Iˇsaˬyaˇ 45:24 - Akha

²⁴ “Aˬ yawꞈ maꞈ heu loꞈ-ehˇ ehˇ tehꞈ-a. Ngaˇ baˬ da neh tehꞈ-ehˇ gʼaˬ leˇ nya-awˇ, ngaˬ-euˬ laꞈ kʼoeˇ tehꞈ-ehˇ gʼaˬ jaˆ-eu meh. Ehˇ kʼawꞈ ngaˬ-ahˇ bye-eu tsawˇ haˬ, myaˆ pyawˬ naˇ mehˇ ya cawˆ tehꞈ-a.

Iˇsaˬyaˇ 45:24 Referans Kwoze

Iˇsaˬyaˇ 41:11

“Naw maꞈ-ahˇ nui ma pehˇ-eu tsawˇ haˬ deuˬ, daˬ ga-awˇ shaꞈ dawˇ-iˇ tehꞈ-a. Naw maꞈ-ahˇ guiˇ deuˆ-eu tsawˇ haˬ, ya shiˇ gaˇ keuˆ tehꞈ-a.

Piˇliˇpiˆ 4:13

Aˬ geu jeˬ keuˆ le-eu maˬ kaˬ, Ka li neh ngaˬ-ahˇ biꞈ laꞈ-euˬ baoˬ-ahˇ gʼoe-awˇ ciˬ daˬ coeˇ ma.

Iˇsaˬyaˇ 54:17

Ehˇ kʼawꞈ, nawˬ-ahˇ laˆ tahˬ laˆ naˇ nya-eu, guiˇ deuˆ-eu keu ka maˬ jaˆ-a. Nawˬ-ahˇ yaˇ kʼaˬ kʼaˇ ja laˇ-eu tsawˇ haˬ deuˬ-ahˇ, nawˇ ja gʼaˬ nya tehꞈ-a. Ngaˬ-euˬ zaˬ kʼaˆ deuˬ-ahˇ ngaˇ haw piˇ-awˇ, gʼaˬ leˇ-eu tsawˇ haˬ bi pyeuꞈ ma” lehˇ Sahˬpaˬ Miˬyehˇ ehˇ-eu meh.

Eˇpeˇsu 6:10

Aˇ saˬ saˬ-eu dawˬ heu loꞈ-ehˇ ehˇ-eu ma. Sahˬpaˬ Yeˬsuˇ-euˬ huiˬ-eu baoˬ-ahˇ gʼoe-awˇ, aˬ yawꞈ laꞈ kʼoeˇ gʼaˬ ahˇ laˇ-awˬ.

Yoˇhaˬ 12:32

Miˇ tsaˬ heu kʼoeˇ taˆ ngaˬ-ahˇ kʼahˬ tuˇ ngeh, tsawˇ haˬ yawˬ gʼaˬ na luꞈ ngaˇ jawˇ gaˇ laˇ ni ngaˇ jahˇ ma.”

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.

Panmaeq 11:18

Nawˬ-euˬ nui pehˇ keuˆ le luꞈ-awˇ, shiˇ-eu deuˬ-ahˇ yaˇ kʼaˬ daˇ-eu aˇ yamˬ keuˆ le taˬ-euˬ miˇ neh, aˬ cawˬ tsawˇ jeuˬ tsawˇ ca kʼoeˇ deuˬ, nui ma pehˇ dui dui luꞈ-eu meh. Miˬyehˇ gʼaˇ duˬ ngehˬ dah nehˬ-euˬ, nawˬ-ahˇ yaw zeu baw-awˇ dehꞈ-eu, nawˬ-euˬ tsawˇ haˬ dawˬ tawˆ luꞈ-ahˇ, huiˬ zaˬ nyiˇ zaˬ maˬ tseˇ paˆ ni, guiˬ lahˬ biꞈ yamˬ keuˆ le-euˬ meh. Miˇ tsaˬ-ahˇ laˆ cawˆ-euˬ deuˬ-ahˇ, laˆ cawˆ kʼoꞈ yamˬ keuˆ le-euˬ meh.”

