Iˇsaˬyaˇ 42:11 - Akha

¹¹ Kʼaˇ shuiꞈ deh ga hawˇ-eu kʼoeˇ gaˇ jaˆ-eu meuˬ deuˬ, Miˬyehˇ-ahˇ ja ceuˬ-awˬ. Geˬdaˬ tsawˇ haˬ aˬ yawꞈ-ahˇ ja ceuˬ-awˬ. Seˇlaˇ meuˬ-ahˇ jawˇ-eu tsawˇ haˬ deuˬ kʼawꞈ, gawˬ jawˬ uˬ du laˬ kʼaˬ cehˇ-awˇ guˇ-awˬ.

Iˇsaˬyaˇ 42:11 Referans Kwoze

Iˇsaˬyaˇ 32:16

Miˇ kʼahˬ heu yawˬ coeˇ yawˬ na luꞈ, yaw tsaˬ yaw dawˇ jeˬ byah tehꞈ-a.

Iˇsaˬyaˇ 60:7

Geˬdaˬ meuˬ hawˇ-eu Neˬbaˬyoˇ meuˬ-ahˇ kʼaˇ jawˇ-eu yawˇ deuˬ, lawˇ-eu shehˇ-eu gʼaˇ duˬ nawˇ jawˇ gaˇ teh keuˆ laꞈ jiˇ-awˇ, lawˇ duˬ kʼoeˇ taˆ Sahˬpaˬ Miˬyehˇ-ahˇ ya lawˇ nehˬ tehꞈ-a. Sahˬpaˬ Miˬyehˇ aˬ yawꞈ-euˬ Uˬ duˬ tahˬ nymˇ nymˇ ma-ahˇ, dzeuˇ laˇ ngeh naˆ maˬ tseˇ yaw shehꞈ kʼahˬ sehˇ bi huiˬ tehꞈ-a.

Naˬhmˬ 1:15

Gawˬ jawˬ uˬ du oe ka luꞈ-eu, laˬ kʼaˬ cehˇ-eu dawˬ tsaꞈ le-euˬ, dawˬ dzawˇ mˇ-eu gʼaˬ-ahˇ haw yawˬ. Gʼaˬ leˇ-euˬ gaˇ kawˆ dzawˇ-eu lehˇ, aˬ yawꞈ oe ka luꞈ gaˇ haw yawˬ. Yuˇdaˆ miˇ kʼahˬ-oˇ, bawˬ-iˬ gʼeh-awˬ. Naw maꞈ saˇ jaˇ dzaˬ taˬ-euˬ jeˬ, Miˬyehˇ-ahˇ paˇ mˇ kʼoꞈ nehˬ-awˬ. Naw maꞈ-ahˇ muiˇ-eu haiˬ-eu deuˬ, naw maꞈ-ahˇ guiˇ maˬ deuˆ nya ni, laˆ piˬ laˆ byoˆ jiˇ nehˬ-euˬ meh.

Iˇsaˬyaˇ 52:7

Laˬ kʼaˬ cehˇ-eu guiˬ lahˬ dawˬ deuˬ hawˇ-eu, nui saˇ oꞈ-eu dawˬ deuˬ biꞈ le-eu lehˇ, gawˬ jawˬ nyiˬ tsehˆ-ehˇ oe luꞈ-eu, Miˬyehˇ neh kʼehˇ leꞈ-euˬ gʼaˬ-euˬ kuiˇ toꞈ, aˇ naˆ ni muiˬ-eu nga. Gʼaˬ leˇ-eu gaˇ kawˆ aˬ yawꞈ dawˬ dzawˇ mˇ le-awˇ, “Nawˬ-euˬ Miˬyehˇ sahˬ paˬ meh” lehˇ, Ziˇoˬ meuˬ-ahˇ tsaꞈ le-euˬ meh.

Iˇsaˬyaˇ 35:6

Kuiˇ shiˇ gaˇ nyeh nyeh nya laˇ-awˇ, aˬ dzawˬ laˬ kʼaˬ cehˇ-eu dawˬ ngehˬ-awˇ guˇ tehꞈ-a. Koˆ kaˆ ni gʼeh-eu kʼaˇ shuiꞈ deh yaˇ-ahˇ, lawˇ baˬ yoeˇ le tehꞈ-a.

