Iˇsaˬyaˇ 55:12 - Akha

¹² “Baˬbuˇloˬ meuˬ-ahˇ neh laˬ kʼaˬ tiˬ cehˇ, naw maꞈ ya gʼoꞈ doˆ laˇ tehꞈ-a. Naw maꞈ nui ma saˇ lehˆ ni ya doˆ le tehꞈ-a. Gawˬ jawˬ gawˬ duˇ naw maꞈ mehˬ shi caˇ dawˬ caˇ-awˇ, sahˬ lahˬ aˇ bawˇ deuˬ laꞈ kʼawˆ tehˆ tehꞈ-a.

Iˇsaˬyaˇ 55:12 Referans Kwoze

Gaˬlaˬtiˆ 5:22

Ehˇ kʼawꞈ, Yaw sahˇ Miˬyehˇ laꞈ kʼoeˇ siˬ le-eu aˇ siˬ deuˬ-aˬ, gʼoeˇ-eu gaˬ-eu, laˬ kʼaˬ cehˇ-eu, nui saˇ oꞈ-eu, nui ma gʼawˬ mahˇ ni taˬ-eu, gʼawˬ shaˬ gaˬ-eu nui ma ahˇ-eu, yaw muiˬ jeˬ mˇ-eu, saˇ jaˇ ziꞈ-eu,

Iˇsaˬyaˇ 44:23

Mˬ-oˇ, laˬ kʼaˬ cehˇ-awˇ guˇ-awˬ. Miˇ tsaˬ yaw naꞈ tsahˇ-oˇ, guˇ-awˬ. Gawˬ jawˬ deuˬ laˬ kʼaˬ cehˇ-awˇ yaw kʼaˆ-ehˇ guˇ-awˬ. Sahˬ kʼaˆ-ahˇ kʼaˇ dehꞈ-eu aˇ bawˇ yawˬ bawˇ na luꞈ guˇ-awˬ. Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ ka kʼoꞈ-eu laꞈ kʼoeˇ, aˬ yawꞈ huiˬ-eu mahˇ-eu gaˇ kawˆ bi mawˇ-euˬ meh.

Jaceuq 105:43

Aˬ yawꞈ neh tseˇ doˆ-euˬ tsawˇ jeuˬ-ahˇ kʼoeˇ loꞈ-ehˇ sheuˬ doˆ gʼeh-awˇ, aˬ yawꞈ maꞈ laˬ kʼaˬ cehˇ-awˇ caˇ dawˬ caˇ-euˬ meh.

Lormav 15:13

Muiˬ-eu Shawˇ-eu Yaw sahˇ Miˬyehˇ-euˬ baoˬ baˬ da neh naw maꞈ-euˬ noeˬ tmˬ-eu jeˬ huiˬ laˇ mahˇ laˇ nya ni, naw maꞈ Miˬyehˇ-ahˇ jah-eu jeˬ-ahˇ gʼoe-awˇ, noeˬ tmˬ-eu jeˬ-euˬ dawˬ pehˬ duˬ puˇ pyeuꞈ-eu Miˬyehˇ naw maꞈ-ahˇ laˬ kʼaˬ cehˇ nui saˇ za-eu jeˬ bi byah laˇ luꞈ-uˇ.

Iˇsaˬyaˇ 49:13

Mˬ-oˇ, caˇ-awˇ ja ceuˬ-awˬ. Miˇ-oˇ, laˬ kʼaˬ cehˇ-awˇ guˇ-awˬ. Gawˬ jawˬ deuˬ kʼawꞈ yaw kʼaˆ-ehˇ caˇ-awˇ ja ceuˬ-awˬ. Aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ nui saˇ bi oꞈ tehꞈ-a. Kʼehˬ-eu kʼaˆ-eu gaˇ ya daˬ-euˬ aˬ yawꞈ-euˬ tsawˇ haˬ-ahˇ, aˬ yawꞈ gʼawˬ shaˬ gaˬ nehˬ tehꞈ-a.

