Iˇsaˬyaˇ 56:11 - Akha

¹¹ Biꞈ dehˆ-euˬ maˬ baw-eu aˬ kuiˬ loꞈ-ehˇ, aˬ yuiꞈ aˬ tsu kʼoeˇ deuˬ noeˬ siˬ nya-eu jeˬ maˬ ahˇ-ehˇ, yawˬ gʼaˬ na luꞈ yawˬ ha nui kʼahˇ poˆ-awˇ, yawˬ ha-ahˇ muiˬ laˇ ni leh jeh-eu meh.

Iˇsaˬyaˇ 56:11 Referans Kwoze

Miˇkaˬ 3:11

Meuˬ-ahˇ uˆ lahˇ-eu deuˬ, laꞈ nmꞈ nmꞈ nehˬ gaˇ haw-awˇ uˆ lahˇ luꞈ meh. Piˇ ma deuˬ-aˬ, aˇ poeˬ za gaˇ haw-awˇ zahˇ dawˬ kʼoꞈ dawˬ-euˬ dawˬ tsuiꞈ yuˇ doˆ nehˬ luꞈ-awˇ, Miˬyehˇ gʼaˇ duˬ ngehˬ dah-eu deuˬ kʼawꞈ, pyuˇ myaˆ pyawˬ-ahˇ haw-awˇ ngehˬ dah luꞈ-eu meh. Ehˇ kʼawꞈ, aˬ yawꞈ maꞈ dawˬ tawˆ luꞈ Sahˬpaˬ Miˬyehˇ aˬ yawꞈ maꞈ nehˬ-ehˇ jawˇ meh lehˇ ehˇ-eu meh. “Luˬ-iˇ seˇ-iˇ-eu jeˬ nga maꞈ kʼoeˇ taˆ maˬ keuˆ le-aˇ. Sahˬpaˬ Miˬyehˇ nga maꞈ nehˬ-ehˇ jawˇ ma” lehˇ aˬ yawꞈ maꞈ ehˇ-eu meh.

Yeˬsaˬgeˬlaˇ 13:19

Lawˬ loeˇ hawˇ-eu kaˬ muˇ ui cuiˆ za laˇ gaˇ haw-awˇ, ngaˬ-euˬ tsawˇ haˬ deuˬ-euˬ mehˬ shi, naw maꞈ ngaˬ-ahˇ yehˬ bawˬ sehˇ lu-ehˇ gʼeh-eu meh. Maˬ bi shiˇ paˬ-ehˇ gʼeh-eu tsawˇ haˬ deuˬ-ahˇ naw maꞈ laˆ sehꞈ-awˇ, bi shiˇ paˬ-ehˇ gʼeh-eu tsawˇ haˬ deuˬ-ahˇ naw maꞈ bi dehꞈ-euˬ meh. Ngaˬ-euˬ tsawˇ haˬ deuˬ naw maꞈ-ahˇ jah laˇ ni, naw maꞈ mehˇ shuiˇ shuiˇ-euˬ meh.”

Panmaeq 22:15

Ehˇ kʼawꞈ, dehꞈ jawꞈ dui dui-eu tsawˇ haˬ deuˬ, maw loˬ ja maw mˇ-eu tsawˇ haˬ deuˬ, kʼaˬ miˬ sheu-eu tsawˇ haˬ deuˬ, aˬ cawˬ-ahˇ sehꞈ-eu tsawˇ haˬ deuˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ, ngehˬ-eu tmˇ-eu mˇ-eu shaˇ-eu laꞈ kʼoeˇ jaˬ myawꞈ myawꞈ-eu tsawˇ haˬ deuˬ, heu deuˬ-aˬ meuˬ-euˬ laꞈ nyiˇ ya jawˇ tehꞈ-a.

Tiˇtuˆ 1:7

Ka li zaˬ aˇ muˇ-ahˇ sheuˬ gʼeh-eu tsawˇ haˬ deuˬ-aˬ, Miˬyehˇ-euˬ gaˇ-ahˇ haw-eu pyaˆ-eu tsawˇ haˬ pyeuꞈ-eu miˇ neh, iˬ baˇ taˬ kʼaˇ maˬ ya bi za-a. Yawˬ ha-euˬ nui noeˬ geuꞈ-eu, nui ma nymˇ-eu, aˬ gaꞈ dzaˇ uiˇ dawˇ yehꞈ-eu, aˬ cawˬ-ahˇ dawꞈ-eu ceh-eu, pyuˇ-ahˇ mehˇ juiˇ juiˇ-eu, heu loꞈ-ehˇ gʼeh-eu tsawˇ haˬ maˬ ya bi pyeuꞈ-a.

