Iˇsaˬyaˇ 40:20 - Akha

²⁰ Pyuˇ shuiˇ maˬ sahˇ-eu tsawˇ haˬ deuˬ, maˬ peuˬ-iˇ-eu aˇ bawˇ daˇ kawˬ poˆ-awˇ, laꞈ myawˬ laꞈ muˆ nya-eu deuˬ-ahˇ kʼehˇ-awˇ, maˬ coˬ-iˇ nya-eu tahˬ pahˬ aˬ ma taꞈ-eu meh.

Iˇsaˬyaˇ 40:20 Referans Kwoze

Iˇsaˬyaˇ 46:7

Tahˬ pahˬ aˬ ma mawˇ kawˇ kʼoeˇ-ahˇ baꞈ pu kʼoeˇ taˆ baꞈ-awˇ, baꞈ ka-awˇ baꞈ tuˇ taˬ ngeh, maˬ luˆ maˬ laˆ nya ni aˬ yawꞈ tsahˇ-ahˇ jaˆ-eu meh. Aˬ yawꞈ-ahˇ guiˬ lahˬ shaˇ leˇ kʼawꞈ, dawˬ maˬ ngehˬ kʼoꞈ nya-ehˇ, guˆ-eu gaˆ-eu laꞈ kʼoeˇ maˬ ka kʼoꞈ nehˬ nya-a.

Iˇsaˬyaˇ 41:7

Laꞈ saˇ maˇ deuˬ, shuiˇ myawˬ guˇ tehˆ-eu deuˬ-ahˇ, nya dui dui nga lehˇ ciˬ poeˬ nehˬ-eu meh. Tahˬ pahˬ aˬ ma mawˇ kawˇ seuˆ juˇ-eu gʼaˬ, shmˇ sehˬ taꞈ myahˬ-eu gʼaˬ-ahˇ ja ceuˬ nehˬ-eu meh. Shaˬ ciˬ toeˬ-euˬ muiˬ dui dui nga lehˇ aˬ yawꞈ maꞈ ehˇ-awˇ, shmˇ sehˬ neh tahˬ pahˬ aˬ ma mawˇ kawˇ-ahˇ, ziꞈ dah ni taꞈ tsoꞈ jiˇ-eu meh.

Daˬyeˬlaˇ 5:23

Mˬ taˆ Sahˬpaˬ Miˬyehˇ-ahˇ nawˇ jahˇ gʼeh haw-eu laꞈ kʼoeˇ, aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ jaˆ-eu kʼmˬ maˬ deuˬ nawˇ yuˇ ahˇ laꞈ-awˇ, nawˇ hawˇ-eu nawˬ-euˬ gaˇ mˇ-eu sahˬ paˬ sahˬ ma deuˬ, nawˬ-euˬ miˬ zaˬ deuˬ hawˇ-eu ma nyiˇ deuˬ, aˬ gaꞈ dzaˇ uiˇ kʼaˇ ahˇ-awˇ dawˇ dawˇ-ehˇ, naˬ bawˇ maˬ gaˬ nya, myaˆ nuiˆ maˬ mawˇ nya-eu tiˬ jeˬ-iˬ maˬ siˬ nya-eu miˬ yehˇ deuˬ pyeuꞈ-eu, shuiˇ, pyuˇ, guiˬ shuiˇ, shmˇ, daˇ kawˬ, kʼaˬ lo, heu deuˬ neh jahˇ taˬ-euˬ miˬ yehˇ deuˬ-ahˇ ja ceuˬ-euˬ meh. Ehˇ kʼawꞈ, nawˬ-ahˇ toeˬ dehꞈ toeˬ shiˇ nya-awˇ, nawˇ kʼaˇ mˇ kʼaˇ shaˇ-eu yawˬ jeˬ na luꞈ-ahˇ tuˆ tehˬ luꞈ-eu Miˬyehˇ-ahˇ nawˇ maˬ taˬ huiˬ-a.

Iˇsaˬyaˇ 44:12

Shuiˇ tehˆ-eu tsawˇ haˬ-aˬ, shmˇ shmˇ byaˆ yuˇ-awˇ, miˬ dzaˬ-ahˇ baw baw neˇ-awˇ tehˆ-eu meh. Gʼaˬ kʼaˆ-eu aˬ yawꞈ-euˬ aˬ laꞈ diˬ puˬ-ahˇ tuˆ tehˬ-awˇ, shmˇ-ahˇ mawˇ kawˇ tehˆ pyeuꞈ-eu meh. Aˬ yawꞈ kʼoeˇ loꞈ-ehˇ mˇ ngeh, hawˬ mehꞈ, iˇ cuꞈ mehꞈ-eu baw-awˇ, gʼaˬ doeˇ kʼawꞈ doeˇ-eu meh.

Daˬyeˬlaˇ 5:4

Aˬ yawꞈ maꞈ aˬ gaꞈ dzaˇ uiˇ dawˇ dawˇ-ehˇ, shuiˇ, pyuˇ, guiˬ shuiˇ, shmˇ, daˇ kawˬ, kʼaˬ lo heu deuˬ neh jahˇ taˬ-euˬ miˬ yehˇ deuˬ-ahˇ ja ceuˬ-euˬ meh.