Iˇsaˬyaˇ 52:11 - Akha

¹¹ Uˬ duˬ tahˬ nymˇ nymˇ ma-ahˇ taꞈ-eu keu ka baꞈ-eu tsawˇ haˬ deuˬ, Baˬbuˇloˬ meuˬ-ahˇ neh maˬ oe doˆ ni taˬ byehˇ. Maˬ toeˬ ciˆ kʼmˬ-eu mˇ myawˬ-ahˇ taˬ toeˬ. Yawˬ ha-euˬ gʼawˇ mawˇ shawˇ-awˇ doˆ-iˇ-awˬ.

Iˇsaˬyaˇ 52:11 Referans Kwoze

2 Gawˇliˬtu 6:17

“Aˬ yawꞈ maꞈ-ahˇ naw maꞈ gʼawˬ-awˇ, byehˇ dzeh yaꞈ-awˇ doˆ laˇ-awˬ” lehˇ, Sahˬpaˬ Miˬyehˇ ehˇ taˬ-euˬ meh. “Maˬ shawˇ-eu jeˬ-ahˇ taˬ toeˬ ciˆ. Naw maꞈ-ahˇ ngaˇ ha geuꞈ nehˬ ma.

Iˇsaˬyaˇ 48:20

Baˬbuˇloˬ meuˬ laꞈ kʼoeˇ neh doˆ-iˇ-awˇ, iˇ buˬ iˇ law gʼeh-awˬ. Gaˇ kawˆ kʼoeˇ laˬ kʼaˬ cehˇ taˆ ni guˇ-awˇ, yawˬ gaˇ na luꞈ bi gaˬ doe-awˬ. “Aˬ yawꞈ-euˬ zaˬ kʼaˆ Iˇsaˬleˬlaˆ-ahˇ, Sahˬpaˬ Miˬyehˇ ka kʼoꞈ-euˬ meh” lehˇ guˇ gaˬ-awˬ.

Eˇpeˇsu 5:11

A cawˬ mˇ luꞈ-eu yaw zahˇ-ahˇ taꞈ leˇ-eu gaˇ dahˇ maˬ tsoeˬ-eu jeˬ-ahˇ tiˬ pawꞈ-iˬ maˬ mˇ ni, yaw shehꞈ laꞈ kʼoeˇ yuˇ doˆ laꞈ-awˬ.

Iˇsaˬyaˇ 1:16

Yawˬ haˇ yawˬ ha tsiˬ shawˇ-awˬ. Yawˬ haˇ yawˬ ha mˇ shawˇ-awˬ. Ngaˬ-euˬ mehˬ shi naw maꞈ kʼaˇ mˇ-euˬ yaw haiˬ jeˬ, dawˬ tawˆ luꞈ byehˇ dzeh-awˬ. Yaw haiˬ jeˬ maˬ mˇ ni dehꞈ paˇ-awˬ.

Uˬ duˬ 10:3

Kʼoeˇ naˇ, Aˬloˬ-ahˇ Moˇseˬ ehˇ nehˬ-eu, “Sahˬpaˬ Miˬyehˇ neh ehˇ taˬ-euˬ gaˇ kawˆ-aˬ, heu loꞈ-ehˇ meh. Ngaˬ-euˬ gaˇ mˇ-eu tsawˇ haˬ dawˬ tawˆ luꞈ, ngaˬ-euˬ muiˬ-eu shawˇ-eu jeˬ-ahˇ yaw zeu ya baw meh. Ngaˬ-euˬ yaw shehꞈ kʼahˬ sehˇ ngaˬ-euˬ tsawˇ haˬ-ahˇ ngaˇ pah mehˬ nehˬ ma lehˇ ehˇ taˬ-euˬ meh.” Ehˇ kʼawꞈ, Aˬloˬ tiˬ jeˬ-iˬ maˬ ehˇ ni, ciˬ cuˇ ni jawˇ-euˬ meh.

