Iˇsaˬyaˇ 46:12 - Akha

¹² “Naˬ bawˇ yaw tuˇ deuˬ-oˇ, ngaˇ ehˇ gaˇ naˇ haˬ sheˇ. Gʼaˬ leˇ-eu jeˬ gaˇ mahˇ kaˬ-a siˬ lehˇ naw maꞈ noeˬ meh.

Iˇsaˬyaˇ 46:12 Referans Kwoze

Yeˬlaˬmiˇ 2:5

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-euˬ aˬ poeˬ aˬ bawˇ deuˬ ngaˬ-ahˇ byehˇ dzeh paˬ-ehˇ, ngaˬ-euˬ yaw lehˬ aˬ geu jeˬ-ahˇ haw toˆ-euˬ taˬ. Gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ-ahˇ uˬ duˬ tahˬ-awˇ, aˇ poeˬ maˬ baw ni dehꞈ pyeuꞈ-euˬ meh.

Iˇsaˬyaˇ 46:3

“Yaˬkoˆ-euˬ zaˬ deuˬ uˆ deuˬ-oˇ, Iˇsaˬleˬlaˆ tsawˇ jeuˬ laꞈ kʼoeˇ kʼaˇ dzeˇ luꞈ-eu deuˬ-oˇ, ngaˇ ehˇ gaˇ naˇ haˬ-awˬ. Naw maꞈ dehꞈ le ngeh tiˬ nah neh, naw maꞈ-ahˇ ngaˇ bo saˆ-euˬ ma.

Jaceuq 119:150

Nawˬ-euˬ zahˇ dawˬ kʼoꞈ dawˬ mehˬ nah maˬ caw teh-eu, ngaˬ-ahˇ kʼehˬ-eu haiˬ dui dui-eu tsawˇ haˬ kʼoeˇ deuˬ, ngaˬ-euˬ dawˬ peh oe luꞈ meh.

Eˇpeˇsu 2:13

Ehˇ kʼawꞈ, nymˬ-mˇ-aˬ, Ka li shiˇ dah-euˬ baˬ da neh, gaˇ mahˇ kaˬ-eu tsawˇ haˬ pyeuꞈ-eu naw maꞈ Yeˬsuˇ Ka li laꞈ kʼoeˇ dawˬ peh peh laˇ-euˬ meh.

Iˇsaˬyaˇ 48:4

Naw maꞈ nui ma gʼahˇ tehꞈ-a lehˇ ngaˇ siˬ duˬ taˬ-euˬ ma. Shmˇ loꞈ-ehˇ gʼahˇ-awˇ guiˬ shuiˇ loꞈ-ehˇ nehˬ-eu, ngaˇ siˬ dzeuˇ taˬ-euˬ ma.

Iˇsaˬyaˇ 28:23

Ngaˇ ngehˬ-eu dawˬ-ahˇ naˇ haˬ-awˇ, ngaˇ ehˇ gaˇ naˬ bawˇ ciˬ kʼmˇ-awˬ.

Jaceuq 119:155

Haiˬ-eu tsawˇ haˬ deuˬ nawˬ-euˬ zahˇ dawˬ kʼoꞈ dawˬ-ahˇ maˬ naˇ haˬ-eu miˇ neh, ka kʼoꞈ-eu jeˬ maˬ za nya-a.

Jaceuq 76:5

Kʼaˬ dui dui-eu aˬ yawꞈ maꞈ-euˬ yehˇ deuˬ, myawˬ dawˬ tawˆ luꞈ smˬ-iˇ jiˇ-awˇ, tiˬ jawˇ-iˬ maˬ paˇ dehꞈ laˇ nya ni yuꞈ kʼaˆ byoˆ jiˇ-euˬ meh. Aˬ yawꞈ maꞈ-euˬ gʼaˬ hawˇ-eu guiˇ deuˆ-eu tsawˇ gahˇ tiˬ jeˬ-iˬ gaˇ dahˇ maˬ tsoeˬ-a.

Jaceuq 49:1

Tsawˇ haˬ dawˬ tawˆ luꞈ naˇ haˬ sheˇ. Miˇ tsaˬ zaˬ dawˬ tawˆ luꞈ naˬ bawˇ ciˬ kʼmˇ sheˇ.

