Iˇsaˬyaˇ 54:5 - Akha

⁵ Nawˬ-ahˇ beh-euˬ gʼaˬ nawˬ-euˬ kʼaˬ dzeˇ zaˬ-ahˇ duˇ tehꞈ-a. Aˬ yawꞈ tsawˇ myahˇ Baoˬ huiˬ-eu Sahˬpaˬ Miˬyehˇ meh. Iˇsaˬleˬlaˆ-euˬ muiˬ-eu shawˇ-eu Miˬyehˇ nawˬ-ahˇ ka kʼoꞈ nehˬ laꞈ tehꞈ-a. Miˇ tsaˬ dawˬ tawˆ luꞈ-ahˇ aˬ yawꞈ uˆ lahˇ-eu meh.

Iˇsaˬyaˇ 54:5 Referans Kwoze

Iˇsaˬyaˇ 48:17

Naw maꞈ-ahˇ ka kʼoꞈ-eu Sahˬpaˬ Miˬyehˇ pyeuꞈ-eu, Iˇsaˬleˬlaˆ-euˬ muiˬ-eu shawˇ-eu Miˬyehˇ ehˇ-eu, “Ngaˇ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Naw maꞈ gʼaˇ duˬ muiˬ ni mehˬ-awˇ tsoˆ-awˇ, naw maꞈ iˇ paˬ-ehˇ gʼeh-eu gaˇ ma mehˬ nehˬ-eu gʼaˬ ma.

Yeˬsaˬgeˬlaˇ 16:8

“Ngaˇ yawˬ poˆ yawˬ paˇ oe tsehˆ ngeh, nawˇ cawˬ shaˇ baw yamˬ tsaˬ laˇ taˬ-euˬ meh. Neˇ myawˆ ni gʼeh-eu nawˬ-euˬ gʼawˇ mawˇ-ahˇ, ngaˬ-euˬ pehˇ kʼahˬ neh tsahˇ lahˇ nehˬ-awˇ, nawˬ-ahˇ sheuˬ ma lehˇ saˇ jaˇ biꞈ yaꞈ-euˬ ma. Ngeuˇ ma. Nawˬ-ahˇ sheuˬ-eu gʼaˇ duˬ ngaˇ saˇ jaˇ dzaˬ gʼaˬ-awˇ, nawˇ ngaˬ-euˬ zaˬ kʼaˬ pyeuꞈ laˇ gʼaˬ-euˬ ma” lehˇ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yoˇhaˬ 3:29

Smˇ miˇ iˇ-eu zaˬ miˬ-aˬ, miˬ zaˬ laˬ-eu zaˬ yo-ahˇ oꞈ-eu meh. Miˬ zaˬ sheuˬ-eu gʼaˬ-euˬ dawˬ peh yawꞈ caw nehˬ-awˇ naˇ haˬ luꞈ-eu aˬ yawꞈ-euˬ cawˬ kʼoeˇ gʼaˬ-aˬ, miˬ zaˬ sheuˬ-eu gʼaˬ-euˬ dawˬ-ahˇ ya gaˬ ngeh, laˬ kʼaˬ cehˇ-eu meh. Kʼoeˇ gaˇ duˇ ni, nymˬ-mˇ ngaˇ laˬ kʼaˬ cehˇ-eu jeˬ byah miˇ-a.

Eˇpeˇsu 5:32

Jaˇliꞈ aˇ deuˆ heu deuˆ laꞈ kʼoeˇ, naꞈ dui dui-eu zaꞈ taˬ-euˬ jeˬ pah mehˬ luꞈ-eu meh. Kʼoeˇ-aˬ, Ka li hawˇ-eu Ka li zaˬ aˇ muˇ-ahˇ ehˇ mawꞈ-eu meh lehˇ ngaˇ gʼoˆ shaw-eu ma.