Panmaeq 18:4

Kʼoeˇ naˇ, mˬ kʼoeˇ taˆ heu loꞈ-ehˇ paˇ ehˇ-eu dawˬ-ahˇ ngaˇ ya gaˬ-euˬma. “Ngaˬ-euˬ tsawˇ haˬ deuˬ doˆ laˇ-awˬ. Aˬ yawꞈ jawˇ gaˇ neh doˆ laˇ-awˬ. Aˬ yawꞈ iˬ baˇ mˇ gaˇ taˬ ahˇ. Aˬ yawꞈ-euˬ shaˬ zahˬ taˬ caw pi.

1 Beˬtuˆluˆ 2:11

Gaˬ-eu aˬ yuiꞈ aˬ nyiˇ Ka li zaˬ deuˬ-oˇ, yawˬ kʼahˬ yawˬ miˇ yawˬ-ahˇ cehˆ byaˆ taˬ-euˬ naw maꞈ-ahˇ ngaˇ heu loꞈ-ehˇ shaˇ-eu ma. Shiˬ shaˬ jiˇ-euˬ nui kʼahˇ naw maꞈ-ahˇ taˬ bi gʼaˬ leˇ. Shiˬ shaˬ jiˇ-euˬ nui kʼahˇ kʼoeˇ-aˬ, aˬ myah luꞈ saꞈ laˇ-ahˇ deuˆ ceh ceh luꞈ-eu jeˬ pyeuꞈ-eu meh.

Lormav 14:14

Ngaˇ Sahˬpaˬ Yeˬsuˇ nehˬ-ehˇ taꞈ-eu laꞈ kʼoeˇ dzaˬ-eu dawˇ-eu jeˬ-aˬ, maˬ muiˬ maˬ shawˇ-eu tiˬ jeˬ-iˬ maˬ jaˆ-aˇ lehˇ jah duˬ taˬ-euˬ ma. Ehˇ kʼawꞈ, tsawˇ haˬ tiˬ gʼaˬ na, dzaˬ dzaˬ dawˇ dawˇ tiˬ jeˬ na maˬ shawˇ-a lehˇ jah-eu ngeuˇ naˇ, dzaˬ dzaˬ dawˇ dawˇ kʼoeˇ aˬ yawꞈ gʼaˇ duˬ maˬ shawˇ-eu jeˬ pyeuꞈ laˇ-euˬ meh.

Gʼaˬkʼehˇ 10:28

Tsawˇ haˬ kʼoeˇ deuˬ-ahˇ Beˬtuˆluˆ ehˇ nehˬ-eu, “Yuˇdaˆ tsawˇ haˬ tiˬ gʼaˬ, aˬ cawˬ tsawˇ jeuˬ-ahˇ cawˬ cawˬ-eu maˬ ehˇ, dawˬ deh gʼa taꞈ-eu maˬ ehˇ, maˬ mˇ kʼmˬ-eu gaˇ kawˆ naw maꞈ yaw muiˬ paˬ-ehˇ siˬ duˬ-eu meh. Ehˇ kʼawꞈ, tsawˇ haˬ tiˬ gʼaˬ-ahˇ-iˬ maˬ muiˬ maˬ shawˇ-eu tsawˇ haˬ lehˇ maˬ ya sawˇ-eu gʼaˇ duˬ, Miˬyehˇ ngaˬ-ahˇ mehˬ nehˬ laꞈ gʼaˬ-euˬ meh.

Gʼaˬkʼehˇ 10:14

Ehˇ kʼawꞈ, Beˬtuˆluˆ ehˇ kʼoꞈ nehˬ-eu, “Sahˬpaˬ-oˇ, aˬ jeˬ keuˆ le kʼawꞈ ngaˇ maˬ dzaˬ. Zahˇ sahˇ kʼoꞈ-ahˇ taꞈ leˇ-awˇ maˬ shawˇ-a lehˇ ehˇ taˬ-euˬ yaw jawꞈ jeˬ-ahˇ tiˬ jawˇ-iˬ ngaˇ maˬ dzaˬ haw-aˬ.”