Yoˇhaˬ 8:43

Ngaˇ ehˇ gaˇ aˬ jeˬ miˇ neh naw maꞈ maˬ gʼoˆ shaw nya ta lehˇ naw maꞈ siˬ nya ma loˇ. Ngaˬ-euˬ dawˬ-ahˇ naw maꞈ maˬ naˇ haˬ nahˇ-eu miˇ neh meh.

Iˇsaˬyaˇ 57:17

Aˬ yawꞈ maꞈ iˬ baˇ mˇ-awˇ nui kʼahˇ huiˬ gaˇ ngaˇ nui ma pehˇ-awˇ, aˬ yawꞈ maꞈ-ahˇ kʼehˬ-awˇ byehˇ dzeh-euˬ ma. Ehˇ kʼawꞈ, aˬ yawꞈ maꞈ-euˬ nui ma gʼahˇ-awˇ, yawˬ ha nui noeˬ geuꞈ-eu maˬ byehˇ dzeh-a.

Iˇsaˬyaˇ 1:3

Mawˇ neˇ kʼawꞈ yawˬ ha-euˬ yaw sahˇ-ahˇ siˬ nya-awˇ, mahˬ tahˬ laˆ kʼawꞈ, yaw sahˇ gʼaˬ-euˬ mahˬ dzaˇ kʼawˇ lawˬ siˬ nya meh. Ehˇ kʼawꞈ, Iˇsaˬleˬlaˆ kʼoeˇ loꞈ-ehˇ maˬ siˬ nya-a. Ngaˬ-euˬ tsawˇ haˬ deuˬ maˬ noeˬ siˬ nya-a.”

Yuˇdaˆ 1:16

Tsawˇ haˬ kʼoeˇ deuˬ-aˬ, aˬ myah luꞈ aˬ cawˬ-ahˇ toˇ toˇ-ehˇ iˬ baˇ taˬ-eu meh. Yawˬ ha-euˬ maˬ muiˬ maˬ jaˬ-eu nui kʼahˇ mehˬ nah caw teh-eu meh. Yawˬ ha-euˬ gaˇ kawˆ kʼahˬ sehˇ jehˆ-awˇ, yawˬ ha-ahˇ muiˬ laˇ ni aˬ cawˬ-ahˇ ja poeˬ nehˬ nya-eu meh.

Yuˇdaˆ 1:11

Aˬ yawꞈ maꞈ aˇ naˆ ni ya noeˬ shaˬ paˬ-ehˇ gʼeh-eu nga. A yawꞈ maꞈ-aˬ, Gaˬiˇnaˆ-euˬ kuiˇ toꞈ mehˬ nah caw teh luꞈ-eu meh. Pyuˇ shuiˇ-ahˇ nui kʼahˇ jaˆ-eu laꞈ kʼoeˇ Baˬlamˬ neh mˇ lehˬ-euˬ jeˬ-ahˇ aˬ yawꞈ maꞈ mˇ-eu meh. Gawˇlaˆ neh Miˬyehˇ-ahˇ puiˬ-euˬ loꞈ-ehˇ aˬ yawꞈ maꞈ kʼawꞈ puiˬ-awˇ, Gawˇlaˆ loꞈ-ehˇ laˆ luˬ laˆ seˇ nehˬ-eu jeˬ-ahˇ ya daˬ-euˬ meh.

2 Beˬtuˆluˆ 2:3

Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ pyuˇ shuiˇ myawˬ gahˬ-ahˇ nui kʼahˇ jaˆ-eu miˇ neh, naw maꞈ-ahˇ maˬ ngeuˇ gaˇ keuˆ ni ja mehˬ-awˇ aˬ yawꞈ maꞈ gʼaˇ duˬ jiˇ jeuˬ ahˇ ni mˇ tehꞈ-a. Aˬ yawꞈ maꞈ-ahˇ Yaˇ kʼaˬ daˇ nehˬ-eu gʼaˬ aˇ hu ba neh lehˬ hmˬ dah taˬ-awˇ, aˬ yawꞈ maꞈ-ahˇ laˆ cawˆ-eu gʼaˬ maˬ yuꞈ kʼaˆ ni yaw noeˬ-ehˇ jawˇ luꞈ meh.

