doˆ-euˬ loꞈ-ehˇ, Niˇnaˬbeˬ tsawˇ haˬ teuˆ byaˆ-awˇ, “Taˬ cehˆ. Taˬ cehˆ” lehˇ guˇ nehˬ kʼawꞈ, tiˬ gʼaˬ-iˬ maˬ ciˬ pyawˇ haw-aˇ.