Iˇsaˬyaˇ 21:16

Kʼoeˇ naˇ, Sahˬpaˬ Miˬyehˇ ngaˬ-ahˇ ehˇ-eu, “Tiˬ kʼoꞈ daw law ni byah laˇ ngeh, Geˬdaˬ tsawˇ jeuˬ-euˬ huiˬ-eu yaw shehꞈ kʼahˬ sehˇ, piˬ le byoˆ le tehꞈ-a.

Iˇsaˬyaˇ 16:1

Yeˬluˇsaˬlehˬ meuˬ-ahˇ uˆ lahˇ-eu gʼaˬ jawˇ gaˇ, kʼaˇ shuiꞈ deh yaˇ-ahˇ jaˆ-eu Seˇlaˇ meuˬ-ahˇ neh, Mawˇbaˆ tsawˇ haˬ deuˬ yawˇ zaˬ tiˬ mawˇ laꞈ sawˬ biꞈ gʼeh-euˬ meh.

Jaceuq 120:5

Naw maꞈ nehˬ-ehˇ jawˇ-euˬ-aˬ, Meˬshehˆ miˇ kʼahˬ-ahˇ jawˇ-eu naˆ ni doeˇ-awˇ, Geˬdaˬ tsawˇ haˬ deuˬ-euˬ tsahˬ-ahˇ jawˇ-eu loꞈ-ehˇ shaˬ miˇ-a.

Aˇ dahˬ 25:23

Sahˬpaˬ Miˬyehˇ aˬ yawꞈ-ahˇ ehˇ nehˬ-eu, “Nawˬ-euˬ uˬ maˆ laꞈ kʼoeˇ tsawˇ jeuˬ nyiˬ jeuˬ uˇ luꞈ-eu meh. Tiˬ jeuˬ tiˇ jeuˬ maˬ tsaˬ leˇ-eu tsawˇ jeuˬ nyiˬ jeuˬ-ahˇ nawˇ ya bi dehꞈ doˆ le tehꞈ-a. Tsawˇ jeuˬ tiˬ jeuˬ-aˬ, yawˬ jeuˬ yawˬ naˆ maˬ tseˇ gʼaˬ kʼaˆ dzehˬ tehꞈ-a. Aˬ yuiꞈ gʼaˬ-aˬ, aˬ nyiˇ gʼaˬ-euˬ laꞈ oꞈ ya awꞈ tehꞈ-a.”

Yeˬlaˬmiˇ 49:16

Nawˇ nui ma huiˬ-eu mahˇ-eu jeˬ, nawˬ-ahˇ mehˇ shuiˇ shuiˇ-euˬ meh. Nawˬ neh noeˬ-euˬ loꞈ-ehˇ, aˬ cawˬ tiˬ gʼaˬ-iˬ nawˬ-ahˇ maˬ guˆ-a. Gawˬ jawˬ uˬ du jaˆ-eu lo guˇ uˬ gʼmˬ-ahˇ nawˇ jawˇ-eu meh. Kʼaˬ dzeˇ loꞈ-ehˇ goˇ dui dui-eu tsahˇ-ahˇ jawˇ kʼawꞈ, Sahˬpaˬ Miˬyehˇ nawˬ-ahˇ dehˬ ka nya meh lehˇ, Sahˬpaˬ Miˬyehˇ ehˇ taˬ-euˬ dawˬ jaˆ meh.”

Yeˬlaˬmiˇ 48:28

“Mawˇbaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-oˇ, yawˬ ha jawˇ-eu meuˬ-ahˇ byehˇ dzeh-awˇ, lo guˇ-ahˇ cehˆ jawˇ leˇ-awˬ. Lo kʼahˬ mehˬ kʼehˬ-ahˇ bahˬ bahˬ-eu kʼaˬ kʼoeˬ loꞈ-ehˇ noeˬ gahˇ-awˬ.

