Iˇsaˬyaˇ 46:9 - Akha

⁹ Aˇ hu pyeuꞈ dzeuˇ-euˬ gaˇ kawˆ noeˬ mawˇ-awˬ. Ngaˇ tehꞈ-ehˇ Miˬyehˇ pyeuꞈ-eu siˬ nya-awˇ, ngaˬ-ahˇ duˇ-eu nui gʼaˬ maˬ jawˇ-eu siˬ duˬ-awˬ.

Iˇsaˬyaˇ 46:9 Referans Kwoze

Iˇsaˬyaˇ 42:9

Ngaˬ neh ngehˬ taˬ ehˇ taˬ-euˬ jeˬ iˬ nah byah laˇ luꞈ-awˇ, aˬ kaˇ pyeuꞈ laˇ-eu jeˬ nymˬ-mˇ, maˬ pyeuꞈ laˇ mi naˆ-ehˇ nawˬ-ahˇ ngaˇ ehˇ nehˬ ma.”

Jaceuq 111:4

Aˬ yawꞈ neh mˇ-euˬ kʼaˆ jeˬ-ehˇ gʼeh-eu gaˇ deuˬ gaˇ kawˆ, Sahˬpaˬ Miˬyehˇ aˬ dui-ahˇ maˬ bi ngehˇ laꞈ-a. Aˬ yawꞈ-aˬ, gʼawˬ shaˬ gaˬ nya dui dui-eu meh.

Iˇsaˬyaˇ 46:5

“Naw maꞈ ngaˬ-ahˇ aˬ suˇ gʼaˬ nehˬ-ehˇ shaˇ cehˆ nmˇ. Ngaˬ-ahˇ duˇ leˇ-eu jawˇ meh loˇ.

Dawˬmehˬ 32:7

“Aˇ hu ziˇ-ahˇ pyeuꞈ ka leꞈ-euˬ, gaˇ kawˆ deuˬ-ahˇ naˇ haˬ haw sheˇ. Aˬ da deuˬ neh bi ja mehˬ-awˇ, tsawˇ mawˬ deuˬ neh bi dzawˇ duˬ sheˇ.

Dawˬmehˬ 33:26

Iˇsaˬleˬlaˆ tsawˇ haˬ deuˬ-oˇ, mˬ taˆ mˬ dmˇ mahˬ dziˬ dziˬ-awˇ, caw ba-eu lehˇ ga keuˆ le-eu, naw maꞈ-euˬ Miˬyehˇ-ahˇ duˇ-eu, Miˬyehˇ nui gʼaˬ aˬ gaˇ jawˇ ta.

Iˇsaˬyaˇ 45:18

Sahˬpaˬ Miˬyehˇ mˬ-ahˇ beh-euˬ meh. Aˬ yawꞈ-aˬ, Miˬyehˇ meh. Miˇ tsaˬ tahˬ kʼawˇ aˬ yawꞈ tehˆ-awˇ, ziꞈ dah ni laˆ ziꞈ taˬ-euˬ meh. Miˇ tsaˬ-ahˇ yawꞈ ngehꞈ-ehˇ beh taˬ-euˬ maˬ ngeuˇ-ehˇ, tsawˇ haˬ bi jawˇ-eu gʼaˇ duˬ beh-euˬ meh. Aˬ yawꞈ heu loꞈ-ehˇ ehˇ nehˬ-eu meh. “Ngaˇ Sahˬpaˬ Miˬyehˇ ma. Miˬ yehˇ nui gʼaˬ maˬ jawˇ.”

Iˇsaˬyaˇ 65:17

Sahˬpaˬ Miˬyehˇ heu loꞈ-ehˇ ehˇ-eu meh. “Mˬ yaw shuiꞈ miˇ yaw shuiꞈ ngaˇ beh luꞈ ma. Kʼaˇ pyeuꞈ dzeuˇ-euˬ jeˬ dawˬ tawˆ luꞈ ya ngehˇ byoˆ jiˇ tehꞈ-a.

Iˇsaˬyaˇ 45:14

Iˇsaˬleˬlaˆ-ahˇ Sahˬpaˬ Miˬyehˇ ehˇ nehˬ-eu, “Iˇjiˇtuˆ hawˇ-eu Suˬdaˬ miˇ kʼahˬ laꞈ kʼoeˇ jaˆ-eu pyuˇ shuiˇ myawˬ gahˬ, dawˬ tawˆ luꞈ nawˬ-euˬ meh. Caˇ gawˬ goˇ-eu Seˬbaˇ tsawˇ haˬ kʼoeˇ deuˬ nawˬ-euˬ zaˬ kʼaˆ geuꞈ-awˇ, shmˇ caˆ daˬ-awˇ nawˬ-euˬ mehˬ nah caw teh tehꞈ-a. Naw maꞈ mehˬ shi aˬ yawꞈ maꞈ awˆ byaˆ-awˇ, heu loꞈ-ehˇ ehˇ tehꞈ-a. ‘Naw maꞈ nehˬ-ehˇ Miˬyehˇ jawˇ meh. Aˬ yawꞈ tehꞈ-ehˇ maˇ maˇ ni Miˬyehˇ meh.

