Iˇsaˬyaˇ 44:15 - Akha

¹⁵ Aˇ bawˇ tiˬ kʼehˆ miˬ dzaˬ geuꞈ-awˇ, tahˬ pahˬ aˬ ma mawˇ kawˇ pyaꞈ gaˇ tiˬ kʼehˆ geuꞈ-eu meh. Tiˬ kʼehˆ-ahˇ, hawˬ mˇ dzaˇ saꞈ gʼeh-eu gʼaˇ duˬ hawˇ-eu yaw gaˆ lmˇ-eu gʼaˇ duˬ miˬ dzaˬ geuꞈ-awˇ, tiˬ kʼehˆ-ahˇ-aˬ, yawˬ ha uˬ duˬ tahˬ-eu gʼaˇ duˬ tahˬ pahˬ aˬ ma mawˇ kawˇ pyaꞈ geuꞈ-eu meh.

Iˇsaˬyaˇ 44:15 Referans Kwoze

2 Laˬsaˬbaˬ 25:14

Eˬdoˬ tsawˇ haˬ-ahˇ Aˬmaˬziˇ deuˆ gʼaˬ-awˇ gʼoꞈ laˇ ngeh, aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ aˬ yawꞈ yuˇ kʼoꞈ laꞈ-euˬ meh. Tahˬ pahˬ aˬ ma mawˇ kawˇ kʼoeˇ deuˬ-ahˇ aˬ yawꞈ ka tuˇ-awˇ, uˬ duˬ tahˬ-eu laꞈ kʼoeˇ, yaw saw jeˬ doꞈ-awˇ damˬ nehˬ-euˬ meh.

Panmaeq 9:20

Kʼoeˇ smˇ jeˬ neh maˬ bi sehꞈ jiˇ-ehˇ dzeˇ-eu miˇ tsaˬ tsawˇ haˬ zaˬ deuˬ-aˬ, aˬ yawꞈ maꞈ neh mˇ dzeuˇ shaˇ dzeuˇ yaꞈ-euˬ jeˬ-ahˇ maˬ byehˇ dzeh-a. Nehꞈ deuˬ-ahˇ uˬ duˬ tahˬ-eu jeˬ-ahˇ maˬ ehˇ, shuiˇ, pyuˇ, guiˬ shuiˇ, kʼaˬ lo, daˇ kawˬ, heu deuˬ neh jahˇ taˬ-euˬ, maˬ mawˇ nya, maˬ gaˬ nya, maˬ cah nya-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu jeˬ-ahˇ maˬ ehˇ, aˬ yawꞈ maꞈ maˬ byehˇ dzeh-a.

Iˇsaˬyaˇ 45:20

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ kʼahˬ tsawˇ jeuˬ dawˬ tawˆ luꞈ-oˇ, tiˬ kawˆ loꞈ-ehˇ uiˬ laˇ jiˇ-awˬ. Miˇ kʼahˬ byaˆ-iˇ gaˇ cehˆ buˬ-euˬ tsawˇ haˬ dawˬ tawˆ, laˇ-awˇ bi pyehˆ tseˇ duˬ laˇ sheˇ. Daˇ kawˬ jahˇ-euˬ tahˬ pahˬ aˬ ma mawˇ kawˇ-ahˇ cehˇ gʼa-awˇ, maˬ ka kʼoꞈ nehˬ nya-eu miˬ yehˇ deuˬ-ahˇ guiˬ lahˬ shaˇ-eu, tsawˇ haˬ kʼoeˇ deuˬ dawˇ ga tehꞈ meh.

Iˇsaˬyaˇ 44:10

Tahˬ pahˬ aˬ ma mawˇ kawˇ tehˆ-awˇ miˬ yehˇ loꞈ-ehˇ taˬ huiˬ-eu laꞈ kʼoeˇ uˬ duˬ tahˬ-eu-aˬ, tiˬ jeˬ-iˬ gaˇ dahˇ maˬ tsoeˬ-a.