1 Beˬtuˆluˆ 5:2

Miˬyehˇ neh naw maꞈ-ahˇ a nehˬ taˬ-euˬ yawˇ yawˇ maꞈ-ahˇ bo saˆ-awˬ. Miˬyehˇ geuꞈ mawꞈ-eu loꞈ-ehˇ laˬ kʼaˬ cehˇ-eu laꞈ kʼoeˇ bo saˆ-awˬ. Aˬ cawˬ kʼehˇ-eu miˇ neh bo saˆ-eu jeˬ taˬ bi pyeuꞈ. Aˇ poeˬ za ni tehꞈ-ehˇ mˇ-eu jeˬ kʼawꞈ taˬ bi pyeuꞈ. Nui ma keuˆ-eu laꞈ kʼoeˇ mˇ-eu jeˬ bi pyeuꞈ-awˬ.

Tiˇtuˆ 1:11

Aˬ yawꞈ maˬ-ahˇ kʼoeˇ loꞈ-ehˇ maˬ bi ja ni ya laˆ tsoeˬ meh. Aˬ jeˬ miˇ neh ehˇ naˇ, aˬ yawꞈ maꞈ shaꞈ dawˇ-eu maˬ baw ni pyuˇ poˆ-awˇ, maˬ mehˬ kʼmˬ-eu jeˬ mehˬ-eu laꞈ kʼoeˇ nymˇ jiˇ jiˇ lah ni laˆ cawˆ-eu meh.

1 Tiˆmoˇseˬ 3:8

Ka li zaˬ aˇ muˇ-euˬ gaˇ-ahˇ caw ba-eu tsawˇ haˬ deuˬ kʼawꞈ, aˬ cawˬ yaw zeu baw-awˇ nui ma dawˇ-eu tsawˇ haˬ ya bi pyeuꞈ meh. Aˬ gaꞈ dzaˇ uiˇ aˇ dzehˬ maˬ dawˇ dzeuˇ-ehˇ, pyuˇ-ahˇ mehˇ juiˇ maˬ juiˇ-eu tsawˇ haˬ ya bi pyeuꞈ meh.

1 Tiˆmoˇseˬ 3:3

Aˬ gaꞈ dzaˇ uiˇ dawˇ yehꞈ-eu tsawˇ haˬ hawˇ-eu, aˬ cawˬ-ahˇ dawꞈ-eu ceh-eu tsawˇ haˬ maˬ ya bi pyeuꞈ-ehˇ, nui nahˬ nui yu ahˇ-awˇ aˬ cawˬ-ahˇ maˬ coeˬ maˬ ciˆ-eu uˬ taꞈ, pyuˇ-ahˇ mehˇ juiˇ maˬ juiˇ-eu tsawˇ haˬ ya bi pyeuꞈ meh.

Piˇliˇpiˆ 3:19

Aˬ yawꞈ maꞈ-aˬ, shiˬ buiˇ lah ma-ahˇ aˇ saˬ ya saˬ-iˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ shiˬ shaˬ jiˇ nui kʼahˇ-aˬ, aˬ yawꞈ maꞈ-euˬ miˬyehˇ meh. Aˬ yawꞈ maꞈ-aˬ, yawˬ ha shaꞈ dawˇ paˬ-ehˇ gʼeh-eu jeˬ-ahˇ maˬ shaꞈ dawˇ ni jahˇ gʼeh haw-awˇ, miˇ tsaˬ shiˬ shaˬ jiˇ-ahˇ taꞈ-eu jeˬ tehꞈ-ehˇ shaˇ noeˬ luꞈ-eu meh.

2 Gawˇliˬtu 4:4

Miˇ tsaˬ heu-ahˇ uˆ lahˇ luꞈ-eu miˬyehˇ pyeuꞈ-eu nehꞈ Saˬdaˬ neh aˬ yawꞈ maꞈ-euˬ nui ma-ahˇ yaw zahˇ laꞈ kʼoeˇ piˬ lahˇ taˬ-euˬ miˇ neh, aˬ yawꞈ maꞈ maˬ jah-a. Kʼoeˇ miˇ neh, Miˬyehˇ-ahˇ duˇ duˇ dehꞈ dehꞈ pyeuꞈ-eu Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ-euˬ yaw shehꞈ kʼahˬ sehˇ aˬ yawꞈ maꞈ kʼoeˇ taˆ bya luꞈ gaˇ aˬ yawꞈ maꞈ maˬ mawˇ nya-a.

