Iˇsaˬyaˇ 48:12 - Akha

¹² Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ neh kuˇ doˆ taˬ-euˬ Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ. Aˇ dahˬ beh-awˇ aˇ saˬ saˬ-eu Miˬyehˇ ngaˇ ma. Ngaˇ tiˬ gʼaˬ tehꞈ-ehˇ Miˬyehˇ ma.

Iˇsaˬyaˇ 48:12 Referans Kwoze

Iˇsaˬyaˇ 41:4

Kʼoeˇ loꞈ-ehˇ bi pyeuꞈ laˇ-euˬ gʼaˬ aˬ suˇ gʼaˬ-a. Miˇ kʼahˬ shaˇ ka hawˇ-eu tsawˇ haˬ gaˇ kawˆ, dehˬ paˇ nehˬ-eu kʼoeˇ gʼaˬ aˬ suˇ gʼaˬ-a. Sahˬpaˬ Miˬyehˇ pyeuꞈ-eu ngaˇ-aˬ, aˇ dahˬ beh ngeh neh kʼoeˇ gaˇ jawˇ luꞈ-awˇ, aˇ saˬ saˬ ngeh keuˆ ni jawˇ ma.

Panmaeq 22:13

Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma. Dahˬ beh-eu jeˬ hawˇ-eu aˇ saˬ saˬ-eu jeˬ ma.”

Panmaeq 1:8

“Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ pyeuꞈ-eu ma” lehˇ, nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Baoˬ huiˬ-eu Sahˬpaˬ Miˬyehˇ ehˇ-eu meh.

Iˇsaˬyaˇ 44:6

Iˇsaˬleˬlaˆ-ahˇ ngehˬ gʼeh haw piˇ-eu Sahˬpaˬ Miˬyehˇ pyeuꞈ-eu, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Aˇ dahˬ beh-euˬ gʼaˬ hawˇ-eu aˇ saˬ saˬ-eu gʼaˬ ngaˇ ma. Ngaˇ uˬ taꞈ miˬ yehˇ nui gʼaˬ maˬ jawˇ,

Iˇsaˬyaˇ 55:3

“Naˬ bawˇ ciˬ kʼmˇ-awˇ ngaˇ jawˇ gaˇ laˇ-awˬ. Dehꞈ-eu saꞈ laˇ za ni naˇ haˬ laˇ-awˬ. Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ, naw maꞈ nehˬ-ehˇ ngaˇ dzaˬ-eu ma. Daˬbiˇ-ahˇ saˇ jaˇ biꞈ taˬ-euˬ guiˬ lahˬ, naw maꞈ-ahˇ ngaˇ biꞈ ma.

Iˇsaˬyaˇ 43:11

“Sahˬpaˬ Miˬyehˇ pyeuꞈ-eu ngaˇ tiˬ gʼaˬ tehꞈ ma. Naw maꞈ-ahˇ ka kʼoꞈ nya-eu ngaˇ tiˬ gʼaˬ tehꞈ ma.

Iˇsaˬyaˇ 49:1

Gaˇ mahˇ kaˬ gaˇ jawˇ-eu tsawˇ haˬ deuˬ-oˇ, ngaˇ ehˇ gaˇ naˇ haˬ-awˬ. Gaˇ mahˇ kaˬ gaˇ jaˆ-eu miˇ kʼahˬ deuˬ naˇ haˬ-awˬ. Ngaˇ maˬ dehꞈ doˆ le mi naˆ-ehˇ, Sahˬpaˬ Miˬyehˇ ngaˬ-ahˇ tseˇ-awˇ, aˬ yawꞈ-euˬ zaˬ kʼaˆ bi geuꞈ laꞈ-euˬ meh.

Iˇsaˬyaˇ 46:3

“Yaˬkoˆ-euˬ zaˬ deuˬ uˆ deuˬ-oˇ, Iˇsaˬleˬlaˆ tsawˇ jeuˬ laꞈ kʼoeˇ kʼaˇ dzeˇ luꞈ-eu deuˬ-oˇ, ngaˇ ehˇ gaˇ naˇ haˬ-awˬ. Naw maꞈ dehꞈ le ngeh tiˬ nah neh, naw maꞈ-ahˇ ngaˇ bo saˆ-euˬ ma.

