Iˇsaˬyaˇ 5:2 - Akha

² Aˬ yawꞈ yaˇ kmˇ duˬ ngeh kʼaˬ lo gʼoˆ dzeh jiˇ-awˇ, muiˬ dui dui-eu aˬ gaꞈ ciˇ ni deuˬ ka-euˬ meh. Aˬ gaꞈ yaˇ kmˇ-ahˇ loꞈ-eu yaˇ cmˇ cmˇ goˇ tsoˆ-awˇ, aˬ gaꞈ dzaˇ uiˇ lehˬ duˬ jahˇ gʼaˬ taˬ-awˇ, Aˬ gaꞈ aˇ siˬ awꞈ laˇ jiˇ ngeh keuˆ ni loꞈ keuˆ-euˬ meh. Ehˇ kʼawꞈ, aˬ gaꞈ aˇ siˬ dawˬ tawˆ luꞈ yaw cehˇ meh.

Iˇsaˬyaˇ 5:2 Referans Kwoze

Yeˬlaˬmiˇ 2:21

Muiˬ dui dui-eu aˇ nuiˆ pahˬ-awˇ ka-euˬ aˬ gaꞈ baw duˆ loꞈ-ehˇ, nawˬ-ahˇ ngaˇ ka-euˬ ma. Ehˇ kʼawꞈ, nymˬ-mˇ nawˬ-ahˇ haw ngeh, buꞈ-iˇ-awˇ gaˇ dahˇ maˬ tsoeˬ-eu aˬ gaꞈ baw duˆ-ahˇ duˇ-eu meh.

1 Gawˇliˬtu 9:7

Yawˬ ha-euˬ pyuˇ yuˇ doˆ-awˇ yehˇ geuꞈ-eu tsawˇ haˬ jawˇ meh loˇ. Aˬ gaꞈ yaˇ kmˇ mˇ-awˇ aˬ gaꞈ aˇ siˬ maˬ pyaˆ dzaˬ-eu tsawˇ haˬ jawˇ ta loˇ. Yawˇ bo-awˇ yawˇ-euˬ aˬ coeˇ maˬ nyehꞈ dawˇ-eu tsawˇ haˬ jawˇ meh loˇ.

Maˬkuˆ 11:13

Ui cuiˆ gaˇ mahˇ kaˬ gaˇ dehꞈ luꞈ-eu aˇ paꞈ tiˬ byah ni tsoꞈ-eu siˬ guˬ aˇ bawˇ tiˬ bawˇ mawˇ-awˇ, aˇ siˬ maˬ siˬ nga loˇ lehˇ haw-iˇ-euˬ meh. Aˬ yawꞈ iˇ keuˆ ngeh, siˬ guˬ aˇ siˬ siˬ yamˬ maˬ tsaˬ-eu miˇ neh, aˇ siˬ maˬ siˬ ni aˇ paꞈ tehꞈ-ehˇ tsoꞈ luꞈ gaˇ ya mawˇ-euˬ meh.

Lormav 9:4

Aˬ yawꞈ maꞈ Miˬyehˇ-euˬ tsawˇ haˬ meh. Aˬ yawꞈ maꞈ-ahˇ aˬ yawꞈ-euˬ zaˬ bi geuꞈ-awˇ, aˬ yawꞈ-euˬ yaw shehꞈ kʼahˬ sehˇ pah mehˬ nehˬ-euˬ meh. Aˬ yawꞈ maꞈ nehˬ-ehˇ aˬ yawꞈ dawˬ ma saˇ jaˇ dzaˬ-awˇ, Zahˇ dawˬ kʼoꞈ dawˬ biꞈ nehˬ-euˬ meh. Aˬ yawꞈ maꞈ Miˬyehˇ-ahˇ dawˇ coe ni uˬ duˬ tahˬ-eu gaˇ kawˆ siˬ nya meh. Miˬyehˇ-euˬ saˇ jaˇ za-euˬ tsawˇ haˬ pyeuꞈ-eu meh.

Maˬkuˆ 12:2

Aˬ gaꞈ aˇ siˬ pyaˆ yamˬ tsaˬ laˇ ngeh, yaˇ kmˇ mˇ paˆ paˆ-euˬ deuˬ jawˇ gaˇ aˬ yawꞈ-euˬ zaˬ kʼaˆ tiꞈ gʼaˬ kʼehˇ gʼeh-awˇ, aˬ yawꞈ-ahˇ oꞈ-eu aˬ gaꞈ aˇ siˬ bi pi laˬ-iˇ-euˬ meh.