Iˇsaˬyaˇ 35:10

Aˬ yawꞈ maꞈ laˬ kʼaˬ cehˇ-eu caˇ dawˬ caˇ-awˇ guˇ guˇ-ehˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ le keuˆ tehꞈ-a. Aˬ yawꞈ maꞈ mˬ maˬ maˬ byaˆ zaˇ ziˇ laˬ kʼaˬ cehˇ-awˇ, noeˬ shaˬ noeˬ zahˬ-eu jeˬ hawˇ-eu myaˆ biˇ doˆ-eu jeˬ-ahˇ, mˬ maˬ maˬ byaˆ zaˇ ziˇ buˬ-iˇ law-iˇ tehꞈ-a.

Jaceuq 65:13

Deh ga-ahˇ yawˇ tiˬ byah jawˇ-awˇ, deh kʼawꞈ-ahˇ cehˇ tiˬ byah dehꞈ luꞈ meh. Yawˬ jeˬ na luꞈ laˬ kʼaˬ cehˇ-awˇ guˇ-eu laꞈ kʼoeˇ, caˇ-eu dawˬ caˇ luꞈ meh.

Lormav 5:1

Jah-eu jeˬ baˬ da neh nymˬ-mˇ aˬ dui Miˬyehˇ-ahˇ tsaˬ leˇ tsahˇ leˇgʼaˬ-euˬ miˇ neh, aˬ dui-euˬ Sahˬpaˬ Yeˬsuˇ Ka li baˬ da neh Miˬyehˇ-ahˇ tsaˬ leˇ dzoeˇ leˇ-euˬ ma.

Yeˬlaˬmiˇ 33:6

Ehˇ kʼawꞈ, meuˬ heu meuˬ hawˇ-eu meuˬ laꞈ kʼoeˇ jawˇ-eu tsawˇ haˬ deuˬ-ahˇ ngaˇ paˇ laˆ saˆ nehˬ-awˇ, jawˇ saˇ bi doˆ laˇ ma. Aˬ yawꞈ maꞈ-ahˇ guˆ kʼaˇ maˬ za ni bi dehꞈ-awˇ, huiˬ dui dui-eu nui saˇ oꞈ-eu jeˬ ngaˇ bi mawˇ ma.

Iˇsaˬyaˇ 54:10

Gawˬ jawˬ gawˬ duˇ deuˬ byaˆ-iˇ kʼawꞈ, nawˬ-ahˇ ngaˇ gaˬ-eu jeˬ maˬ bi byoˆ-iˇ. Tsaˬ leˇ dzoeˇ leˇ-eu ngaˬ-euˬ saˇ jaˇ dawˬ, mˬ maˬ maˬ byaˆ zaˇ ziˇ bi ziꞈ-eu ma” lehˇ, nawˬ-ahˇ gaˬ-euˬ Sahˬpaˬ Miˬyehˇ ehˇ-eu meh.

Iˇsaˬyaˇ 48:20

Baˬbuˇloˬ meuˬ laꞈ kʼoeˇ neh doˆ-iˇ-awˇ, iˇ buˬ iˇ law gʼeh-awˬ. Gaˇ kawˆ kʼoeˇ laˬ kʼaˬ cehˇ taˆ ni guˇ-awˇ, yawˬ gaˇ na luꞈ bi gaˬ doe-awˬ. “Aˬ yawꞈ-euˬ zaˬ kʼaˆ Iˇsaˬleˬlaˆ-ahˇ, Sahˬpaˬ Miˬyehˇ ka kʼoꞈ-euˬ meh” lehˇ guˇ gaˬ-awˬ.

Gawˇlawˇsehˇ 1:11

Yawˬ jeˬ na luꞈ-ahˇ naw maꞈ nui ma gʼawˬ mahˇ ni taˬ-awˇ daˬ coeˇ ni, aˬ yawꞈ-euˬ yaw shehꞈ kʼahˬ sehˇ huiˬ-eu baoˬ-ahˇ neh doˆ le-euˬ gʼaˬ baˬ da neh naw maꞈ gʼaˬ kʼaˆ laˇ luꞈ-uˇ. Yaw shehꞈ-euˬ miˇ kʼahˬ laꞈ kʼoeˇ aˬ yawꞈ-euˬ tsawˇ haˬ deuˬ bi jawˇ-eu gʼaˇ duˬ lehˬ hmˬ taˬ-euˬ jawˇ duˬ-ahˇ naw maꞈ jawˇ leˇ nya ni jahˇ nehˬ laꞈ-euˬ Aˬda Miˬyehˇ-euˬ guiˬ lahˬ-ahˇ, laˬ kʼaˬ tiˬ cehˇ ja ceuˬ-awˬ.

