Iˇsaˬyaˇ 41:11 - Akha

¹¹ “Naw maꞈ-ahˇ nui ma pehˇ-eu tsawˇ haˬ deuˬ, daˬ ga-awˇ shaꞈ dawˇ-iˇ tehꞈ-a. Naw maꞈ-ahˇ guiˇ deuˆ-eu tsawˇ haˬ, ya shiˇ gaˇ keuˆ tehꞈ-a.

Iˇsaˬyaˇ 41:11 Referans Kwoze

Doˆ-iˇ 23:22

Ehˇ kʼawꞈ, naw maꞈ aˬ yawꞈ ehˇ dawˬ naˇ haˬ-awˇ, ngaˬ neh kʼaˇ ehˇ taˬ-euˬ yawˬ jeˬ na luꞈ mˇ naˇ, naw maꞈ-ahˇ muiˇ-eu tsawˇ haˬ dawˬ tawˆ luꞈ-ahˇ ngaˇ guiˇ deuˆ ma.

Iˇsaˬyaˇ 45:24

“Aˬ yawꞈ maꞈ heu loꞈ-ehˇ ehˇ tehꞈ-a. Ngaˇ baˬ da neh tehꞈ-ehˇ gʼaˬ leˇ nya-awˇ, ngaˬ-euˬ laꞈ kʼoeˇ tehꞈ-ehˇ gʼaˬ jaˆ-eu meh. Ehˇ kʼawꞈ ngaˬ-ahˇ bye-eu tsawˇ haˬ, myaˆ pyawˬ naˇ mehˇ ya cawˆ tehꞈ-a.

Panmaeq 3:9

Naˇ haˬ-awˬ. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu nehꞈ Saˬdaˬ-ahˇ taꞈ-eu aˇ muˇ kʼoeˇ muˇ-ahˇ, nawˬ-euˬ aˬ kuiˇ dawˬ peh uˬ duˬ bi shaˇ tahˬ laˇ ma. Ngaˇ nawˬ-ahˇ gaˬ-eu gaˇ kawˆ aˬ yawꞈ maꞈ dawˬ tawˆ luꞈ ya siˬ tehꞈ-a.

Gʼaˬkʼehˇ 16:39

Kʼoeˇ miˇ neh, aˬ yawꞈ maꞈ iˇ-awˇ, aˬ yawꞈ maꞈ lehˬ-iˇ-euˬ gaˇ kawˆ ja mehˬ-awˇ aˬ yawꞈ nyaꞈ-ahˇ tahˬ shaˇ-euˬ meh. Kʼoeˇ naˇ, aˬ yawꞈ nyaꞈ-ahˇ pyehˬ nehˬ-awˇ, meuˬ kʼoeˇ meuˬ-ahˇ neh doˆ-iˇ nehˬ laꞈ lehˇ shaˇ-euˬ meh.

Iˇsaˬyaˇ 54:17

Ehˇ kʼawꞈ, nawˬ-ahˇ laˆ tahˬ laˆ naˇ nya-eu, guiˇ deuˆ-eu keu ka maˬ jaˆ-a. Nawˬ-ahˇ yaˇ kʼaˬ kʼaˇ ja laˇ-eu tsawˇ haˬ deuˬ-ahˇ, nawˇ ja gʼaˬ nya tehꞈ-a. Ngaˬ-euˬ zaˬ kʼaˆ deuˬ-ahˇ ngaˇ haw piˇ-awˇ, gʼaˬ leˇ-eu tsawˇ haˬ bi pyeuꞈ ma” lehˇ Sahˬpaˬ Miˬyehˇ ehˇ-eu meh.

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

Doˆ-iˇ 11:8

Moˇseˬ paˇ ehˇ-eu, “ Kʼoeˇ ngeh jawˇ, nawˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ, ngaˬ-euˬ mehˬ shi laˇ-awˇ, aw byaˆ-eu laꞈ kʼoeˇ, ngaˬ-euˬ tsawˇ haˬ dawˬ tawˆ luꞈ sheuˬ-awˇ doˆ-iˇ nehˬ laꞈ-awˬ lehˇ ngaˬ-ahˇ ya shaˇ laˇ tehꞈ-a. Kʼoeˇ sawˇ miˇ tsa teh-ehˇ ngaˇ doˆ-iˇ ma.” Moˇseˬ kʼoeˇ loꞈ-ehˇ dawˬ saˬ saˬ yaꞈ-awˇ, nui ma pehˇ-eu laꞈ kʼoeˇ sahˬ paˬ kʼoeˇ gʼaˬ jawˇ gaˇ neh doˆ-iˇ-euˬ meh.