Maꞈtehˬ 21:34

Aˬ gaꞈ aˇ siˬ pyaˆ yamˬ tsaˬ laˇ ngeh, yaˇ kmˇ mˇ paˆ paˆ-eu deuˬ jawˇ gaˇ aˬ yawꞈ-euˬ zaˬ kʼaˆ deuˬ-ahˇ kʼehˇ gʼeh-awˇ, aˬ yawꞈ-ahˇ oꞈ-eu aˬ gaꞈ aˇ siˬ bi pi laˬ-iˇ-euˬ meh.

Maꞈtehˬ 21:19

Gaˇ ma gaˇ dzeˇ dehꞈ-eu siˬ guˬ aˇ bawˇ tiˬ bawˇ mawˇ-awˇ haw-iˇ ngeh, aˇ siˬ maˬ siˬ ni aˇ paꞈ tehꞈ-ehˇ mehˇ luꞈ gaˇ ya mawˇ-euˬ meh. “Aˬ kaˇ naˇ, nawˇ aˇ siˬ tiˬ jawˇ-iˬ maˬ paˇ siˬ le-aˇ” lehˇ, siˬ guˬ aˇ bawˇ kʼoeˇ bawˇ-ahˇ Yeˬsuˇ ehˇ nehˬ ngeh, aˇ bawˇ kʼoeˇ tiˬ poˆ tehꞈ-ehˇ nyoeˬ-iˇ koˆ-iˇ-euˬ meh.

Miˇkaˬ 4:8

Kʼoeˇ naˇ, yawˇ bo-eu tsawˇ haˬ loꞈ-ehˇ aˬ yawꞈ-euˬ tsawˇ haˬ deuˬ-ahˇ Miˬyehˇ haw piˇ-euˬ jawˇ duˬ pyeuꞈ-eu Yeˬluˇsaˬlehˬ meuˬ-oˇ, nawˇ-aˬ, nawˬ-euˬ miˇ kʼahˬ laꞈ kʼoeˇ aˬ cawˬ naˆ maˬ tseˇ huiˬ-eu meuˬ paˇ pyeuꞈ laˇ tehꞈ-a.

Hawˇseˬ 10:1

Iˇsaˬleˬlaˆ tsawˇ haˬ deuˬ-aˬ, aˇ siˬ tiˬ byah ni siˬ luꞈ-eu, aˬ gaꞈ baw duˆ-ahˇ duˇ-eu meh. Ngehˬ-ehˇ dehꞈ dzaˬ laˇ naˇ ngehˬ-ehˇ, lawˇ duˬ gʼawˬ mya ni tsoˆ lahˬ-awˇ, ngehˬ-ehˇ jaˆ laˇ naˇ ngehˬ-ehˇ, uˬ duˬ tahˬ-eu kʼaˬ lo kʼawˇ zeuˇ, muiˬ dui dui ni laˆ saˆ-eu meh.

Iˇsaˬyaˇ 5:7

Baoˬ huiˬ-eu Sahˬpaˬ Miˬyehˇ-euˬ aˬ gaꞈ yaˇ kmˇ-aˬ, Iˇsaˬleˬlaˆ tsawˇ jeuˬ tsawˇ ca meh. Aˬ yawꞈ neh ka taˬ-euˬ aˬ gaꞈ baw duˆ-aˬ, Yuˇdaˆ tsawˇ haˬ deuˬ meh. Aˬ yawꞈ maꞈ yaw muiˬ yaw jaˬ jeˬ mˇ gaˇ aˬ yawꞈ mawˇ mawꞈ kʼawꞈ, shiˬ laˆ yoeˇ-eu jeˬ aˬ yawꞈ maꞈ mˇ-euˬ meh. Aˬ yawꞈ maꞈ yaw tsaˬ yaw dawˇ laꞈ kʼoeˇ dehꞈ gaˇ aˬ yawꞈ mawˇ mawꞈ kʼawꞈ, bi kʼehˬ bi kʼaˆ-awˇ ngoeˇ-eu teˇ saˇ ya gaˬ-eu meh.

Iˇsaˬyaˇ 1:8

Yeˬluˇsaˬlehˬ meuˬ tiˬ meuˬ dzeˇ-eu kʼawꞈ, aˬ cawˬ neh bi jawˬ lahˇ taˬ-awˇ, aˬ gaꞈ yaˇ kmˇ-ahˇ gʼawˆ taˬ-euˬ sehˬ gʼawˆ hawˇ-eu siˬ kʼoˬ kʼoˬ yaˇ-ahˇ jaˆ-eu yaˇ cmˇ loꞈ-ehˇ tiˬ jeˬ-iˬ maˬ mˇ doˆ luꞈ-a.