Yeˬsaˬgeˬlaˇ 44:23

“Piˇ ma deuˬ-aˬ, miˇ kʼahˬ zaˬ deuˬ-ahˇ muiˬ-eu shawˇ-eu jeˬ hawˇ-eu maˬ muiˬ maˬ shawˇ-eu jeˬ tseˇ paˆ nya ni maˬ ehˇ, zahˇ sahˇ kʼoꞈ-ahˇ tsaˬ ni shawˇ-eu jeˬ hawˇ-eu maˬ shawˇ-eu jeˬ tseˇ paˆ geuꞈ nya ni maˬ ehˇ, ya mehˬ ya tsoˆ nehˬ-eu meh.

Yeˬlaˬmiˇ 51:45

Iˇsaˬleˬlaˆ tsawˇ haˬ deuˬ-oˇ, kʼoeˇ gaˇ maˬ jawˇ ni cehˆ-awˬ. Sahˬpaˬ Miˬyehˇ nui ma pehˇ-eu jeˬ-ahˇ dzeuˇ-iˇ nya ni cehˆ-awˬ.

Yeˬlaˬmiˇ 51:6

Baˬbuˇloˬ miˇ kʼahˬ-ahˇ neh cehˆ doˆ-awˬ. Uˬ kʼawˇ buˬ ni cehˆ-awˬ. Baˬbuˇloˬ miˇ kʼahˬ-euˬ iˬ baˇ baˬ da neh shiˇ gaˇ taˬ bi keuˆ. Miˇ kʼahˬ kʼoeˇ kʼahˬ-ahˇ oꞈ-eu geuˇ-eu loꞈ-ehˇ, nymˬ-mˇ ngaˇ kʼehˬ nehˬ luꞈ-eu ma.

Yeˬlaˬmiˇ 50:8

“Iˇsaˬleˬlaˆ tsawˇ haˬ deuˬ-oˇ, Baˬbuˇloˬ miˇ kʼahˬ-ahˇ neh cehˆ dzeuˇ-awˬ. Miˇ kʼahˬ kʼoeˇ kʼahˬ-ahˇ neh aˬ cawˬ mehˬ hu cehˆ doˆ-awˬ.

Uˬ duˬ 11:47

Zahˇ sahˇ kʼoꞈ-ahˇ taꞈ leˇ-awˇ, shawˇ-eu jeˬ hawˇ-eu maˬ shawˇ-eu jeˬ maˬ ehˇ, dzaˬ kʼmˬ-eu jeˬ zaˬ hawˇ-eu maˬ dzaˬ kʼmˬ-eu jeˬ zaˬ maˬ ehˇ, naw maꞈ yahˇ-eu laꞈ kʼoeˇ ya tseˇ paˆ geuꞈ meh.

1 Beˬtuˆluˆ 2:5

Naw maꞈ kʼawꞈ, dehꞈ luꞈ-eu kʼaˬ lo loꞈ-ehˇ laˇ-awˇ, saꞈ laˇ uˬ duˬ tahˬ nymˇ tsoˆ gaˇ bi zmˬ-awˬ. Uˬ duˬ tahˬ nymˇ kʼoeˇ-euˬ laꞈ kʼoeˇ naw maꞈ muiˬ-eu shawˇ-eu piˇ ma ya geuꞈ-awˇ, Yeˬsuˇ ka li-ahˇ gʼoe-eu laꞈ kʼoeˇ Miˬyehˇ ha geuꞈ nehˬ laꞈ nya-eu saꞈ laˇ paw taꞈ leˇ-eu lawˇ-eu jeˬ ya lawˇ tehꞈ-a.