Zaˬkaˬliˇ 12:3

Ehˇ kʼawꞈ, aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ-ahˇ kah dui dui-eu kʼaˬ lo lo ma tiˬ siˬ loꞈ-ehˇ bi pyeuꞈ laˇ-awˇ, baꞈ diˇ-eu lehˇ kʼaˇ leh jeh-eu tsawˇ jeuˬ aˬ geu jeuˬ maˬ kaˬ, laˆ tahˬ laˆ naˇ tehꞈ-a. Miˇ kʼahˬ tsawˇ jeuˬ dawˬ tawˆ luꞈ gm leˇ-awˇ, Yeˬluˇsaˬlehˬ meuˬ-ahˇ guiˇ deuˆ tehꞈ-a.

Iˇsaˬyaˇ 49:26

Nawˬ-ahˇ kʼehˬ-eu tsawˇ haˬ tiˬ gʼaˬ tiˇ gʼaˬ shaˬ jiˇ dzaˬ ni ngaˇ jahˇ nehˬ-awˇ, jiˇ baˬ yehꞈ-eu loꞈ-ehˇ yawˬ ha-euˬ shiˬ dawˇ yehꞈ tehꞈ-a. Kʼoeˇ naˇ ngaˇ Sahˬpaˬ Miˬyehˇ pyeuꞈ-eu gaˇ kawˆ-ahˇ, tsawˇ jeuˬ dawˬ tawˆ luꞈ ya siˬ duˬ tehꞈ-a. Naw maꞈ-ahˇ ka kʼoꞈ-eu gʼaˬ ngaˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a. Ngaˇ Iˇsaˬleˬlaˆ-euˬ baoˬ huiˬ-eu Miˬyehˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a.”

Iˇsaˬyaˇ 41:29

Miˬ yehˇ heu deuˬ tiˬ gʼaˬ-iˬ gaˇ dahˇ maˬ tsoeˬ-a. Aˬ yawꞈ maꞈ tiˬ jeˬ-iˬ maˬ mˇ nya-a. Tahˬ pahˬ aˬ ma mawˇ kawˇ heu deuˬ yawˬ ngehꞈ pyeuꞈ-awˇ, baoˬ tiˬ pawꞈ-iˬ maˬ ahˇ-a.”

Iˇsaˬyaˇ 29:8

Yeˬluˇsaˬlehˬ meuˬ-ahˇ guiˇ deuˆ-eu lehˇ, kʼaˇ uiˬ laˇ-euˬ tsawˇ jeuˬ dawˬ tawˆ luꞈ, yuꞈ maˆ maˆ ngeh tiˬ dehˆ ya dzaˬ-euˬ kʼawꞈ, hawˬ mehꞈ mehꞈ-eu tsawˇ haˬ-ahˇ duˇ tehꞈ-a. Yuꞈ maˆ maˆ ngeh iˇ cuꞈ tiˬ dehˆ dawˇ-euˬ kʼawꞈ, iˇ cuꞈ mehꞈ-eu tsawˇ haˬ-ahˇ duˇ tehꞈ-a.

Iˇsaˬyaˇ 41:24

Naw maꞈ hawˇ-eu naw maꞈ neh mˇ-euˬ dawˬ tawˆ luꞈ, tiˬ jeˬ-iˬ gaˇ dahˇ maˬ tsoeˬ-a. Naw maꞈ-ahˇ uˬ duˬ tahˬ-eu tsawˇ haˬ deuˬ, nui daˆ daˆ laˇ paˬ-ehˇ gʼeh meh.

Iˇsaˬyaˇ 40:17

Miˇ kʼahˬ tsawˇ jeuˬ kʼaˇ jawˇ kʼaˇ deuˬ dawˬ tawˆ, aˬ yawꞈ mehˬ shi tiˬ pawꞈ-iˬ ehˇ nyaꞈ maˬ nyeuˆ-a.

Iˇsaˬyaˇ 17:13

Iˇ cuꞈ iˇ kʼawˇ oe-eu loꞈ-ehˇ, miˇ kʼahˬ tsawˇ jeuˬ deuˬ oe leꞈ kʼawꞈ, Miˬyehˇ aˬ yawꞈ maꞈ-ahˇ lmˬ ngeh, naˇ kʼah paw cehˆ gʼoꞈ-awˇ, gawˬ jawˬ uˬ du jaˆ-eu kʼaˬ lehˇ, jaˬ lehˇ neh bi baw byoˆ-eu loꞈ-ehˇ, jaˆ guˬ jaˆ gaˆ-ahˇ jaˬ lehˇ lehˇ ma hehˇ dzaˬ gʼeh-eu loꞈ-ehˇ, bi teh byoˆ jiˇ tehꞈ-a.