Gʼaˬkʼehˇ 20:33

Aˬ cawˬ-euˬ pyuˇ-ahˇ maˬ ehˇ, shuiˇ-ahˇ maˬ ehˇ, dm gʼaˬ dm lmˇ-ahˇ maˬ ehˇ, mehˇ juiˇ juiˇ-eu nui ma ngaˇ maˬ ahˇ.

Gʼaˬkʼehˇ 20:29

Ngaˇ doˆ-iˇ dzeuˇ naˇ guˆ laˇ paˬ-ehˇ gʼeh-eu kʼaˬ yehˇ deuˬ oe-awˇ, yawˇ yawˇ maꞈ-ahˇ gʼawˬ shaˬ maˬ gaˬ ni laˆ cawˆ le tehꞈ-a lehˇ ngaˇ siˬ nya ma.

Maˬlaˬkiˇ 1:10

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-euˬ lawˇ duˬ kʼoeˇ taˆ miˬ dzaˬ ciˆ doꞈ-awˇ gaˇ dahˇ maˬ tsoeˬ-eu jeˬ maˬ ya mˇ ni, naw maꞈ laꞈ kʼoeˇ tiˬ gʼaˬ na Uˬ duˬ tahˬ nymˇ nymˇ ma-euˬ laˇ gʼoˆ piˬ tehˬ leˇ gaˇ ngaˇ geuꞈ mawꞈ-eu ma. Naw maꞈ-ahˇ ngaˇ nui ma maˬ tsaˬ nya. Naw maꞈ neh yuˇ laꞈ-euˬ lawˇ-eu shehˇ-eu jeˬ ngaˇ maˬ ha geuꞈ.

Yeˬlaˬmiˇ 22:17

Ehˇ kʼawꞈ, nawˇ yaw dehꞈ dehꞈ-eu-aˬ, yawˬ ha gʼaˇ duˬ tehꞈ-ehˇ toˆ-eu miˇ neh, maˬ lehˬ maˬ ca-eu tsawˇ haˬ-ahˇ sehꞈ-awˇ, nawˬ-euˬ miˇ kʼahˬ zaˬ-ahˇ kʼehˬ-eu nga lehˇ, Sahˬpaˬ Miˬyehˇ ehˇ luꞈ-eu meh.

Dawˬ tsoˆ 5:10

Pyuˇ shuiˇ-ahˇ gaˬ-eu nui ma aˇ saˬ saˬ-eu maˬ baw-a. Smˇ muiˬ muiˬ laˇ mawꞈ-eu tsawˇ haˬ, nui kʼahˇ tiˬ jawˇ-iˬ maˬ byah-a. Heu kʼawꞈ, tiˬ jeˬ-iˬ gaˇ dahˇ maˬ tsoeˬ-a.

1 Saˬmeuˬlaˆ 2:29

Toˆ-ehˇ ngeuˇ naˇ, ngaˬ-euˬ tsawˇ haˬ deuˬ-ahˇ ngaˬ neh bi lawˇ-euˬ loꞈ-ehˇ, aˬ yawꞈ maꞈ ngaˬ-ahˇ lawˇ nehˬ laꞈ-euˬ jeˬ hawˇ-eu damˬ nehˬ laꞈ-euˬ jeˬ-ahˇ, aˬ jeˬ miˇ neh mehˇ juiˇ juiˇ te. Ngaˬ-ahˇ kʼaˇ lawˇ kʼaˇ shehˇ laˇ-euˬ jeˬ laꞈ kʼoeˇ, kʼaˇ muiˬ kʼaˇ kuiˇ-eu jeˬ-ahˇ nawˬ li deuˬ yuˇ doˆ-awˇ dzaˬ luꞈ gaˇ haw sheˇ. Eˇliˆ-oˇ, nawˬ-euˬ aˬ li deuˬ-ahˇ kʼoeˇ loꞈ-ehˇ bi jahˇ-awˇ, ngaˬ-ahˇ naˆ maˬ tseˇ aˬ yawꞈ maꞈ-ahˇ nawˇ aˬ jeˬ miˇ neh taˬ huiˬ te.

