Iˇsaˬyaˇ 52:3 - Akha

³ Aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-ahˇ zaˬ kʼaˆ bi geuꞈ ngeh, aˇ poeˬ biꞈ-awˇ zeuˇ-euˬ maˬ ngeuˇ-a. Kʼoeˇ loꞈ-ehˇ duˇ ni, naw maꞈ-ahˇ pyehˬ nehˬ-euˬ gʼaˇ duˬ kʼawꞈ, aˇ poeˬ maˬ biꞈ ni bi pyehˬ ma.

Iˇsaˬyaˇ 52:3 Referans Kwoze

Iˇsaˬyaˇ 45:13

Yaw tsaˬ yaw dawˇ jeˬ bi mˇ-eu gʼaˇ duˬ, Guˇluˆ-ahˇ ngaˇ gʼeu tuˇ-euˬ ma. Aˬ yawꞈ iˇ-eu gaˇ ma ngaˇ shaˇ dawˇ ma. Ngaˬ-euˬ Yeˬluˇsaˬlehˬ meuˬ aˬ yawˬ gawˬ muiˬ-awˇ, aˬ cawˬ miˇ kʼahˬ-ahˇ nyehꞈ gʼeh-euˬ ngaˬ-euˬ tsawˇ haˬ deuˬ-ahˇ, aˬ yawꞈ pyehˬ kʼoꞈ doˆ laꞈ tehꞈ-a. Ehˇ kʼawꞈ, laꞈ nmꞈ nmꞈ-awˇ aˇ poeˬ biꞈ-euˬ miˇ neh, aˬ yawꞈ kʼoeˇ loꞈ-ehˇ mˇ-eu maˬ ngeuˇ-a” lehˇ, Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ ehˇ-eu meh.

1 Beˬtuˆluˆ 1:18

Aˬ jeˬ miˇ neh ehˇ naˇ, naw maꞈ-euˬ aˬ poeˬ aˬ bawˇ deuˬ-euˬ ziˇ-ahˇ neh dehꞈ ka leꞈ-euˬ poeˬ sawˇ lawˬ maˬ baw-eu yaw dehꞈ dehꞈ-eu jeˬ laꞈ kʼoeˇ naw maꞈ-ahˇ bi buˬ bi law-iˇ-eu gʼaˇ duˬ, aˬ geu jeˬ aˇ poeˬ biꞈ-awˇ zeuˇ kʼoꞈ taˬ-euˬ naw maꞈ siˬ nya meh. Pyuˇ hawˇ-eu shuiˇ loꞈ-ehˇ gʼeh-eu piˬ-iˇ byoˆ-iˇ nya-eu jeˬ biꞈ-awˇ zeuˇ kʼoꞈ taˬ-euˬ maˬ ngeuˇ-a.

Jaceuq 44:12

Maˬpoeˬmaˬlawˬ-eu mˇmyawˬdeuˬ, yaˇkʼeu ni ahˬdzeh-eu loꞈ-ehˇ, nawˬ-euˬtsawˇhaˬnawˇahˬ-euˬmeh.

Yeˬlaˬmiˇ 15:13

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Miˇ kʼahˬ heu kʼahˬ doe ni ngaˬ-euˬ tsawˇ haˬ deuˬ iˬ baˇ mˇ byah taˬ-euˬ miˇ neh, aˬ yawꞈ maꞈ-ahˇ ngaˇ kʼehˬ nehˬ-eu laꞈ kʼoeˇ, muiˇ-eu deuˬ-ahˇ ngaˇ pyehˬ gʼeh leꞈ-awˇ, aˬ yawꞈ maꞈ-euˬ pyuˇ shuiˆ myawˬ gahˬ deuˬ bi pi geuꞈ jiˇ ma.

Iˇsaˬyaˇ 50:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ bi gʼoꞈ-iˇ-eu loꞈ-ehˇ, ngaˬ-euˬ tsawˇ haˬ-ahˇ ngaˇ teh dzeh-euˬ nga lehˇ noeˬ te loˇ. Toˆ-ehˇ ngeuˇ naˇ miˬ zaˬ kʼoꞈ-euˬ seuˬ gʼaˬ aˬ gaˇ jaˆ ta. Yawˬ ha-euˬ zaˬ aˬ cawˬ zaˬ kʼaˆ bi geuꞈ-eu lehˇ, ahˬ dzaˬ byoˆ-eu tsawˇ haˬ loꞈ-ehˇ, naw maꞈ-ahˇ ngaˇ ahˬ dzaˬ-euˬ nga lehˇ noeˬ te loˇ. Naw maꞈ iˬ baˇ ahˇ-eu miˇ neh, aˬ cawˬ miˇ kʼahˬ-ahˇ bi nyehꞈ gʼeh-euˬ meh. Naw maꞈ yaw lehˬ toˆ-eu miˇ neh bi sheuˬ byoˆ gʼeh-euˬ meh.

