Iˇsaˬyaˇ 44:21 - Akha

²¹ Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ-oˇ, gaˇ kawˆ heu-ahˇ nawˇ taˬ ngehˇ. Nawˇ ngaˬ-euˬ zaˬ kʼaˆ pyeuꞈ-eu gaˇ kawˆ-ahˇ taˬ ngehˇ. Ngaˬ-euˬ zaˬ kʼaˆ bi geuꞈ-eu lehˇ nawˬ-ahˇ ngaˬ neh beh-awˇ, nawˬ-ahˇ ngaˇ tiˬ jawˇ-iˬ maˬ byehˇ dzeh ma.

Iˇsaˬyaˇ 44:21 Referans Kwoze

Zaˬkaˬliˇ 10:9

Miˇ kʼahˬ doe ni aˬ yawꞈ maꞈ-ahˇ, ngaˇ teh dzeh-awˇ bi jawˇ-euˬ kʼawꞈ, gaˇ mahˇ kaˬ gaˇ jawˇ byoˆ luꞈ ngeh, yawꞈ maꞈ ngaˬ-ahˇ noeˬ mawˇ tehꞈ-a. Aˬ yawꞈ maꞈ maˬ byoˆ maˬ laˆ ni, zaˬ deuˬ nehˬ-ehˇ tiˬ kawˆ loꞈ-ehˇ, iˇ kahˇ-ahˇ gʼoꞈ doˆ laˇ tehꞈ-a.

Iˇsaˬyaˇ 43:15

Ngaˇ-aˬ, muiˬ-eu shawˇ-eu Miˬyehˇ pyeuꞈ-eu, naw maꞈ-euˬ Sahˬpaˬ Miˬyehˇ ma. Naw maꞈ Iˇsaˬleˬlaˆ tsawˇ haˬ deuˬ-ahˇ ngaˬ neh beh-awˇ, ngaˇ naw maꞈ-euˬ sahˬ paˬ ma.”

Iˇsaˬyaˇ 43:1

Iˇsaˬleˬlaˆ-oˇ, nawˬ-ahˇ beh-euˬ Miˬyehˇ heu loꞈ-ehˇ ehˇ-eu meh. “Taˬ guˆ. Nawˬ-ahˇ ngaˇ ka kʼoꞈ ma. Nawˬ-ahˇ ngaˇ tsawˇ myahˇ kuˇ-awˇ tseˇ-euˬ ma. Nawˇ ngaˬ-euˬ tsawˇ haˬ ma.

Iˇsaˬyaˇ 43:7

Aˬ yawꞈ maꞈ ngaˬ-euˬ tsawˇ haˬ ma. Ngaˬ-euˬ yaw shehꞈ kʼahˬ sehˇ bi doˆ laˇ ni, aˬ yawꞈ maꞈ-ahˇ ngaˇ beh-euˬ ma.”

Iˇsaˬyaˇ 42:23

Dawˬ heu-ahˇ naw maꞈ aˬ suˇ gʼaˬ naˇ haˬ te. Nymˬ-mˇ neh dahˬ beh-awˇ yaw muiˬ paˬ-ehˇ naˇ haˬ ma loˇ.

Dawˬmehˬ 32:18

Yawꞈ maꞈ-ahˇ dehꞈ-eu jeˬ biꞈ-euˬ, ka kʼoꞈ nehˬ-euˬ yaw sahˇ pyeuꞈ-eu, Miˬyehˇ-ahˇ yawꞈ maꞈ ngehˇ-euˬ meh.

Dawˬmehˬ 4:23

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ dzaˬ taˬ-euˬ dawˬ ma saˇ jaˇ-ahˇ naw maꞈ maˬ ya ngehˇ ni yaw kʼaˆ kʼaˆ-ehˇ yahˇ-awˬ. Tahˬ pahˬ aˬ ma mawˇ kawˇ maˬ ya tehˆ-a lehˇ ehˇ taˬ-euˬ aˬ yawꞈ-euˬ zahˇ dawˬ kʼoꞈ dawˬ-ahˇ naw maꞈ naˇ haˬ geuꞈ-awˬ.

Dawˬmehˬ 4:9

Naw maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ, naw maꞈ myaˆ nuiˆ neh ya haw mawˇ yaꞈ-euˬ jeˬ-ahˇ maˬ ya ngehˇ byoˆ ni, yaw muiˬ paˬ-ehˇ yahˇ-awˇ dehꞈ-awˬ. Naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ gaˇ kawˆ kʼoeˇ deuˬ dzawˇ mehˬ nehˬ-awˬ.

Iˇsaˬyaˇ 27:11

Aˇ bawˇ uˬ laꞈ deuˬ gui-iˇ kʼehꞈ-iˇ-awˇ, zaˬ miˬ zaˬ deuˬ miˬ dzaˬ gʼoˆ uiˬ tehꞈ-a. Tsawˇ haˬ kʼoeˇ deuˬ guiˬ lahˬ-ahˇ maˬ siˬ nya-eu miˇ neh, aˬ yawꞈ maꞈ-ahˇ beh-euˬ yaw sahˇ, aˬ yawꞈ maꞈ-ahˇ gʼawˬ shaˬ maˬ gaˬ nehˬ-a.

Iˇsaˬyaˇ 40:27

Teu miˇ neh Iˇsaˬleˬlaˆ-oˇ, nawˬ-euˬ shaˬ zahˬ Sahˬpaˬ Miˬyehˇ maˬ siˬ nya-ehˇ, maˬ tsaˬ-eu jeˬ nawˇ ya daˬ ngeh, ngehˬ maˬ gʼeh laꞈ nga lehˇ aˬ jeˬ miˇ neh nawˇ mahˇ luꞈ te.