Yaˇ kʼaˬ daˇ 2:19

Ehˇ kʼawꞈ, aˬ yuiꞈ aˬ tsu kʼoeˇ gʼaˬ shiˇ dzeuˇ naˇ, aˬ yawꞈ maꞈ aˬ yawꞈ yaw oeˇ loꞈ-ehˇ paˇ dehꞈ poˆ-awˇ, yaw beh ziˇ naˆ maˬ tseˇ, maˬ muiˬ maˬ jaˬ-eu jeˬ paˇ mˇ-euˬ meh. Miˬyehˇ nui deuˬ-ahˇ uˬ duˬ paˇ tahˬ-awˇ, aˬ yawꞈ maꞈ mˇ luꞈ-eu maˬ muiˬ maˬ jaˬ-eu jeˬ-ahˇ kʼawꞈ, maˬ byehˇ dzeh ni mˇ-euˬ meh.

Iˇsaˬyaˇ 44:14

Shuˬ liˇ aˇ bawˇ maˬ ehˇ, tsuiꞈ kaˆ aˇ bawˇ maˬ ehˇ, guˇ baˬ luˇ aˇ bawˇ maˬ ehˇ, yawˬ ha kʼaˇ geuꞈ mawꞈ-eu jeˬ aˇ bawˇ sahˬ kʼaˆ-ahˇ tuˇ doˆ laˬ-iˇ-eu meh. Maˬ ngeuˇ naˇ, aˇ bawˇ yaw muiˬ jeˬ ka-awˇ, uˬ yehˇ bi yehˇ shehˬ-awˇ huiˬ laˇ gaˇ dawˬ-eu meh.

Iˇsaˬyaˇ 44:16

Aˇ bawˇ kʼoeˇ tiˬ kʼehˆ miˬ dzaˬ kʼehꞈ-awˇ shaˬ jiˇ tehˬ ba dzaˬ-awˇ nui kʼahˇ shiˇ-eu meh. Aˬ yawꞈ yaw gaˆ lmˇ-awˇ, “Yaw gaˆ lmˇ laˇ dui dui nya. Miˬ dzaˬ heu muiˬ dui dui nya” lehˇ ehˇ-eu meh.

Iˇsaˬyaˇ 44:17

Dzeˇ-eu tiˬ kʼehˆ-ahˇ tahˬ pahˬ aˬ ma mawˇ kawˇ pyaꞈ-awˇ, awˆ byaˆ-awˇ uˬ duˬ tahˬ-eu meh. Tahˬ pahˬ aˬ ma mawˇ kawˇ kʼoeˇ-ahˇ aˬ yawꞈ guiˬ lahˬ shaˇ-awˇ, “Nawˇ ngaˬ-euˬ miˬ yehˇ ma. Ngaˬ-ahˇ ka kʼoꞈ nehˬ laꞈ-awˬ” lehˇ ehˇ-eu meh.

Iˇsaˬyaˇ 46:6

Tsawˇ haˬ tiˬ paˆ na deuˬ shuiˇ pehˇ zeuˇ tahˬ kʼaˇ-awˇ, pyuˇ-ahˇ paˆ yawˬ neh saˆ-eu meh. Shuiˇ kʼaˇ-eu tsawˇ haˬ-ahˇ aˇ poeˬ biꞈ-awˇ, tahˬ pahˬ aˬ ma mawˇ kawˇ bi kʼaˇ-awˇ uˬ duˬ tahˬ-eu meh.

Iˇsaˬyaˇ 2:8

Aˬ yawꞈ maꞈ miˇ kʼahˬ-ahˇ tahˬ pahˬ aˬ ma jaˆ byah-awˇ, aˬ yawꞈ maꞈ-euˬ aˬ laꞈ neh tehˆ-euˬ mˇ myawˬ-ahˇ, aˬ yawꞈ maꞈ-euˬ laꞈ noeˇ neh jahˇ-euˬ mˇ myawˬ-ahˇ aˬ yawꞈ maꞈ uˬ duˬ tahˬ-eu meh.