Eˇpeˇsu 5:14

Aˬ jeˬ miˇ neh ehˇ naˇ, bya cehˆ ni bi mawˇ duˬ laˇ-eu yawˬ jeˬ na luꞈ yaw shehꞈ pyeuꞈ-eu meh. Kʼoeˇ miˇ neh, heu loꞈ-ehˇ ehˇ taˬ-euˬ jaˆ-eu meh. “Yuꞈ kʼaˆ taˬ-euˬ deuˬ noeˬ laˇ-awˇ, shiˇ-euˬ gʼoꞈ dehꞈ laˇ-awˬ. Ka li yaw shehꞈ biꞈ laꞈ tehꞈ-a.” lehˇ ehˇ taˬ-euˬ jaˆ-eu meh.

Gʼaˬkʼehˇ 7:51

Naw maꞈ nui ma aˇ naˆ naˆ-ehˇ gʼahˇ te. Naˬ bawˇ aˇ naˆ naˆ-ehˇ tuˇ te. Miˬyehˇ-ahˇ maˬ siˬ nya-eu tsawˇ haˬ deuˬ loꞈ-ehˇ aˇ naˆ naˆ-ehˇ dzawˬ te. Naw maꞈ-aˬ, naw maꞈ-euˬ aˬ poeˬ aˬ bawˇ deuˬ-ahˇ duˇ-awˇ, Muiˬ-eu shawˇ-eu Yaw sahˇ Miˬyehˇ-euˬ dawˬ-ahˇ tiˬ jawˇ-iˬ maˬ naˇ haˬ geuꞈ-a.

Iˇsaˬyaˇ 48:1

Yuˇdaˆ-euˬ zaˬ deuˬ uˆ deuˬ pyeuꞈ-eu, Iˇsaˬleˬlaˆ tsawˇ haˬ deuˬ heu gaˇ naˇ haˬ-awˬ. Sahˬpaˬ Miˬyehˇ tsawˇ myahˇ uˬ moˆ naw maꞈ kamˬ-awˇ, Iˇsaˬleˬlaˆ-euˬ Miˬyehˇ-ahˇ uˬ duˬ tahˬ ma lehˇ ehˇ-euˬ meh. Ehˇ kʼawꞈ ehˇ taˬ-euˬ loꞈ-ehˇ maˬ jaˆ-a.

Iˇsaˬyaˇ 45:20

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ kʼahˬ tsawˇ jeuˬ dawˬ tawˆ luꞈ-oˇ, tiˬ kawˆ loꞈ-ehˇ uiˬ laˇ jiˇ-awˬ. Miˇ kʼahˬ byaˆ-iˇ gaˇ cehˆ buˬ-euˬ tsawˇ haˬ dawˬ tawˆ, laˇ-awˇ bi pyehˆ tseˇ duˬ laˇ sheˇ. Daˇ kawˬ jahˇ-euˬ tahˬ pahˬ aˬ ma mawˇ kawˇ-ahˇ cehˇ gʼa-awˇ, maˬ ka kʼoꞈ nehˬ nya-eu miˬ yehˇ deuˬ-ahˇ guiˬ lahˬ shaˇ-eu, tsawˇ haˬ kʼoeˇ deuˬ dawˇ ga tehꞈ meh.

Iˇsaˬyaˇ 9:9

Iˇsaˬleˬlaˆ tsawˇ haˬ dawˬ tawˆ luꞈ siˬ le tehꞈ-a. Eˇpaˬleˬ tsawˇ jeuˬ hawˇ-eu Saˬmaˬliˆ meuˬ-ahˇ kʼaˇ jawˇ-eu tsawˇ haˬ deuˬ siˬ le tehꞈ-a. Aˬ yawꞈ maꞈ nui ma huiˬ-eu laꞈ kʼoeˇ, heu loꞈ-ehˇ dawˬ kʼaˆ ngehˬ-eu meh.

