Iˇsaˬyaˇ 49:24 - Akha

²⁴ Yehˇ tiˬ gʼaˬ neh deuˆ za taˬ-euˬ myawˬ gahˬ, nawˇ ceh geuꞈ nya te loˇ. Guˆ laˇ paˬ-ehˇ gʼeh-eu gʼaˬ neh nyehꞈ taˬ-euˬ tsawˇ haˬ-ahˇ nawˇ ka kʼoꞈ nya te loˇ.

Iˇsaˬyaˇ 49:24 Referans Kwoze

Maꞈtehˬ 12:29

“Tsawˇ haˬ tiˬ gʼaˬ-iˬ gʼaˬ kʼaˆ aˬ da-euˬ nymˇ-ahˇ uˇ leˇ-awˇ, myawˬ gahˬ maˬ yuˇ geuꞈ leˇ nya-a. Gʼaˬ kʼaˆ aˬ da kʼoeˇ gʼaˬ-ahˇ paꞈ cuꞈ gʼaˬ miˇ tsa tehꞈ-ehˇ, aˬ yawꞈ-euˬ nymˇ laꞈ kʼoeˇ jaˆ-eu myawˬ gahˬ yuˇ geuꞈ nya-eu meh.

Yeˬsaˬgeˬlaˇ 37:3

“Tsawˇ haˬ zaˬ-oˇ, shaˬ yoeˬ heu deuˬ paˇ dehꞈ poˆ laˇ nya tehꞈ-a loˇ” lehˇ, aˬ yawꞈ ngaˬ-ahˇ naˇ haˬ ngeh, “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, gaˇ kawˆ heu nawˇ maˬ ngeuˇ naˇ aˬ suˇ gʼaˬ siˬ nya nmˇ” lehˇ, ngaˇ ehˇ kʼoꞈ nehˬ-euˬ ma.

Iˇsaˬyaˇ 42:22

Ehˇ kʼawꞈ, nymˬ-mˇ aˬ yawꞈ-euˬ tsawˇ haˬ deuˬ, pyuˇ shuiˇ myawˬ gahˬ bi yuˇ jiˇ-awˇ, lo kʼahˬ doe ni bi nyehꞈ lahˇ-awˇ, paꞈ kuˆ doe ni bi nyehꞈ uˇ byoˆ-euˬ meh. Aˬ yawꞈ maꞈ-ahˇ ngehˬ gʼeh nehˬ-eu gʼaˬ maˬ jawˇ ni, tahˇ joe bi joe dzaˬ jiˇ-euˬ meh.

Eˇzaˬlaˬ 9:13

Nga maꞈ-euˬ iˬ baˇ baˬ da neh nawˇ nga maꞈ-ahˇ kʼehˬ nehˬ kʼaˆ nehˬ laꞈ-eu laꞈ kʼoeˇ nga maꞈ ya daˬ dzeuˇ laꞈ-euˬ jeˬ-ahˇ haw ngeh jawˇ, nga maꞈ-ahˇ geuˇ-eu kʼehˬ-eu kʼaˆ-eu jeˬ naˆ maˬ tseˇ teˬ dui nyiˇ dui dui-eu kʼehˬ-eu kʼaˆ-eu jeˬ nawˇ nga maꞈ kʼoeˇ taˆ bi keuˆ le-awˇ, nga maꞈ-ahˇ heu loꞈ-ehˇ bi dehꞈ bi jawˇ dzeuˇ laꞈ-euˬ meh.

Eˇzaˬlaˬ 9:9

Nga maꞈ aˬ cawˬ zaˬ kʼaˆ geuꞈ luꞈ kʼawꞈ, nawˇ nga maꞈ-ahˇ byehˇ dzeh-awˇ kʼoeˇ loꞈ-ehˇ tehꞈ-ehˇ maˬ bi dehꞈ laꞈ-aˬ. Paˇshaˇ sahˬ paˬ deuˬ nga maꞈ-ahˇ gʼawˬ shaˬ gaˬ-awˇ, cawˆ-iˇ taˬ-euˬ nawˬ-euˬ Uˬ duˬ tahˬ nymˇ nymˇ ma-ahˇ paˇ bi tsoˆ muiˬ leˇ nehˬ laꞈ-awˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ guˆ kʼaˇ maˬ za ni nga maꞈ ya dehꞈ ya jawˇ-eu gʼaˇ duˬ, aˬ yawꞈ maꞈ-euˬ nui ma-ahˇ nawˇ laˆ saˆ nehˬ-euˬ meh.

