Iˇsaˬyaˇ 52:12 - Akha

¹² Nymˬ-mˇ poˆ jawˇ naw maꞈ uˬ kʼawˇ teuˆ buˬ-eu maˬ loˬ-a. Guˆ guˆ ci ci-ehˇ cehˆ-eu maˬ loˬ-a. Naw maꞈ-eu Miˬyehˇ pyeuꞈ-eu Sahˬpaˬ Miˬyehˇ-aˬ, yawˬ pyawˬ na luꞈ naw maꞈ-ahˇ haw piˇ luꞈ-eu meh.

Iˇsaˬyaˇ 52:12 Referans Kwoze

Iˇsaˬyaˇ 58:8

“Kʼoeˇ loꞈ-ehˇ mˇ naˇ, uˬ shawˬ bya-eu nahˇ ma yaw shehꞈ loꞈ-ehˇ, ngaˇ nui ma tsaˬ-eu jeˬ nawˬ-euˬ kʼoeˇ taˆ bya-awˇ, naw maꞈ-euˬ naˇ gawˇ yaw kawˇ-ehˇ taˬ leˇ tehꞈ-a. Naw maꞈ-ahˇ ka kʼoꞈ-eu gʼaˇ duˬ, naw maꞈ dawˬ peh ngaˇ aˬ myah luꞈ jawˇ-eu miˇ neh, guˆ-eu gaˆ-eu jeˬ-ahˇ yawˬ paw na luꞈ dzeuˇ-iˇ tehꞈ-a.

Dawˬmehˬ 20:4

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ nehˬ-ehˇ iˇ-awˇ, naw maꞈ gʼaˬ leˇ tehꞈ-a’ lehˇ ya ehˇ meh.

Iˇsaˬyaˇ 45:2

“Nawˬ-euˬ gʼaˇ duˬ ngaˇ gaˇ ma shaˇ dahˇ ma. Gawˬ jawˬ gawˬ duˇ deuˬ-ahˇ ngaˇ laˆ di ma. Guiˬ shuiˇ laˇ gʼoˆ deuˬ-ahˇ ngaˇ dehˬ pyaˆ-awˇ, shmˇ laˇ gʼoˆ bahˬ deuˬ ngawˬ kʼehꞈ ma.

Miˇkaˬ 2:13

Aˬ yawꞈ maꞈ-ahˇ Miˬyehˇ gaˇ ma pah nehˬ-awˇ, aˬ cawˬ neh nyehꞈ gʼeh-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ sheuˬ doˆ nehˬ tehꞈ-a. Meuˬ meuˬ lahˇ-ahˇ aˬ yawꞈ maꞈ tahˬ paˆ doˆ-awˇ, ya buˬ ya law-iˇ tehꞈ-a. Aˬ yawꞈ maꞈ-euˬ sahˬ paˬ pyeuꞈ-eu Sahˬpaˬ Miˬyehˇ-euˬ mawˇ do aˬ yawꞈ maꞈ-ahˇ sheuˬ doˆ gʼeh tehꞈ-a.

1 Laˬsaˬbaˬ 14:15

Kʼoeˇ naˇ, boeˬ dzaˇ aˇ bawˇ kʼoeˇ deuˬ-euˬ uˬ du, guiˇ deuˆ gaˇ iˇ luꞈ-eu teˇ saˇ-ahˇ nawˇ ya gaˬ ngeh, iˇ-awˇ guiˇ deuˆ-iˇ-awˬ. Aˬ jeˬ miˇ neh ehˇ naˇ, Piˇliˇtiˆ tsawˇ haˬ deuˬ-ahˇ deuˆ gʼaˬ-eu gʼaˇ duˬ, nawˬ-euˬ mehˬ hu ngaˇ iˇ luꞈ-eu ma.”

Bawˇtsahˬ 10:25

Dawˬ tawˆ luꞈ-euˬ mehˬ nah nah saˬ jawˇ-eu taˆ pyeuꞈ-eu, Aˬmiˇshaˬdehˇ-euˬ aˬ li Aˬheˇzaˬ uˆ lahˇ-eu Daˬ tsawˇ haˬ-euˬ taˆ-euˬ paˇ loˬ paˇ lehˇ uˬ moˆ kʼaˇ jawˇ-eu guiˇ maꞈ deuˬ, tiˬ maꞈ saˇ-iˬ tiˬ maꞈ aˬ cawˬ mehˬ nah nah saˬ doˆ-iˇ-eu meh.