Zaˬkaˬliˇ 14:9

Kʼoeˇ naˇ, miˇ tsaˬ dawˬ tawˆ luꞈ kʼoeˇ taˆ Sahˬpaˬ Miˬyehˇ sahˬ paˬ geuꞈ-awˇ uˆ lahˇ tehꞈ-a. Kʼoeˇ ngeh jawˇ, tsawˇ haˬ yawˬ gʼaˬ na luꞈ Miˬyehˇ-ahˇ tehꞈ-ehˇ uˬ duˬ tahˬ-awˇ, Miˬyehˇ-euˬ tsawˇ myahˇ tiˬ myahˇ tehꞈ-ehˇ jaˆ tehꞈ-a.

Luˇkaꞈ 1:32

Aˬ yawꞈ huiˬ dui mahˇ dui dui-awˇ, huiˬ-eu mahˇ-eu Miˬyehˇ-euˬ Zaˬmaˇ lehˇ aˬ cawˬ kuˇ tehꞈ-a. SahˬpaˬMiˬyehˇ pyeuꞈ-eu Miˬyehˇ, aˬ yawꞈ-euˬ aˬ poeˬ Daˬbiˇ-euˬ dzoeˬ dzaˬ nuiˇ mahˬ aˬ yawꞈ-ahˇ biꞈ tehꞈ-a.

Yeˬlaˬmiˇ 51:19

Yaˬkoˆ-euˬ Miˬyehˇ kʼoeˇ loꞈ-ehˇ maˬ ngeuˇ-a. Yawˬ jeˬ na luꞈ aˬ yawꞈ beh-awˇ, Iˇsaˬleˬlaˆ aˬ yawꞈ-euˬ tsawˇ jeuˬ pyeuꞈ laˇ ni, aˬ yawꞈ tseˇ doˆ-euˬ meh. Aˬ yawꞈ-euˬ tsawˇ myahˇ Sahˬpaˬ Miˬyehˇ meh.

Yeˬlaˬmiˇ 3:14

“Saˇ jaˇ maˬ ziꞈ-eu tsawˇ haˬ deuˬ-oˇ, gʼoꞈ laˇ-awˬ. Naw maꞈ ngaˬ-euˬ tsawˇ haˬ pyeuꞈ-eu ma. Meuˬ tiˬ meuˬ laꞈ kʼoeˇ naw maꞈ tsawˇ haˬ tiˬ gʼaˬ hawˇ-eu, aˇ jeuˬ tiˬ jeuˬ laꞈ kʼoeˇ nyiˬ gʼaˬ kuˇ doˆ-awˇ, Ziˇoˬ gawˬ jawˬ kʼoeˇ taˆ sheuˬ kʼoꞈ laꞈ ma.

Iˇsaˬyaˇ 6:3

Aˬ yawꞈ maꞈ tiˬ gʼaˬ tiˇ gʼaˬ heu loꞈ-ehˇ guˇ cawˬ-eu meh. “Baoˬ huiˬ-eu Sahˬpaˬ Miˬyehˇ-aˬ, muiˬ-eu shawˇ-eu meh. Muiˬ-eu shawˇ-eu meh. Muiˬ-eu shawˇ-eu meh. Muiˬ-eu shawˇ-eu meh. Aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ byah luꞈ meh.”

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”

Yeˬlaˬmiˇ 10:16

Yaˬkoˆ-euˬ Miˬyehˇ aˬ yawꞈ maꞈ-ahˇ maˬ duˇ-a. Yawˬ jeˬ na luꞈ-ahˇ beh-euˬ gʼaˬ aˬ yawꞈ pyeuꞈ-awˇ, aˬ yawꞈ-euˬ tsawˇ jeuˬ bi pyeuꞈ-eu gʼaˇ duˬ, Iˇsaˬleˬlaˆ-ahˇ aˬ yawꞈ neh tseˇ doˆ-euˬ meh. Aˬ yawꞈ tsawˇ myahˇ Baoˬ huiˬ-eu Sahˬpaˬ Miˬyehˇ meh.