2 Beˬtuˆluˆ 1:1

Yeˬsuˇ Ka li-euˬ zaˬ kʼaˆ hawˇ-eu gʼaˬ kʼehˇ pyeuꞈ-eu ngaˇ Siˇmoˬ Beˬtuˆluˆ, Miˬyehˇ hawˇ-eu Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ yaw tsaˬ yaw dawˇ jeˬ baˬ da neh nga maꞈ-euˬ jah-eu jeˬ-ahˇ duˇ-eu aˇ poeˬ kʼaˆ dui dui-eu jah-eu jeˬ za taˬ-euˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

Gawˇlawˇsehˇ 1:11

Yawˬ jeˬ na luꞈ-ahˇ naw maꞈ nui ma gʼawˬ mahˇ ni taˬ-awˇ daˬ coeˇ ni, aˬ yawꞈ-euˬ yaw shehꞈ kʼahˬ sehˇ huiˬ-eu baoˬ-ahˇ neh doˆ le-euˬ gʼaˬ baˬ da neh naw maꞈ gʼaˬ kʼaˆ laˇ luꞈ-uˇ. Yaw shehꞈ-euˬ miˇ kʼahˬ laꞈ kʼoeˇ aˬ yawꞈ-euˬ tsawˇ haˬ deuˬ bi jawˇ-eu gʼaˇ duˬ lehˬ hmˬ taˬ-euˬ jawˇ duˬ-ahˇ naw maꞈ jawˇ leˇ nya ni jahˇ nehˬ laꞈ-euˬ Aˬda Miˬyehˇ-euˬ guiˬ lahˬ-ahˇ, laˬ kʼaˬ tiˬ cehˇ ja ceuˬ-awˬ.

Eˇpeˇsu 3:16

Naw maꞈ-euˬ nui ma laꞈ kʼoeˇ gʼaˬ bi ahˇ laˇ ni, Yaw sahˇ Miˬyehˇ-ahˇ gʼoe-eu laꞈ kʼoeˇ aˬ yawꞈ-euˬ byah dui kuꞈ dui dui-eu yaw shehꞈ kʼahˬ sehˇ-euˬ baoˬ naw maꞈ-ahˇ biꞈ-eu gʼaˇ duˬ Miˬyehˇ-ahˇ ngaˇ shaˇ-eu ma.

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

Yoˇhaˬ 7:37

Sehˬ gʼawˆ-euˬ Bawˬ-iˬ gʼeh-eu aˇ saˬ saˬ-eu aˇ nah pyeuꞈ-eu huiˬ dui dui-eu aˇ nah kʼoeˇ nah-ahˇ, Yeˬsuˇ tuˇ -awˇ, teˇ saˇ yaw kʼaˆ kʼaˆ-ehˇ -ehˇ-eu, “Iˇ cuꞈ kʼaˇ mehꞈ-eu tsawˇ haˬ ngaˇ jawˇ gaˇ laˇ-awˇ dawˇ laˇ-awˬ.

Luˇkaꞈ 19:27

Ngaˇ uˆ lahˇ-eu uˬ moˆ maˬ jawˇ mawꞈ-eu ngaˬ-ahˇ muiˇ-eu tsawˇ haˬ deuˬ-ahˇ-aˬ, heu gaˇ sheuˬ laꞈ-awˇ, ngaˬ-euˬ mehˬ shi sehꞈ dzeh-awˬ.”’

Luˇkaꞈ 13:17

Yeˬsuˇ kʼoeˇ loꞈ-ehˇ ehˇ ngeh, aˬ yawꞈ-ahˇ muiˇ-eu tsawˇ haˬ dawˬ tawˆ luꞈ shaꞈ dawˇ-iˇ-euˬ meh. Ehˇ kʼawꞈ, tsawˇ haˬ dawˬ tawˆ luꞈ Yeˬsuˇ neh kʼaˇ mˇ-euˬ zahˬ leˇ paˬ-ehˇ gʼeh-eu jeˬ-ahˇ laˬ kʼaˬ cehˇ-eu meh.

Zaˬkaˬliˇ 10:12

Ngaˬ-euˬ tsawˇ jeuˬ gʼaˬ bi kʼaˆ ma. Ngaˬ-euˬ dawˬ-ahˇ naˇ haˬ geuꞈ-awˇ, ngaˬ-ahˇ uˬ duˬ tahˬ tehꞈ-a” lehˇ, Sahˬpaˬ Miˬyehˇ ehˇ taˬ-euˬ meh.

Zaˬkaˬliˇ 10:6

Yuˇdaˆ nymˇ jiˇ gʼaˬ bi kʼaˆ-awˇ, Yoˇsehˆ nymˇ jiˇ ngaˇ ka kʼoꞈ ma. Aˬ yawꞈ maꞈ-ahˇ gʼawˬ shaˬ gaˬ-awˇ, iˇ kahˇ sheuˬ kʼoꞈ keuˆ jiˇ nehˬ ma. Ngaˬ neh maˬ byehˇ dzeh-euˬ loꞈ-ehˇ, aˬ yawꞈ maꞈ paˇ bi dehꞈ poˆ ma. Sahˬpaˬ Miˬyehˇ pyeuꞈ-eu ngaˇ-aˬ, aˬ yawꞈ maꞈ-euˬ Miˬyehˇ ngeuˇ ma. Aˬ yawꞈ maꞈ neh shaˇ-euˬ shaˇ dawˬ, maˬ byehˇ ni ngaˇ naˇ haˬ nehˬ ma.