Yeˬsaˬgeˬlaˇ 37:11

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-aˬ, shaˬ yoeˬ heu deuˬ-ahˇ duˇ-eu meh. Aˬ yawꞈ maꞈ-euˬ shaˬ yoeˬ koˆ jiˇ-awˇ, noeˬ tmˬ kʼaˇ maˬ paˇ za-eu uˬ taꞈ, geuꞈ-eu jeˬ tiˬ pawꞈ-iˬ maˬ paˇ ahˇ miˇ-a lehˇ, aˬ yawꞈ maꞈ ehˇ luꞈ meh.

Iˇsaˬyaˇ 53:12

Kʼoeˇ miˇ neh aˬ yawꞈ-ahˇ ngaˇ taˬ huiˬ taˬ mahˇ nehˬ-awˇ, baoˬ huiˬ-eu deuˬ-euˬ jawˇ duˬ-ahˇ bi jawˇ ma. Haiˬ-eu tsawˇ haˬ deuˬ ya daˬ-eu yaw doeˇ aˬ yawꞈ daˬ-awˇ, nui ma keuˆ-eu laꞈ kʼoeˇ shiˇ dah-euˬ meh. Tsawˇ haˬ gʼawˬ mya ni-euˬ iˬ baˇ aˬ yawꞈ pi-awˇ, aˬ yawꞈ maꞈ iˬ baˇ ya buˬ ni mˇ dah-euˬ meh.”

Neˬhaˬmiˇ 9:37

Miˇ kʼahˬ heu kʼahˬ-ahˇ nga maꞈ kʼaˇ mˇ za-euˬ jeˬ, nga maꞈ iˬ baˇ mˇ-euˬ miˇ neh nga maꞈ kʼoeˇ taˆ nawˬ neh bi uˆ lahˇ-euˬ sahˬ paˬ deuˬ-euˬ laꞈ-ahˇ le jiˇ-euˬ meh. Nga maꞈ hawˇ-eu nga maꞈ-euˬ jeˬ zaˬ deuˬ-ahˇ, sahˬ paˬ kʼoeˇ deuˬ kʼaˇ jahˇ mawˬ-eu jahˇ-eu miˇ neh, nga maꞈ nui ma cawˆ dui dui-eu ma.”

Neˬhaˬmiˇ 9:33

Nawˇ nga maꞈ-ahˇ kʼehˬ-euˬ yaw tsaˬ yaw dawˇ meh. Nga maꞈ iˬ baˇ mˇ-euˬ kʼawꞈ, nawˇ saˇ jaˇ ziꞈ-eu meh.

Maˬkuˆ 3:27

“Tsawˇ haˬ tiˬ gʼaˬ-iˬ gʼaˬ kʼaˆ aˬ da-euˬ nymˇ-ahˇ uˇ leˇ-awˇ, aˬ yawꞈ-euˬ myawˬ gahˬ maˬ yuˇ geuꞈ leˇ nya-a. Gʼaˬ kʼaˆ aˬ da kʼoeˇ gʼaˬ-ahˇ jeˬ huˬ paꞈ tawꞈ gʼaˬ miˇ tsa tehꞈ-ehˇ, aˬ yawꞈ-euˬ nymˇ-ahˇ jaˆ-eu myawˬ gahˬ deuˬ yuˇ geuꞈ nya-eu meh.

Iˇsaˬyaˇ 5:29

Aˬ yawꞈ maꞈ lmˬ-eu teˇ saˇ, aˇ laˬ jaˬ shiˇ jeˬ zaˬ baꞈ-awˇ, tiˬ gʼaˬ-iˬ maˬ teh ka peuˬ ni, lmˬ lmˬ-ehˇ cah gaˇ duˇ tehꞈ-a.

Naˬhmˬ 2:13

Dawˬ tawˆ kʼoeˇ taˆ Sahˬpaˬ Miˬyehˇ, Niˇnaˬbeˬ-ahˇ heu loˇ ehˇ meh. “Mahˬ laˆ lawˬ deuˬ ngaˇ keuˬ dzeh-awˇ, yehˇ deuˬ guiˇ bi deuˆ sehꞈ jiˇ ma. Aˬ cawˬ-ahˇ nawˬ neh ceh geuꞈ-euˬ, yawˬ jeˬ na luꞈ ngaˇ yuˇ kʼoꞈ ma. Miˇ tsaˬ kʼoeˇ taˆ nawˇ baoˬ huiˬ-euˬ, kʼawˇ taꞈ kʼawˇ teˇ maˬ paˇ doˆ meh.”