Iˇsaˬyaˇ 43:14

Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, naw maꞈ-ahˇ ka kʼoꞈ-euˬ Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-ahˇ ka kʼoꞈ-eu gʼaˇ duˬ, Baˬbuˇloˬ miˇ kʼahˬ-ahˇ guiˇ deuˆ le-eu, guiˇ maꞈ tiˬ maꞈ ngaˇ pyehˬ leꞈ ma. Meuˬ lahˇ laˇ gʼoˆ deuˬ-ahˇ ngaˇ ngawˬ pyaˆ-awˇ, Baˬbuˇloˬ tsawˇ haˬ deuˬ guˇ-eu teˇ saˇ, tsawˇ ngoeˇ ngoeˇ-eu teˇ saˇ pyeuꞈ-iˇ tehꞈ-a.

Iˇsaˬyaˇ 51:15

“Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Iˬ ma laˆ shaˆ-ahˇ ngawˬ nyeh-awˇ iˇ luˆ bi dzeh-euˬ gʼaˬ ngaˇ ma. Ngaˬ-euˬ tsawˇ myahˇ Baoˬ huiˬ-eu Sahˬpaˬ Miˬyehˇ ma.

Iˇsaˬyaˇ 48:2

Ehˇ kʼawꞈ, nawˇ kʼahˬ sehˇ jehˆ-eu laꞈ kʼoeˇ, muiˬ-eu shawˇ-eu meuˬ-ahˇ jawˇ-eu tsawˇ haˬ pyeuꞈ-awˇ, Baoˬ huiˬ-eu Sahˬpaˬ Miˬyehˇ lehˇ myahˇ taˬ-euˬ, Iˇsaˬleˬlaˆ Miˬyehˇ-ahˇ gʼoe luꞈ ma lehˇ ehˇ-eu meh.

Iˇsaˬyaˇ 11:9

Iˬ ma laˆ shaˆ iˇ cuꞈ byah-eu loꞈ-ehˇ, Sahˬpaˬ Miˬyehˇ-ahˇ siˬ nya-eu jeˬ, miˇ tsaˬ kʼoeˇ taˆ byah-eu miˇ neh, Miˬyehˇ-euˬ muiˬ-eu shawˇ-eu Ziˇoˬ gawˬ jawˬ-ahˇ, lehˬ laˇ ca laˇ duˬ maˬ jaˆ-a.

Iˇsaˬyaˇ 45:11

Aˬ kaˇ pyeuꞈ laˇ-eu gaˇ kawˆ dawˬ tawˆ tuˆ tehˬ taˬ-euˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ luꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ zaˬ deuˬ-ahˇ taꞈ leˇ-awˇ, nawˇ ngaˬ-ahˇ teh ngehˬ-eu laꞈ kʼoeˇ, ngaˬ-euˬ gaˇ-ahˇ nawˇ mehˬ laˇ tsoˆ laˇ-eu maˬ loˬ.

Iˇsaˬyaˇ 54:8

Nui ma pehˇ dui dui-eu miˇ neh, ngaˬ-euˬ myaˆ pyawˬ tiˬ kʼehˇ laˇ kʼehˬ ciˬ zaꞈ-euˬ ma. Ngaˬ-euˬ nui gaˬ mˬ maˬ maˬ byaˆ zaˇ ziˇ, nawˬ-ahˇ bi mawˇ ma” lehˇ, nawˬ-ahˇ ka kʼoꞈ-euˬ Sahˬpaˬ Miˬyehˇ ehˇ-eu meh.

Iˇsaˬyaˇ 65:16

Miˇ kʼahˬ heu kʼahˬ laꞈ kʼoeˇ guiˬ lahˬ yaw dzahˇ kʼaˇ shaˇ-eu deuˬ, saˇ jaˇ ziꞈ-eu Miˬyehˇ-euˬ guiˬ lahˬ yaw dzahˇ shaˇ tehꞈ-a. Saˇ jaˇ kʼaˇ dzaˬ-eu tsawˇ haˬ deuˬ, saˇ jaˇ ziꞈ-eu Miˬyehˇ-euˬ tsawˇ myahˇ uˬ moˆ dzaˬ tehꞈ-a. Dzeuˇ laˇ ngeh kʼaˇ ya tahˬ puˬ-euˬ shaˬ zahˬ dawˬ tawˆ, dzeuˇ-iˇ jiˇ-awˇ ya ngehˇ byoˆ jiˇ tehꞈ-a.”