Uˬ duˬ 11:45

Ngaˇ-aˬ, naw maꞈ-euˬ Miˬyehˇ pyeuꞈ laˇ ni, naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ Sahˬpaˬ Miˬyehˇ pyeuꞈ-eu ma. Naw maꞈ muiˬ-eu shawˇ-eu tsawˇ haˬ ya bi pyeuꞈ meh. Aˬ jeˬ miˇ neh ehˇ naˇ, ngaˇ-aˬ, yaw muiˬ yaw shawˇ ma.

Doˆ-iˇ 30:19

Aˬloˬ hawˇ-eu aˬ yawꞈ-euˬ aˬ li deuˬ, iˇ cuꞈ kʼoeˇ neh aˬ kuiˇ aˬ laꞈ ya dzuiꞈ shawˇ meh.

Bawˇtsahˬ 8:6

“Iˇsaˬleˬlaˆ tsawˇ haˬ deuˬ hawˇ-eu Leˬbiˇ tsawˇ haˬ biˇ paˆ-awˇ, Leˬbiˇ tsawˇ haˬ deuˬ bi muiˬ bi shawˇ laˇ-eu zahˇ jahˇ-awˬ.

Bawˇtsahˬ 16:26

Iˇsaˬleˬlaˆ tsawˇ haˬ kʼoeˇ deuˬ-ahˇ Moˇseˬ ehˇ nehˬ-eu, “Haiˬ-eu tsawˇ haˬ deuˬ-euˬ sehˬ gʼawˆ dawˬ peh maˬ iˇ ni yaw taw yawꞈ-awˇ, aˬ yawꞈ maꞈ-ahˇ kʼaˇ taꞈ-eu jeˬ-ahˇ maˬ toeˬ ciˆ ni jawˇ-awˬ. Aˬ yawꞈ maꞈ-euˬ iˬ baˇ baˬ da neh aˬ yawꞈ maꞈ-ahˇ laˆ luˬ laˆ seˇ nehˬ ngeh naw maꞈ-ahˇ kʼawꞈ zaw laˇ nmˬ-mˇ.”

Bawˇtsahˬ 19:11

“Tsawˇ shiˇ-ahˇ kʼaˇ toeˬ ciˆ-euˬ tsawˇ haˬ aˬ geu gʼaˬ maˬ kaˬ, shiꞈ nah keuˆ ni maˬ shawˇ-eu tsawˇ haˬ pyeuꞈ-eu meh.

Bawˇtsahˬ 19:16

Aˬ cawˬ neh bi sehꞈ-awˇ laꞈ nyiˇ paw shiˇ taˬ-euˬ tsawˇ haˬ-ahˇ maˬ ehˇ, tsawˇ haˬ-euˬ shaˬ yoeˬ-ahˇ maˬ ehˇ, lmˬ bymˇ-ahˇ maˬ ehˇ, kʼaˇ toeˬ ciˆ-euˬ tsawˇ haˬ aˬ geu gʼaˬ maˬ kaˬ, shiꞈ nah keuˆ ni maˬ shawˇ-eu tsawˇ haˬ pyeuꞈ-eu meh.