Yeˬlaˬmiˇ 30:19

Kʼoeˇ gaˇ jawˇ-eu tsawˇ haˬ deuˬ ja ceuˬ-eu caˇ dawˬ caˇ-awˇ, laˬ kʼaˬ cehˇ cehˇ-ehˇ guˇ tehꞈ-a. Ngaˬ-euˬ guiˬ lahˬ baˬ da aˬ yawꞈ maꞈ jeuˬ le o le-awˇ, aˬ yawꞈ maꞈ-ahˇ aˬ cawˬ taˬ huiˬ taˬ mahˇ tehꞈ-a.

Iˇsaˬyaˇ 51:11

Nawˬ neh ka kʼoꞈ doˆ nehˬ-euˬ tsawˇ haˬ deuˬ, laˬ kʼaˬ cehˇ-eu caˇ dawˬ caˇ-awˇ guˇ-eu laꞈ kʼoeˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ ya gʼoꞈ keuˆ laˇ tehꞈ-a. Mˬ maˬ maˬ byaˆ zaˇ ziˇ aˬ yawꞈ maꞈ laˬ kʼaˬ ya cehˇ-awˇ, noeˬ shaˬ noeˬ zahˬ-eu jeˬ laꞈ kʼoeˇ mˬ maˬ maˬ byaˆ zaˇ ziˇ dzeuˇ-iˇ tehꞈ-a.

Iˇsaˬyaˇ 14:8

‘Nymˬ-mˇ nawˇ ga awˆ-iˇ-euˬ-aˬ, nga maꞈ-ahˇ tuˇ dzeh laˇ-eu gʼaˬ maˬ paˇ jawˇ ngaˇ’ lehˇ, guˇ baˬ luˇ aˇ bawˇ hawˇ-eu shuˬ liˇ aˇ bawˇ, sahˬ paˬ kʼoeˇ gʼaˬ-ahˇ ehˇ luꞈ meh.

Luˇkaꞈ 15:10

Kʼoeˇ gaˇ duˇ ni, iˬ baˇ zaˬ tiˬ gʼaˬ iˬ baˇ noeˬ poˆ-euˬ gaˇ, Miˬyehˇ-euˬ mˬ taˆ gʼaˬ kʼehˇ deuˬ laˬ kʼaˬ cehˇ-eu meh lehˇ, naw maꞈ-ahˇ ngaˇ ehˇ-eu ma.”

Yeˬlaˬmiˇ 33:11

Laˬ kʼaˬ cehˇ-awˇ guˇ-eu teˇ saˇ hawˇ-eu, oeˇ mˇ baˇ-awˇ byawˬ gʼa-eu teˇ saˇ nawˇ paˇ ya gaˬ tehꞈ-a. Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ lawˇ-eu shehˇ-eu jeˬ mˇ-eu laꞈ kʼoeˇ, caˇ dawˬ caˇ-eu teˇ saˇ nawˇ ya gaˬ tehꞈ-a. Aˬ yawꞈ maꞈ heu loꞈ-ehˇ caˇ tehꞈ-a. ‘Baoˬ huiˬ-eu Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ jeˬ miˇ neh ehˇ naˇ, aˬ yawꞈ muiˬ dui dui-awˇ, aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ-a.’ Miˇ kʼahˬ heu kʼahˬ-ahˇ, dzeuˇ laˇ ngeh loꞈ-ehˇ bi baw bi za le ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Jaceuq 47:1

Tsawˇ jeuˬ dawˬ tawˆ luꞈ laˬ kʼaˬ cehˇ-eu laꞈ kʼoeˇ laꞈ kʼawˆ tehˆ-awˬ. Yaw kʼaˆ-ehˇ guˇ-eu laꞈ kʼoeˇ caˇ dawˬ caˇ-awˇ, Miˬyehˇ-ahˇ ja ceuˬ-awˬ.