Dawˬmehˬ 32:39

“‘Ngaˇ tiˬ gʼaˬ tehꞈ-ehˇ Miˬyehˇ ma. Nui deuˬ-aˬ miˬ yehˇ maˬ ngeuˇ-a. Toeˬ dehꞈ toeˬ shiˇ ngaˇ pyeuꞈ-eu ma. Laˆ naˇ-awˇ laˆ taˬ-eu ngaˇ ma. Ngaˬ-euˬ nui loˆ ngaˇ dzoeˬ luꞈ gaˇ, laˆ tsoeˬ peuˬ-eu gʼaˬ maˬ jawˇ-a.

Panmaeq 17:14

Aˬ yawꞈ maꞈ Yawˇzaˬ-ahˇ guiˇ deuˆ tehꞈ-a. Ehˇ kʼawꞈ, Yawˇzaˬ-aˬ, aˬ yawꞈ neh tseˇ doˆ-awˇ kuˇ-euˬ, saˇ jaˇ ziꞈ-eu laꞈ kʼoeˇ aˬ yawꞈ-euˬ mehˬ nah caw teh-eu tsawˇ haˬ deuˬ nehˬ-ehˇ tiˬ paw pyawˬ-awˇ, aˬ yawꞈ maꞈ-ahˇ deuˆ gʼaˬ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, sahˬ paˬ kʼoeˇ taˆ Sahˬpaˬ pyeuꞈ-eu meh.”

Panmaeq 2:8

“Saˬmuˇlaˬnaˆ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ pyeuꞈ-eu, shiˇ-awˇ paˇ gʼoꞈ dehꞈ laˇ-euˬ gʼaˬ-euˬ dawˬ meh.

Panmaeq 1:11

Teˇ saˇ kʼoeˇ saˇ ehˇ-eu, “Nawˬ neh kʼaˇ ya mawˇ-euˬ jeˬ boꞈ taˬ-awˇ, Eˇpeˇsu meuˬ, Saˬmuˇlaˬnaˆ meuˬ, Beˬlaˬgaˬ meuˬ, Saˬdiˬlehˇ meuˬ, Saˬdiˇ meuˬ, Piˇlaˬdeˬpiˇ meuˬ, Lawˬdiˬciˆ meuˬ, heu shiꞈ meuˬ laꞈ kʼoeˇ jawˇ-eu Ka li zaˬ aˇ muˇ deuˬ-ahˇ sahˬ boꞈ kʼoeˇ dawˆ ahˇ gʼeh-awˬ.”

1 Beˬtuˆluˆ 2:9

Ehˇ kʼawꞈ, naw maꞈ-aˬ, tseˇ doˆ-euˬ tsawˇ haˬ pyeuꞈ-awˇ, Sahˬpaˬ-euˬ piˇ ma deuˬ pyeuꞈ-eu meh. Muiˬ-eu shawˇ-eu tsawˇ haˬ pyeuꞈ-awˇ, Miˬyehˇ-euˬ tsawˇ haˬ pyeuꞈ-eu meh. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ aˬ cawˬ-ahˇ bi ja meh-eu gʼaˇ duˬ, naw maꞈ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, yaw zahˇ laꞈ kʼoeˇ naw maꞈ-ahˇ kuˇ doˆ-awˇ, zahˬ leˇ paˬ-ehˇ gʼeh-eu aˬ yawꞈ-euˬ yaw shehꞈ laꞈ kʼoeˇ sheuˬ uˇ nehˬ laꞈ-euˬ meh.

1 Gawˇliˬtu 1:24

Ehˇ kʼawꞈ, Miˬyehˇ neh kuˇ doˆ-euˬ tsawˇ haˬ deuˬ pyeuꞈ-eu Yuˇdaˆ tsawˇ haˬ deuˬ gʼaˇ duˬ hawˇ-eu, Yuˇdaˆ tsawˇ haˬ maˬ ngeuˇ-eu deuˬ gʼaˇ duˬ, dawˬ heu-aˬ, Miˬyehˇ-euˬ baoˬ hawˇ-eu zaˬ siˬ tsawˇ gahˇ pyeuꞈ-eu Ka li meh.