Iˇsaˬyaˇ 1:27

Ziˇoˬ meuˬ-ahˇ yaw sui yaw dawˇ jeˬ neh bi ka kʼoꞈ-awˇ, kʼoeˇ gaˇ jawˇ-eu noeˬ paˇ-euˬ tsawˇ haˬ deuˬ-ahˇ, yaw tsaˬ yaw dawˇ jeˬ neh bi ka kʼoꞈ tehꞈ-a.

Iˇsaˬyaˇ 62:12

“Miˬyehˇ-euˬ muiˬ-eu shawˇ-eu tsawˇ jeuˬ” lehˇ, “Sahˬpaˬ Miˬyehˇ neh ka kʼoꞈ nehˬ-euˬ tsawˇ jeuˬ” lehˇ, aˬ cawˬ naw maꞈ-ahˇ kuˇ tehꞈ-a. “Miˬyehˇ gaˬ-eu meuˬ” lehˇ, “Miˬyehˇ maˬ byehˇ dzeh-eu meuˬ” lehˇ, Yeˬluˇsaˬlehˬ meuˬ-ahˇ ya kuˇ tehꞈ-a.

Iˇsaˬyaˇ 63:4

Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu, aˇ yamˬ keuˆ laˇ-euˬ ngaˇ noeˬ tsehˆ-eu ma. Aˬ yawꞈ maꞈ-ahˇ muiˇ-eu deuˬ-ahˇ kʼehˬ-eu aˇ yamˬ tsaˬ laˇ-euˬ meh.

Yeˬsaˬgeˬlaˇ 16:31

Gaˇ ma yawˬ kahˇ na luꞈ tahˬ pahˬ aˬ ma mawˇ kawˇ-ahˇ uˬ duˬ tahˬ-eu jawˇ duˬ nawˇ tsoˆ doe-awˇ, meh maˬ laˇ geuꞈ doe jiˇ-euˬ meh. Ehˇ kʼawꞈ, meh maˬ laˇ nui deuˬ loꞈ-ehˇ, pyuˇ za laˇ ni nawˇ meh maˬ laˇ geuꞈ-euˬ maˬ ngeuˇ-a.

Yeˬsaˬgeˬlaˇ 34:27

Aˇ bawˇ deuˬ aˇ siˬ siˬ le-awˇ, deh yaˇ-ahˇ dzaˬ la gʼo cehˇ loˆ le-eu uˬ taꞈ, yawˬ gʼaˬ na luꞈ yawˬ ha-euˬ miˇ tsaˬ-ahˇ guˆ kʼaˇ maˬ za ni ya jawˇ tehꞈ-a. Ngaˬ-euˬ tsawˇ haˬ deuˬ daˬ luꞈ-eu shmˇ caˆ ngaˇ gʼeu tsehˆ-awˇ, aˬ yawꞈ maꞈ-ahˇ zaˬ kʼaˆ bi geuꞈ-euˬ deuˬ-euˬ laꞈ-ahˇ bi buˬ-iˇ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ yawꞈ maꞈ siˬ duˬ tehꞈ-a.

Uˬ duˬ 25:54

Kʼoeˇ loꞈ-ehˇ jahˇ-awˇ, aˬ yawꞈ-ahˇ maˬ zeuˇ kʼoꞈ naˇ, Juˬbiˬliˬ Aˇ kʼoꞈ keuˆ le ngeh hawˇ-eu, aˬ yawꞈ hawˇ-eu aˬ yawꞈ-euˬ zaˬ deuˬ-ahˇ ya pyehˬ nehˬ meh.

Jaceuq 44:13

Aˬcawˬneh bi naˬgʼa-eu lehˇ, nawˇnga maꞈ-ahˇmˇlaꞈ-euˬmeh. dawˬpeh jawˇ-eu deuˬuiˇuiˇ-ehˇ, nga maꞈ-ahˇehˇniˇgʼa-eu meh.