Hawˇseˬ 2:16

Aˬ yawꞈ-euˬ kʼaˬ dzeˇ zaˬ ma lehˇ, aˬ yawꞈ ngaˬ-ahˇ paˇ kuˇ poˆ-awˇ, ‘Baˬlaˇ’ lehˇ maˬ paˇ kuˇ-aˇ lehˇ, Sahˬpaˬ Miˬyehˇ ehˇ taˬ-euˬ meh.

Maˬlaˬkiˇ 1:11

Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ ngaˬ-ahˇ yaw zeu baw luꞈ meh. Yawˬ gaˇ na luꞈ aˬ yawꞈ maꞈ ngaˬ-ahˇ tsiˇ yaw saw jeˬ doꞈ damˬ-awˇ, ngaˇ nui ma tsaˬ-eu lawˇ-eu shehˇ-eu jeˬ mˇ luꞈ meh. Aˬ yawꞈ maꞈ dawˬ tawˆ luꞈ ngaˬ-ahˇ yaw zeu baw meh.

Yawˇshuˆ 3:11

naw maꞈ-euˬ mehˬ shi Yawˇdaˬ lawˇ baˬ tsehˆ doˆ ngeh, dehꞈ luꞈ-eu Miˬyehˇ naw maꞈ nehˬ-ehˇ jawˇ-eu gaˇ kawˆ naw maꞈ ya siˬ tehꞈ-a.

Yawˇshuˆ 3:13

Miˇ tsaˬ dawˬ tawˆ luꞈ-ahˇ uˆ lahˇ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ luꞈ-eu piˇ ma deuˬ iˇ cuꞈ-ahˇ aˬ kuiˇ cawˬ puꞈ ngeh, Yawˇdaˬ lawˇ baˬ iˇ cuꞈ yoeˇ-eu naˬ leˇ-awˇ, yoeˇ ka luꞈ-eu iˇ cuꞈ deuˬ tiˬ gaˇ tehꞈ-ehˇ dahˬ goˇ leꞈ tehꞈ-a.”

Yawˇbaˆ 19:25

Ehˇ kʼawꞈ, aˇ saˬ saˬ ngeh ngaˬ-ahˇ ka kʼoꞈ le-eu gʼaˬ, mˬ kʼoeˇ taˆ jawˇ meh lehˇ ngaˇ siˬ nya ma.

Iˇsaˬyaˇ 43:1

Iˇsaˬleˬlaˆ-oˇ, nawˬ-ahˇ beh-euˬ Miˬyehˇ heu loꞈ-ehˇ ehˇ-eu meh. “Taˬ guˆ. Nawˬ-ahˇ ngaˇ ka kʼoꞈ ma. Nawˬ-ahˇ ngaˇ tsawˇ myahˇ kuˇ-awˇ tseˇ-euˬ ma. Nawˇ ngaˬ-euˬ tsawˇ haˬ ma.

Hawˇseˬ 2:18

Aˇ yamˬ kʼoeˇ yamˬ keuˆ laˇ ngeh jawˇ, ngaˬ-euˬ tsawˇ haˬ heu deuˬ kʼoeˇ taˆ, maˬ coeˬ maˬ ciˆ nehˬ-eu gʼaˇ duˬ, bawˇ tsahˬ jeˬ zaˬ dawˬ tawˆ hawˇ-eu, kʼoeˇ taˆ zaw-eu aˇ jiˇ maˬ ehˇ, miˇ tsa joe-eu deuˬ-ahˇ maˬ ehˇ, ngaˇ saˇ jaˇ dzaˬ taꞈ-eu lehˇ ma. Miˇ kʼahˬ heu kʼahˬ laꞈ kʼoeˇ jaˆ-eu, guiˇ deuˆ-eu keu ka dawˬ tawˆ luꞈ, mi cehˇ hawˇ-eu kaˆ dawˬ tawˆ luꞈ, ngaˇ laˆ piˬ laˆ byoˆ nehˬ jiˇ-awˇ, ngaˬ-euˬ tsawˇ haˬ heu deuˬ dawˬ tawˆ, nui saˇ oꞈ-awˇ ya dehꞈ tehꞈ-a.