Iˇsaˬyaˇ 66:20

Ngaˬ-ahˇ laꞈ sawˬ biꞈ laˇ-eu loꞈ-ehˇ, aˬ cawˬ miˇ kʼahˬ laꞈ kʼoeˇ kʼaˇ jawˇ-eu naw maꞈ-euˬ tsawˇ haˬ dawˬ tawˆ luꞈ-ahˇ, aˬ yawꞈ maꞈ sheuˬ kʼoꞈ laꞈ tehꞈ-a. Zahˇ jahˇ gaˇ geuꞈ nya ni shawˇ-eu kʼa puˬ kʼa lu laꞈ kʼoeˇ, Iˇsaˬleˬlaˆ tsawˇ haˬ deuˬ dzaˬ la gʼo cehˇ lawˇ-eu jeˬ dawˆ ahˇ-awˇ, Uˬ duˬ tahˬ nymˇ nymˇ ma-ahˇ hehˇ laꞈ-eu loꞈ-ehˇ, naw maꞈ-euˬ tsawˇ haˬ kʼoeˇ deuˬ-ahˇ, mahˬ deuˬ, mahˬ tahˬ laˆ deuˬ, law taw deuˬ hawˇ-eu, mahˬ laˆ lawˬ deuˬ kʼoeˇ taˆ bi dziˬ-awˇ, Yeˬluˇsaˬlehˬ meuˬ laꞈ kʼoeˇ jaˆ-eu ngaˬ-eu muiˬ-eu shawˇ-eu gawˬ duˇ jaˆ gaˇ sheuˬ kʼoꞈ ha laˇ tehꞈ-a.

Yeˬlaˬmiˇ 31:21

Gaˇ ma-ahˇ tsaˬ tsoˆ taˬ yaꞈ-awˬ. Nawˬ neh iˇ-euˬ gaˇ ma paˇ noeˬ doˆ-awˬ. Iˇsaˬleˬlaˆ-oˇ, gʼoꞈ laˇ-awˬ. Nawˬ neh byehˇ-euˬ meuˬ-ahˇ gʼoꞈ jawˇ laˇ-awˬ.

Uˬ duˬ 21:6

Aˬ yawꞈ-aˬ, yaw muiˬ yaw shawˇ shawˇ-ehˇ ya dehꞈ-awˇ, ngaˬ-euˬ tsawˇ myahˇ-ahˇ yehˬ bawˬ sehˇ lu-ehˇ maˬ ya gʼeh-a. Aˬ yawꞈ-aˬ, ngaˬ-ahˇ dzaˬ dzaˬ dawˇ dawˇ lawˇ nehˬ-eu tsawˇ haˬ pyeuꞈ-eu baˬ da neh, ya bi muiˬ ya bi shawˇ meh.

1 Laˬsaˬbaˬ 15:12

Leˬbiˇ tsawˇ haˬ kʼoeˇ deuˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Naw maꞈ-aˬ, Leˬbiˇ aˇ jeuˬ deuˬ-euˬ aˬ yuiꞈ aˬ tsu deuˬ pyeuꞈ-eu meh. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-ahˇ, ngaˬ neh lehˬ hmˬ taˬ-euˬ jawˇ duˬ-ahˇ naw maꞈ baꞈ keuˆ taˬ-eu gʼaˇ duˬ, naw maꞈ hawˇ-eu naw maꞈ-euˬ tsawˇ haˬ deuˬ gʼawˇ mawˇ shawˇ-eu zahˇ jahˇ-awˬ.

Zaˬkaˬliˇ 2:10

“Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, laˬ kʼaˬ cehˇ-eu caˇ dawˬ caˇ-awˬ. Ngaˇ naw maꞈ nehˬ-ehˇ jawˇ le-eu lehˇ gʼeh-eu ma” lehˇ, Sahˬpaˬ Miˬyehˇ ehˇ-eu meh.

Zaˬkaˬliˇ 2:11

Aˇ yamˬ kʼoeˇ yamˬ keuˆ laˇ ngeh, tsawˇ jeuˬ gʼawˬ mya ni Sahˬpaˬ Miˬyehˇ jawˇ gaˇ laˇ-awˇ, aˬ yawꞈ-euˬ tsawˇ haˬ pyeuꞈ laˇ tehꞈ-a. Naw maꞈ nehˬ-ehˇ aˬ yawꞈ jawˇ le-awˇ, aˬ yawꞈ neh ngaˬ-ahˇ naw maꞈ jawˇ gaˇ kʼehˇ gʼeh leꞈ-euˬ gaˇ kawˆ, naw maꞈ ya siˬ duˬ tehꞈ-a.