Iˇsaˬyaˇ 59:14

Yaw tsaˬ yaw dawˇ jeˬ-ahˇ teh dzeh nehˬ-awˇ, yaw muiˬ yaw jaˬ jeˬ dawˬ peh maˬ nyiˬ laˇ nya-a. Yaw tsaˬ yaw dawˇ jeˬ meuˬ lehˆ kawˆ-ahˇ coˬ-iˇ-awˇ, yaw sui yaw dawˇ jeˬ jawˇ duˬ maˬ jaˆ-a.

Iˇsaˬyaˇ 64:6

Aˬ dui dawˬ tawˆ luꞈ iˬ baˇ ahˇ-eu ma. Aˬ dui mˇ-euˬ muiˬ dui dui-eu jeˬ-aˬ, jawꞈ dui dui-eu pehˇ kʼahˬ-ahˇ duˇ-eu meh. Aˬ dui-euˬ iˬ baˇ baˬ da neh aˬ dui yaw dehꞈ dehꞈ-eu, aˇ paꞈ nyoeˬ-iˇ koˆ-iˇ jiˇ-awˇ, jaˬ lehˇ bi baw byoˆ gaˇ duˇ leˇ-eu meh.

Iˇsaˬyaˇ 5:7

Baoˬ huiˬ-eu Sahˬpaˬ Miˬyehˇ-euˬ aˬ gaꞈ yaˇ kmˇ-aˬ, Iˇsaˬleˬlaˆ tsawˇ jeuˬ tsawˇ ca meh. Aˬ yawꞈ neh ka taˬ-euˬ aˬ gaꞈ baw duˆ-aˬ, Yuˇdaˆ tsawˇ haˬ deuˬ meh. Aˬ yawꞈ maꞈ yaw muiˬ yaw jaˬ jeˬ mˇ gaˇ aˬ yawꞈ mawˇ mawꞈ kʼawꞈ, shiˬ laˆ yoeˇ-eu jeˬ aˬ yawꞈ maꞈ mˇ-euˬ meh. Aˬ yawꞈ maꞈ yaw tsaˬ yaw dawˇ laꞈ kʼoeˇ dehꞈ gaˇ aˬ yawꞈ mawˇ mawꞈ kʼawꞈ, bi kʼehˬ bi kʼaˆ-awˇ ngoeˇ-eu teˇ saˇ ya gaˬ-eu meh.

Iˇsaˬyaˇ 28:14

Yeˬluˇsaˬlehˬ meuˬ zaˬ deuˬ-ahˇ uˆ lahˇ luꞈ-eu, nui ma huiˬ-eu tsawˇ haˬ deuˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ sheˇ.

Iˇsaˬyaˇ 59:15

Yaw sui yaw dawˇ jeˬ maˬ jaˆ-eu miˇ neh, yaw haiˬ jeˬ maˬ mˇ-ehˇ byehˇ dzeh-eu deuˬ, aˬ cawˬ kʼehˬ duˬ pyeuꞈ-iˇ-eu meh.” Yaw tsaˬ yaw dawˇ jeˬ maˬ jaˆ gaˇ Sahˬpaˬ Miˬyehˇ mawˇ-awˇ, nui ma tiˬ pawꞈ-iˬ maˬ saˇ-a.

Aˬmoˆ 5:7

Yaw tsaˬ yaw dawˇ jeˬ-ahˇ sheu pyawˆ-awˇ, aˬ cawˬ kʼoeˇ taˆ myawꞈ dzaˬ shuiˇ dzaˬ-eu naw maꞈ deuˬ kʼoeˇ taˆ, dawˇ keuˆ le tehꞈ-a.

Haˬbaˬkuˆ 1:3

Maˬ tsaˬ maˬ dawˇ-eu jeˬ mˇ gaˇ, aˬ jeˬ miˇ neh bi haw laꞈ te. Yaw haiˬ jeˬ hawˇ-eu yaw cawˆ jeˬ, ngaˬ-euˬ mehˬ shi mˇ dui dui-awˇ, iˬ dehˬ iˬ ceh yaˇ kʼaˬ mehˬ dzaˬ, maˬ gui jiˇ coeˇ ni jaˆ luꞈ meh.