Neˬhaˬmiˇ 13:15

Aˇ yamˬ kʼoeˇ yamˬ laꞈ kʼoeˇ, Yuˇdaˆ miˇ kʼahˬ zaˬ deuˬ jawˇ nah-ahˇ aˬ gaꞈ dzaˇ uiˇ nawˬ luꞈ-eu ngaˇ ya mawˇ-euˬ ma. Tiˬ paˆ na deuˬ-aˬ, cehˇ, aˬ gaꞈ dzaˇ uiˇ, aˬ gaꞈ aˇ siˬ, siˬ guˬ aˇ siˬ hawˇ-eu aˬ nah aˬ dzeˇ gʼawˬ mya jeˬ mahˬ tahˬ laˆ neh tawˬ-awˇ, Yeˬluˇsaˬlehˬ meuˬ-ahˇ laˇ luꞈ-eu ya mawˇ-euˬ ma. Jawˇ nah-ahˇ tiˬ jeˬ-iˬ taˬ ahˬ lehˇ aˬ yawꞈ maꞈ-ahˇ ngaˇ ehˇ nehˬ-euˬ ma.

Yaˇ kʼaˬ daˇ 16:4

Kʼoeˇ naˇ, Sawˇyehˆ deh kʼawꞈ-ahˇ jawˇ-eu Deˬliˇlaˆ lehˇ myahˇ-euˬ zaˬ miˬ zaˬ tiˬ gʼaˬ nehˬ-ehˇ, Saˬsoˬ zaˬ kʼaˬ kʼaˬ-euˬ meh.

Dawˬmehˬ 32:6

Beh-euˬ yaw sahˇ naw maꞈ Aˬ da, naw maꞈ tsawˇ jeuˬ-ahˇ ciˬ tuˇ-euˬ, Sahˬpaˬ Miˬyehˇ mehˬ shi naw maꞈ, aˬ dzawˬ aˇ gah ya gah nmˇ loˇ.

Bawˇtsahˬ 23:9

Lo guˇ uˬ gʼmˬ-ahˇ jawˇ-awˇ, aˬ yawꞈ maꞈ-ahˇ ngaˇ mawˇ-euˬ ma. Gawˬ duˇ uˬ du daˆ-awˇ, aˬ yawꞈ maꞈ-ahˇ ngaˇ haw-euˬ ma. Aˬ yawꞈ maꞈ aˬ cawˬ-ahˇ maˬ keuˬ leˇ ni, yawˬ haˇ yawˬ ha jawˇ-eu tsawˇ jeuˬ meh. Aˬ cawˬ tsawˇ jeuˬ naˆ maˬ tseˇ yawˬ ha guiˬ lahˬ za-euˬ, aˬ yawꞈ maꞈ siˬ nya luꞈ meh.

Doˆ-iˇ 33:16

Nga maꞈ nehˬ-ehˇ nawˇ maˬ le naˇ, ngaˇ hawˇ-eu ngaˬ-euˬ tsawˇ haˬ deuˬ-ahˇ nawˇ nui ma tsaˬ-eu gaˇ kawˆ, aˬ suˇ gʼaˬ aˬ joˆ-ehˇ ya siˬ nmˇ. Nawˇ nga maꞈ nehˬ-ehˇ jawˇ naˇ, miˇ tsaˬ kʼoeˇ taˆ jawˇ-eu tsawˇ jeuˬ aˬ geu jeuˬ nehˬ-ehˇ maˬ kaˬ, nga maꞈ beu gaˇ tehꞈ-a.”

Maꞈtehˬ 21:33

Yeˬsuˇ ehˇ-eu, “Yaw jeˬ ma jeˬ yawˬ hmˬ yawˬ-ahˇ paˇ naˇ haˬ sheˇ. Baw leˬ tiˬ gʼaˬ jawˇ-eu meh. Aˬ yawꞈ aˬ gaꞈ gaꞈ yaˇ tiˬ yaˇ yaˇ-awˇ, yaˇ kmˇ mˇ jawˬ-awˇ, aˬ gaꞈ dzaˇ uiˇ nawˬ-eu duˬ kʼahˬ kʼahˬ-awˇ, loꞈ-eu nymˇ goˇ tiˬ nymˇ tsoˆ taˬ-euˬ meh. Kʼoeˇ naˇ, yaˬ kmˇ mˇ-eu deuˬ-ahˇ mˇ paˆ bi paˆ yaꞈ-awˇ, yawˬ kʼahˬ yawˬ miˇ yawˬ-ahˇ iˇ-euˬ meh.