Lormav 8:28

Miˬyehˇ-euˬ nui kʼahˇ mˇ-eu gʼaˇ duˬ kuˇ doˆ taˬ-euˬ aˬ yawꞈ-ahˇ gaˬ-eu tsawˇ haˬ deuˬ gʼaˇ duˬ, yawˬ jeˬ na luꞈ laꞈ kʼoeˇ yaw muiˬ jeˬ doˆ laˇ ni Miˬyehˇ mˇ luꞈ meh lehˇ aˬ dui siˬ nya ma.

Lormav 1:6

Kʼoeˇ-euˬ laꞈ kʼoeˇ, Yeˬsuˇ Ka li-ahˇ taꞈ-eu tsawˇ haˬ bi pyeuꞈ laˇ-eu lehˇ Miˬyehˇ neh kuˇ doˆ-euˬ naw maꞈ Loˇmaˆ meuˬ-ahˇ jawˇ-eu tsawˇ haˬ deuˬ kʼawꞈ ahˇ-eu meh.

Maꞈtehˬ 20:16

“Kʼoeˇ gaˇ duˇ ni, heu ziˇ-ahˇ aˬ cawˬ mehˬ hu jawˇ-eu tsawˇ haˬ-aˬ, aˬ kaˇ kaˇ ziˇ-ahˇ aˬ cawˬ mehˬ nah ya jawˇ-awˇ, heu ziˇ-ahˇ aˬ cawˬ mehˬ nah jawˇ-eu tsawˇ haˬ-aˬ, aˬ kaˇ kaˇ ziˇ-ahˇ aˬ cawˬ mehˬ hu ya jawˇ tehꞈ-a.”

Iˇsaˬyaˇ 51:7

“Ngaˬ-euˬ zahˇ dawˬ kʼoꞈ dawˬ nui ma laꞈ kʼoeˇ ahˇ-awˇ, tsaˬ-eu dawˇ-eu jeˬ siˬ nya-eu naw maꞈ, ngaˇ ehˇ gaˇ naˇ haˬ-awˬ. Aˬ cawˬ naw maꞈ-ahˇ yehˬ bawˬ sehˇ lu-ehˇ ehˇ laˇ-awˇ lmˬ gaˇ, naw maꞈ ta guˆ.

Iˇsaˬyaˇ 51:4

“Ngaˬ-euˬ tsawˇ haˬ deuˬ-oˇ, ngaˬ-euˬ dawˬ naˇ haˬ-awˬ. Ngaˬ-euˬ tsawˇ jeuˬ ngaˇ ehˇ gaˇ naˬ bawˇ ciˬ kʼmˇ-awˬ. Miˇ kʼahˬ tsawˇ jeuˬ deuˬ-ahˇ ngaˇ mehˬ-eu tsoˆ-eu ma. Ngaˬ-euˬ zahˇ dawˬ kʼoꞈ dawˬ aˬ yawꞈ maꞈ-ahˇ yaw shehꞈ bya nehˬ tehꞈ-a.

Iˇsaˬyaˇ 51:1

Sahˬpaˬ Miˬyehˇ heu loꞈ-ehˇ ehˇ-eu meh. “Ka kʼoꞈ-eu jeˬ-ahˇ poˆ luꞈ-awˇ, ngaˬ-ahˇ tahˬ shaˇ laˇ-eu tsawˇ haˬ deuˬ-oˇ, ngaˇ ehˇ gaˇ naˇ haˬ-awˬ. Naw maꞈ doˆ le-euˬ lo guˇ-ahˇ haw-awˬ. Naw maꞈ-ahˇ taꞈ doˆ-euˬ lo gahˬ-ahˇ shaˇ noeˬ-awˬ.