Yeˬlaˬmiˇ 21:13

Deh ga gʼahˇ ceh jaˆ-eu lo guˇ loꞈ-ehˇ, Yeˬluˇsaˬlehˬ meuˬ nawˇ deh kʼawꞈ kʼoeˇ taˆ, yaw goˇ-ahˇ nuiˇ luꞈ meh. Ehˇ kʼawꞈ, nawˬ-ahˇ ngaˇ guiˇ deuˆ ma. Nawˇ jawˇ gaˇ guiˇ maˬ deuˆ uˇ keuˆ laꞈ nya-aˇ lehˇ, nawˇ nui ma huiˬ-awˇ lmˬ luꞈ meh.

Iˇsaˬyaˇ 43:19

Haw yawˬ, nymˬ-mˇ ngaˇ yaw shuiꞈ tiˬ jeˬ paˇ mˇ luꞈ-eu ma. Nymˬ-mˇ pyeuꞈ laˇ luꞈ gaˇ naw maꞈ ya mawˇ tehꞈ-a. Bawˇ tsahˬ bawˇ dahˇ-ahˇ ngaˇ gaˇ ma paˇ shaˇ dahˇ-awˇ, naw maꞈ gʼaˇ duˬ lawˇ gawˆ bi yoeˇ le ma.

Iˇsaˬyaˇ 35:1

Kʼaˇ shuiꞈ deh yaˇ laˬ kʼaˬ cehˇ-awˇ, bawˇ tsahˬ-ahˇ aˇ yehˆ poˬ laˇ tehꞈ-a.

Aaˇbaˬdiˇ 1:3

Nawˇ nui ma huiˬ-eu mahˇ-eu jeˬ nawˬ-ahˇ mehˇshuiˇshuiˇ gʼaˬ-euˬ meh. Lo guˇ uˬ gʼmˬ-ahˇ jawˇ-eu nawˇ, gawˬ jawˬ uˬ du ziꞈ luꞈ-eu nawˇ, ‘Ngaˬ-ahˇ gʼeu ka nya nmˇ loˇ’ lehˇ nui ma laꞈ kʼoeˇ lmˬ luꞈ-eu meh.

Iˇsaˬyaˇ 40:3

Teˇ saˇ guˇ doˆ laˇ gaˇ naˇ haˬ sheˇ. “Sahˬpaˬ Miˬyehˇ gʼaˇ duˬ bawˇ tsahˬ bawˇ dahˇ-ahˇ gaˇ ma shaˇ dahˇ-awˬ. Aˬ dui-euˬ Miˬyehˇ gʼaˇ duˬ kʼaˇ shuiꞈ deh-ahˇ gaˇ ma laˆ saˆ-awˬ.

Iˇsaˬyaˇ 12:5

Sahˬpaˬ Miˬyehˇ huiˬ-eu gaˇ deuˬ mˇ-euˬ miˇ neh, aˬ yawꞈ-ahˇ caˇ-awˇ ja ceu-awˬ. Mˬ dzeˇ miˇ dzeˇ doˆ ni, gaˇ kawˆ kʼoeˇ dzawˇ gaˬ-awˬ.

Yeˬlaˬmiˇ 49:31

‘Oe-awˬ. Guˆ kʼaˇ maˬ za ni saˇ lehˆ ni miˇ-a lehˇ noeˬ luꞈ-eu tsawˇ haˬ kʼoeˇ deuˬ-ahˇ guiˇ deuˆ-iˇ kaˇ-euˇ. Aˬ yawꞈ maꞈ-euˬ meuˬ lahˇ kʼehˬ maˬ baw-ehˇ, mawˬ tawꞈ maˬ tawꞈ tehˬ taˬ-euˬ uˬ taꞈ, caw ba nehˬ-eu gʼaˬ maˬ jawˇ ni yaw awˇ laꞈ-ehˇ jaˆ-eu meh’ lehˇ ehˇ luꞈ meh.

Yeˬsaˬgeˬlaˇ 27:21

Aˬleˬbyaˇ tsawˇ haˬ deuˬ hawˇ-eu, Geˬdaˬ miˇ kʼahˬ-ahˇ uˆ lahˇ-eu sahˬ paˬ sahˬ ma deuˬ, yawˇ hawˇ-eu ciꞈ myehꞈ deuˬ teh leꞈ-awˇ, nawˬ-euˬ myawˬ paˇ geuꞈ le-eu meh.