Iˇsaˬyaˇ 29:5

Yeˬluˇsaˬlehˬ meuˬ-oˇ, nawˬ-ahˇ guiˇ kʼaˇ deuˆ le-eu tsawˇ jeuˬ deuˬ, kʼaˬ lehˇ loꞈ-ehˇ bi baw byoˆ jiˇ-awˇ, guˆ laˇ paˬ-ehˇ gʼeh-eu guiˇ maꞈ kʼoeˇ deuˬ, gʼo yoeˬ loꞈ-ehˇ bi baw dzeh jiˇ tehꞈ-a. Maˬ noeˬ maˬ duˇ-euˬ laꞈ kʼoeˇ ja pyuˬ ni,

Iˇsaˬyaˇ 29:7

Miˬyehˇ-euˬ lawˇ duˬ jaˆ-eu meuˬ-ahˇ guiˇ deuˆ le-euˬ, miˇ kʼahˬ tsawˇ jeuˬ-euˬ guiˇ maꞈ deuˬ hawˇ-eu, aˬ yawꞈ maꞈ-euˬ guiˇ deuˆ-eu keu ka ahˇ leˇ-ehˇ, uˬ ciꞈ yuꞈ maˆ mawˇ-awˇ myaˆ toˆ toˆ-euˬ loꞈ-ehˇ, yawˬ jeˬ na luꞈ ya cawˆ-iˇ jiˇ tehꞈ-a.

Iˇsaˬyaˇ 34:12

Miˇ kʼahˬ kʼoeˇ kʼahˬ-ahˇ dzoeˬ dzaˬ-eu sahˬ paˬ maˬ jawˇ-ehˇ, sahˬ paˬ sahˬ ma deuˬ maˬ baw ni pyeuꞈ-iˇ tehꞈ-a.

Iˇsaˬyaˇ 40:2

“Yeˬluˇsaˬlehˬ meuˬ-ahˇ jawˇ-eu deuˬ-ahˇ gʼaˬ biꞈ nehˬ-awˬ. Aˬ yawꞈ maꞈ shaˬ zahˬ mˇ luꞈ-eu myahˇ laˇ-awˇ, nymˬ-mˇ aˬ yawꞈ maꞈ-ahˇ iˬ baˇ pyehˬ nehˬ-euˬ ma. Aˬ yawꞈ maꞈ neh mˇ-euˬ iˬ baˇ aˇ poeˬ, oꞈ-eu geuˇ-eu loꞈ-ehˇ kʼehˬ gʼaˬ kʼaˆ gʼaˬ-euˬ ma.”

Iˇsaˬyaˇ 54:15

Tsawˇ haˬ tiˬ gʼaˬ na nawˬ-ahˇ guiˇ deuˆ laˇ naˇ, ngaˇ nui ma maˬ tsaˬ gaˇ ceh le-eu meh. Nawˬ-ahˇ kʼaˇ ceh laˇ-eu deuˬ ya coˬ-iˇ tehꞈ-a.

Yeˬlaˬmiˇ 2:3

Iˇsaˬleˬlaˆ nawˇ nui gʼaˬ-ahˇ maˬ taꞈ. Nawˇ-aˬ shawˇ jehˆ ni gʼeh-eu ngaˬ-euˬ myawˬ gahˬ ma. Nawˬ-ahˇ laˆ coeˬ laˆ ciˆ laˇ-eu tsawˇ haˬ kʼoeˇ taˆ, luˬ-iˇ seˇ-iˇ-eu jeˬ ngaˇ pyehˬ gʼeh-euˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Doˆ-iˇ 12:29

Uˬ ciꞈ sehˇ gʼahˇ ceh laˇ ngeh, sahˬ paˬ geuꞈ-eu gʼaˇ duˬ jeˬ biˇ oꞈ-eu sahˬ paˬ-euˬ aˬ li-ahˇ neh, paꞈ kuˆ-ahˇ uˇ luꞈ-eu tsawˇ haˬ-euˬ aˬ li-ahˇ keuˆ ni, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ-eu dehꞈ beh beh le-euˬ aˬ li aˬ yuiꞈ deuˬ shiˇ jiˇ-euˬ meh. Jeˬ zaˬ deuˬ laꞈ kʼoeˇ dehꞈ beh beh le-euˬ deuˬ kʼawꞈ, shiˇ jiˇ-euˬ meh.

Iˇsaˬyaˇ 49:25

Sahˬpaˬ Miˬyehˇ ehˇ kʼoꞈ nehˬ-eu, “Kʼoeˇ loꞈ-ehˇ gʼeh-eu jeˬ maˇ maˇ ni pyeuꞈ doˆ laˇ tehꞈ-a. Yehˇ neh paꞈ taˬ-euˬ tsawˇ haˬ bi sheuˬ kʼoꞈ geuꞈ-awˇ, guˆ laˇ paˬ-ehˇ gʼeh-eu gʼaˬ neh deuˆ za-euˬ myawˬ gahˬ deuˬ bi ceh geuꞈ jiˇ tehꞈ-a. Nawˬ-ahˇ guiˇ kʼaˇ deuˆ-eu deuˬ-ahˇ ngaˇ guiˇ deuˆ-awˇ, nawˬ-euˬ zaˬ deuˬ-ahˇ ngaˇ ka kʼoꞈ nehˬ ma.

Yeˬlaˬmiˇ 12:17

Ehˇ kʼawꞈ, maˬ naˇ haˬ geuꞈ-eu tsawˇ jeuˬ-ahˇ ngaˇ puˇ ngawˬ ngawˬ lehˆ doˆ-awˇ laˆ cawˆ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”