Iˇsaˬyaˇ 34:1

Tsawˇ jeuˬ dawˬ tawˆ luꞈ-oˇ, laˇ-awˇ naˇ haˬ laˇ-awˬ. Tsawˇ haˬ dawˬ tawˆ luꞈ-oˇ, naˬ bawˇ ciˬ kʼmˇ laˇ-awˬ. Miˇ tsaˬ tahˬ kʼawˇ hawˇ-eu miˇ tsaˬ zaˬ dawˬ tawˆ luꞈ, laˇ-awˇ naˇ haˬ laˇ-awˬ.

Dawqdaq 8:32

Teu miˇ neh zaˬ guˬ deuˬ-oˇ, ngaˬ-euˬ dawˬ-ahˇ naˇ haˬ-awˬ. Ngaˬ neh ehˇ-euˬ loꞈ-ehˇ dehꞈ-awˇ nui saˇ oꞈ-awˬ.

Dawqdaq 7:24

Kʼoeˇ miˇ neh ngaˬ li deuˬ-oˇ, ngaˇ ehˇ gaˇ naˇ haˬ-awˬ. Ngaˬ-euˬ kʼaˬ meh-ahˇ doˆ le-euˬ dawˬ-ahˇ naˬ bawˇ ciˬ kʼmˇ-awˬ.

Iˇsaˬyaˇ 40:26

Mˬ-ahˇ gʼawˇ leuˇ haw sheˇ. Aˬ guiˇ kʼoeˇ deuˬ-ahˇ aˬ suˇ gʼaˬ beh taˬ ta. Aˬ yawꞈ maꞈ-ahˇ guiˇ maꞈ loꞈ-ehˇ sheuˬ gʼeh-eu gʼaˬ neh beh-euˬ meh. Aˬ guiˇ dawˬ tawˆ luꞈ aˬ yawꞈ siˬ jiˇ-awˇ, yawˬ siˬ na luꞈ tsawˇ myahˇ biꞈ doe-euˬ meh. Aˬ yawꞈ-euˬ baoˬ huiˬ dui dui-eu miˇ neh, aˬ guiˇ tiˬ siˬ-iˬ maˬ ga teˬ-iˇ-a.

Iˇsaˬyaˇ 43:10

“Iˇsaˬleˬlaˆ tsawˇ haˬ deuˬ-oˇ, naw maꞈ-aˬ, ngaˬ-euˬ saˇ kiˇ ma. Naw maꞈ ngaˬ-ahˇ siˬ nya-awˇ jah laˇ ni, ngaˇ tiˬ gʼaˬ tehꞈ-ehˇ Miˬyehˇ pyeuꞈ-eu meh lehˇ siˬ nya ni, ngaˬ-euˬ zaˬ kʼaˆ bi geuꞈ-eu lehˇ, naw maꞈ-ahˇ ngaˇ tseˇ doˆ-euˬ ma. Ngaˇ uˬ taꞈ miˬ yehˇ nui gʼaˬ maˬ jawˇ. Aˇ dahˬ beh ngeh neh maˬ jawˇ-euˬ loꞈ-ehˇ, aˇ saˬ saˬ ngeh kʼawꞈ maˬ jawˇ-aˇ.

Iˇsaˬyaˇ 46:4

Ngaˇ naw maꞈ-euˬ Miˬyehˇ pyeuꞈ-awˇ, naw maꞈ mawˬ le-awˇ uˬ duˬ pyuˇ le ngeh keuˆ ni, naw maꞈ-ahˇ ngaˇ bo saˆ haw piˇ nehˬ ma. Naw maꞈ-ahˇ beh-euˬ gʼaˬ ngaˇ ma. Naw maꞈ-ahˇ ngaˇ haw piˇ nehˬ ma. Naw maꞈ-ahˇ ngaˇ ngehˬ gʼeh-awˇ ka kʼoꞈ ma.

Iˇsaˬyaˇ 44:1

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ zaˬ kʼaˆ Iˇsaˬleˬlaˆ-oˇ, naˇ haˬ-awˬ. Yaˬkoˆ-euˬ zaˬ deuˬ uˆ deuˬ pyeuꞈ-eu ngaˬ neh tseˇ doˆ-euˬ tsawˇ jeuˬ-oˇ, naˇ haˬ-awˬ.