Maˬkuˆ 12:1

Kʼoeˇ naˇ, Yeˬsuˇ aˬ yawꞈ maꞈ-ahˇ yaw jeˬ ma jeˬ heu hmˬ ja mehˬ nehˬ-euˬ meh. “Tsawˇ haˬ tiˬ gʼaˬ aˬ gaꞈ gaꞈ yaˇ tiˬ yaˇ ka-awˇ, yaˇ kmˇ mˇ jawˬ-awˇ, aˬ gaꞈ dzaˇ uiˇ nawˬ-eu duˬ kʼahˬ jahˇ-awˇ, yaˇ kmˇ-ahˇ loꞈ-eu nymˇ goˇ tiˬ nymˇ tsoˆ-euˬ meh. Kʼoeˇ naˇ, yaˇ kmˇ mˇ-eu deuˬ-ahˇ mˇ paˆ bi paˆ yaꞈ-awˇ, yawˬ kʼahˬ yawˬ miˇ yawˬ-ahˇ iˇ-euˬ meh.

2 Saˬmeuˬlaˆ 7:10

Ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ aˬ cawˬ kʼehˬ-eu kʼaˆ-eu uˬ moˆ maˬ paˇ ya jawˇ ni, aˬ yawꞈ maꞈ gʼaˇ duˬ ngaˬ neh jawˇ duˬ tiˬ tsahˇ poˆ nehˬ-awˇ bi jawˇ-euˬ ma. Miˇ kʼahˬ heu kʼahˬ-ahˇ aˬ yawꞈ maꞈ jawˇ keuˆ laˇ-euˬ tiˬ nah neh, haiˬ-eu tsawˇ haˬ deuˬ neh kʼehˬ nehˬ kʼaˆ nehˬ-euˬ jeˬ-ahˇ aˬ yawꞈ maꞈ ya daˬ-euˬ meh. Ehˇ kʼawꞈ, aˬ kaˇ naˇ kʼoeˇ loꞈ-ehˇ maˬ paˇ bi gʼeh ma. Muiˇ-eu deuˬ nawˬ-ahˇ maˬ ya laˆ luˬ laˆ seˇ-eu gʼaˇ duˬ maˬ ehˇ, nawˬ-euˬ zaˬ nawˬ-euˬ uˆ deuˬ bi myaˬ bi behˇ laˇ-eu gʼaˇ duˬ maˬ ehˇ, nawˬ nehˬ-ehˇ ngaˇ saˇ jaˇ dzaˬ-eu ma.

Jaceuq 80:8

Iˇjiˇtuˆ miˇ kʼahˬ-ahˇ neh aˬ gaꞈ ciˇ ni tiˬ ni nawˇ yuˇ laꞈ-awˇ, aˬ cawˬ tsawˇ jeuˬ deuˬ-ahˇ nawˇ teh dzeh-awˇ, aˬ yawꞈ maꞈ-euˬ miˇ kʼahˬ-ahˇ toeˬ ka-euˬ meh.

Jaceuq 80:9

Baw duˆ kʼoeˇ mehˇ laˇ ni moꞈ juiˇ nehˬ-awˇ, duˬ ciˇ iˇ naꞈ-eu laꞈ kʼoeˇ, miˇ kʼahˬ kʼoeˇ kʼahˬ uˆ byoˆ-euˬ meh.

Yeˬlaˬmiˇ 11:17

“Iˇsaˬleˬlaˆ hawˇ-eu Yuˇdaˆ-ahˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ka-euˬ ma. Ehˇ kʼawꞈ, aˬ yawꞈ maꞈ kʼoeˇ taˆ guˆ-eu gaˆ-eu jeˬ bi keuˆ le-eu lehˇ, nymˬ-mˇ ngaˇ lehˬ hmˬ luꞈ-eu ma. Aˬ yawꞈ maꞈ dehꞈ lehˬ mˇ lehˬ-euˬ miˇ neh, yawˬ haˇ yawˬ ha kʼoeˇ loꞈ-ehˇ keuˆ le ni mˇ-euˬ meh. Baˬlaˇ miˬ yehˇ-ahˇ lawˇ-eu shehˇ-eu laꞈ kʼoeˇ, ngaˇ nui ma pehˇ ni aˬ yawꞈ maꞈ mˇ-euˬ meh.”