Yeˬlaˬmiˇ 33:16

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ jawˇ-eu tsawˇ haˬ deuˬ-ahˇ ka kʼoꞈ nehˬ-awˇ, nui saˇ oꞈ-eu laꞈ kʼoeˇ ya dehꞈ tehꞈ-a. Yeˬluˇsaˬlehˬ meuˬ-euˬ tsawˇ myahˇ-ahˇ, ‘Sahˬpaˬ Miˬyehˇ aˬ dui-ahˇ ka kʼoꞈ-eu gʼaˬ meh’ lehˇ ya kuˇ tehꞈ-a.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Iˇsaˬyaˇ 60:9

Sahˬpaˬ Miˬyehˇ-euˬ tsawˇ haˬ sheuˬ kʼoꞈ ha laˇ-eu gʼaˇ duˬ, gaˇ mahˇ kaˬ gaˇ neh oe-euˬ saˇ baoˬ meh. Tsawˇ jeuˬ dawˬ tawˆ luꞈ aˬ yawꞈ-euˬ tsawˇ jeuˬ-ahˇ taˬ huiˬ ni jahˇ-euˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-euˬ tsawˇ myahˇ-ahˇ taˬ huiˬ taˬ mahˇ nehˬ-eu gʼaˇ duˬ, pyuˇ hawˇ-eu shuiˇ deuˬ aˬ yawꞈ maꞈ yuˇ laꞈ-euˬ meh.

Iˇsaˬyaˇ 55:5

Boeˇ miˬ siˬ kʼaˬ tsawˇ jeuˬ deuˬ-ahˇ nawˇ dawˬ biꞈ tehꞈ-a. Dzeuˇ laˇ ngeh aˬ yawꞈ maꞈ nawˬ-ahˇ maˬ siˬ nya kʼawꞈ, nymˬ-mˇ nawˇ jawˇ paw cehˆ uˇ laˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ gʼaˬ, kʼoeˇ loꞈ-ehˇ pyeuꞈ laˇ ni mˇ ma. Taˬ huiˬ taˬ mahˇ-eu jeˬ hawˇ-eu yaw shehꞈ kʼahˬ sehˇ, naw maꞈ-ahˇ ngaˇ biꞈ ma.”

Iˇsaˬyaˇ 45:25

Yaˬkoˆ-euˬ zaˬ deuˬ uˆ deuˬ dawˬ tawˆ-ahˇ, ngaˇ Sahˬpaˬ Miˬyehˇ ka kʼoꞈ-awˇ, aˬ yawꞈ maꞈ ngaˬ-ahˇ ya ja ceuˬ tehꞈ-a.

Iˇsaˬyaˇ 44:8

Ngaˬ-euˬ tsawˇ haˬ-oˇ, nawˇ taˬ guˆ. Aˇ hu ba neh iˬ nah keuˆ ni kʼaˇ pyeuꞈ laˇ-euˬ jeˬ-ahˇ, ngaˬ neh ehˇ tsehˆ taˬ-euˬ nawˇ siˬ nya-awˇ, nawˇ saˇ kiˇ pyeuꞈ-eu meh. Miˬ yehˇ nui gʼaˬ jawˇ ta siˬ loˇ. Ngaˇ maˬ gaˬ haw-euˬ baoˬ huiˬ-eu miˬ yehˇ nui gʼaˬ paˇ jawˇ ta loˇ.”

Iˇsaˬyaˇ 26:4

Mˬ maˬ maˬ byaˆ zaˇ ziˇ Sahˬpaˬ Miˬyehˇ-ahˇ jah-awˬ. Aˬ dui-ahˇ aˬ yawꞈ aˬ myah luꞈ haw piˇ tehꞈ-a.

Jaceuq 110:2

Nawˇ dzoeˬ dzaˬ-eu baoˬ-ahˇ Ziˇoˬ meuˬ-ahˇ neh, Sahˬpaˬ Miˬyehˇ pyehˬ doˆ gʼeh-awˇ, “Nawˬ-ahˇ muiˇ-eu deuˬ kʼoeˇ taˆ uˆ lahˇ-awˬ” lehˇ aˬ yawꞈ nawˬ-ahˇ ehˇ tehꞈ-a.

Jaceuq 72:9

Kʼaˇ shuiꞈ deh-ahˇ jawˇ-eu tsawˇ jeuˬ deuˬ aˬ yawꞈ mehˬ shi awˆ byaˆ-awˇ, aˬ yawꞈ-ahˇ muiˇ-eu deuˬ kʼaˬ lehˇ lehˇ-iˇ luꞈ-uˇ.