1 Gawˇliˬtu 8:6

Ehˇ kʼawꞈ, aˬ dui-euˬ gʼaˇ duˬ-aˬ, Miˬyehˇ tiˬ gʼaˬ jawˇ-eu tehꞈ ma. Aˬ yawꞈ-aˬ, dawˬ tawˆ luꞈ-ahˇ Beh-euˬ yaw sahˇ Aˬda pyeuꞈ-awˇ, aˬ yawꞈ gʼaˇ duˬ aˬ dui dehꞈ luꞈ-eu ma.

Doˆ-iˇ 8:10

Moˇseˬ-ahˇ sahˬ paˬ ehˇ-eu, “Ni shawˬ nah ngaˬ-euˬ gʼaˇ duˬ guiˬ lahˬ shaˇ nehˬ laꞈ-awˬ.” Moˇseˬ ehˇ-eu, “Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ duˇ-eu miˬ yehˇ nui gʼaˬ maˬ jawˇ-eu gaˇ kawˆ nawˇ ya siˬ ni, nawˇ kʼaˇ shaˇ-eu loꞈ-ehˇ ngaˇ mˇ nehˬ ma.

Doˆ-iˇ 9:14

Heu poˆ-aˬ, miˇ tsaˬ heu dawˬ tawˆ luꞈ kʼoeˇ taˆ ngaˬ-ahˇ duˇ-eu tiˬ gʼaˬ-iˬ maˬ jawˇ-eu gaˇ kawˆ nawˇ ya siˬ ni, nawˬ-eu gaˇ mˇ-eu yaw huiˬ yaw mahˇ deuˬ-ahˇ tehꞈ-ehˇ maˬ ngeuˇ-ehˇ, nawˬ-ahˇ kʼawꞈ ngaˇ kʼehˬ-eu lehˇ lehˬ hmˬ taˬ-euˬ ma.

Iˇsaˬyaˇ 41:26

Naw maꞈ neh ehˇ-euˬ tsaˬ ngaˇ lehˇ ja ceuˬ paˬ-ehˇ, heu loꞈ-ehˇ pyeuꞈ laˇ tehꞈ-a lehˇ, aˬ geu gʼaˬ ehˇ taˬ-euˬ jaˆ te. Gaˇ kawˆ heu naw maꞈ tiˬ gʼaˬ-iˬ maˬ ehˇ-aˬ. Naw maꞈ heu loꞈ-ehˇ ehˇ-eu tiˬ gʼaˬ-iˬ maˬ gaˬ-aˬ.

Iˇsaˬyaˇ 41:27

Sahˬpaˬ Miˬyehˇ pyeuꞈ-eu ngaˇ-aˬ, Ziˇoˬ meuˬ-ahˇ gaˇ kawˆ heu ehˇ beh beh-eu gʼaˬ ma. Yeˬluˇsaˬlehˬ meuˬ-ahˇ dawˬ tsaꞈ dawˬ dzawˇ mˇ-eu tsawˇ haˬ, ngaˇ pyehˬ gʼeh-awˇ, aˬ yawꞈ maꞈ-euˬ tsawˇ haˬ gʼoꞈ laˇ luꞈ-eu gaˇ kawˆ, bi tsaꞈ gaˬ-iˇ-euˬ ma.

Yeˬlaˬmiˇ 49:19

Yawˇdaˬ lawˇ baˬ gawˆ taw sahˬ kʼaˆ uˬ moˆ jawˇ-eu aˇ laˬ jaˬ shiˇ, jeˬ zaˬ gaˆ kʼahˬ-ahˇ tsawˬ doˆ laꞈ-eu loꞈ-ehˇ ngaˇ oe-awˇ, Eˬdoˬ tsawˇ haˬ deuˬ aˬ yawꞈ maꞈ-euˬ miˇ kʼahˬ-ahˇ byehˇ-awˇ tehˬ law tsaˇ law-ehˇ bi cehˆ byaˆ ma. Kʼoeˇ naˇ, ngaˬ neh tseˇ doˆ-euˬ tsawˇ haˬ, miˇ kʼahˬ kʼoeˇ kʼahˬ-ahˇ paˇ bi uˆ lahˇ ma. Ngaˬ-ahˇ yawꞈ cehˆ haw laˇ peuˬ-eu aˬ suˇ gʼaˬ jawˇ ta. Ngaˬ-ahˇ ciˬ daˬ laˇ peuˬ-eu aˬ suˇ gʼaˬ jawˇ ta. Ngaˬ-ahˇ jahˇ gʼeh haw peuˬ-eu sahˬ paˬ sahˬ ma aˬ gaˇ jawˇ ta.