Doˆ-iˇ 12:11

Naw maꞈ gaˇ ma doˆ-iˇ-eu gʼaˇ duˬ lehˬ hmˬ taˬ-euˬ tsawˇ haˬ loꞈ-ehˇ, joꞈ paꞈ paꞈ, sehˬ nawˆ nawˆ-awˇ, gawˬ yoeˬ tuˆ tehˬ taˬ-eu laꞈ kʼoeˇ, dzaˇ kʼoeˇ ya dzaˬ meh. Heu-aˬ, Sahˬpaˬ Miˬyehˇ pyeuꞈ-eu ngaˬ-ahˇ taˬ huiˬ taˬ mahˇ-eu laꞈ kʼoeˇ jahˇ-eu Baˬsaˬkaˬ Bawˬ-iˬ pyeuꞈ-eu meh.

Yaˇ kʼaˬ daˇ 4:14

Kʼoeˇ naˇ, Baˬyehˇ-ahˇ Diˬboˇlaˬ ehˇ nehˬ-eu, “Iˇ-awˬ. Sahˬpaˬ Miˬyehˇ nawˬ-ahˇ sheuˬ gʼeh luꞈ meh. Iˬ nah aˬ yawꞈ nawˬ-ahˇ Siˇseˬlaˇ-ahˇ bi gʼaˬ leˇ laꞈ tehꞈ-a.” Kʼoeˇ ngeh, Baˬyehˇ-aˬ, aˬ yawꞈ-euˬ tsawˇ haˬ tiˬ muiˇ gʼaˬ sheuˬ-awˇ, Taˬbawˬ gawˬ jawˬ-ahˇ neh zaꞈ ka-iˇ-euˬ meh.

Doˆ-iˇ 12:39

Aˬ yawꞈ maꞈ Iˇjiˇtuˆ miˇ kʼahˬ laꞈ kʼoeˇ neh yuˇ leꞈ-euˬ kaˬ muˇ yaw jmˬ kʼoeˇ yuˇ-awˇ, dehˬ tseˬ maˬ ahˇ-eu kaˬ muˇ aˬ yawꞈ maꞈ jahˇ-euˬ meh. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ neh, tehˬ law baw law-ehˇ aˬ yawꞈ maꞈ-ahˇ teh doˆ nehˬ-euˬ miˇ neh, dehˬ tseˬ ahˇ-eu kaˬ muˇ yaw jmˬ lehˬ hmˬ-eu aˇ yamˬ aˬ yawꞈ maꞈ maˬ za-aˬ.

Doˆ-iˇ 12:33

Iˇjiˇtuˆ tsawˇ haˬ deuˬ Iˇsaˬleˬlaˆ tsawˇ haˬ deuˬ-ahˇ, “Naw maꞈ maˬ doˆ-iˇ naˇ, nga maꞈ ya shiˇ jiˇ-eu keuˆ laˇ-euˬ ngaˇ” lehˇ ehˇ nehˬ-awˇ, aˬ yawꞈ maꞈ yaw kawˇ-ehˇ doˆ-iˇ ni ehˇ tehˇ tehˬ luꞈ-eu meh.

Iˇsaˬyaˇ 51:14

Paꞈ kuˆ-ahˇ uˇ-eu deuˬ yaw kawˇ-ehˇ bi pyehˬ doˆ tehꞈ-a. aˬ yawꞈ maꞈ maˬ dzaˬ maˬ dawˇ jiˇ coeˇ ni dehꞈ-awˇ, ziˇ baw ziˇ za tehꞈ-a.

Doˆ-iˇ 14:8

Sahˬ paˬ kʼoeˇ gʼaˬ-ahˇ Sahˬpaˬ Miˬyehˇ nui ma bi gʼahˇ-awˇ, tiˬ jeˬ-ahˇ-iˬ kʼahˬ maˬ lahˇ ni doˆ-iˇ luꞈ-eu Iˇsaˬleˬlaˆ tsawˇ haˬ deuˬ-euˬ mehˬ nah aˬ yawꞈ caw teh-euˬ meh.

Iˇsaˬyaˇ 28:16

Ehˇ kʼawꞈ, Sahˬpaˬ Miˬyehˇ heu loꞈ-ehˇ ehˇ-eu meh. “Ziˇoˬ meuˬ-euˬ dawˬ pehˬ ziꞈ dah ni ngaˇ gawˬ-euˬ ma. ‘Jah-eu ziꞈ-eu jeˬ-aˬ kamˬ coeˇ-eu jeˬ meh’ lehˇ boꞈ taˬ-euˬ, ziꞈ dah ni gʼeh-eu kʼaˬ lo neh, laꞈ coeˇ gawˬ tehˬ-euˬ ma.