Doˆ-iˇ 23:3

Shaˬ-eu zahˬ-eu tsawˇ haˬ-ahˇ gʼawˬ shaˬ haw gaˬ-eu laꞈ kʼoeˇ, aˬ yawꞈ jawˇ paw pyawˬ-awˇ yaˇ kʼaˬ maˬ ya ja-a.

Piˇliˇpiˆ 3:2

Yaw haiˬ jeˬ mˇ-eu tsawˇ haˬ kʼoeˇ deuˬ-ahˇ yahˇ-awˬ. Aˬ kuiˬ kʼoeˇ deuˬ-ahˇ yahˇ-awˬ. Yawˬ ha-euˬ gʼawˇ mawˇ-ahˇ yehˬ-eu pyehˆ-eu tsawˇ haˬ kʼoeˇ deuˬ-ahˇ yahˇ-awˬ.

Iˇsaˬyaˇ 28:7

Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ, jiˇ baˬ yehꞈ-awˇ yawꞈ lawꞈ gʼaˇ laˇ-ehˇ cah-eu meh. Aˬ yawꞈ maꞈ jiˇ baˬ yehꞈ dui dui-eu miˇ neh, tiˬ jeˬ-iˬ maˬ duˬ maˬ ciˇ-a. Miˬyehˇ gʼaˇ duˬ ngehˬ dah-eu deuˬ jiˇ baˬ yehꞈ-eu miˇ neh, Miˬyehˇ pah mehˬ-eu jeˬ-ahˇ maˬ mawˇ duˬ nya-a. Piˇ ma deuˬ jiˇ baˬ yehꞈ-eu baˬ da neh, yaw tsaˬ yaw dawˇ dawˇ-ehˇ yaˇ kʼaˬ maˬ daˇ nya-a.

Yeˬlaˬmiˇ 6:13

Huiˬ zaˬ nyiˇ zaˬ dawˬ tawˆ luꞈ kʼawꞈ, maˬ dawˇ-eu laꞈ kʼoeˇ pyuˇ poˆ-awˇ, Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ kʼawꞈ, miˇ kʼahˬ zaˬ-ahˇ mehˇ shuiˇ shuiˇ dzaˬ-eu meh.

Yeˬlaˬmiˇ 8:10

Kʼoeˇ miˇ neh aˬ yawꞈ maꞈ-euˬ deh yaˇ aˬ cawˬ-ahˇ biꞈ-awˇ, aˬ yawꞈ maꞈ-euˬ miˬ zaˬ aˬ cawˬ-ahˇ biꞈ nehˬ ma. Huiˬ zaˬ nyiˇ zaˬ maˬ tseˇ paˆ ni, maˬ sui maˬ dawˇ-eu laꞈ kʼoeˇ pyuˇ shuiˇ poˆ-euˬ meh. Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ kʼawꞈ, miˇ kʼahˬ zaˬ-ahˇ myawꞈ dzaˬ-eu meh.

Hawˇseˬ 4:8

Ngaˬ-euˬ tsawˇ jeuˬ iˬ baˇ mˇ-eu, yawꞈ maꞈ dzaˬ gʼo doˆ-eu miˇ neh, iˬ baˇ ngehˬ mˇ ngehˬ mawꞈ-eu meh.

Bawˇtsahˬ 22:7

Kʼoeˇ naˇ, Mawˇbaˆ tsawˇ jeuˬ hawˇ-eu Miˇdiˬyaˬ tsawˇ jeuˬ aˬ yuiꞈ aˬ tsu deuˬ-aˬ, yaˬ kʼehˇ yaˬ poeˬ biꞈ-eu gʼaˇ duˬ laꞈ sawˬ yuˇ-awˇ, Baˬlamˬ jawˇ gaˇ iˇ-awˇ, Baˬlehˇ neh bi tsaꞈ-euˬ dawˬ deuˬ tsaꞈ nehˬ-iˇ-euˬ meh.

Yaˇ kʼaˬ daˇ 18:20

Kʼoeˇ ngeh, piˇ ma kʼoeˇ gʼaˬ laˬ kʼaˬ cehˇ-eu laꞈ kʼoeˇ, muiˬ-eu shawˇ-eu mˇ myawˬ kʼoeˇ deuˬ yuˇ-awˇ, aˬ yawꞈ maꞈ nehˬ-ehˇ iˇ gʼeh-euˬ meh.