Yeˬlaˬmiˇ 50:44

“Yawˇdaˬ lawˇ baˬ gawˆ taw sahˬ kʼaˆ uˬ moˆ jawˇ-eu aˇ laˬ jaˬ shiˇ, jeˬ zaˬ gaˆ kʼahˬ-ahˇ tsawˬ doˆ laꞈ-eu loꞈ-ehˇ ngaˇ oe-awˇ, Baˬbuˇloˬ tsawˇ haˬ deuˬ tehˬ law tsaˇ law-ehˇ bi cehˆ byaˆ ma. Kʼoeˇ naˇ, ngaˬ neh tseˇ doˆ-euˬ tsawˇ haˬ, miˇ kʼahˬ kʼoeˇ kʼahˬ-ahˇ paˇ bi uˆ lahˇ ma. Ngaˬ-ahˇ yawꞈ cehˆ haw laˇ peuˬ-eu aˬ suˇ gʼaˬ jawˇ ta. Ngaˬ-ahˇ ciˬ daˬ laˇ peuˬ-eu aˬ suˇ gʼaˬ jawˇ ta. Ngaˬ-ahˇ jahˇ gʼeh haw peuˬ-eu sahˬ paˬ sahˬ ma aˬ gaˇ jawˇ ta.

Doˆ-iˇ 15:11

“Sahˬpaˬ Miˬyehˇ-oˇ, miˬyehˇ heu myaˆ ni gʼeh-eu laꞈ kʼoeˇ aˬ geu gʼaˬ nawˬ-ahˇ duˇ ta. Muiˬ-eu shawˇ-eu paw zahˬ leˇ paˬ-ehˇ gʼeh-eu, Nawˇ loꞈ-ehˇ aˬ suˇ gʼaˬ jawˇ ta. Zahˬ leˇ paˬ-ehˇ gʼeh-eu jeˬ hawˇ-eu baoˬ huiˬ-eu gaˇ mˇ nya-eu, nawˇ loꞈ-ehˇ aˬ suˇ gʼaˬ jawˇ ta.

Yawˇbaˆ 10:13

Ehˇ kʼawꞈ, aˇ yamˬ kʼoeˇ dawˬ tawˆ luꞈ laꞈ kʼoeˇ, ngaˬ-ahˇ heu loꞈ-ehˇ jahˇ coeˬ nehˬ-eu gʼaˇ duˬ nawˇ nawˬ jawˬ luꞈ-eu nymˬ-mˇ ngaˇ siˬ duˬ ma.

Iˇsaˬyaˇ 43:10

“Iˇsaˬleˬlaˆ tsawˇ haˬ deuˬ-oˇ, naw maꞈ-aˬ, ngaˬ-euˬ saˇ kiˇ ma. Naw maꞈ ngaˬ-ahˇ siˬ nya-awˇ jah laˇ ni, ngaˇ tiˬ gʼaˬ tehꞈ-ehˇ Miˬyehˇ pyeuꞈ-eu meh lehˇ siˬ nya ni, ngaˬ-euˬ zaˬ kʼaˆ bi geuꞈ-eu lehˇ, naw maꞈ-ahˇ ngaˇ tseˇ doˆ-euˬ ma. Ngaˇ uˬ taꞈ miˬ yehˇ nui gʼaˬ maˬ jawˇ. Aˇ dahˬ beh ngeh neh maˬ jawˇ-euˬ loꞈ-ehˇ, aˇ saˬ saˬ ngeh kʼawꞈ maˬ jawˇ-aˇ.

Iˇsaˬyaˇ 48:3

Iˇsaˬleˬlaˆ-ahˇ Sahˬpaˬ Miˬyehˇ ehˇ-eu, “Pyeuꞈ dzeuˇ-euˬ gaˇ kawˆ deuˬ aˇ hu ba neh ngaˇ ehˇ taˬ-awˇ, ja pyuˬ ni bi pyeuꞈ laˇ-euˬ ma.

Yeˬlaˬmiˇ 6:16

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ ehˇ nehˬ-eu, “Gaˇ ma gaˇ tsmˇ-ahˇ yawꞈ-awˇ haw duˬ-awˬ. Aˇ hu ba-euˬ gaˇ ma gaˇ oeˇ naˇ haˬ duˬ-awˬ. Gaˇ ma gaˇ muiˬ naˇ haˬ duˬ-awˇ cah naˇ, nui saˇ oꞈ-awˇ ya dehꞈ tehꞈ-a.” Ehˇ kʼawꞈ, “Gaˇ ma gaˇ muiˬ-ahˇ maˬ cah” lehˇ, Sahˬpaˬ Miˬyehˇ-ahˇ aˬ yawꞈ maꞈ ehˇ-eu meh.

Yawˇlaˆ 2:27

Kʼoeˇ ngeh jawˇ Iˇsaˬleˬlaˆ-oˇ, naw maꞈ-euˬ gʼahˇceh ngaˇjawˇ-awˇ, Sahˬpaˬ Miˬyehˇ pyeuꞈ-eu ngaˇ-aˬ, naw maꞈ-euˬ Miˬyehˇ pyeuꞈ-awˇ, miˬyehˇ nui gʼaˬ maˬ jawˇ-a lehˇ, naw maꞈ-ahˇ siˬ duˬ leˇ tehꞈ-a. Aˬ cawˬ ja bu ja doeˇ-eu jeˬ, ngaˬ-euˬ tsawˇ haˬ heu deuˬ kʼoeˇ taˆ, tiˬ jawˇ-iˬ maˬ paˇ keuˆ le meh.