Dawˬmehˬ 16:3

Bawˬ-iˬ heu hmˬ dzaˬ ngeh, dehˬ tseˬ dawˆ taˬ-euˬ kaˬ muˇ taˬ dzaˬ. Iˇjiˇtuˆ miˇ kʼahˬ laꞈ kʼoeˇ neh naw maꞈ tehˬ law baw law-ehˇ ya doˆ le ngeh dzaˬ-euˬ loꞈ-ehˇ, shiꞈ nah keuˆ ni dehˬ tseˬ maˬ dawˆ-euˬ kaˬ muˇ nawˇ ya dzaˬ meh. Shaˬ-eu zahˬ-eu jeˬ-ahˇ ya daˬ-euˬ jawˇ duˬ pyeuꞈ-eu Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ le-euˬ aˇ nah kʼoeˇ nah-ahˇ, maˬ shiˇ tiˬ ziˇ naw maꞈ maˬ ya ngehˇ ni, shaˬ-eu zahˬ-euˬ jeˬ-ahˇ ya daˬ-euˬ kaˬ muˇ lehˇ kuˇ-eu kaˬ muˇ kʼoeˇ dzaˬ-awˬ.

Iˇsaˬyaˇ 26:7

Sahˬpaˬ Miˬyehˇ nawˇ tsawˇ muiˬ deuˬ gʼaˇ duˬ, gaˇ ma saˇ lehˆ ni shaˇ dahˇ-awˇ, juiˇ tsui ni laˆ saˆ nehˬ-eu meh.

Iˇsaˬyaˇ 42:16

“Myaˆ behꞈ tahˬ sawˇ pyeuꞈ-eu ngaˬ-euˬ tsawˇ haˬ deuˬ-ahˇ, maˬ iˇ haw-euˬ gaˇ ma tiˬ kahˇ ngaˇ sheuˬ gʼeh ma. Aˬ yawꞈ maꞈ-euˬ yaw zahˇ-ahˇ ngaˇ yaw shehꞈ bi bya laˇ-awˇ, duˬ kʼahˬ duˬ kʼawꞈ myaˬ-eu miˇ kʼahˬ, aˬ yawꞈ maꞈ-euˬ mehˬ shi bi dzm laˇ ma. Heu-aˬ, ngaˬ-euˬ saˇ jaˇ dawˬ deuˬ pyeuꞈ-awˇ, maˬ byehˇ ni ngaˇ mˇ byah nehˬ ma.

Iˇsaˬyaˇ 49:10

Aˬ yawꞈ maꞈ-ahˇ gaˬ-eu gʼaˬ neh sheuˬ gʼeh nehˬ-euˬ miˇ neh, aˬ yawꞈ maꞈ mehꞈ-eu shuꞈ-eu maˬ baw-ehˇ, nahˇ tsaˇ hawˇ-eu kʼaˇ shuiꞈ deh ga yaw lahˇ, aˬ yawꞈ maꞈ-ahˇ maˬ coeˬ leˇ-a. Iˇ cuꞈ lawˇ baˬ yoeˇ-eu dawˬ peh, aˬ yawꞈ maꞈ-ahˇ aˬ yawꞈ sheuˬ gʼeh tehꞈ-a.

Iˇsaˬyaˇ 49:11

“Gawˬ jawˬ nyiˬ tsehˆ-ehˇ gaˇ jawˬ shaˇ dahˇ-awˇ, ngaˬ-euˬ tsawˇ haˬ deuˬ gʼaˇ duˬ gaˇ ma bi dahˇ ma.

Iˇsaˬyaˇ 57:18

“Aˬ yawꞈ maꞈ-euˬ dehꞈ jeˬ dehꞈ kawˆ ngaˇ siˬ jiˇ kʼawꞈ, aˬ yawꞈ maꞈ-euˬ naˇ gawˇ ngaˇ laˆ saˆ ma. Aˬ yawꞈ maꞈ-ahˇ ngaˇ sheuˬ gʼeh ngehˬ gʼeh-awˇ, tsawˇ ngoeˇ ngoeˇ luꞈ-eu deuˬ nui ma bi saˇ laˇ ma.

Yawˇshuˆ 4:11

Aˬ yawꞈ maꞈ dawˬ tawˆ luꞈ nui baˬ tsehˆ doˆ gʼaˬ jiˇ ngeh, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ luꞈ-eu piˇ ma deuˬ aˬ yawꞈ maꞈ-euˬ mehˬ hu le-euˬ meh.