Aˇ dahˬ 49:10

Sahˬ paˬ-euˬ gawˬ yoeˬ-ahˇ aˬ yawꞈ tuˆ tehˬ taˬ-awˇ, Aˬ yawꞈ-euˬ zaˬ deuˬ tiˬ ziˇ saˇ-iˬ tiˬ ziˇ dzoeˬ dzaˬ oꞈ tehꞈ-a. Aˬ cawˬ tsawˇ jeuˬ deuˬ aˬ yawꞈ jawˇ gaˇ pyuˇ shuiˇ myawˬ gahˬ taꞈ ha laˇ-awˇ, Aˬ yawꞈ mehˬ shi awˆ byaˆ-eu laꞈ kʼoeˇ aˬ yawꞈ ehˇ dawˬ naˇ haˬ tehꞈ-a.

Iˇsaˬyaˇ 60:21

Nawˬ-euˬ tsawˇ haˬ dawˬ tawˆ yaw tsaˬ yaw dawˇ jeˬ-ahˇ mˇ-awˇ, mˬ maˬ maˬ byaˆ zaˇ ziˇ miˇ kʼahˬ heu za tehꞈ-a. Ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, aˬ yawꞈ maꞈ-ahˇ ngaˬ neh ka-awˇ, ngaˬ neh mˇ taˬ-euˬ kuiˇ zaˇ laꞈ zaˇ pyeuꞈ-eu ma.

Iˇsaˬyaˇ 61:11

Aˇ yoeˬ-ahˇ aˇ bawˇ dehꞈ laˇ-eu yaw duˬ baw-eu loꞈ-ehˇ, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, aˬ yawꞈ-euˬ tsawˇ jeuˬ-ahˇ ka kʼoꞈ nehˬ-eu yaw duˬ baw-awˇ, tsawˇ jeuˬ dawˬ tawˆ luꞈ aˬ yawꞈ-ahˇ ja ceuˬ tehꞈ-a.

Haˬbaˬkuˆ 3:19

Sahˬpaˬ Miˬyehˇ ngaˬ-euˬ Miˬyehˇ, ngaˬ-euˬ gʼaˬ kʼaˆ duˬ pyeuꞈ-eu ma. Kʼaˬ tsehˆ loꞈ-ehˇ kuiˇ toꞈ ziꞈ-awˇ, yaw goˇ-ahˇ daˆ keuˆ leˇ nya ni, aˬ yawꞈ ngaˬ-ahˇ gʼaˬ biꞈ-eu meh.

Zaˬkaˬliˇ 8:23

Aˇ nah aˇ yamˬ kʼoeˇ keuˆ le ngeh, Yuˇdaˆ tsawˇ haˬ tiˬ gʼaˬ jawˇ gaˇ aˬ cawˬ tsawˇ jeuˬ tseˇ gʼaˬ laˇ-awˇ, ‘Miˬyehˇ nawˬ nehˬ-ehˇ jawˇ meh lehˇ nga maꞈ ya gaˬ-euˬ miˇ neh, nga maꞈ-ahˇ nawˬ nehˬ-ehˇ bi taꞈ laꞈ-awˬ’ lehˇ ehˇ tehꞈ-a.”

Jaceuq 71:16

Dawˬ tawˆ luꞈ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˬ-euˬ baoˬ-ahˇ ngaˇ ja ceuˬ ma. Nawˇ muiˬ-eu jeˬ gaˇ kawˆ ngaˇ ja gaˬ ma. Nawˇ muiˬ-eu jaˬ-eu gaˇ kawˆ tehꞈ-ehˇ ngaˇ ja ma.

Jaceuq 89:17

Nawˇ nga maꞈ-ahˇ aˬ cawˬ tsawˇ jeuˬ kʼoeˇ taˆ bi gʼaˬ leˇ laꞈ-euˬ meh. Nawˬ-euˬ gʼoeˇ-eu gaˬ-eu jeˬ laꞈ kʼoeˇ, nga maꞈ-ahˇ ciˬ tuˇ nehˬ laꞈ-euˬ meh.

Zaˬkaˬliˇ 12:5

Kʼoeˇ ngeh, ‘Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-aˬ, Yeˬluˇsaˬlehˬ meuˬ-ahˇ jawˇ-eu aˬ yawꞈ-euˬ tsawˇ haˬ deuˬ-ahˇ gʼaˬ biꞈ-eu ngaˇ’ lehˇ, Yuˇdaˆ tsawˇ jeuˬ tsawˇ ca deuˬ tiˬ jeuˬ tiˇ jeuˬ ehˇ tehꞈ-a.