Lormav 5:11

Ehˇ kʼawꞈ, kʼoeˇ naˆ tehꞈ-ehˇ maˬ ngeuˇ-a siˬ. Aˬ dui Miˬyehˇ-ahˇ cawˬ cawˬ taꞈ nya laˇ ni mˇ-euˬ gʼaˬ pyeuꞈ-eu Sahˬpaˬ Yeˬsuˇ Ka li-ahˇ gʼoe-eu laꞈ kʼoeˇ, Miˬyehˇ neh aˬ dui-ahˇ mˇ nehˬ laꞈ-euˬ jeˬ-ahˇ aˬ dui laˬ kʼaˬ cehˇ dui dui-eu ma.

Iˇsaˬyaˇ 54:13

“Nawˬ-euˬ tsawˇ haˬ deuˬ-ahˇ ngaˇ mehˬ nehˬ tsoˆ nehˬ-awˇ, nui saˇ oꞈ-awˇ bi baw bi za le ma.

Jaceuq 65:12

Jeˬ zaˬ gaˆ kʼahˬ-ahˇ jeˬ zaˬ tiˬ teuˇ jawˇ-awˇ, gawˬ jawˬ baˬ gʼa-ahˇ laˬ kʼaˬ cehˇ-eu jeˬ byah luꞈ meh.

Jaceuq 69:34

Mˬ hawˇ-eu miˇ tsaˬ tahˬ kʼawˇ-oˇ, Miˬyehˇ-ahˇ ja ceuˬ-awˬ. Iˬ ma laˆ shaˆ hawˇ-eu kʼoeˇ gaˇ kʼaˇ uˇ-eu jeˬ dawˬ tawˆ luꞈ aˬ yawꞈ-ahˇ ja ceuˬ-awˬ.

Iˇsaˬyaˇ 52:9

Yeˬluˇsaˬlehˬ laꞈ kʼoeˇ cawˆ-iˇ taˬ-euˬ jawˇ duˬ dawˬ tawˆ, laˬ kʼaˬ tiˬ cehˇ guˇ kʼaˆ leꞈ-awˬ. Sahˬpaˬ Miˬyehˇ aˬ yawꞈ-euˬ meuˬ-ahˇ ka kʼoꞈ-awˇ, aˬ yawꞈ-euˬ tsawˇ haˬ-ahˇ nui saˇ bi oꞈ tehꞈ-a.

Yeˬlaˬmiˇ 29:11

Ngaˬ neh naw maꞈ gʼaˇ duˬ gaˇ kawˆ kawˆ taˬ-euˬ jeˬ-ahˇ, ngaˇ tehꞈ-ehˇ siˬ nya-eu ma. Naw maꞈ-ahˇ maˬ bi shaˬ maˬ bi zahˬ ni, bi dehꞈ dzaˬ laˇ-eu gʼaˇ duˬ maˬ ehˇ, naw maꞈ noeˬ tmˬ kʼaˇ za-eu aˇ nah aˇ yamˬ bi keuˆ le-eu gʼaˇ duˬ maˬ ehˇ, ngaˬ neh gaˇ kawˆ kawˆ taˬ-euˬ ngaˇ tiˬ gʼaˬ tehꞈ-ehˇ siˬ nya -eu ma.

Yeˬsaˬgeˬlaˇ 17:24

Ngaˇ Sahˬpaˬ Miˬyehˇ ngeuˇ meh lehˇ, miˇ kʼahˇ laꞈ kʼoeˇ dehꞈ-eu aˇ bawˇ, dawˬ tawˆ luꞈ siˬ duˬ jiˇ tehꞈ-a. Bawˇ goˇ deuˬ-ahˇ ngaˇ tuˇ cuˬ-awˇ, bawˇ awˆ deuˬ-ahˇ bi goˇ laˇ ma. Bawˇ nyoeˇ deuˬ-ahˇ bi nyoeˬ-iˇ-awˇ, baw guˇ deuˬ-ahˇ bi nyoeˇ laˇ ma. Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Ngaˬ neh kʼaˇ ehˇ taˬ-euˬ jeˬ ngaˇ mˇ ma.